南대門韓國料理

營業中

休息中

.一轉季就會想食韓國既水冷麵就黎尖沙咀呢邊搵🤣🤣.水冷麵 $92湯冰冰涼涼，配埋青瓜同梨夠爽口😆 呢間幾特別再配埋醋同辣辣既醬👍🏻👍🏻應該係類似豆瓣醬咁.鐵板炒牛肉 $148牛肉炒得好嫩🥰 份量都多同埋佢啲醬炒到好入味我鐘意爽埋啲泡菜食，好有口感.韓式煎餃子 $75韓式餃子皮通常厚啲，煎到脆卜卜😍佢入面啲料都好香.整體呢間係好地道韓國餐廳👍🏻 仲有配菜都有 4 款，另一個朋友遲少少到侍應竟然專登斟水有一杯係熱啲，好細心👍🏻👍🏻

尖沙咀咁多韓國嘢，今次我哋一於試吓最多人識、大家都一定見過嘅😆，呢一個系列嘅餐廳！今次我哋去嘅呢間分店，主打韓國料理，有唔同嘅飯、麵、湯品😋。.🔥火腿辛辣麵 ($72)湯底嘅味道啱啱好，唔會整得太辣，加埋彈牙又掛湯嘅麵質，好吸引😍。配料嘅火腿用咗厚切嘅方法，好有肉感，而且配埋充滿韓式風味嘅湯底好有feel👍🏻。.♨️海鮮辣豆腐湯 ($85)大醬湯底熱辣辣，聞到已經好開胃。而且湯裏面嘅豆腐係超級滑！裏面亦都有蝦、蜆呢啲海鮮，令到味道更加鮮味🤤。.🥢炒韓式豬血腸 ($120)好推薦大家要試吓呢度菜！血腸裏面有粉絲，令到口感更加鬆軟，而且辣炒嘅方法令到成道菜味道香口惹味，食到停唔到💕。

💖黎地道韓國餐廳南대門食飯，老闆係韓國人開左幾間分店，各款特色韓國菜都有🇰🇷。入座會附送四款開胃小菜，傳統家常得黎又豐盛！1️⃣辣炒年糕辛拉麵🍜 $95💖經典搭配！彈牙香辣嘅辛拉麵配上大量蔬菜，包括翠玉瓜、紅蘿蔔、洋蔥、娃娃菜等，仲有軟糯又入味嘅年糕、Q彈魚餅同熟蛋🥚，食得開胃又上癮🤤。2️⃣海鮮煎蔥餅🐚 $143💖大塊配料包括魷魚、蜆肉、帶子、大蔥、彩椒等，煎餅最外焦脆，咬落軟糯唔會厚重過粉。搭配甜醬油更提味又降低油膩感。3️⃣米酒🍶 $80💖大支啱曬2-3個人聚會開心share，容易入口，發酵米香味道酸甜，酒味唔重但飲完個人暖笠笠♨️！冬天❄️飲好舒服😌～💖細細間店但樓底高、位置都好坐，坐滿曬好受歡迎👏🏻。

《南大門1號》尖沙咀金巴利街韓國菜雪濃牛骨湯🐮雪濃湯就是湯看起來清清淡淡的 但嘗起來卻濃郁鮮甜湯裡有很多的牛肉 還有粉絲 加上白飯變成湯飯吃過暖笠笠加上伴餐的泡菜一起食又是另一種滋味餐飲叫了我最愛的葡萄汁🍇有粒粒果肉的！海鮮煎餅 🦐另外還叫了個海鮮煎餅外賣回家加料餡料十足 有不少海鮮：魷魚、青口、蝦肉、還有少許紅椒 回家稍煎一下又變得香脆另外值得大讚的是外藉服務員態度非常好下次經過會再光顧👍🏻

成餐飯最好食係前菜碟油麥菜😂😂😂叫左3樣野，泡菜煎餅，炸醬麵，炒粉絲泡菜煎餅淋到毛巾咁，炸醬麵個味超怪，完全唔識形容😂炒粉絲係冇味嘅😂全部食得出用料差到一個點，d泡菜入貨都要入d難食，d牛肉鞋過你腳板底🤢🤢🤢食完睇返openrice先知咁多負評，我都要努力出多d食評支持下openrice🙂‍↕️🙂‍↕️🙂‍↕️🙂‍↕️🙂‍↕️是但入一間難食到咁，仲可以做到咁耐，香港d餐廳難食真係有原因😌😌😌

🥩板腱肉+韓式牛肋骨湯｜💰$278🥩追加牛小排｜💰$200✨天寒地凍就要把握時間打邊爐+烤肉，韓式烤肉雖然牛/豬肉係主角，但小女子更愛小菜🤣南대門嘅小菜就夠晒豐富+多樣化，未開始食肉已滿足，抵讚抵讚～✨🍖嗌咗板腱肉非常厚身，而且滿佈油脂，烤完超juicy～牛小排好有咬口唔柴，剪成細塊包🥬泡菜、蒜、辣醬簡直一絕，店員都超好無限refill生菜+小菜🙌🍲韓式牛肋骨湯味道濃郁爽口，入面有5-6塊牛肉，附上白飯不要太完美(˶‾᷄ ⁻̫ ‾᷅˵)

星期五晚約左朋友去呢間食韓國野 見到食物種類繁多 大路韓國食物都有 就決定試試👀每檯都有一碟芽菜、泡菜同埋醃蘿蔔 作為前菜餐廳環境舒服 員工好好人 好感謝佢哋即使有人排隊 都俾我哋好快咁食左個生日蛋糕🧁 燜牛肋骨🫶🏻 ($248) 見到呢個係餐廳推介就決定試試 雖然上菜有少少耐 絕對無令我失望 應該係即叫即整 熱辣辣 好適合冬天😍牛肉燜得好淋 肥瘦比例平均 牛味好重 肉汁豐富 絕對沒有吝嗇牛的份量 總共都有4-5大舊🐄湯底應該係牛骨湯配韓式牛肉燒烤醬(bulgogi sauce) 鍋裡面仲有燜得好淋同入味的紅蘿蔔🥕、白蘿蔔、蔥 令到個湯底味道更加香甜 辣炒年糕拉麵🍜 ($95) 呢個係佢韓國餐廳必點 hehe✌🏻 醬汁唔係好重泡菜/韓式辣醬味 啱晒我呢d唔係好食得辣既人 年糕煙韌 拉麵口感偏淋 魚糕幾香 份量都幾多 最加分係有大量洋蔥、椰菜 令到口感更加豐富 仲好健康！😋煎餃子🥟 ($75)餃子煎得脆卜卜 餡料包括粉絲、薯仔 應該係無肉的油脂 唔會好肥膩 醬汁係配豉油同埋蔥🤓📍南대門韓國料理 (尖沙咀)地址：尖沙咀金巴利街1B號恆港中心地下3號舖

#尖沙咀美食滿座的韓式小店 #南대門韓國料理 🇰🇷經過 #尖沙咀 又想食 #韓國 菜 見到呢一間 #小店 都頗多人 就試試佢我哋嗌咗辣芝士炒年糕🧀芝士幾拉絲🤩亦都幾滋味 同埋唔算好辣啱晒好怕辣嘅人 除咗年糕重有魚糕 幾個人share食啱啱好雪濃牛骨湯❄️凍嘅時候飲好暖身(˶‾᷄ ⁻̫ ‾᷅˵)而且牛肉份量唔算少 除咗飯原來重有粉絲…超飽呀一定要share食👯‍♀️👯‍♀️泡菜炒豬肉🐷呢個少少辣🌶️但幾惹味 幾送飯 豬肉片有啲會肥啲見佢重有lunch set都幾抵食 夜晚嘅話兩個人嗌3樣都好飽呀 啲嘢食都係shared portion 一個人食就可能太多🤣

如果想食正宗韓國傳統美食，我建議大家可以去尖沙咀金巴利街(又稱韓國街)嘅"南대門韓國料理"試下。餐廳招牌雖然唔特別起眼，而且店鋪都唔算好大，但係入邊嘅韓國美食非常傳統，設計簡潔，有瞬間去咗韓國食嘢嘅風味！😋我同朋友今日嚟食lunch🍲海鮮辣豆腐湯$75- 辣辣嘅海鮮湯，加上勁滑嘅豆腐，夠曬惹味，送飯一流!🥟韓式煎餃子$65- 樸素嘅外表，但餃子皮煎得好脆口，傳統嘅醬汁再配上餃子嘅肉質一齊食，夠鮮味!🍝雜菜炒粉絲(牛肉)$78- 粉絲炒得夠曬入味，而且份量十足，兩個人share食都夠！🍛石頭雞肉飯$82- 辣辣嘅石頭鍋飯，可以揀雞肉，豬肉同牛肉，再配上流心蛋撈埋一齊食，其係食到我地夠曬滿足！🍶燒酒$60- 食韓國嘢當然唔少得燒酒，細細品嚐，真係好似置身喺韓國甘，好有氣氛!💕

好耐冇食過韓國嘢啦～花蛤刀削麵 ($95)刀削麵似烏冬～湯頭清湯，會感受到海鮮的鮮味 有蝦同蔥蛤等海鮮～紫菜包飯 ($66)紫菜包飯係原味～最欣賞係仲暖暖地 搭配醬汁一齊食海鮮煎餅 ($143)海鮮煎餅最邊邊脆脆地！內餡的海鮮有蠔同魷魚等 搭配特製醬料更濃味 口感係厚底 會好飽 要幾人分享！汽水 ($15)前菜有免費嘅泡菜，西芹腸仔同埋豆芽！南대門韓國料理 (尖沙咀)尖沙咀金巴利街1B號恆港中心地下3號舖#香港美食 #香港好去處 #甜品控 #拍拖👫#打卡#香港#景點#打卡熱點#香港好去處#打卡#cafe#生活#小記錄#隨心一拍#相機先食#美食 #隱世cafe #hkcoffeeshop #hkbar #西式餐廳 #foodiehk #hkig #hkgirl #食好西 #西餐 #餐廳

尖沙咀地區嘅韓國店真係多不勝數🇰🇷無論係燒烤🔥定素食者🥗都揾到合適選擇。今日喱間餐廳，正宗韓國人打理嘅小店， 價格親民💰味道正宗🍽️啱哂上班族同學用餐👨‍💼👩‍🎓🌶️辣炒年糕 年糕、魚餅同辣椒醬炒製，去韓國必食，味道香辣可口 😋🍙 紫菜包飯 紫菜包裹米飯，黃瓜、蔬菜、蛋同午餐肉，自己都可以整 🥒🥚🍖🥟 韓式煎餃子 薄麵皮包裹餡，肉同蔬菜，煎至酥脆，配上醬油同醋 🍜 🍲 海鮮辣豆腐湯 嫩豆腐、蝦同辛辣湯底煮成韓國湯品，搭配米飯 🍜花蛤刀削麵 🦪 刀削麵搭配新鮮花蛤、蝦、瓜、蒽，加入湯底同調味料，味道鮮美 😍南대門韓國料理📍金巴利街1B號恆港中心地下3號舖

一向好鍾意食韓國料理，已經是尖沙咀金巴利道韓國街的常客，今次同朋友嚟到南大門一號正宗韓國人主理，裝修以韓式木系設計，簡約乾淨。一落完單已附送四款韓式小食，不設加一，價錢亦吾貴，食物水準不錯，值得推介海鮮煎蔥餅 $130海鮮煎蔥餅，煎到剛剛好，海鮮餡料十足，脆口又滋味麵豉大醬湯 $75推介呢款麵豉大醬湯，湯底濃郁，蜆肉鮮甜，送飯一流石鍋燉牛肉湯 $75暖笠笠的石鍋燉牛肉湯，好啱冬天天氣暖，湯底肉味濃又暖胃，略嫌牛肉吾夠腍紫菜包飯每次食韓國料理都要叫這款傳統紫菜包飯，配上蘿蔔、青瓜、酸菜、腸仔、雞，簡單又好味

📍 「南大門1號」尖沙咀很久不見的韓國菜🇰🇷太耐冇係香港🇭🇰食韓國菜了今晚就嚟到韓國街回味一番🤭✨辣芝士炒年糕韓式料理必點的年糕Q彈的年糕口感煙韌又充滿米香，而且仲有辣芝士可以做到拉絲效果，暖暖哋食係最滋味😘✨泡菜湯泡菜鍋用料十分豐富，有泡菜、豬肉、豆腐、金針菇、洋蔥絲，酸酸辣辣嘅泡菜湯非常開胃，泡菜味濃郁，豆腐煮到嫩滑，天氣凍嘅時候飲暖胃又暖心🥰✨紫菜包飯比我平時食嘅紫菜包飯更加多料，超爆多料，飯夠軟熟，本身啲紅蘿蔔同青瓜都有醃過，加埋火腿同煎過嘅雞蛋一齊食，再加埋我最鍾意嘅黃瓜，口感好豐富🩷

🗝️ 尖沙咀 | 南大門1號`✦ˑ ִֶ 𓂃⊹ ₊˚⊹ ₊˚⊹ ₊˚⊹ ₊˚⊹ ₊˚⊹ ₊˚⊹ ₊˚⊹今日黎到尖沙咀嘅南大門食野，冬天好適合食韓國野~熱辣辣！南大門有好多分店，要記住呢間係1號~✧ 石鍋豚肉拌飯食韓國野我最愛就係石頭鍋飯啦！呢度嘅石頭鍋飯分量都幾大！配料充足。會連同辣醬上，可以自己加鐘意分量嘅辣醬然後拌飯！✦ 人參雞湯濃郁嘅人參風味同滋補嘅雞湯完美結合，帶來美味暖身嘅享受，滋潤身心。真係好鐘意韓國人參雞湯入面嘅粥，暖粒粒✦ 韓式紫菜飯卷清新嘅紫菜搭配酸瓜、蘿蔔、青瓜、香腸以及嘅飯飽滿口感，搭配韓式調味，簡單而美味！開胃小菜

疫情前去過韓國後都冇再去過間唔中就會突然好想食韓國嘢但香港要搵間好食又平嘅好難今次終於俾我喺尖沙咀搵到啦餐廳主要供應飯麵湯少量小食鐵板牛肉炒飯鐵板圈邊係蛋漿本身比佢滿滿咁紅蘿蔔粒嚇親但食落好有黑椒香，無草青味牛肉又醃得好夠味好快就清碟韓菜個人最愛嘅海鮮辣豆腐鍋超多配料，每一羹都一定有料個湯比坊間其他餐廳多左鮮味大推！！！！！！！！！！一定要試！芝士辣炒年糕拉絲芝士好好玩除左年糕都有魚糕喺入面吸汁年糕煙靭魚糕入味醬汁帶微辣凍冰冰天氣食即刻成個暖笠笠最後例牌嚟個海鮮煎餅做結尾唔好睇佢唔大個但好有份量架食兩塊都已經好飽，好有蔥香魷魚粒增加煎餅咬口沾上醬料可稍為提升煎餅嘅鮮味，唔錯整體呢餐韓國菜個人好喜愛！下次會想試佢個刀削麵好吸引—————————————————————🔸 鐵板牛肉炒飯 $72🔸 海鮮辣豆腐湯 $75🔸 海鮮煎餅 $130🔸 辣芝士炒年糕 $88