卡莎338 (已結業)

突然間話想食扒，咪上網睇下附近有乜推介🤔🤔見到呢間評價唔錯又可以用openrice網上訂位就諗住試下💪🏻💪🏻網上訂坐可以有全單9折或者28蚊生蠔買一送一滿六隻再送多二隻 （即係俾6隻錢有14隻生蠔）佢既set dinner扒餐唔錯，雖然佢d 398套餐係抵左多個炸物拼盤，但因為唔想食咁多炸野，我地最後都係叫獨立set!扒類可以選鐵板上或碟上，天寒地寒緊係鐵板上正d😋😋肉眼扒還可以牛扒話羊味濃和牛，分別唔大另一個墨魚汁蝦意粉味道正👍🏻咁既地區咁既價錢同環境，傾計食飯一流

求其入左呢間 Casa 338 Cafe 小店西餐廳.. 諗住是但食...點知撞中正野！生蠔新鮮，平！ $78 /4 隻 大🦐忌廉墨汁意粉🍝 醬汁香濃 我一個人全部食哂！烤德國豬手🐷全隻 賣相已經好得！外脆內嫩！兩個人 兩個餐加生蠔 $400 有找！價錢超值！CP 值超高！🤤🤤裝修雖然普通 但係真係好好味！一定會再去食呀！💕

姑姐生日話食生蠔，記得公司附近有間餐廳食生蠔好平，見網上口卑唔錯，決定放工帶姑姐黎左呢間食。今次目標主要食生蠔，所以就叫兩個晚餐加一份5款生蠔set 。生蠔拼盤，一次過食晒5款生蠔，大中細齊哂😆，最細果款係最平$10隻，肉身不大，口感爽口，海水味重。而韓國款姑姐大愛，新鮮，肉厚，海味最十足。最大果2隻生蠔很肥美和鮮甜，海水味濃，食完口內回甘，好正！黑松露野菌鮮蝦意大利飯，意大利飯既飯有一點外軟內韌的感覺，很Creamy，黑松露野菌香味濃郁，虎蝦大大隻，中間已剪開一半，令蒜香味突出，非常入味，仲方便進食。👍🏻厚肉美國牛脷，黎到嘩左一聲，牛脷有成4大塊，每一件都厚切，份量十足，望落以為食緊牛扒😆。肥美的牛舌，爽滑嚼勁。 加埋鐵阪燒汁，大滿足。

今晚係屋企附近食飯，老公話想食西餐，我記得之前食過一間唔錯嘅，所以就揀咗呢間餐廳佢哋有套餐提供，又有Pizza同埋小食，我哋咩都想食，所以每樣都點左一款晚餐套餐有餐湯同蒜蓉包，白湯係忌廉湯，同平時飲開嘅差不多，蒜蓉包好香我哋揀咗澳洲牛肉眼配意粉＄118 ,肉眼牛扒份量都好大，牛肉好易切開，唔需要點汁都已經好夠味道，意粉配埋燒汁會夠味一點煙三文魚薄餅＄88 , size又係好大，薄餅餅底係 薄身，咬落口好脆，煙三文魚好大塊，旁邊仲有蕃茄，上面勁多芝士四色小食拼盤＄108 ,有半份ribs,雞翼，香草腸，洋蔥圈，雞翼煎到好香，外皮好脆，豬肋骨啖啖肉最後叫多兩份甜品，芝士蛋糕＄38 ,賣相勁靚，芝士味重，最鍾意呢一款硬身芝士蛋糕心太軟配雪糕＄38 ,一切開就有朱古力流出嚟，朱古力苦中帶甜，配埋旁邊凍嘅雪糕，口感好正餐廳有得食生蠔，最低＄10就已經有一隻，其實都幾抵食，啱鍾意食蠔的客人

上年探望一女時經過此處，已對這間餐廳留下不錯印象，因自己頗喜歡感覺舒適和大的西餐廳。趁今天上課後能來到這附近，便相約友人一起來這裡用餐。來到時間尚早，人客不多，但不消一會已陸續有客人前來用餐。店內環境相當寬敞，昏暗的燈光，與尚未拆掉的聖誕裝飾，增添情調。晚餐有不少選擇，但正是選擇多，最後我們決定點斧頭扒二人套餐，各取所需，不用想太多，哈!是日餐湯有白或紅湯，我點的是紅湯，即羅宋湯。湯內的配料主要是菜，已煲至相當腍身，湯是偏甜的蕃茄味，不算特別濃郁。而友人亦表示白湯亦屬中規中矩的味道。喝湯時配蒜茸包是必需的，蒜茸味不算突出，而麵包脆口。二人小食拼盤包括雞翼，春卷，雞寶和薯條，全都是炸物。薯條有點硬身，但勝在較粗身；春卷味道不錯，餡料夠多；雞翼亦香脆，而雞寶的外皮稍嫌粉醬較厚。再來有主食香蒜牛油烤虎蝦兩隻! 蒜茸香氣撲鼻，欣賞店家已把蝦殼切開，方便客人食用。虎蝦肉質彈牙，配上蒜茸牛油更為滋味，不錯!16安士美國頂級安格斯斧頭肉眼扒真的很吸睛! 比我想像中大得多! 我們點了7成熟，切下去時仍見血肉，剛剛好。肉眼扒燒得香口，牛肉味濃郁且算多汁，油脂比例亦恰到好處，選了黑胡椒汁，個人覺得不用沾醬

呢間餐廳已經食過第二次因為好平而且質素都算高今次去完荔枝角行完街之後都特登返嚟食晚飯呀 搵咗個窗邊卡位,坐得舒舒服服地方都算大呀！而且餐廳菜式款式好多選擇 今次叫咗咖哩牛腩飯係套餐嚟嘅， 包括 蒜蓉包 餐湯同飲品， 價錢都幾抵食。蒜蓉包脆卜卜熱辣辣羅宋湯好飲 另外有驚喜嘅係杯凍奶茶好香濃幼滑再叫個西班牙黑毛豬配菠蘿～ 黑毛豬好大件呀！煮得剛剛好，唔會過火！ 厚燒菠蘿好甜！ 仲有薯條薯菜好豐富呀牛油焗虎蝦超大隻呀！好新鮮肉質勁彈牙呀

深水埗區就是庶民美食天堂今晚與朋友相聚於卡莎不想費心神就點選了二人套餐餐廳也有提供生蠔但朋友不好套餐是二人斧頭扒餐先來紅湯白湯各一是港式西餐的經典選擇脆卜卜的蒜蓉包更少不得小食拼盤緊接奉上雞翼春卷雞寶薯條樣樣熱氣上火但我喜歡然後是蒜蓉虎蝦蝦肉爽口啖啖肉好滿足主角是十六盎司斧頭扒體積之大嚇了我們一跳肉質很嫩肉味也不錯跟一點牛脂食更加香口二人開心分享最適合不過呷一口少甜的凍檸茶就是我們每一個的集體回憶

在街角見到依間店，見到都好似幾有格調，望下隔離仲有個地方更大，問下員工，員工話隔離會再開耐2個鐘，專for俾人飲酒用之後叫左個斧頭扒二人套餐，雖然有諗話食澳洲和牛，但感覺斧頭扒更低食，而且叫到有生蠔食，再叫埋5款生蠔set,食生蠔當然都唔少得要叫杯白酒飲下開頭黎既蒜蓉牛油虎蝦好食，如果有多隻食就好啦，食埋個小食拼盤，安格斯斧頭扒就到啦，個人叫左7成熟，但覺得6成可以更好食，不過牛味好香好濃，基本上我反而唔想點醬，因為想繼續享受佢的牛味食完就上埋5款生蠔，認真地不太清楚知道分別係點，不過食落幾款味道係有分別，而且重要既係好新鮮同鮮甜，咁就足夠啦

我們兩人在冬至晚上選擇試下長沙灣的Casa338, 因為見到佢地既食物好吸引! 我們點了斧頭扒二人餐, 而且套餐的餐飲可以用優惠價錢轉做紅酒/白酒, 對我們兩隻酒鬼黎講真是太好了！16安士美國安格斯斧頭肉眼扒-肉味香濃,完全唔韌,order4成熟,絶冇over cooked!香蒜牛油烤虎蝦-大大隻又肉厚,用蒜蓉牛油焗,特別惹味!二人小食拼盤-香口熱氣小食, 餸酒一流!心太軟-套餐加$28, 咁嘅價錢, 有咁嘅水準!西班牙酒-雖然好新, 強而有力和斧頭扒絶配!這個套餐真是超抵食!真是一間用心小店!Openrice訂座有9折呀！我們一定會再來的!

呢度附近唔太多西餐選擇，但呢間算坐得舒服，仲有好多特別啤酒飲，見到有唔少街坊幫襯今晚食平d，就試試食呢間街坊西餐廳先～ 生蠔拼盤，一次過食晒4款生蠔，新鮮，肉厚～一人一份，唔使爭～餐湯配蒜蓉多士今晚係白湯牛扒配薯條，賣相用味道都ok，呢個價錢算唔錯～薯菜係薯條咸豬手烤得香脆，肉彈牙，裡面充滿滿滿骨膠原～ 記得點埋d蜜糖芥末醬一齊食呀～嘆返杯餐茶先～熱檸水同凍檸茶清清油膩～仲有其他餐～ 幾十蚊有餐湯，主菜同嘢飲，抵食～

這晚是冬至，許多地方都人多擠逼，但這裡卻沒有限時限食的食店。雖不設平時最平的晚餐，但也不會覺得特別昂貴。我們叫了和牛二人餐，$398。湯、餐飽連餐飲，小食拼盤、半隻德國咸豬手、和牛。紅湯是稀稀的，蒜蓉飽硬硬的，我覺得一般。小食拼盤有兩隻炸雞中翼、粗身薯條、三條炸春卷及兩件細炸雞。份量是十分夠的，但若不愛炸物，就會嫌太炸了。半隻咸豬手雖小，但食落會很滯，所以份量是可以的。外皮脆脆，但肉略嫌乾。和牛選了六成熟，表面香煎，很有牛味的，幾好食。我們還加了$78四隻生蠔，有不同大小和口感，最大隻就當然最肥美，我覺得食了兩隻大的都夠了。餐飲+$38轉了啤酒，唔記得個名，只記得話有芒果香味。我嚐不到。因電話預訂，有九折，總計$500。總括而言，我覺得佳節來說，這價錢很超值。

住在長沙灣最好就是食肆多，交通又方便，而且消費指數都相對較低，容易找到平靚正的美食，今晚我們兩個無飯夫婦就來到Casa338吃晚飯，Casa338開業一段時間，第一次來光顧，主要因為姑拉推介這裡的食物正靚正，所以忍不住前來一試⋯對比同區餐廳，Casa338面積算寬趟⋯生蠔也勁抵食，還有斧頭扒更是十分超值，過往在其他區看餐牌，斧頭扒一定是超貴，多數是7-900大元才能嚐到，個Casa338的斧頭扒二人餐真的非常超值，所以我們就決定這次不吃生蠔，來個斧頭扒二人餐﹗二人餐有香脆的蒜蓉包⋯餐湯可以選忌廉蘑菇湯/羅宋湯⋯還有二人小食拼盤，全部都是香脆可口之炸物，有炸雞翼、炸薯條、炸雞和炸春卷⋯另外還有香蒜牛油烤虎蝦，虎蝦大大隻，滿滿的香蒜味，蝦肉鮮味十足，不會乾身⋯主角斧頭扒出場了﹗果然份量十足，16安士的美國頂級安格斯斧頭肉眼扒，2個人吃得飽飽的，雖然牛肉味不算很濃，但肉質軟腍，勝價比高﹗餐飯包普通奶茶咖啡，凍飲需另加$2$400一個斧頭扒二人餐非常超值，相信在其他區難以這個價錢嚐到份量十足的斧頭扒了﹗節日慶祝也不失為經濟之選呢﹗

casa338位於不太起眼的長沙灣的位置，雖然人流不多，亦非旺區，但煮出來的食物卻令我眼前一亮。當日雖然時間尚早但天色已黑，幸好他就像漆黑的螢火蟲一樣，被我發現左啦。聖誕節近，店內都佈置得帶聖誕氣氛。店內的裝潢不算很豪華，只走簡單風格，不過看得出有部份的地方是花過心思，例如是牆上的佈置，很簡單的小掛畫已經令人眼前一亮。我們點了一個4款生蠔set，另外點了兩個餐。餐湯方面沒有驚喜，蒜蓉包不熱，幸好湯的味道不俗生蠔方面用了法國4款不同生蠔由細到大的吃法去吃，發覺n4那隻有很重的蠔味，反而海水味不濃。n3那款蠔味反而較淡，但很清新。n2那隻較cream而蠔味亦算偏淡，最後n0的carina不單是cream而蠔味亦非常之濃郁。我們食蠔，自然有餐酒相件，我已經記不起點了那一款(因為是柑太點的)，但入口很有果香，而且不嗆喉，很適合女士飲用。餐酒牌，柑太說她點的應該是由上而下的第三款。等了一會，主菜亦上了。法式燒羊架，肉質非常之嫩，幾乎沒有羶味，咬落肉汁多而滑，而且分量很足，燒汁在此反而是多餘了，因為本身羊架的肉味已經非常出色，根本無需要點其他醬汁。西班牙黑毛豬胺配菠蘿燒得洽到好處，一切開便肉香四溢

老婆話想生日食生蠔，但又唔想食咁貴，左諗右諗決定再嚟呢間食（上次同朋友試）。由於今次要食平D，所以冇揀$398嗰D餐。咁就叫兩個晚餐+小食+生蠔～先嚟嘅係焗薯蓉，$30算幾平，味道唔錯。雖然話食平D，但係咸豬手真係好吸引。晚餐$98連餐湯+蒜蓉包+飲品，咸豬手只有半隻，不過份量都ok。（餐飲可加錢轉啤酒/紅白酒，但係+$73轉杯大啤有D貴）其實如果可以第一樣就上生蠔會開心D...不過唔緊要啦，好食咪得囉！$10一隻嚟講，絕對冇得輸！另一個晚餐，焗牛尾意粉$78。我個人幾鐘意呢個意粉。預先打去叫侍應幫我寫字落心太軟，算係一個小小驚喜啦（不過手字有待改進）餐廳裝修唔華麗，但食物質素我覺得比較重要。上次食嘅斧頭扒都唔錯，最衰我老婆唔飲酒，如果唔係每人+$88就可以啤酒任飲～最後埋單，Openrice訂枱有九折，盛惠$440～

老爺話想食西餐，一家大細趁Sunday就接佢出街食午餐同四圍行下，今次老公提意係長沙灣呢間西餐廳，位置較多錶位拍車，地方都好夠大。其實我夜晚食過都覺得ok嘅。還有多款手工啤酒添！ 晏晝去就第一次，8位安排入坐但其實都幾爆，其他枱都已滿。午餐Set 有多款選擇價錢經濟，講緊Sunday會貴些但係最貴都唔過$100, 還包湯，多士同餐飲。仲有4款小食可追加，如雞亦，焗田螺，焗蠔，芝士煙肉磨菇等 德國豬手餐 $88份量足，賣相唔錯，味道好，彈牙鹹香之餘連豬皮膠質重，配薯條雜菜要提提佢個介辣蜜糖汁好正，同豬手好夾。大大雜扒餐 $58包括有雞扒，豬扒同腸仔，跟左個蒜蓉汁好惹味，豬扒肉質較軟，雞扒亦滑。雞扒or豬扒跟煎蛋腸仔飯餐 $48 (可轉意粉+$3)個汁都係蒜蓉為主，因為得一塊豬扒，所以就另加雞亦同老公分享添 ❣ 超滿足 大家都食得好開心，性價比高