影片
港鐵荃灣站 B1 出口, 步行約6分鐘
繼續閱讀
開飯介紹
店外有一座變形金剛大黃蜂的機械人模型，室內裝潢充滿動畫風格，主打卻是港式美食，包括鮮魚湯米線、豬油煲仔飯及特色炸珍珠奶茶。
繼續閱讀
營業時間
星期一至日
11:00 - 22:00
以上資料只供參考, 請與餐廳確認詳情
食家推介
是日收工，行過荃灣千色店附近，見到有間博派麵館話自己有個好正既黃金脆玉瓜咁堅，反正收工都要食飯梗係入去試一試佢😏唔試就由至可，一試就不得了😱，估唔到青瓜可以咁特別，青瓜既口感，咸蛋既咸味，脆脆既口感，可以完美融合係嘴裡邊化開🤤不得了另外仲點左個孜然雞翼，孜然雞翼只係普通貨色，但我想講孜然同雞翼係最好既組合，普通貨色既孜然雞翼已經係人間美味啦😍反正到晚飯時間就順便點左個人蔘雞火粉試試佢，麵條不過不失，麵質唔夠硬，但亦不會太軟，都算合格。叫得藥材湯麵重點就梗係唔係想醫飽個肚，梗係仲想醫下個人🤦🏿♂，一個合格既藥材湯最緊要梗係足料😏，依方面麵館就做得好好啦，湯底落左大量紅棗，杞子同菇去煮，誠意十足，一上就聞到好香既藥材味，重點係湯入面仲有兩大件人蔘，店主真係落重本。另外湯入面仲有大量手撕雞，就完全無骨嫁！藥材味道雖然濃厚，但又不失滋味，背後原因相信就係店主既一份心。一碗雞湯粉，幾舊雞翼同脆玉瓜，滋潤既唔止係一時既人靈滿足，仲滋潤我既身體🤣食完當堂覺得老虎麵打死幾隻🤣🤣🤣
繼續閱讀
10個咸給10個咸完全似轉左手，食既野類似但食物質素真係 😞黃酒雞米線：米線。。冧的雞。。得果幾條無黃酒味。。。冬菇。。完全無味。。最大問題，全場得2台客，等個米線，等左20分鐘價格: HKD68.00四餸焗飯：最好吃。。軟殼蟹然後。。普通茶記焗飯質素。個飯底。。係凍既。翻焗後，係暖既。。雞扒。。唔太新鮮芝士汁帶酸味等候時間: 15分鐘，再翻焗: 10分鐘價格:HKD68.00只可以說:沒有最差，只有更差。。
繼續閱讀
同朋友諗住喺荃灣食嘢，但都冇諗話要食邊一間，只係隨便行下。點知比一隻好大隻嘅transformer公仔吸引住， 原來呢間主要食米線, 啱曬我哋，因為我哋兩個都好鍾意食米線。朋友叫咗個黃酒雞柳湯米線， 我就叫咗個燒安格斯牛柳牛舌湯米， 都叫咗幾個小食， 因為朋友個米線嚟先，所以我偷飲咗佢啲湯， 佢啲湯好重藥膳味，重好足料，有淮山杞子黨參， 雞柳好嫩滑好好食。我諗我下次都會叫呢過。 我嗰碗米粉亦都係高質素，牛舌好嫩口， 一啲都唔韌 ，仲要牛舌牛肉各四塊非常多。小食一定要推介嘅就係脆炸珍珠奶茶， 我相信係香港首創， 我亦都係第一次食，但估唔到係咁好食，出面炸到好脆，入面好香奶茶味 ，加上珍珠煙煙韌韌 ，一定要試。另外黃金燒翠玉瓜都係第一次食， 佢上面好多蛋黃。雖然好邪惡但我都忍唔住食曬。孜然雞中翼上面有好多孜然粉，我最鍾意。鍾意食雞翼嘅人一定唔可以錯過。
繼續閱讀
呢間用變形金剛做主題嘅米線店好有特色，好難得見有食肆搵模型角色做招徠，而且認真程度值得一讚，唔單止門口有隻應該有兩米高嘅大黃蜂係度夠晒型格，仲識發光，而枱上嘅柯柏文裝住辣椒油，好有新意。店內主推炸珍珠奶茶，咁梗係要試吓。估唔到真係幾有驚喜，係一粒粒炸到金黃嘅炸物爾配埋煉奶，先蘸一下煉奶再入口，表皮果然炸得好香脆，個饀好煙韌而且好香奶茶味，仲有一粒粒嘅珍珠係入面，完美呈獻返珍珠奶茶嘅味道同口感，唔怪得係店內推介。燒安格斯牛肉牛舌湯麵標榜每天煲製，食落果然好香濃之餘無味精感，個湯可以放心飲，而牛舌好肥厚而且燒得好香，好值得食。酸辣小窩紅薯粉($48)，有好多餸係面，滿到一睇就覺得物超所值，有豬腸、豬軟骨、雞翼尖等，而個湯底同樣係熬製而成，所以唔會有好重味精嘅感覺，難得地酸辣湯底都可以放心飲落肚。蒜香燒金菇，金菇同蒜蓉一向都係perfect match，而呢度嘅整法係加埋炸蒜同蔥，令到個香味再高一個層次、豐富。
繼續閱讀
突然間經過，見到間店有隻人咁高既變形金剛，打算午餐，睇真d原來係幾好味既江x小棧既老闆開左依間店，所以唸都唔唸直接入去試，估唔到一碗米線加湯底都咁好味！用料都十分新鮮！有魚湯既鮮味！米線連湯一齊入口好好味！雞雜魚湯米線，依家都唔係好多地邊有雞雜食，好難得依度會有得食，雜雞整得好爽口味濃！用料都係十分好新鮮！下次黎食真係要試埋其他野食先，太好味了！我地一人食一碗米線，已經好飽，都好想試埋其他小食，可惜太飽了，留返下次再黎！
繼續閱讀