南香雞飯

營業中

休息中

海南雞飯，鷄夠滑有鷄味唔會太肥，油飯正常好食；肉骨茶飯，份量十足，湯底夠香又好味，配油炸鬼，豆卜，豬腩肉同一字骨，正！座位唔算窄，環境可以伙記工作有效率價格合理可接受

雞水平非常一般今日本來去元朗老馮，但要等幾檯，朋友改去食海南雞，話系元朗最好。食評以坊間最好的勇記做標準。環境(3分)- 得4張圓檯，除非你4個人，吾系一定搭檯，勇記起碼有張2人檯仔選擇。- 環境比勇記仲簡陋服務(2分)- 基本一定要用掃碼落，- 等飯的時間比較長。- 加錢都吾可以要雞肶。衛生(2分)-本來餐具放系膠盒系OK，但餐具水汪汪。抵食(4分)-$54有飯有湯有野飲，OK。味道(2分)- 雞皮吾爽- 雞腿都吾滑，雞胸就吾使講，自己睇相。最慘無雞味- 飯比較硬，吾夠香。- 醬料系自己加，但吾論鼓油，辣醬都系比較差。

又係元朗小店私心推介系列 今次到位於 #西菁街 的 #南香雞飯 曾經有段時間元朗海南雞飯店林立 但食過不同的店後還是喜歡這間南香雞飯 雞肉嫩滑 雞飯有雞油香味但不會太油膩👍🏻豬頸肉喇沙最喜歡喇沙是摻摻 湯底幾濃厚 豬頸肉份量都不少班蘭鮮油咖央多士這裏的多士是烘得很脆很脆的 較為乾身 配合厚厚的鮮油咖央 很有罪惡感另外飲品通常我會選擇薏米水 南香雞飯是有心的小店 希望可以繼續加油下去但記得留意晚市賣完就會關門 都比較早關門 所以要食晚餐就要早點去了

第一次食完已經隔幾星期二訪😆Weekend下晝去都唔洗等位環境唔大所以都好大機會要搭枱兩次去既例湯唔同，但都係好飲🤩🐤海南雞飯（油飯） $54雞既份量好多，食落又滑又嫩😋重要起哂骨，真係啖啖肉又好味(˶‾᷄ ⁻̫ ‾᷅˵)最重點係個黑豉油，個甜度好適中男朋友直頭豉油狂撈飯！油飯就咁食都好正🥹真係大推海南雞飯！👍🏽👍🏽🐤喇沙海南雞摻掺面 $66喇沙麵既辣度岩岩好，唔會辣到食唔到就算係麵既海南雞份量都好多🤩不過海南雞都係配飯正d，下次想試豬頸肉🐤鮮油咖央多士斑斕味 +$20超正！一定要一出即食！(⁎⁍̴̛ᴗ⁍̴̛⁎)烘既燶度岩岩好，好脆🤤🤤舊牛油係半熔狀態，斑斕醬都夠濃，好味😋😋🐤鹹吉仔七喜 +$14男朋友話係同出面既鹹檸七唔太同，依到好飲好多👍🏽👍🏽一飲就上癮，係一個值得再訪既原因🐤黑白咖啡 +$15好香又唔會太甜，下次再試奶茶🙌

📍南香雞飯今次介紹呢間係元朗出名食馬拉菜既餐廳😋🐮馬來椰漿飯配巴東牛肉 （$60）呢個巴東牛肉飯份量好豐富‼️‼️‼️巴東牛肉好大舊每一舊都煮到好軟稔食到牛肉香味😋啖啖肉‼️椰漿飯食到陣陣椰香味撈埋巴東牛肉汁一齊食好好送飯👍🏻🍞鮮油咖央多士 斑斕味（跟餐小食加$20）呢碟多士一上菜店員就提醒要盡快食咖央烘到好香脆入面既牛油係半熔狀態仲搽左斑斕醬成個多士好好味😋☕️薏米水 （跟餐免費）薏米水飲得出係舖頭自己煲薏米水入面有好多薏米好好咬口😚🐮巴東牛肉配白飯 （$58）巴東牛肉既牛肉同椰漿飯配既巴東牛肉係一樣只係無咁多配料同埋呢碟係配白飯牛肉一樣係咁入味咁大舊👍🏻☕️馬來拉茶 （跟餐熱飲加$3）馬來拉茶既底部有好多煉奶拉茶味無港式奶茶咁濃但茶好香亦好滑好飲😋😋🐥沙嗲雞串 （跟餐小食加$25）沙嗲雞串既雞肉嫩滑惹味可惜雞串以$25小食黎講就貴左少少因為份量都比較少但味道係好好食💯南香雞飯既食物性價比好高✅食物質素亦唔錯推薦👍🏻👍🏻👍🏻😚

今日lunch time經過，見到呢間店都幾多人食，就試下佢！👀我叫咗招牌海南雞飯，佢嘅雞肉完全拆曬骨，都幾嫩，一啲都唔鞋！😳搭配埋個油飯，味道中規中矩，加埋自家製辣椒醬同黑醬油就將成個飯嘅層次昇華咗！🤩想一個人平平地食個飯，呢度係唔錯嘅選擇！

今日特登入元朗，就係為咗食南香雞飯最出名嘅海南雞飯！🌟海南雞飯每件雞肉都好嫩滑，雞皮充滿油香，而油飯夠味得黎唔會好油，果然係名不虛傳，仲跟左一碗例湯同薏米水，全部都係自家熬製，飲得出無味精同屋企煲嘅一樣，感受到好有心機，薏米煲到軟糯，味道清甜好好飲。🌟班蘭咖央多士因為我鍾意食脆少少，所以嗌左焗耐啲，其實original 都好夠脆，而家就燶咗少少，斑斕醬同牛油融合之後好好味，香滑濃郁，邪惡又滋味！

話說有位住在新界的朋友不停力推說這一家喇沙有多好吃，豬頸肉有多好吃⋯趁今日入開新界區就聽佢講去試個究竟🤭果然又真係唔錯喎😋～-💛蛋椰咖央多士/ $22 （加配價）很驚艷超級好食呀！每枱都必點既咖央多士～烘底超級脆口，微甜的咖央醬配上鮮牛油，我仲食到有淡淡的菠蘿香？大愛這咖央多士真心好食～下次可以試埋另一款班蘭味-🐔海南雞(半隻）/ $124肉質超級嫩滑!!! 雞肉配上黑醬油食最正～-🐷喇沙豬頸肉摻摻麵/ $66摻摻麵係油麵+米粉既組合～本身不太喜歡食喇沙湯底既我，因為好怕太濃太杰身既湯底，所以一直對喇沙嘅印象都係一般⋯但剛好這家的喇沙湯底味道就比一般偏稀身淡一點，所以覺得都唔錯。豬頸肉超級爽脆香口～另外仲有芽菜豆卜等配菜。

位於元朗西菁街嘅南香雞飯，呢間餐廳食馬拉菜，佢哋嘅座位好迫，好多人喺度等位。佢哋嘅海南雞飯真係幾好食，雞皮好滑肉質柔嫩鮮美，雞油飯好香又唔會太多油，佢哋嘅醬汁酸酸辣辣，加埋一齊好開胃，食慾大增。班蘭咖央多士好正，外面焗到脆卜卜，一口咬落去牛油同班蘭融為一體，又甜又滑又脆，我一個嗌咗兩碟。佢哋嘅咖喱喇沙麵，我覺得唔好味，唔多推介。印度薄餅勁難食，應該係人地交黎既雪藏貨，食完一啖，嗰陣味都唔知想點。佢哋既白咖啡真係值得嘗試，好香濃而且唔會甜，我非常鍾意。

今次朋友話想食呢間海南雞飯，去到先發現原來自己食過🤣仲記得幾年前第一次嚟嘅時候，係唔使排隊嘅～我嘅印象係普普通通🙈見咁多人食，即管俾多次機會，睇吓有冇好食左～都唔賣關子！我覺得係有好食咗嘅😆佢嘅性價比算高，主食、包湯、包嘢飲，先$50-$60，都OK好食，值得去試吓！我嗰陣時其實都唔係排咗好耐，星期日晏晝10分鐘左右就入得～✨ 海南雞飯 $ 54 👍🏻👍🏻👍🏻我個人其實冇特別鍾意食雞同飯…所以我都講唔到啲咩🙈不過呢個雞係幾滑，幾香嘅～至少唔係嗰啲鞋烚烚白切雞，比較嫩身！🤤朋友話好食～✨ 喇沙豬頸肉摻摻麵 $66 👍🏻👍🏻👍🏻👍🏻摻摻麵正！！😍最鍾意食兩種唔同嘅麵mix埋一齊！好有口感！喇沙湯底有層次，豬頸肉香口，燒得剛剛好！🥰✨ 鮮油咖央多士斑斕味 $22 👍🏻👍🏻👍🏻外層酥脆，加埋中間嘅鮮牛油，食落佢好香！😋✨ 薏米水 👍🏻👍🏻👍🏻👍🏻誠意推薦！鍾意薏米水嘅人絕對可以點！未試過都可以trytry，好足料比超多薏米☺️✨ 馬來拉茶 👍🏻👍🏻👍🏻好滑！正宗！不過我都係鍾意薏米水多啲🤣👍🏻👍🏻👍🏻👍🏻（最推薦）- 👎🏻（可以唔使試）

位於元朗西菁街一帶附近都不乏食肆，今次特登坐車入元朗好順泰商場一試梁祖堯係IG推介嘅南香雞飯先！星期六下午茶時間來到都要等位，店舖較細，兩張枱坐埋出門口，兩邊牆壁貼左餐牌，仲有一張手A4細細的手繪元朗美食地圖，用圖示同數字標記幾十間餐廳小店，密密麻麻的，幅圖充滿人情味，如果唔係等位見到好易會miss左。睇黎有排先可以制霸元朗！叫左馬來椰香飯配巴東牛肉($63)、喇沙海南雞摻摻($60)、加$20有咖咉多士、飲品叫左美祿恐龍、三色奶茶，一餐食勻想食的！馬來椰香飯配巴東牛肉($63)😍😍個飯砌到金字塔，好有特色的賣相，油香重超惹味、牛肉似燉牛肉，配菜薯仔洋蔥加肉汁同樣juicy及入味，份量多，送飯一流，跟半隻蛋，小菜有鹹香魚仔乾，絕對食唔停口！推介：🐾🐾🐾🐾🐾價錢：🐾🐾🐾🐾🐾味道：🐾🐾🐾🐾🐾賣相：🐾🐾🐾🐾🐾喇沙海南雞摻摻($60)海南雞份量多，肉質好嫰滑，喇沙香料味出、濃味但唔會鹹，配菜有豆卜、豆，唔錯👍🏻推介：🐾🐾🐾🐾🤍價錢：🐾🐾🐾🐾🐾味道：🐾🐾🐾🐾🐾賣相：🐾🐾🐾🤍🤍咖咉多士🍞多士皮烘得脆身，中間每塊都夾住斑斕醬同牛油，配野飲，兩個人些牙剛好，滿足感MAX!推介：🐾🐾🐾🐾🤍價錢：🐾🐾🐾🐾

嚟咗幾次都賣晒🥲，果然好受歡迎，今日四點去到已經剩返幾款，最想食嘅巴東牛肉同馬拉盞通菜都已經賣晒，唯有下次再嚟過！😆🌟咖喱喇沙叻沙摻摻面 $60湯底好香濃，喇沙入面加咖喱味道好特別，配菜有魚片頭、豆卜、新鮮大蝦🦐同泰國芽菜好爽脆，泰國螄蚶好新鮮，好正宗冇得彈！套餐包一杯熱薏米水，飲得出用心煲左好耐，薏米煲到好軟糯，清甜滋潤。🌟印度薄餅兩塊（跟餐小食）+$26口感鬆脆，但同超市買返嚟自己整差唔多，不過配埋咖哩汁食好香口😋，唔需要特別試，下次可能試吓咖央多士。價錢良心質素高，希望大家多多支持生意一直做落去，唯一不足係舖頭座位有啲窄，枱矮櫈高，食得有啲辛苦。地址：元朗西菁街10號地下6號舖推薦指數：🧡🧡🧡🧡🧡

海南雞飯睇到 都覺得正雞肉唔乾唔柴，啖啖肉😋，青瓜🥒又好新鮮脆口例湯非常正👍充滿紅蘿蔔🥕青蘿蔔💚味道好有住家湯feel🏡唔知有冇得追加例湯呢熱薏米水唔會太甜，幾多薏米，一杯有4成係薏米😊如果鍾意，可以在 ordering apps 要求再多d🤗多人時座位有些擠逼，但都 ok餐廳一邊是玻璃，唔會有焗促感職員勤快

🍽️食物方面：喇沙豬頸肉/海南雞摻摻🥘 溫和派好大碗多料🤰🏻🐔嫩滑 🐷燒得好靚 唔想食麵/飯可以加$5轉🥬推薦食得🌶️嘅朋友食咖喱🍛（我今次無食）個醬同魚乾仔超夾 愚蠢嘅我仲叫佢多咖喱 辣到痴咗線🤧🥵小食要食咖央多 姐姐會提你快啲食 脆同甜甜地 一咬啲醬多到唧出嚟🧈🍞嘢飲必飲薏米水 多薏米 唔苦唔硬又唔會過甜💓📷打卡方面：我求其影咗幾張就即刻趁熱食😋啲色咁好睇點影到靚🤪🔈環境方面：出面有2張枱🚬裏面有5張枱 繁忙時間多人 要搭枱坐埋一邊 💬其他資訊：南香雞飯 📍元朗西菁街10號地下6號舖⏰ 12-8pm (⭐️🚩1️⃣❌)

其實食過好多次 佢既值得推薦程度令我想寫個食評。呢間小餐廳唔算大，位置唔多大約十令個位，所以週食預左要等位啊。午市套餐有10個選擇，我就最愛喇沙豬頸肉摻摻面，湯底香濃，陣陣椰香，辣度適中，油面米粉參半，多重口感，豬頸肉超有口感，煙韌彈牙，一試難忘。怡保芽菜雞飯，超多芽菜，同蔥絲，雞份量十足，配埋秘製醬汁簡直係絕配。咖哩喇沙摻摻面就更加惹味，有蝦，魚片，豆卜，食得好刺激。加$20可以加配小食，第一次已經食過，班蘭味，多士新鮮厚脆，牛油香滑加埋陣陣班蘭香，好味，配埋香濃幼滑既馬拉奶茶係一絕。飲品方面每次都飲重料薏米水，大熱飲品，有時晏左會賣晒啊。確實係推薦一試既小餐廳！讚！