卷之屋

營業中

休息中

呢間小店真係由以前讀中學個陣幫襯到而家，以前鋪頭開係2樓，跟住冇左一段時間，個排去到葵廣即刻唔知食咩好。之後又係3樓見返佢，勁開心。每次去到必食既一定係三文魚腩手卷，魚腩位一定係勁肥美，而且呢間既手卷係食到最底都仲係有三文魚，飯又唔會太多，唔似出面好多手卷都係得面個層有料，底下就全部白飯，勁足料，淋埋佢既芥末油豉油，好好味😋

大件就假既... 手捲size不陋都係standard架啦😅 我指佢個餡係特大! 你睇我今次呢件, 三文魚腩大到突晒出嚟, 食到落底都仲有魚。 三文魚子多到驚佢跌出嚟, 48蚊咁足料, 抵食! 我自己都耐唔中翻兜呢間, 又睇咗各位大大既相, 發覺佢地D餡時大時細, 當然好在偏大既多啦, 見到有師兄舊魚仲大過我今次呢舊😋 返兜佢地另有原因! 因為我鐘意食地下個間車仔麵, 餓起上嚟驚唔夠飽, 就先上嚟三樓掃街區, 嘆件手捲先! 可取之處: 性價比高進步空間: 希望下次個餡唔好細過今次🤣!

本來想食呢間店既情懷，畢竟都開左好多年，由中學開始幫襯。咁一如以往叫左個三文魚反卷。個反卷啲三文魚只見到一面，反轉只見到飯，完全見唔到三文魚既影……………啲飯又凍又硬，以前食都係暖既，今次飯中間仲要夾左條頭髮……啲紫菜仲要淋既…………成舊野好噁心，咩情懷都無曬。真係永遠都唔會再幫襯。

由舊舖食到新舖真係由細食到大 味道都係始終如一都係咁好食！無論係手卷/卷物 全部都好食無特別必食推介 因為好多都好好味😆仲要整得好快老細又好溫柔每次去到都一定要食佢

葵廣•邪惡😈火焰🔥日式卷物講起輕食, 但又唔想食整個Set餐? 黎到葵涌廣場掃街就啱哂你.. 今次為大家推介呢間屹立喺葵涌廣場無10年都有8年嘅小店 ”卷之屋”!! 固名之意都係日式卷物, 不得不推介包括: 邪惡😈🔥”火炙芝士卷物＂、＂芝士厚燒玉子🍳＂、“厚切🍣三文魚腩海膽手卷＂當然好食既又點止咁少, 真係聽到都流口水..🤤其實最大噱頭就係即叫即做, 燒到芝士溶溶地恰到好處, 簡直入口即溶特別有口感！為食推介😋👋🏻五星🌟🌟🌟🌟🌟💵🙋🏻‍♀️人均消費$50-$100=•=•=•=•=•=•=•=•=•=•=•=•=•=•=•卷 之 屋 （葵芳）📍地址：葵芳葵富路7-11號葵涌廣場3樓Top世界T21-22號舖#S☀️KS #卷之屋 #hongkong #chineserestaurant #Dimsumfood #hkCuisine #香港美食 #葵廣 #葵涌美食 #日式餐飲 #飯店 #三文魚腩 #海膽 #厚燒玉子 #火焰芝士 #happyhour #foodies #foodiesblogger #foodieshk #foodblogger #hkfoodieblogger #op

葵廣一向都係掃街天堂, 但每一次去到 我都會上三樓食過手卷先 -卷之屋去到次次都有一條小人龍,都知佢係屬於葵廣一大人氣店嗌左三文魚腩手卷 $27三文魚腩手卷 - 一睇都知厚切 佢刺身同飯既比例 可以做到1:1咁濟一咬落去  D紫菜仲脆架 之後加埋D WASABI 豉油,啖啖肉 真係一口接一口總結:之前食過其它口味,都係三文魚最好食;但佢個價其實都算貴,因為份量唔算多 但係味道就真係一絕 好好味!! 次次去葵芳都會去幫襯~

「火炙芝士三文魚手卷」.真係超推 $25 好多料(利申：唔知係咪因為食完另一間壽司店 $55 海膽手卷 所以有呢個感覺 😂.會「回食」👅..備忘錄：* 膠袋 加$1* 外賣可選自己返屋企包紫菜* 可附送䜴油、wasabi

呢間手卷成日都排長龍，趁今日條龍都唔算太長嘅時候去排一排先，食完之後果然名不虛傳，有好大大嘅魚生, 尤其是鍾意啲飯，唔會太硬，呢個價錢真心好抵。唔怪得咁多人都會排隊食呢間，果然名不虛傳！ 👏👏👏 下次都要再過嚟試！

店名: 卷之屋地址: 葵芳葵富路7號葵涌廣場3樓Top世界3069-T21-22號舗葵芳站E出口，行2分鐘環境: 外賣價錢: 4/5味道: 3.5/5火灸芝士炸軟殼蟹反卷$33佢地嘅其他反卷同手卷之前食過，都幾好食，又大份又多料，但軟殼蟹偏咸，加埋豉油就咸上加咸🙈下次都係食翻三文魚🍣/吉列蝦🍤會好啲😬#stitchfoodie葵芳#foodie #香港美食 #美食推介 #港島美食 #九龍美食 #食好西 #香港吃貨 #打卡美食 #生日好去處 #拍拖好去處 #香港食評 #香港餐廳推介 #香港小食 #香港甜品 #香港西餐 #香港中菜 #香港泰菜 #香港日本菜 #炸雞 #放題 #火鍋 #打邊爐 #香港拉麵 #香港川菜 #香港台灣菜 #珍奶 #吃貨 #hkcafe #香港越南菜

記得之前出街要戴口罩的日子，想掃下街都唔太方便。到了2023年，依家終於可以除口罩，所以今個周末特登去葵廣掃下街先！葵廣掃街第四站，飲完野再去食壽司@卷之屋～火炙芝士蟹柳反卷 ($20)卷之屋係葵廣非常之出名，長期都有排叫野食的。星期六去的話就一定要食啦，但如果係星期日.....佢就關門的，係少數星期日唔開門的葵廣餐廳。今次叫左火炙芝士蟹柳反卷 ($20)，由於即叫即做的關係，等左５分鐘左右，燒到芝士溶溶地咁食真係特別好食！蟹柳個D正正常常，因為佢只係配角，主角當然是火炙芝士啦～而佢亦有好多種唔同火炙壽司的！以下係我的評分（滿分為５分）：味道：5分環境：(外賣不評)服務：(外賣不評)價錢：4分推薦程度：4.5分卷之屋網址: https://s.openrice.com/QrbS0QiW700~uKZISBA 地址: 葵芳葵富路7號葵涌廣場3樓Top世界3069-T21-22號舗 電話: 94596462

*⃝̣◌︎⑅⃝︎◍︎♡︎《葵廣掃街系列》*⃝̣◌︎⑅⃝︎◍︎♡︎我相信好多人嚟葵廣掃街都一定有食過依間「卷之屋」，雖然佢搬咗新鋪之後，位置係比較隱蔽，但係人流冇因此減少到，依舊咁多人排隊，職員一直係到整冇停過手，而且見到你食完之後有時候唔多人或者係附近其他舖頭叫咗嘢食都會順手幫你收咗佢抌就算已經成日嚟食，但係每次嚟到都要諗好耐食咩好，因為每一款都好吸引啊！火炙芝士左口魚裙邊手卷 $25 推薦指數🗯️：🌟🌟🌟🌟左口魚裙邊好肥美，只要一燒過，食落去就好似肥牛咁溶化係你個口腔，不過它本身就冇咩味道，所以配上芝士一齊食，令成件事更加升華火炙芝士三文魚反卷 $27推薦指數🗯️：🌟🌟🌟🌟因為同行人士鐘意食三文魚，所以就擇左三文魚反卷，而三文魚都算肥美，再加上表面嘅火炙芝士，食落都好夾！而且料跟飯嘅比例都剛剛好，唔會淨係食到飯吉列炸蝦反卷 $21 推薦指數🗯️：🌟🌟🌟🌟因為已經叫咗兩份有火炙芝士，所以依個就冇再加芝士，不過同樣咁好食，而且加上芥辣醬油可以增加層次感，也同時可以減少食完其他芝士嘅油膩感以上均是我個人觀感，每個人嘅口味各有不同，所以末必同每個人嘅用餐感覺一樣，如有不同，敬請見諒。

每次去葵芳，一定會食呢間手卷同反卷，佢既芝士三文魚卷係堅正😍😍😍，最重要三文魚腩手卷，又見肥又靚，最緊要你唔係得上果舊，係成個手卷食到尾都仲有😋😋😋咁先犀利，但有時去到就冇開門😭呢間食左好多次，通常會即買即食，然後走果時買一大底番屋企食，芝士濃而不咸，配合埋三文魚真係堅正🤪🤪🤪最重要最重要係平又抵食，出面食得果少少都成40蚊以上，呢間性價比係堅高，職員有禮貌，又唔洗等太耐，誠意推介呢間😍😍😍

我諗呢間應該冇咩人唔識～基本上每次去葵涌廣場都會食！好抵食又好好食，完全諗唔到有咩理由可以會唔食佢😆炙燒芝士三文魚手卷、三文魚腩帶子手卷、芝士軟殼蟹反卷都係我嘅最愛每次都會好掙扎食d咩！每樣都係大大舊好足料平時食手卷成日都會遇到d 睇落好足料，但其實d餸淨係得面果層先有嘅情況。但呢間一定唔會！佢地d料係多到當你食到最尾一啖，每一啖都係又有料又有飯！不過有個少少🤏🏻嘅美中不足就係塊紫菜有時會冇咁脆～不過呢個價位呢個質素已經係超哂班！總之葵廣掃街其中一個quota一定係留俾佢地！不過葵廣真係好多人，週末想食就可能要錯開d高峰時間啦！

有冇人天氣凍都鐘意食凍嘢呢😚,難得到Sem break想搵地方同frd去fing 去食好西? 🤩或者放工想搵啲嘢嚼吓? 😋今次尼間舖頭都係唔錯嘅選擇 大家經過葵廣記住嚟試下👀火焰三文魚飯卷🔥🔥🔥今次同frd係下晝15:30去到尼到🥹本身都已經聽過呢間嘢出名火焰三文魚飯卷 😗所以決定叫佢嚟試下😋等嘅時間都幾快 幾分鐘就整好🫶🏽 食落口覺得啲芝士真係巧巧味🤤不過有少少喊😵‍💫 但整體都幾好🌊價錢:$30💰💰💰好味到指數:3.5/5 😋😋😋火焰軟殼蟹飯卷🔥🔥🔥有少少想食所以決定叫埋個火焰軟殼蟹飯卷😳個軟殼蟹畀我想像中大同脆🥺一啲都冇失望到😍價錢:$30💰💰💰好味到指數:3.5/5 😋😋😋芝士玉子燒🧈🧈🧈呢舊東東我相信都係佢嘅招牌嚟😏所以叫埋嚟試下🤓佢真係好好食😚蛋嘅甜味再加芝士嘅鹹味真係冇得彈🤪不過價錢就有少少貴🥺但係值得嘅😌價錢:$17💰💰💰好味到指數:4/5 😋😋😋

葵廣嘅卷之屋🐟🍣 ,每次嚟都必食,雖然佢搬咗上3樓比較隱蔽嘅地方,但依然都冇阻大家要去食佢,我嘅愛一定係三文魚反卷同三文魚手卷🍣,但胃就得一個，每次都選擇困難,每次都唔知食邊樣好,今次就食咗三文魚反卷,員工好快手,基本上一俾錢1分鐘內就會有,一份係六舊,上面有滿滿沙律醬,雖然細細舊,但係佢三文魚好肥美，油脂好足，入口即溶,配合埋沙律醬,一啖接一啖好快就食晒六舊,嗌完之後,見到其他人食火炙芝士都好似好吸引,下次等我試吓先