博多拉麵

營業中

休息中

上星期去咗西九龍中心食lunch啦，突然心血來潮想食吓拉麵啦，咁啱一出lift🛗行冇耐就見到呢間裝修好殘嘅拉麵店，我就諗佢應該開咗咁耐應該都可以一試掛。跟住我就叫咗個黑豚豬骨湯拉麵， 點知喺我比完錢跟住攞餐嗰陣時，佢竟然叫我食完要親自比返個兜佢，我聽到之後呆幾秒😧，但係都算啦。喺我食第一啖嘅時候，我就覺得呢陣味好似曾相識，跟住我再食第二啖啦，一擺落個口就feel到點解個味係同屋企啲出前一丁一樣味嘅🤨，我心諗我自己煮都好食過呢碗所謂嘅拉麵，依家仲要賣我五十幾蚊！🤬依家係咪玩嘢啊，好食唔食，我嚟用五十幾蚊食出前一丁味嘅拉麵？😡😡😡😡😡我食完呢次之後以後都唔會再食！🤢🤮奉勸大家千祈唔好試！！！🤮🤮🤮🤮🤮

深水埗咁多間拉麵店，呢間算係平價又唔錯嘅一間。小弟今次就揀咗碗博多泡菜二郎拉麵加份餃子🍜🥟湯底唔太濃唔鹹，未去到太油膩，撈埋啲碎肉同泡菜食，鹹到啱啱好😋。豚肉都幾大塊，厚薄度適中，如果想食平啲，但又想食豚肉的話，可以試下博多豚肉湯拉麵。之前食過佢嘅黑豚骨湯拉麵，都幾正~！！$50有溫泉蛋，芽菜，木耳，椰菜，出面未必搵到呢個價錢~！！至於個麵底，軟硬度適中~！！😋不過個餃子就一般，下次試下其他小食先！整體上平民嘅價錢，食到有質素嘅拉麵，其他地方真係好難搵到，加上師傅製作認真，值得一讚~！！可以返食~！！推薦~！！

平靚正，幾好平時出去食拉麵最平60起冇餸，呢度38有得食，價格親民，料夠麵夠食飽飽，老板幾nice，推就係平日除左行街好少嚟西九，好難過嚟食lunch，有d可惜

行開深水埗都會去西九Food Court貪夠多元化咩國家菜都有，咩都可以試下今次揀左係角落頭位嘅博多拉麵🍜門面裝修比其他舖用心啲食物相放哂出黎，方便睇（西九Food Court特色😂）要試一間嘢啲嘢食好唔好，可以搵最清水嘅食物如果都係好，其他都唔係差特去邊😌咁就揀個全日朝拉麵🍜+筍（$4x）呢個價錢黎講，係抵食嘅另外再叫左個博多黑豚骨拉麵🍜味道比較濃2個比較下，呢個係多左黑油、牙菜同黑木耳整體黎講，不過不失🈴想平平地過下拉麵🍜引可以揀嘅店員有禮

星期日要去深水涉買嘢，一家大細揸車泊入西九龍中心，去到商場都忍唔住去食九樓美食廣場嘅博多拉麵，成個場D枱排佈幾好，兩人一枱，枱與枱之間又有距離，感覺安全，店座落在小角，本想試其他拉麵，但係見到圖片就又要食黑蒜拉麵，麵質爽滑，上放义燒和芽菜，再加上濃濃蒜香湯底，$45一碗，仲送温泉蛋，外賣麵和湯分開放，拿到車上食時麵不致變淋，總之又正又平! 老板做嘅麵真係好認真，而家市道唔好，大家要多多支持咁有心嘅小店,希望可安全渡过疫情!!

今日去西九龍中心行街，行到肚仔餓，走咗上8樓美食廣場食午餐。美食廣場有好多不同嘅小食店；比我發現有間隱世拉麵店，抵食又大碗😋 拉麵湯底都有兩款選擇：有自家秘製湯底 或 日本直送元祖豚骨湯除咗拉麵🍜、仲可以選擇飯🍚或小食，如果想食讚岐烏冬就 +$5飲品有波子氣水、罐裝氣水🥤、紙包飲品🧃 今日就食咗碗元祖豬軟骨拉麵🐖，湯底揀咗日本🇯🇵直送元祖豚骨湯，湯底香味濃郁，又帶點鹹鮮，好好飲；麵質煙煙韌韌；豬軟骨肉質嫩滑，軟綿綿；另外加一塊叉燒，肉質粉嫩又滑口，又香又好味😋 除咗拉麵，仲揀咗款小食餃子🥟5隻，煎到好香脆，皮薄餡靚，足餡料，好好味道 食拉麵要配埋飲品~原味波子氣水🍹 博多拉麵深水埗西九龍中心8/F 56號舖

好鐘意食拉麵，成日去日本都係為左食拉麵。在香港都揾到一些相近的，例如一蘭，不過相對較貴，1~2年前無意中發現這間小店，給門口的圖片吸引，主理的厨師是兩位男士，看上去都很時尚專業，煮食時又很用心，感覺很良好，就試試吧。這一試就難忘了，連我呀女都愛這兒的拉麵。拉麵真的很不錯: 麵質爽滑，湯底濃香，义燒好味，還有些配菜，成個拉麵就是像很地道的，帶給我像身在日本食拉麵的感覺(食完無口喝喎)! 仲有價錢係50元一碗的平民價! 現在疫情下，很多沒出街食，突然又懷念這拉麵，所以上個月到訪，好在小店還頂得住，我又可品嘗這超美味拉麵了! 昨天又去食，美味依舊!但係價錢竟然減了，45元!是抗疫價吧，我想俾5O元㗎，因為這舊價巳經超值了。希望小店加油，努力經營，讓我們可以繼續嘗此美食啊!

炒飯好食，特別係鰻魚另上炒飯，咖哩豬扒飯都好食，拉麵ｄ湯飲左都唔會口渴，師傅客氣，配料上如果餐牌冇的，都會盡量去滿足要求，價錢合理，呢個價錢都已經超值，仲有特價拉麵可選擇

原本想去果間餐廳無開，惟有試下枱離呢間餐廳睇佢d相好吸引，好靚又有橙色既溏心蛋，咁咪試下，叫左個豚肉拉麵可惜無影相，佢出黎既蛋只係半隻無咁熟既蛋，黃色蛋黃同相既橙色唔同唔緊要，再試下個豚肉⋯無味又硬⋯試埋個湯⋯得超咸味⋯個麵底似係低質素麵平時得都好大食，但我都係食唔曬一個普通份量既拉麵雖然只係$56一個餐，唔可以同平時出面既比較，但都達唔到一般標準配左個波子汽水，但個波子痴住個樽⋯開唔到黎飲⋯總結黎講⋯好差⋯忍唔住要寫食劣評⋯

啱啱喺日本返嚟，有鋪拉麵癮，行過見到打住博多拉麵嘅旗號，做特價就試試。$38一碗 再加$6加一塊叉燒賣相都還可以嘅，但係一放入口真係好唔開心😭湯底完全冇豬骨味或者醬油味，剩係得個鹹字，仲要係好鹹。個面底勁唔得，一啲都唔煙銀，放多陣就淋曬。都唔緊要！仲要黐埋一pat野，平時我都好少浪費食物，但係呢個我真係食唔落肉就冇乜大問題，因為係外購返嚟直接切落去。其實服務還可以嘅，但係喺西九美食廣場食完就要自己拎返個碗返去。整體來講，$44咁細碗，仲要唔好食，真係太失望啦

流心蛋不流心但咸味剛剛好喜歡♥叉燒肉香香香香香香香🎹🎹🎹🎹面條彈牙唔錯既😋老闆笑容好禮貌平民價錢的小享受Enjoyable Sunday ☀ 繼續飲飲食食食

上回提及，我在深水埗運動場，看完細佬有份參與的歌唱表演後，就跟細佬徒步離開運動場，轉到「西九龍中心」看看有沒有好的拉麵可以食。我本來是想試八樓原本有間博多拉麵，店叫「博多香濃燉雞拉麵」的。但是我在美食廣場找了很久，還是找不到「燉雞拉麵」的下落。細佬早已在美食廣場另一邊已經買了晚餐，正在全速開動食飯。結果我暫時放棄了，不知道是否已經結業的「博多香濃燉雞拉麵」，選擇了另一間「博多拉麵」。看過「博多拉麵」以前在「開飯網」裡面的資料，初初剛開張營業的「博多拉麵」，有名副其實的日本人師傅主理煮拉麵的工作，食店門面比較整潔企理和光鮮。現在，我雖然不敢用「風光不再」、「大不如前」或者「每況愈下」等成語去形容「博多拉麵」，但是我當晚吃完「博多拉麵」的「博多巨雞二郎拉麵」過後，卻完全覺得「西九龍中心」價錢太平民化，實在很難有可觀的食品評價和質素。「博多巨雞二郎拉麵」本來是個有塊巨大雞扒放在拉麵面頭的博多拉麵。「二郎系」拉麵屬於遍向濃味湯底的拉麵，是不是重口味就見仁見智了。但是我光顧「博多拉麵」的時候，「博多拉麵」店員在這時候卻告訴我，「巨雞」雞扒很不幸地已賣光了。但是我對「博多拉麵」其他味道拉麵興趣又不

上OPENRICE睇D相以為好正, D湯好好濃.相片白色特濃猪骨湯, 實施是普通咸湯完全無猪骨味, 已中伏!叫老闆換先換到小小白色的湯我朋友話係咸魚湯成碗無食比我捱義氣!$60? 我去食文記車仔有埋飲品好過LA, 個人覺得只值$30!唔該有時間去日本食下野學下先開檔LA, 改個日本名就以為係日本野食?

依家啲拉麵一般都要$70-$90 一碗，太貴。但呢個拉麵店有部分拉麵就平好多，食過幾次，未食前都有猶豫會唔會將貨就價，湯底同配料好hea 個種，但一食落就知係不錯既拉面，抵過出面啲拉面。食左個黑蒜拉麵$50，覺得幾好味，物有所值，三片叉燒好大片又厚身，係我食過最有份量的叉燒，而味道就略為淡左啲，要改進下，而拉麵方面，都硬身，有口感，份量又足，唔會食幾啖就冇，另外值得一讚的是碗面好多蔥，令到蒜加蔥味更濃更香，個蛋好似hea 左啲，係白烚流心蛋...... 食完成碗麵好似都唔覺話好味精湯，雖然點都會有啲味精，但冇勁口干，可以比美出面啲拉麵店既質素。評分：7.5/10 店內其他拉麵有啲都要$60up to $68 ，個人覺得超過$60已經太進取，因為只係超平民既food court 自助形式，啲位唔好坐，餐具食落唔方便，如果比$60幾蚊既價錢，倒不如食間有人serve 既拉麵店，舒舒服服，反正價錢差不多。最要改善的地方是餐具，因為係用一般外賣膠羹，放到幾條面又「不」唔到湯，食得有點辛苦，夾多幾條拉麵又會跌哂落黎，因為裝唔哂 .....

經過西九龍......順手維修雨傘，順道上來西九龍food court搵食，呢道勝在價錢平！之前知道呢度有間拉麵，就上來試下，如果睇賣相，唔算吸引，但食落味道唔錯，豬肉夠大件，湯底味夠濃，少少配菜蔥花點綴，味道配搭幾好，值得一試！香黑豚骨湯拉麵，只係＄50食完真係唔口渴！正！店主服務有禮，點餐後會說明太約要等五分鐘，但其實唔使咁耐，可能因為14:30後，商場人流開始少啲！份量足夠一個成年人！自命大食另計😉有機會會再來試試其他款式