南記粉麵 (黃埔天地奇妙坊)

營業中

休息中

價錢係平, 但河粉好散 一夾就散可能佢煮果陣浸得太耐之後魚卷果D都叫OK, 味道正正常常但魚蛋真係差, 係叫彈牙但有腥味所以平就係平, 但味道差好多環境方面都OK, 乾淨 係魚蛋唔得

久違了既南記真系好耐好耐無食呢日行完黃埔經過，想食佢既招牌春卷米線入到黎點左佢既招牌春卷小窩米線，酸辣湯底少辣餸份量：4條春卷，煎得剛剛好，咬落去，夠彈牙咬左啖，再浸下湯底，食索埋湯底d味，正麵份量：剛剛好飽，湯底足料有酸菜+韮菜+芽菜+腐皮味道：酸辣湯底，酸酸辣辣夠開胃，酸菜少少既酸味，酸甜適中，中和左湯底dd既辣，鐘意食得辣又食得太辣既人，碞碞好朋友就點左個清湯湯底既魚肉春卷加貢丸河粉另點炸片頭同豆漿,加埋$5x一個餐算係幾抵食，份量好足，料亦算多朋友叫咗碟跟左炸片頭同豆漿小食同我分享，係全晚嘅亮點，炸片頭係熱嘅，好脆口彈牙整體黎講，滿意呢餐辛辣辣既米線，保持到水準

有天有工程到來這邊，想不到很快便完結，大家都有點懸在半空，不知到哪消磨般於是我走走，不算太久之前來過這間南記，這天發現，室內裝潢已經又再改變了，沒有了之前奇奇怪怪中間放卡位那個擺設，但其實都不見得座位多了。星期六的下午茶時段來到，都發現人流不多，可能畢竟紅磡黃埔區比較多食肆吧，但是我們大埔區畢竟沒有南記，因此看見還是蠻掛念的。又點個單拼春卷米線下午茶，米線都算有嚼勁，不算煮得太林啦，四條春卷才能滿足我的願望，春卷還算是即炸，即使放到湯中都沒有浸到軟林林，外皮還有輕微脆，魚味香濃，實屬平價下午茶不錯的選擇。

今早去睇皮膚醫我生掛號後去食早餐，因為醫生未返，我前面有10幾位病人排隊有驚喜早餐太多選擇和配搭最後我選我至愛魚腐春卷河粉配生菜魚皮餃好味最愛清湯底，可加潮州辣椒油份量大，非常飽只是＄26可惜豆漿太甜

一直都不是魚肉春卷的fans，但最近很多人提及雄記粉麵的魚肉春卷，忍不住來南記過口癮。剛好到了下午茶時間，原來南記的下午茶餐都好抵，於是叫了春卷墨丸米加豆漿。不知是否太耐沒吃過，春卷和墨丸都差了很多，咬下去沒鮮味，像嚼著肥豬肉一樣下了辣椒油也幫助不大..最後吃淨了不少

在疫情之下我來到南記食下午茶我用了朋友給我的優惠券，叫咗個招牌米線。 有魚蛋，牛丸，炸春捲，米線， 可樂走冰和優惠券送的半份生菜，總共二十六元。在我滿心歡喜享用價廉物美的下午茶時， 隔開一張枱有一個婆婆一路食一路起痰， 間唔中咳兩聲， 我心中開始有點兒不安。我心諗， 而家咩情況啊? 好心就唔好大庭廣眾咳。 但我冇勇氣鬧佢， 亦唔夠灑脫捨棄自己未食完的招牌米線。 於是我唯有安撫自己只係過份緊張，繼續戰戰兢兢地用餐。過了一會兒，有一對中年夫婦來叫嘢食。 老婆問有冇coke zero， 收銀話冇， 佢老公話可以叫豆漿。 老婆就話要返普通可樂。 我心諗個老公係咩邏輯？ 豆漿是如何可以取代coke zero? 或者這就是老夫老妻相處之道，為著對方健康而著想。佢老婆點完餐坐低之後， 到佢老公點餐突然她見到了海報推介的薏米水。 於是就叫老公飲個薏米水， 老公說要加七蚊的，安坐了的老婆說冇問題。 薏米水來到時老婆亦開心的啜了幾啖。當我差不多吃完了的時候, 遠處一個小男孩向我定睛，我嘗試避開他的目光卻輾轉來回又折返。 心諗，難道我這中年大叔還有一絲的魅力， 令你長大後都想像我帥氣十足的吃米線嗎？他跟媽媽

南記近期推出左蕃茄仔系列，早餐有迷你蕃茄仔粉麵，配撈腸粉，加豆漿、咖啡或茶都只是$30～～蕃茄仔湯粉可選配肥牛或招牌魚春卷，保留招牌菜之餘亦為品牌注入新血，吸引年青人幫襯！

Rice noodles is super popular among Hong Kong people. This place really stands out because of their springroll. It is even in their name, the spring rolls here is not that we know. It has a fried tofu exterior and in the inside i am guessing squid ball? Anyways it is super good, chewy in the middle and the tofu skin exterior is just much better then regular old flour or wonton wrappers. I also had the fried spring roll bites on the side as well, the crisp exterior really elevate it to an whole a

入面食既野同一般食魚蛋粉既茶記冇咩分別，主要都係雜丸加個粉，可以加個豆漿配個菜咁，同茶記唔同既地方係，茶記係由伙記幫你落餐到送餐都唔洗郁，反而南記係去COUNTER落單，再自己去拎餐，慳返人手，但價錢唔會比茶記平。食物方面唯一有特色少少既係有個蕃茄湯底，但其實依家周圍都有。因為名氣大所以先打算去試下，試完都係不外如是，有機會都係食返茶記等人SERVE自己，價錢又平ｄ，同埋茶記有伙計行黎行去甚至會傾下計，果種人情味同南記快餐式食法冇得比。

做完野 黎左南記食碗麵先佢個下午茶餐真係好抵$26 有三野送（春卷 牛丸魚片）每款仲要有兩件 要加埋杯細豆漿 真係超值仲嗌左春卷脆粒同炸牛丸牛丸有芽菜墊底，加咗啲椒鹽，唔錯 但係我覺得唔炸好食啲juicy d春卷脆粒真係好好味呀入邊好煙un 外面炸得脆脆地 都係加埋椒鹽好味

招牌河：河粉有牛丸、魚蛋、春卷單以價錢嚟睇真係非常抵，但佢嘅河粉真係非常之軟弱，每用筷子夾啲河粉都會係咁斷...攪到最後要用匙更先食到。而春卷照舊都好好味，但湯底就好多味精，食完非常口渴。

今晚收9點，又倦又肚餓，已經無腦力諗食乜。坐地鐵回家，一出地鐵站就見到南記，好啦，裝俢完都無食過，食碗粉就回家休息！艇仔粉+木魚底湯，套餐包埋一杯雙檸可樂，仲送一包魚皮，好抵食！特別是雙檸可樂是用檸檬+咸柑桔，完全估唔到，第一淡好似有點怪，飲下飲下又幾好飲，面都未食完，可樂已經被ko了！

南記粉麵出名平靚正~ 所以喺lunch time時段都見好多上班族去食！我都唔例外，今次叫咗個雙併有營套餐，配料揀咗春卷同埋魚片，轉咗米線！南記嘅春卷真係真心好好食，其他米線店絕對冇得同佢比！我次次嚟親其中一個餸都會order返春卷，另一款就隨心，南記嘅春卷同普通係酒樓食到嘅炸春卷係唔同嘅，南記係用魚肉做餡，再加啲獨門秘方調味，而個腐皮可以浸埋湯食！正！呢個套餐可以揀埋一種蔬菜，我揀咗蠔油生菜！要細豆漿仲唔使加錢添呀！

成日都想試吓食南記，終於都有機會試啦，叫咗兩個小窩套餐，就咁睇個份量都幾多👍👍第一個，牛魔王小窩套餐米線轉番茄湯底$56，有牛丸肥牛牛腩，材料有好多，好豐富。我鍾意佢個番茄湯底，好飲！第二個餐就係雙拼小窩套餐$60 ，都係叫米線配左魚片頭，魚片頭有成五塊咁多。如果想平了我就揀咗春卷同魚餃，不得不讚嘅係個春卷真係好好食，果然名不虛傳！我覺得呢個雙拼套餐都算幾抵因為都有好多嘢食下👍套餐仲可以加多一杯免費嘅嘢飲我哋都叫咗細豆漿，下次我都仲係會嚟幫襯呢一間😋😋

我每一次出外旅遊，都總係會掛住南記同埋譚仔😳雖則兩間都係普通連鎖粉麵店，不過唔知點解覺得佢地都比到我嗰種香港風味同埋家的味道😂知道香港仔嗰邊有正宗艇仔粉，但係實在唔就腳到依家都仲未有機會去試，見南記最近出左艇仔粉，搵佢幫我暫時頂住癮先🤪▪️ 艇仔粉套餐 💲原價 53；換購價 4原來前排仲要有兩日推廣，買任何粉麵加$4去買呢個艇仔粉套餐換領卷，屋企人見我想食就將換左返黎既幾張卷全部比曬我🤔呢日又外賣左個艇仔粉套餐返歸，佢幫我分開左湯同埋其他餸🤗個湯係用左大地魚去煲，飲落都尚算清甜，無話好重味精既，有爽口彈牙既魚片、魚片頭、生菜🥬另外有香口既青蔥、魚乾仔、略嚡既薄身叉燒、招牌春卷，配以河粉🍲仲有得要炸魚皮或者叮叮糖，揀左前者但係唔記得左影，食落頗為脆身既🤓雙檸樂就係鹹檸檬、檸檬加可樂，不過飲左幾次都覺得佢個鹹檸檬係有啲過鹹🙈🔎 整體評分（7/10）