南豐餐廳

營業中

休息中

📍Shop G1, Ground Floor, Regent Mall, No. 80 Hongguang Road, Kowloon Bay九龍灣宏光道80號麗晶商場地下G1號舖Whether you're a local or a visitor, this restaurant promises a memorable meal with its diverse offerings.1. Fried squid with seasonal vegetables 時菜炒鮮魷 🦑🫛$94👍👍One of the standout dishes at Nanfeng Restaurant is the Fried Squid with Seasonal Vegetables. The squid is perfectly cooked, maintaining a tender texture that pairs wonderfully with the fresh, crisp vegetables. The dish is well-seasoned, allowing the

啓德零售館區最近開幕，行完園區後順便行去麗晶個邊覓食!餐廳門口擺滿燒味，有燒鵝、燒肉、油雞、白切雞、叉燒、乳豬等。燒味可以堂食或者外賣成隻返屋企食都得。燒鵝瀨粉是名物之一，每碗約有6至8塊鵝肉，咬下去啖啖肉，充滿鵝油香。瀨粉則無比爽滑，口感勁道有彈性，再喝上一口清甜的高湯，味蕾就這樣被一碗簡單的瀨粉徹底喚醒。 吃燒鵝吃鵝乸比較肥美，左脾又比較有口感髀皮脆，肥瘦適中有油香，肉味濃郁亦尚算嫩滑，加埋店方秘製的燒鵝汁，味道特別香濃，佐飯一流。

講到香港特色，梗係香港嘅茶餐廳。今日就嚟到九龍灣麗晶嘅一間茶餐廳，佢哋開業已經好多年，一直都屹立不倒，好多街坊捧場。今日去到嘅時間係兩點左右，已經有下午茶套餐可以選擇。我同朋友一共就叫咗兩個餐，另外加咗份多士，已經飽到捧住個肚。燒味撈粗麵（燒肉+沙薑雞） $55燒味飯就好多茶餐廳都有，但係撈粗麵就真係唔多地方見到。今次就叫咗佢嘅砂礓雞同脆皮燒肉，沙薑雞沙薑味好濃郁，而且份量都唔少。脆皮燒肉個皮好脆，而且仲要完全冇骨，非常讚啊☺️。沙嗲炒豬頸肉出前一丁 $50有時梗係要食吓啲邪惡嘅嘢，今日就選擇咗豬頸肉出前一丁，好有鑊氣，而且份量都好多，完全唔怕下午茶食唔飽。麵條炒得好乾身，但係又唔會變咗橡筋，睇得出師傅好有經驗💙。芝士西多士 $32唔係周圍都有得食西多士，佢哋仲要有好多唔同味道選擇，今日就揀咗我最鍾意嘅芝士，配埋糖漿同牛油油，簡直完美🙂‍↕️🙏🏻。

買外賣叉燒，收銀話最少要買$65，於是就買$65，回家打開一看，感覺上唔似$65的份量，於是用秤連盒秤了一下，是8.3両，扣番個盒當8両，一斤16両計，即係話一斤叉燒盛惠$130

去完九龍灣運動場，去咗附近屋苑食個下午茶。呢間餐廳都幾乾淨。原本正考慮緊食雞髀沙律，還是雞髀薯條，點知餐牌有一個叫做雞髀沙律薯條，完全滿足晒我所有要求，就叫佢啦～炸雞髀沙律薯條 $46餐飲我叫咗杯奶茶，味道唔錯啊。不過如果可以有代糖供應就更加好😬黎到主角雞髀沙律薯條，主角雞髀炸得有點乾，不過塊雞皮真係好脆好好食，如果100分我就比60啦，都叫做合格。另外，薯條就真係炸得好好味，同埋個沙律都超級好味。

話說買「一條紅腸走汁」 外賣，收銀收47。 行到埋櫃檯拎，師傅俾得半條，大大個外賣盒，又照淋咗汁。 我問佢：我叫一條㗎、走汁。 師傅大大聲話47係例牌！你要一條無所謂咪！咪照秤囉！ 見佢跟手倒返走啲汁就算。 心諗你內部無溝通、收銀無聽人講嘢、師傅無睇單，仲要甘大聲話個客。真係威！無下次！垃圾！

去到餐廳唔知食咩好 就叫左個清清地既蝦仁炒蛋飯 碟飯上枱個下有驚艷到 啲蝦仁勁大粒 出面食蝦仁好少見咁大粒😍 碟飯望落✨好吸引 食落就好有鑊氣 蛋好滑溜 蝦仁就好彈牙 唔怪得餐廳成日都咁多人😆

魚香茄子好夠鑊氣火候🔥 適合送飯 味道還過得去 但係油比較多 不過 也正常油不多就弄得味道不好 肉粒茄子🍆都值得好霖好入味 如果10分滿分都有8分順德爆魚腩火候差d雖然出到黎熱辣辣 相對於魚腩來說我還是喜歡魚香茄子 肉質霖唔會炸過feel 可以接受通菜十分快手清盤 但係好多豆腐乳 有些許鹹 不算太油膩 雜菌菇比較清淡素材 旨在可以調和油膩 味道清淡相對於通菜黎講 可以說十分清 但係健康 有家常菜感覺 菜量算多

同媽媽睇完中醫有點晚吾想媽媽太辛苦決定外出吃秋冬系列當然叫個臘味炒糯米飯賣相算是不錯，不過食落似炒飯多點🤦🏼‍♀️🤦🏼‍♀️材料很多麻婆豆腐家裡很小煮這個餸有豆腐，肉碎，炸菜，紅西椒肉碎咸了一點鳳梨咕嚕肉冇得輸熱杏仁霜今晚帶點涼意叫左杯熱飲平時餐廳到小有杏仁霜叫左3樣野小菜都包白飯，例湯或熱飲 凍飲+$31例湯 1杯凍檸檬茶 1熱杏仁霜叫左個糯米飯，諗住吾會再上2碗白飯最後都係照上了，不過爸媽喜歡用白飯配麻婆豆腐🤣🤣佢地話甘樣先好食

聽啲朋友講，南豐啲燒味係自家燒製，咁去完九龍灣運動場，就去試吓先。為咗乜嘢燒味都可以試少少，我哋就叫咗二碗四寶瀨粉$60。今日嘅四寶係鹹蛋、叉燒、燒肉、同埋紅腸。平時燒肉係油雞，係今日老闆肯俾我選擇。我一定要讚個燒肉，應該真係新鮮燒，因為個燒肉皮係卜卜脆，雖然話減肥，但係都忍唔住食咗幾片燒肉皮。我哋另外加$8，叫咗凍奶茶同埋凍咖啡。南豐啲奶茶，茶味唔錯。好難得茶餐廳有瀨粉，我真係好耐未食過，今日一定要試。埋單總共$136，但係真係有好多餸同埋好大碗瀨粉，食得我哋好飽🤩

南豐餐廳 @ 九龍灣麗晶❤️高質屋苑茶餐廳最緊要係白飯煮得好食南乳粗齋煲$65呢個好好食🤤粉絲好索汁 撈飯一流剁椒蒸魚雲$92其實即係魚頭 上次多d肉今次骨多過肉 不過都好惹味

約咗一班朋友去九龍灣單車公園踩單車，附近因為冇乜食肆，所以我哋就去咗依間餐廳食早餐。餐牌有好多早餐種類選擇，我哋叫咗個最經典嘅醒神麵餐$36。我揀咗自己最鍾意食嘅太陽蛋同腸仔，隻太陽蛋好正，見到都好開心😃老公就揀咗煎蛋同午餐肉，佢都話OK。麵食方面，我哋都叫咗叉燒一丁，出前一丁好好味，但係個叉燒就好似係隔夜叉燒，有啲硬同埋乾身😭餐飲叫左奶茶，都有茶味，好滑，確實唔錯。最後要一讚餐廳嘅座位，枱唔枱之間有膠布隔開，防疫措施做得很好。

疫症期間 ，個個都要外賣，今晚就揀咗間無良茶餐廳，晚市叫外賣，支竹豆腐火腩套餐。得一嚿火腩勉强擺得落口，其餘7嚿全部肥膏，衰過下欄，已退回告知，話炒過，算吧啦，見外賣咁樣執碼！無良到極！堂食你敢攞比客食？

南豐一向是我的飯堂，對於一個茶餐廳來說，食物不錯，價格亦算合理，一星期最少有3-4次的光顧。但過了今天，相信以後也不會再光顧了，我亦要寫我第一個食評，以抒發心中的不滿，今天叫了外賣，2個粉麵，加一個油菜。餐牌上寫明嗌粉麵加油菜是加12元，但收銀員收了油菜20元。向收銀員查詢原因，她說外賣油菜要收正價20元。我說我之前買了很多次外賣，每次都是收12元的。收銀員說之前不是她收錢，其他人不知道外賣應該是正價的。她又說：「如果唔想要，可以幫我取消個油菜」，講到好似係我的錯。我說8元我可以支付，只是餐牌根本沒有寫明外賣要收正價，收銀員聴到後也無話可說，只是說可以收我便宜一點16元。這算是什麼？我當然不會接受，20元我照付。個人覺得如果餐廳要外賣堂食收取不同的價錢當然是可以的，顧客自己決定。但若只有收銀員知道外賣及堂食的價錢，餐廳的其他同事及顧客不會知道，本人便覺得很有問題了🤬

近期都少了外出用膳，這天，終於有機會。來到以前都間中會來的麗晶花園，以前有些大排檔，亦都有些餐廳在外邊，原來麗晶花園還有僅存一間椰林閣。除此之外，這兒還有翠河，旁邊就有這間南豐餐廳，內裏都是大大間，有各式下午茶炒粉麵飯，或是菠蘿油麵包或是炸雞脾沙律等等。有些友人都在說麵條恐防會比較乾，又或是炒公仔麵比較乾旱，但是友人還是點了，我偷了兩箸，感覺鑊氣也不錯，有少許焦味，味道都不錯的。雖然同行友人不少人表示叉燒不錯，但是我看上去，好像有點太乾太瘦，換轉是我，一定又會叫肥叉燒，感覺應該會比較好。眾人皆選我獨挑，通常我都未必會吃大家都喜歡吃的東西，於是點了一個炸雞脾沙律，炸雞脾，體積也不算太少，但比起上次在青衣的賓墟餐廳，雞脾不算太過肥美，亦都不算太大隻，雞脾肉還算滑溜，不會太乾，雞皮都不算太肥膩，薄薄的雞皮，炸到香脆，味道也不錯，但是整體來說，不算肉汁豐富的雞髀。反而較出色的，就是沙律，因為沙律不只是有蘋果或是薯仔或是蘿蔔等等行貨，反而我覺得這種雜果沙律更好吃，因為畢竟你開一罐罐頭的雜果，也不便宜，而且內裏還會混入很多沙律醬，酸酸的，開胃。凍檸茶味道也不算格外特別，茶味未算非常香濃，反而友人的