原味屋 (已結業)

價錢好平 有時老闆會送腸仔俾我哋食。次次經過必定幫襯。巴基斯坦咖喱雞飯，大件夾抵食。仲有雜扒飯好有份量$50嘅價錢就食到。香港茶餐廳越來越少希望...繼續做到落去

今日中午大概12點同朋友黎度工廈既餐廳黎覓食🤗😋 環境都幾乾淨，一開始無乜堂食客人，見佢淨係密密出外賣餐！選餐上，見佢有每日午餐ABCD餐選擇，不過我無乜興趣🤣 而且黎之前見有人寫食評讚佢既焗茄汁豬扒意粉🍝所以決定叫第2個menu!!睇完menu，發現無焗茄汁豬扒意粉😂 問職員後，發現原來佢menu上係有埋蜜汁豆呢個字，但我唔食既，所以就走左啲豆佢！等左唔係好耐就有得食， 份量都夠食！ 但聽朋友講佢哋午餐嘅焗牛脷飯個size就好似比我呢個餐細啦！外觀方面，我覺得佢焗得唔係好夠，芝士無結備一層膜，都無拉芝😬。呢一個焗意粉，配料都比得幾多！味道方面，茄汁我同朋友都覺得有少少淡！！ 希望會濃翻少少，同焗得香啲！豬扒肉質都一般般的！

Lunch time成日都出街食，又食到悶晒呢架非常時期，都係留番係公司食安全多d😷😷😷公司成日都會有外賣紙插晒係度，真在係花多眼亂，我d同事就極力咁推薦咗呢間原味屋，因為佢一個都送外賣架，無限制，又幾好啵！😁👍👍我就叫咗個下午茶好抵食，三十七蚊炸，叫咗十五分鐘左右，就好快送到上黎，真係熱辣辣送到，打開個飯盒，蕃茄香味散發出黎，而且好滿一個人都食唔晒，味道好好呀，真係原味無味精咁，豬排又夠入味，意粉又唔會好硬，下次會再叫黎食😊😊

自從去到荔枝角返工🤭，呢間茶記呢其實呢就係每一個禮拜都會去到地方😲，但係一路都係冇寫過食評😟 所以今日特登講一講呢間茶記🥳呢間餐廳每一個星期每一日都有唔同嘅午餐🍝 ，午餐黎講都可以算係好多選擇🍜🍲🥗🥪整體每一個餐嘅味道都唔錯，好似我呢張相嘅呢個燒雞比拼日式咖哩汁飯🍛亦都係我有啲想像唔到嘅組合同埋價錢都好平民🤭所以如果喺附近做嘢嘅朋友，可以嚟呢間舖頭試一試，應該會有一個以上唔到嘅驚喜

估唔到，原來呢度附近都有高質的茶記熟我既朋友，就知我幾憎食茶記!!加上試過食完就腸胃炎(上吐下瀉)，病真係好難頂!!好辛苦!!果日同同事傾開計，Tiga介紹有間佢地試過幾好味我們仨就試下啦！由於大家一齊叫，我倆又想行下散下心，所以就話自取~~真係意想不到，呢間咁好食喎!!!!去到都等左好一陣子先有得外賣自取，我懷疑佢根本無幫我地落單，或者真係生意好好啦！事關眼見都坐滿晒客人，有人埋單又有人黎，keep住爆場，坐滿晒~~我們仨既我們食既都係差唔多

近排天氣炎熱，也不想外出買外賣，公司常常也收到不同餐廳的外賣紙，這次選擇了原味屋來嚐一嚐！(❁´ω`❁)外賣速度超快，點了餐15分鐘左右送達！與同事貼了兩個餐～開心分享！分別是炸雞脾+雜果沙律，炸雞脾是很港式的滋味，雞脾又大又滑，外層炸的很脆口(★‿★)而沙律就很茶餐廳的風味，每一個水果也有滿滿的沙律醬一起～ 也不錯！另一個是XO醬炒牛柳絲烏冬，一打開外賣盒，多得要湧出來呢，而且很熱騰騰，感覺是即叫即炒！XO醬味道適中， 烏冬又不會太硬，很有口感！牛柳絲夠多～ 整體是滿分💯而且吃完是沒有味精的感覺！真真正正的原味屋，價錢又優惠～推薦給大家～

係呢頭黎講呢到既早餐都算唔錯 咁我就叫咗個麵餐都幾豐富又埋多士 呢度嘅麵係韓國麵所以都幾特別同埋又抵食 今餐我係叫外賣啦所以冇喺堂食味道都覺得OK所以值得一試 早餐都仲有其他選擇都算唔錯㗎

上星期六要返工（慘）諗住叫個外賣醫下肚，點知外賣一到，未食已經一肚氣😤我係食常餐既，貪佢配搭自由啲又夠哂飽，食完仲要繼續做野·吉列魚柳配米粉火腿奄列加牛油方包HKD43+$2凍飲·🤦🏼‍♀️咁大個人第一次食常餐係咁狼狽1️⃣火腿奄列直接放左落我個米粉度😑奄列浸到濕哂，米粉又比個奄列索哂啲湯🤢2️⃣兩塊吉列魚柳係用紙袋裝住😑做乜勁呀！搞到要用湯米果個碗蓋當係碟，仲要無比沙律醬我☹️·正常係都奄列同吉魚用盒放埋一齊啦😨不是嗎？成個餐食到好狼狽🤦🏼‍♀️🤦🏼‍♀️唔係話比錢大哂，但如果比盒要加少少錢，可以出聲問一問我吧，起碼唔洗食到咁「哩hea」呀😭·雖然係好唔愉快既外賣經歷😟但我隔一排應該都係會再食，但就講明白啲要求啦

新嘗試，上次見有人原來可以走湯，所以今日又試下，因為太大份，走埋包凍檸茶少少冰其實茶餐廳，d員工好笑容有禮貌，唔貴仲要咁多選擇，真係好唔錯今日叫凍檸茶少少冰，一開始比錯左少少甜(應該落單時錯左)，都好快手肯換返不過如果下次唔揀走湯，太乾，都係有湯好味好多

見到呢間唔明顯嘅餐廳連餐牌都冇，所以好奇之下去openrice search下，見到d早餐好抵咁，最緊要杯野飲大大杯一入去就有人會比杯熱水先叫左五香肉丁米，仲可以揀兩樣餸，再加個餐包或菠蘿包，真超大份，肉丁唔係非常多，但好大粒又夠味個菠蘿包其實係餐包咁嘅size, 我多數都食唔晒拎走，凍食都好味，當然唔可以預計好似其他包店咁有脆嘅菠蘿皮，但都甜甜地幾好味餐肉同腸仔都煎過，香香地凍飲+$2， 今次張相係冇叫少少冰嘅檸茶所以，記得要叫少冰或少少冰，因為本身真係好大粒冰，又多冰我試過叫完少少冰後覺得啱啱好佢地嘅凍檸茶幾好味，有茶味，又夠味，其實我仲會飲幾啖再加少少水落去，啱啱好同埋呢度幾好嘅係，d人好快手，上野食快，食完都好快會收野, 不過只要見你仲有少少野未食晒都唔會急住收左去同埋位都幾多，早餐時間唔洗擔心冇位咁樣食一餐$31, 算幾抵啦

公司每月都有兩次例行會議，開完會老闆都會請大家食少少嘢，公司祕書負責訂。其實我地係幫襯平日吃午餐的餐廳，因為好多同事都有係果度食午餐，覺得有一定水準，所以信心都足，咁大部分同事都一致贊成，所以公司近年開始都訂呢間，結果都有超出預期👏🏻👍🏻 🌟送貨時間彈性同可以配合會議結束，試過時間改左兩次，都無say no，態度極好。🌟價錢都好合理，我地每次訂千零蚊到。試過外面訂d到會套餐接近2千都唔係好夠食，運費都去左兩百😂訂呢度唔使運費，老闆親自送上來👍🏻同事又夠分，大家都滿意。🌟食物份量足，食材新鮮，溫度保存得好🌟送到來包裝妥當，最緊要無漏汁。

身為呢一區嘅住客達10年，基本上好多餐廳都食過，連鎖連鎖餐廳真係唔使講，除非嗰日滂沱大雨或者打風又或者果日懶懶地先會去幫襯。係億利呢間工廈地舖嘅茶記，我最欣賞杯凍檸茶同奶茶，真係好得，成日會買外賣。因為工廈區，佢早午餐都爆爆地，好多office嘅人幫襯，所以佢有特別優惠，好似外賣自取減＄4，有時放假或者週末下午茶就會幫襯，製作真係幾用心，上次見我喺度等緊外賣，望緊佢哋到會嘅Menu，收銀阿姐仲會同我好有笑容咁介紹，又叫我坐住等，依家係茶餐廳真係好少見。

系荔枝角不經不覺工作差不多6年，D2附近大小食店都幫襯不少，這間每星期都會光顧。以早餐計，這間是比較便宜而食物質量好的。五香肉丁香口而真似五香肉丁(附近有些系好XYZ難食的). 個包有時會上菠蘿包，全個餐都熱辣辣上，食完就開始醒神一天。

我鐘意左食呢到幾早餐 因為佢有個餐係芝士辛辣麵 我覺得好特別 因為好少早餐會有架 我叫左個芝士辛辣麵啦 咁除左個麵好食之外佢個辣都唔錯 我係食完想再食個湯有芝士味 我就連湯都有飲埋

其實我係一個好重視早餐嘅人，返工無論去邊區都寧願早半個鐘到食個靚早餐兼睇陣報紙先返工，諗落都幾老餅下荔枝角區都幾多茶餐廳，正是花多眼亂，這間食早餐係比較深刻的，最吸引我嘅係呢個芝士麵餐，平時轉辛辣麵或芝士麵最少加$5，這個餐接近一般早餐價，雖然對我嚟講，超過30蚊嘅早餐都係貴，但面對現實，荔枝角食早餐，真係個個挨近30蚊咁滯。講返呢個芝士麵早餐能夠咁嘅價錢，我估應該係個麵只有火腿絲做餸，而另外揀的二樣餸就跟埋個奶油豬一齊上，呀，唔係一個，係半個奶油豬至真，就先講呢個奶油豬，啲奶多到呢，要我次次叫少奶，但仍然好多，最怕流左落煎雙蛋上面，今次又係咁。不過半個奶油豬就要睇下你被分配到上半定下半，上半就脆啲，不過呢啲口味嘅嘢都係見仁見智，而個煎雙蛋無咩特別，不過起碼係熱嘅。咖啡我次次叫少奶，都唔錯，飲得出茶餐廳的味道，反而我唔鍾意依家有啲啲茶餐廳用所謂嘅即磨咖啡。主角(我認為) 芝士麵最正，麵身夠爽口，湯夠濃，好明顯係叫要煮，因為我一話要芝士麵餐，個伙記咩其他嘢都未落，就會call walki同廚房講：「6號枱，一次芝士麵」，然後先落其他嘢，咁樣個麵就會同其他嘢差唔多時間到，幾細心。食飽早餐，