叄嵐日本燒鳥串燒居酒屋 (已結業)

平時搭開23號 都會見到叄嵐嘅易拉架牌今日終於有機會試下喇～下雨天嘅傍晚 叄嵐位於小巷內 都有少少偏～一入門口 就見到傳說中嘅貓公關喇！內裡裝修似足間cafe 一塊塊黑板寫滿哂推介食品同野飲當然都有「點心紙」俾我地剔想食咩啦～小編好鍾意食鰻魚 見到餐牌推介嘅特盛灼燒鰻魚飯($108)緊係9秒9要嗌啦！鰻魚原條上 入口香氣撲鼻  肉質肥美軟稔 一口肉連飯食 非常滿足！再來蒜燒蠔($48/2) 雞腎串($28/2) 同 小甜薯($16)燒蠔大大隻 好飽滿又新鮮雞腎非常爽口 灑上粒粒鹽 咸香可口牛油醬油燒扇貝($78/2) 牛油＋蒜係好襯嘅配搭 燒起上黎好惹味！鯖魚($38)同樣原條上 魚皮燒到小燶脆皮 而且魚肉軟滑 正！最後就係該店主打 來自四國怎島嘅名物--阿波尾雞揀完又揀 最後揀左雞中翼串($30/2)皮香肉稔 而且雞翼剪開左 好易食！係街巷內嘅居酒屋 真係唔易發現架！不過有貓貓公關係度 貓奴一定識路嘅～

老老實實！這間店真的有點私密，如果不是有朋友帶路，我真的會迷路😅，在灣仔鬧市中迷路真的有點攪笑🤣此店其實在軒尼詩道遊樂場附近的安樂里，由遊樂場那邊走，再轉入安樂里就易找很多了🤗餐廳內的設計讓人置身日本居酒屋，還有很多貓貓的裝置，愛貓如我，非常喜歡😻我一向不吃雞皮，但朋友話食鳥串（串燒）當然要食雞皮啦，脆口， 返唔到轉頭，送酒一流，所以，朋友結果叫了雞皮，不過，佢今次無叫酒飲，haha，可能佢見我無叫掛👻翠玉瓜烤得剛剛好，吃在嘴裏，瓜汁四濺😻😋燒蠔蠔肉嫰滑😋原條燒茄子皮脆肉軟，好吃👍🏻燒扇貝夠鮮味😊鹽燒秋葵香脆美味😋還有陪吃貓咪😻😻😻 令成餐飯變得不一樣，真係放工晚飯好去處😻😻😻

今個下午我和癲姐走到去灣仔開好友高峰會議👥，各自一早忙完自己手頭上嘅工作👏🏻👏🏻，見面一齊hea住食hea住傾👭，我哋去咗“叁嵐日本燒鳥串燒居酒屋。叫了“ 松節蟹肉帶子沙律 ”🥗，材料十分新鮮，🦀蟹肉有鮮味，份量剛好。.“ 糯米釀無骨雞全翼 ”，雞翼表面辣辣地，好香口惹味😋😋。.“ 火焰芝士焗蠔” , 淡淡的芝士味配上生蠔的鮮甜味，又幾好味喎~😚👌🏻清酒鮮蜆烏冬😋😋好鮮味啊～清酒能加強蜆肉鮮甜味，啖湯超甜~~可惜烏冬粗了一點，如果改用稻庭烏冬會更夾😉😉。呢杯榛子咖啡hazelnutlatte相當出色☕。想不到串燒居酒屋竟然有如此高質的咖啡，仲要拉埋花架😏😏，令癲姐喜出望外，雙眼發光👀☄，意想不到👏🏻👏🏻👏🏻，真心好飲 。餐廳位置在 W square 後面嘅巷仔裡，位置可算少少 隱蔽，不過要搵一定容易可以見到。裝修好日本風味，而且仲有猫猫部長呢招呼你，哈哈~好可愛啊～

估唔到係灣仔的後街會有間咁有日本色彩的居酒屋。和風環境，用上木色和藍色，樓底夠高，枱不會太密麻麻，唯冷氣不夠。去counter落單，燒物需時，建議早早下單，並耐心等候。Self service，有自助餐具和醬料區。有兩隻可愛貓貓在店內遊玩。紅西柚子梳打($48)不太甜，酸味味，夏日涼伴。松葉蟹肉帶子沙律($88)真係有松葉蟹肉、帶子、蟹棒、蟹籽、蕃茄、粟米、菜，拌醋汁，材料豐富，味道不錯，松葉蟹肉都有不少。蒜茸燒蠔($48/2隻)蒜茸味好香，仲有蠔汁一齊飲，好味。牛油醬油燒粟米($38)，燒出香香粟米味，粒粒飽滿香甜。煙肉韭菜花串($28/2串)，煙肉唔會太肥，灑上黑椒，更惹味。阿波酢雞串一人前套餐($148)，有12串燒物配日本米飯，6串雞6串蔬菜，採用日本阿波酢雞，日本德島県雞，用上納豆等飼料，而且養育期間不會用抗生素和抗菌劑，cp值高！雞有雞膝脆骨串、雞胸串、雞腎串、雞肝、雞中翼串、雞腿串。最鍾意雞膝脆骨串，是軟脆，不是硬脆，雞中翼都好滋味。蔬菜有車厘茄、脆肉瓜、菠蘿、大蔥、秋葵、冬菇，蔥芯都軟嫩，小小鹽花，配雞肉食很美味。菠蘿香甜，水份充足。醬油燒冬菇($18/2串)菇味濃郁。

今天外出工作經過灣仔。下午時份，順道和朋友聚舊及取手信。我以前曾經在灣仔區工作，這𥚃很多的餐廳的美食我也品嚐過。今次我就聽從他提議在安樂里的主打日式料理「叄嵐日本串燒居酒屋」試一試。餐廳內的裝潢及擺設都好像一般居酒屋。侍應待客服務友善及有禮。整個餐上枱需時約二十分鐘左右。我們點了特盛灼燒鰻魚飯丼，糯米釀無骨雞全翼，唐楊炸雞軟骨，酥炸軟殼蟹及香橙莫卡。先說特盛灼燒鰻魚飯丼，暖暖地。賣相討好。鰻魚屬於厚切類，足足有半整條。鰻魚的味道鮮甜美味，魚肉鬆軟和紋理幼細，魚骨幼小。但是，魚骨略為多。幸好，口感豐富，味道一流。可惜，醬汁豉油的味道太咸，點了兩次就不敢再點。白飯的飯身尖長及圓潤飽滿，飯香鬆軟。不過，水份感不重，飯質稍為粗糙。接著說糯米釀無骨雞全翼有五隻，熱辣辣的的，炸得脹卜卜。外面是酥炸雞翼，內𥚃則填滿糯米餡料。味道有點像五香辛辣味，辣味適中，煙韌鬆軟。雞翼肉質鮮嫩，肉汁鮮甜美味，口感豐富。用來送酒吃，認真不錯。再說唐楊雞軟骨，熱辣辣的。份量很多，賣相可以。孜然粉味濃，炸粉感重，口感爽脆，油膩感不重。擠少許檸檬汁，味道更加好和更開胃。還有酥炸軟殼蟹，賣相一般。上枱時，它都已經放軟涼了。軟

好鐘意食串燒，尤其係日本串燒，今日朋友帶左我去一間又平又正嘅居酒居食串燒，真係好開心呀蟹籽松葉蟹帶子沙律~份量好大，松葉蟹肉好鮮甜，蟹柳，蕃茄和沙律菜都好新鮮，清酒海鮮蜆烏冬~ 蜆肉大大隻好甜，個清酒湯都正糯米釀無骨雞翼~ 幾煙韌又彈牙，最重要係無骨，啖啖肉，正呀阿波酢雞串一人前套餐~ 以雞為主再配菜疏，有雞翼，雞軟骨，雞心，菠蘿，冬菇和秋葵， 熱辣辣剛剛燒好就即食真係好幸福呀燒菠蘿和秋葵簡直係我的至愛朱古力心太軟~好豐富的一個甜品，除了流心的心太軟，仲有2個焗得脆脆的牛角包和movenpick雪糕，即時加哂分，好好味呀！全部都係我鍾意食嘅甜品食完甜品真係大滿足薑餅人Latte~薑味好重，拉花又靚，因為我是不可以飲咖啡的，所以每次見人飲咖啡都好羨慕 ，唯有聞左當飲左la朋友說杯latte好creamy好好味呢間居酒屋仲有好多食物等住我去試，食物質素好而價錢又相宜，仲要在灣仔區咁方便，一定要介紹多些朋友來試

今日和朋友相約灣仔叄嵐日本燒鳥串燒居酒屋食宵夜寒暄, 我們點了糯米飯無骨雞全翼, 唐揚炸雞軟骨、酥炸軟殼蟹和可樂。唐揚炸雞軟骨食落香脆熱辣辣, 份量十足, 味道濃郁, 食落不會成口油, 不感到油膩, 佐酒一流；糯米飯無骨雞全翼賣相吸引, 一碟有五隻, 食落辣度適中, 雞翼炸得脹卜卜, 食落肉質鮮嫩, 雞翼裡面的糯米煮得煙韌鬆軟, 食落軟綿, 整份糯米飯無骨雞全翼食落肉質鮮嫩, 辣度適中,口感豐富；酥炸軟殼蟹炸得金黃, 賣相吸引, 軟殼蟹食落惹味, 肉質鬆軟, 蟹食落味道濃郁,美味可口。居酒屋座位舒適,很有日本居酒屋感覺, 環境舒服,居酒屋食物美味可口, 價錢合理, 適合三五知己宵夜聚會好地方。

今日去開銅鑼灣，就去食叄嵐居酒屋，去為一條小巷入面，裝修好有日本風味。呢度都有幾多嘢食，我哋叫咗燒菠蘿，燒雞翼，蒲燒鰻魚，芝士焗蠔，炸軟殼蟹同埋龍蝦海膽炒飯。燒菠蘿：個燒菠蘿好甜好多汁，都幾好味，係我食過咁多間燒菠蘿算係最出色嘅。燒雞翼：都幾惹味，而且肉質嫩滑，相當不錯。蒲燒鰻魚：佢係原條咁上，有勁多鰻魚汁，好夠味，而且佢條鰻魚好肥膩，勁厚身，真係極級好味。芝士焗蠔：隻蠔都幾大隻，配埋啲芝士，好夾，而且仲有好多汁，相當出色。炸軟殼蟹：兩隻完整嘅軟殼蟹，好多肉，但一人食一隻都覺得有啲膩。龍蝦海膽炒飯：個龍蝦係成隻上， 肉質彈牙，而且好鮮甜。 海膽炒飯都好香。我覺得呢間隱世居酒屋真係好好食，推介大家來時食下，同埋都幾抵食，人均消費大概$200。

去左集成打藍球，打完成班都好肚餓，係球場隔離有間食日本串燒既店，我地就比d串燒香味吸引左入去！一入門，就見到隻好得意既貓貓好似歡迎緊得我地入去咁！我地搵左個位坐低就睇下menu 有乜食，我就比個燒鰻魚飯吸引左，我叫完之後，見到隔離既鰻魚大好多，細問之下原來呢個係特盛鰻魚飯，鐘意食鰻魚既可以叫呢個！不過我覺得我果個條鰻魚都好夠大哈哈！鰻魚汁好香濃，汁既分量剛好 唔會過多，我好怕d太多汁既飯會搞到飯軟哂！呢個係使用日本珍珠米，所以特別有咬口！鰻魚基本無乜骨，所以食落唔需要就住，好出色！海蝦非常新鮮大隻，用少許鹽燒已經好好食，蝦肉爽口彈牙，透住橙紅色既蝦肉好吸引呢。我仲叫左杯baileys 朱古力，甜甜地帶點酒香，好好入口

橫街小巷都竟然有日式隱世小店 真係令人意想不到門口招牌用左手寫文字寫串燒雞放題好吸引可惜午市係冇既 枱櫈用上木同埋布藝梳化 好有家庭感覺 有啲似日式cafe 最特別係店長貓先生係咁行嚟行去 好可愛甜酒朱古力 上面有用奶泡嘅拉花 口感勁creamy而且有薄薄嘅酒味 香甜順滑煙肉芝士焗蠔 煙肉同芝士係好兄弟 香味十足 加上蠔肉飽滿新鮮酥炸軟殼蟹 用上原隻大大隻嘅軟殼蟹去酥炸 味道鮮味唔腥 而且鬆脆 土豪式食法成隻食 大滿足汁燒鰻魚飯 鰻魚有成6吋長 分量唔惹少 上面用上汁燒 香口惹味之餘有啲甜甜地 肉質嫩滑 日本珍珠米上面灑飯素 好有日本感覺 開胃松葉蟹柳蟹子丼 丼飯上面有松葉蟹柳絲 蟹籽同埋生菜 外型似沙律 食落味道幾夾 口感豐富

見雜誌介紹佢有$98 任食雞串燒2小時, 平時都知好多介紹都伏所以book之前都上openrice做下research, 見D comment好似唔錯就決定試一試.每人一次只可叫5串, 我地2個人一早知規具, 每張單都落10串, 但由第1張單叫到第3張單都係漏雞全翼. 出聲同個女仔staff講, 佢唔好意思都無聲, 態度認真麻麻!串燒等得耐就預左, 最慘係一邊等一邊從門口傳黎垃圾味!!! 相信係因為鋪頭係後巷入面既關係....真係令人無晒食慾!!!等緊第3張單(已經坐左1.5hours!) 見住成間鋪已經出左1轉串燒但skip左我地, 我地先出聲問, 問左先有人催, 我地已經無晒心機.....最後浪費左每人一舊水, 用左1.5小時, 食左15串細細串一D都唔飽, 味道普通到不得了既"串燒" 頂唔順走左去搵第2間野再食過!!!!其實無能力就唔好攪promotion, 只會弄巧反拙, 灣仔既餐廳咁大競爭, 餐廳既地理位置已經無優勢, 食物quality, 員工態度同環境衛生都出事真係幾難得

這間居酒屋位於隱敝的小巷中，店內很闊落和坐得很舒適。侍應都是年輕人，招待也不錯，還有兩隻貓和客人玩耍，愛貓之人一定很喜歡這裏。蟹籽軟殼蟹柚子醬沙律 沙律菜很新鮮，大大隻的軟殼蟹炸得很鬆脆。燒蠔 燒蠔雖然不算很肥美，但也很新鮮。大啡菇 大啡菇很多汁，但價錢比較相對貴。燒雞腎、小甜薯$28的雞腎可能雪得太久所以沒有什麼味道。$16的小甜薯甜甜的也不錯。特盛灼燒鰻魚飯丼 沒想到這個丼會有整條鰻魚，鰻魚很厚身肥美，外皮燒得焦香，鰻魚本身已很夠味，所以我們只用了少少另上的鰻魚汁。蟹籽松葉蟹肉飯 材料有松葉蟹肉、蟹柳和蟹籽，雖是雪藏貨色但也很足料，只售$78也算是合理。

上網見到灣仔有一間好特別嘅串燒居酒屋同Cafe形式嘅餐廳，見到佢價錢都幾抵食就同朋友嚟試吓啦佢嘅地方幾特別，入口係後巷入邊不過都唔算難搵，入到去嘅感覺非常之好，有好幾張梳發可以坐低同朋友一路傾計一路食串燒而且仲見到有做緊串燒放題添，下次一定要試吓我哋就叫咗個一人前套餐，有十幾種串燒同埋叫咗幾款小食同埋一條燒魚，呢個套餐好抵食有十幾款唔同嘅串燒都係百幾蚊有雞嘅唔同部位同蔬菜，一個人食個餐就啱啱好，兩個人嘅話就可以叫一個餐再加其他嘅串燒～一開始黎嘅就係煙肉韭菜卷同埋雞泡魚乾全部都燒啱啱好，個燒魚值得讚嘅係佢唔會好似出邊咁燒到好乾，入邊係有肉汁所以相當好食。野飲就叫咗杯抹茶牛奶，稍為覺得奶味重左少少不過都幾好飲。最後餐廳入邊仲有另一賣點就係有兩隻貓喇，雖然嗰日見到佢哋好多時都係度瞓覺，但有時都會喺鋪頭入邊行黎行去，好得意架鍾意動物嘅朋友就一定唔可以錯過

昔日的香港郵意鋪位已搖身一變叄嵐日本燒鳥串燒居酒屋，雖然在小巷裡頭，但這裡全場爆滿，座無虛席，看來大家都很會找吃的，懂得來叄嵐吃燒物。灼燒鰻魚飯丼的鰻魚表面充滿燒汁，光是用看的，就讓朋友忍不住想快點拿起筷子享用這灼燒鰻魚飯丼。鰻魚燒得香噴噴，肉質軟嫩，而且都沒有細刺，慢慢咀嚼，帶點焦香的鰻魚皮，吃起來軟軟彈彈的，一口接一口相當美味。搭配旁邊燒汁的白飯，更襯托出飯粒的香甜。清酒鮮蜆烏冬的鮮蜆讓湯頭的甜美度提升，鮮度也很佳，加入清酒熬煮，讓彈牙的烏冬吸收食材原始的鮮甜，喜愛清淡口味的朋友很適合吃清酒鮮蜆烏冬。鰻魚厚玉子燒剛送上來的時候很燙，口味屬鹹的玉子燒，鬆鬆軟軟的，還不錯的吃，燒汁淋在玉子燒上，夾著的鰻魚不油膩，濃濃醬香，與厚玉子燒非常合拍，頗有風味。雞泡魚干絕對是燒物中的佳餚，最好先嚐一口原味，感受雞泡魚干的香氣，之後才按照喜好才決定沾點沙律醬與否，去燒物店不吃雞泡魚干的話有種若有所失的感覺。燒魷魚鬚充分感反映出它來自大海的鮮味，即使魷魚鬚沒使用任何調味去燒，但它脆脆彈彈的嚼感，加上碳燒的滋味，整個口感好像大海在你口中，這時候其他的美食都已經不算甚麼了。煙肉蘆筍串燒過後，煙肉逼出多餘

日本居酒屋格局好有情調...熱情貓咪🐈幫手招呼食客～揀咗個套餐，裏面有好多嘢食～松葉蟹肉沙律，大大條松葉蟹肉響雜菜沙律其中，越尋寶越發現更多松葉蟹肉條，超正～👍🏻酥炸軟殼蟹，兩隻原隻上，外皮香脆，切開入邊好多膏，鰓白、蟹肉香軟乾淨，加啲檸檬汁及醬料非常鮮味～黃金燒蠔，啱啱好緊熟，一啲都唔會有腥味，有生蠔嘅鮮味配上芝士火腿焗，好夾～磯燒日本花魚，燒得恰到好處，外香脆、內有小鹹香，魚中間只有明顯大骨，啱晒我呢啲鍾意食魚，又唔識得食骨嘅人，加啲檸檬汁即刻提鮮～龍蝦尾海膽味炒飯，呢個炒飯係我食過最好食嘅炒飯，龍蝦實肉已經係冇得輸，炒飯粒粒分明，蛋香混和其中～已經食到好飽嘅時候再上甜品，朱古力心太軟配雪糕，原來又食得落㗎，一心期待心太軟，心太軟已經係做出水準流心狀，但估唔到係，個小小酥皮牛角包，做得準中出色～😋