叄嵐日本燒鳥串燒居酒屋 (已結業)

早幾日，有幾個朋友係軒尼詩道遊樂場的籃球場打街波比賽，叫我同另一個朋友支持下。比賽八點開始，我同朋友見個幾個朋友仲練緊波，所以就去醫下肚先。原來係籃球場隔離個條橫街安樂里有幾間食肆，我地見入少少有一間掛左好多燈籠又有好香串燒味的叄嵐居酒屋，就想揀佢。行到門口同舖頭入面裝潢都好有日本海邊小店的感覺，覺得唔錯。因為我地仲早，餐廳初時還未算太旺場，食食下就開始多人，我見餐廳有幾枱留座，所以應該可以早些預約，以免無位。我地兩個人揀左幾樣小食、串燒和兩個主食。小食方面，我地揀左日本小甜薯、唐揚炸雞軟骨、糯米釀無骨雞全翼。日本的小甜薯，一碟有4粒，細細粒可以一口食到，而且又好甜，番薯肉又軟熟，好好食。我平時都幾鍾意食炸雞軟骨，但係有時未必咁易食到好味的炸雞軟骨，因為炸得唔好會有好霉的感覺，又或者太淡太鹹。叄嵐的唐揚炸雞軟骨就無呢個問題，我個人覺得都幾推薦食。一來份量也不少，而且非常可口，味道又適中，好容易令人食上癮，食完又不斷食，一粒接一粒，好彩份量足夠，唔係就會一個人食晒。糯米釀無骨雞全翼有6隻，兩個人食每人都3隻，不過好味食多也不怕。雞翼帶少少微辣，但辣的程度係好可口，唔食得辣的朋友都會接受到

串之風情@叄嵐日本燒鳥串燒居酒屋灣仔安樂里地下D舖做人若串，就會被身邊人討厭，但帶人去食串燒，會贏得友誼。同少爺來食飯，難得他在香港又有時間，萬歲萬歲hurray 串燒配飯$148，重點是在12串串燒中，比散點更著數架！ 雞，菠蘿，煙肉蕃茄仔，翠玉瓜，煙肉露筍，雞軟骨，豬肉。少爺就要了$68 灼燒鰻魚飯井，一塊鰻魚燒到邊位有焦香，因燒鰻魚汁是帶點，越食越開胃架$68 鰻魚蛋卷，厚蛋燒是少爺最愛，厚身咬下好彈彈，中心包了鰻魚塊，好味呀！$18燒秋葵爽口，簡單灑上鹹好yummy$22 燒雞脾菇,有咬口，補充蔬菜所以加點！$38 燒鯖魚肉質紮實同本身富油脂，皮又燒得夠乾身，沒腥味。本身想探貓仔，不過今日唔見佢地影子，可能在睡覺覺吧，下次來食先同貓仔玩啦。

好想食串燒就喺銅鑼灣附近是但揀一間居酒屋入去 估唔到都唔錯不過地理位置真係有啲偏僻 係巷仔裏面門口其實有一個燒烤爐 應該會即場燒串燒俾人食 真係幾吸引 不過我哋六點鐘去到係佢第一台客所以就未見到 呢張相就係我哋食完之後影嘅相 仲聞到啲香氣添點完食物先發現黑板上會有仲更多食物選擇可能下次要再嚟試時啲試新野啦呢個鰻魚玉子燒真係好唔錯 蛋煎得好嫩 配上調味好嘅鰻魚 趁熱食 一啖咬落去味道真係好豐富 好正松葉蟹肉蟹子飯都唔錯 好足料架我同朋友都食唔停當然都點左我最想食既串燒餐 有齊12串 加碗飯 串燒有一半係雞肉 另一半係蔬菜雞肉普遍都燒得唔錯 好味 但蔬菜就未必啱每人口味啦 因為我同朋友咁啱都唔食大蔥同個隻豆既但最愛真係菠蘿 好正 好juicy火焰芝士焗蠔好特別 即場倒酒點火 可惜影唔切

朋友是愛貓之人，提議放工後到一間有貓的日本串燒店去吃晚飯。餐廳在灣仔道籃球場附近的巷子內，但都不算難搵。一入到去就有2隻可愛的貓迎接我們，白色的貓十分親人，每次主人／店主在餐廳外燒食物時都會叫得十分大聲。另一隻花貓樣子漂亮，比較害羞但很友善。餐廳樓底高，日式裝修掛滿串燒食物牌，又有一點像西式CAFÉ的感覺。而串燒的位置在門外， 所以室內完全沒有燒食物的油煙味 。朋友點了一杯紅柚子梳打，而我就選擇了鮮奶抹茶。兩杯飲品都不太甜，而鮮奶抹茶更有漂涼的拉花。燒小甜薯，朋友在日本食過之後大愛，我覺得可以燒得再香脆一點會更好，但朋友覺得剛好。餐廳用的都是日本阿波酢雞（雖然我對雞的品種沒有認識）所以叫了2種雞串燒來品賞一下。燒雞腎的鹽帶出雞腎味道。燒雞中翼， 燒得外皮很脆， 肉質還嫩。 燒翠肉瓜，燒得香脆，爽口有肉汁不會乾。燒牛油扇貝：香味十足。牛油醬油燒栗米原條，香濃牛油味，原條2人share，份量剛好，打直切更方便進食。蟹籽松葉肩蟹肉飯，份量十足，啖啖蟹肉，而且顏色很靚。總的來說，餐廳的氣氛很好，店員有禮，加上有可愛的貓貓，我們渡過了一個愉快的晚上。

今晚收工約左朋友食飯起openrice 搵到間隱世小店未行入條巷仔就已經聞到燒烤既香味巷仔入口有個menu都唔會好難搵路裡面裝修都幾雅緻7點鐘就已經好多人兩個人叫左4樣野share食芝士焗蠔好多芝士 夾起仲會拉絲隻蠔都幾新鮮配埋煙肉一齊食幾香糯米釀無骨雞翼雞翼燒得好香 微辣食落好惹味裡面包住糯米食落口感好rich最重要係雞翼仲要去左骨啱哂我呢個懶鬼蟹籽蟹肉飯有大量蟹籽同蟹肉每一啖都食到蟹柳都好多好好食食完好滿足阿波酢雞串套餐呢個set真係超級豐富有十二串串燒肉同蔬菜各半由廚師發板 驚喜十足當中我最鐘意個燒菠蘿 夠哂juicy最後飲埋荔枝梳打食完串燒飲舒暢無比

同朋友去左一間唔係好顯眼既地方食LUNCH, 地理位置雖然有少少難搵，但勝在食物夠好食, 坐得又夠舒服一去到見到2隻小東主 – 貓貓, 好得意呀. 裝修都係以日本風格局。好有居酒屋既感覺，好舒服呀我地叫左菠蘿松葉蟹肉沙律先超大碟呀，內裹既配料都超多呀，D 菜都好FRESH呀。之後叫左個清酒鮮蜆湯烏冬D 蜆無沙而且好鮮甜，我連個湯底都飲埋呀而且都幾多隻架龍蝦尾海膽味炒飯龍蝦尾肉好彈牙，好新鮮既味道，非常唔錯。再加入海膽炒飯，特別香，而且大大碗。我同朋友2個人SHARE 3碟都已經好飽喇，而且D 位置亦都坐得好舒服。

今晚同舊同學食飯, 佢話帶我去食串燒, 難得佢咁有興致, 仲BOOK 埋位, 當時冇問題啦~ 放工後就黎到灣仔安樂里～一去到已經見到有個STAFF 係出面燒緊D 串燒!入到去, 睇下MENU, 都幾多選擇, 唔錯=]我地首先SHARE 左個一人前套餐，入面有12串燒物，包括：雞腎、雞羽、膝脆骨串、雞腿串、 翠玉瓜、雞脾菇、雞胸肉、雞中翼、大蔥、秋葵、冬菇 ETC ~個餐仲有碗飯跟埋架，成個份量其實我覺得都幾多，感覺好抵食!另外我地亦SHARE 左個清酒煮蜆烏冬，唔好講笑,有勁多蜆，而且烏冬爽口滑溜，好似$68 咋，超抵～PS. 我地仲一人要左一杯野飲，我就要左個鮮奶朱古力，而朋友叫左個紅西柚子梳打，好冰涼 =]　

呢間日式居酒屋幾特別，餐廳係自助形式，仲有隻貓貓走黎走去，野食選擇唔太多，主要係食串燒，反而飲品選擇好多，有多款花茶同咖啡。我地點左鰻魚玉子燒，特盛鰻魚飯同幾款串燒，飲品點左藍莓水果茶~藍莓水果茶賣相唔錯，有2個小杯可以share, 不過味道有點太酸。而鰻魚玉子燒做得唔錯，蛋幾滑溜，而且熱辣辣。串燒點左雞腿串，翠玉瓜同粟米，不過不失。最後特盛鰻魚飯係超大條鰻魚！仲分開有一碗汁，夠哂多鰻魚汁撈飯！鰻魚好厚肉，美中不足係個邊有小小位燒燶左，同埋d飯太鬆散~不過$108係抵食既！

本來一大班fd 高高興興去試佢的串燒放題$98，但去到點菜時每次只限每人點五串，一行六人，即30串。其實本身覺得都冇所謂，但佢個燒烤爐放在店外，得一個人負責燒，爐又細，要一次燒30串應該已達上限。重點係話就話放題，其實1hr 只黎到2round, 仲要會黎唔足你order 的數量，真係有點失望。店外正正係一條後巷，衛生情況麻麻地，亦不是正式食肆之廚房，亦替負責燒烤之店員辛苦。其次係放題串燒中只有雞羽、雞脾肉、雞軟骨較好食，雞柳完全係無味同肉質超實。店內只有一樽鹽、兩枝七味粉供大家試用。飲品方面都一般，40-50元的價錢應該可以做得更好。另外一坐低要俾人頭費98元先可以開始食，又冇得俾信用卡，之後我地再order野又要即刻俾現金，好唔方便。相反，每人黎都食串燒，所以廚房整的野反而較快，點了一個鰻魚飯都不錯。

周末後嘅Blue Monday，喺晌工作上未上力嘅日子，最好就同朋友聚吓餐、食吓飯。是晚嚟到灣仔嘅「叄嵐 」食晚飯，初初睇地址時都有少少眼熟，嚟到餐廳門口，就知即喺以前「香港郵意明信片航海主題咖啡廳」嘅舊址，估唔到轉眼由咖啡店轉為日本餐廳，因為早前先晌尖沙咀光顧過「香港郵意」，否則，仲以前佢執咗笠添。踏進裡面，更估唔到嘅喺，裡面嘅格局無變，尤其水吧位同上面嘅大黑板，跟之前嘅「香港郵意」一樣，就連當時嘅大帆船模型，都仲「健在」，有理由相信喺店主想轉型吓日式串燒店。而有變化嘅喺，只喺部份枱櫈唔同咗，同埋多咗好多跟日本相關嘅擺設，例如：日本清酒酒樽、寫上串燒嘅木牌、日本畫作……等等。不過，講開啲枱，設計估怪，枱下有兩條鐵通橫向打交叉，基本上喺完全頂膝頭嘅。順帶一提，呢道跟前店一樣，採自助式服務，即喺大家合作吓，餐具晌十出面專櫃自取，用餐完畢，就麻煩幫吓手將啲餐具拎去回收處，即喺水吧旁嘅櫃枱面，換嚟就喺唔收加一服務費。不過，你又唔使擔心要自己走嚟走去去拎食物，晌收銀處落單後，店員俾個號碼牌你，返埋位安心等待食物送上。所有食物，就印晒晌一大張A3紙上，底面兩版，除串燒，仲有小食、沙律、飯丼之類，

久唔久都想吃串燒。 同事又介紹有好地方。 餐廳隱藏於灣仔W square後巷中。 唔係咁多人見到所以食客應該都係熟客仔或識途老馬。估唔到餐廳樓底都很高空間感十足。 牆壁掛滿帶 西式味道嘅日式裝橫， 多款清酒擺設， 充滿日式居酒屋串燒格局。抬頭望著 畫得很靚的餐牌推介。 叫了一個特盛灼燒鰻魚飯$108。 鰻魚飯來了， 足有隻半手掌那麼長， 極為壯觀。鰻魚汁香氣撲鼻， 鰻魚肥美可口，魚油四溢。 鰻魚汁上鋪滿炒香的芝麻更添香氣。 一口氣就吃了半條， 極度滿足!食食吓有兩隻調皮貓互相追逐，似乎見慣陌生客人，一臉不在乎，悠閒地在櫈與櫈之間進出， 更一度跳上檯把玩顧客的公事包， 毫不客氣，吸引唔少愛貓之人。清酒鮮蜆烏冬$68 鮮蜆 烏冬分量頗大。 蜆肉肥美冇沙湯底清澈鮮味且有淡淡酒香。 烏冬滑溜煙韌。荔枝梳打$48蘇打夠曬氣，冰凍解渴。此店主打串燒我們當然不能錯過。燒雞中翼非常惹味， 雞翼外皮烤得很脆， 香滑帶點點酒味。串燒檔就在門外。 所以室內冷氣仍然清新無油煙味， 辛苦了戶外那位串燒師傅。燒雞肝只用鹽份帶出味道， 平時都很少吃內臟， 一串份量足夠二人三高quota。 蒜蓉燒蠔一客兩隻。 生蠔

今日放工應承老公陪他食晚餐，因為他要去到灣仔見客，要我在修頓球場等他，等候其間，見到一條巷口放有一廣告牌，是食串燒的居酒屋，再行入d就見到一家好有日本feel的叄嵐日本燒鳥串燒居酒屋，一見到居酒屋就好想食串燒，等老公來就一齊入去食晚餐。居酒屋地方不大，但是整體雅潔。特盛灼燒鰻魚飯丼：鰻魚燒得好香，厚肉又大條，可以將整個飯蓋住，因為厚肉，所以肉質彈牙，香料和燒汁好惹味，值得一試。松葉蟹肉蟹籽飯：材料有松葉蟹肉、蟹捧、蟹籽。份量亦是可以蓋滿整碗飯，味道鮮美又有口感，不錯！糯米釀無骨雞全翼：雞翼去骨再釀入糯米，再炸至金黃色。皮脆肉嫩，中間的糯米有口感，好香口！鹽燒海蝦：所有串燒都是即叫即燒，海蝦燒得剛好，在外層灑上少許鹽，彈牙又美味!雞中翼：雞翼已開邊方便燒熟和食用，金黃色的表面香口，肉質鮮嫩又入味。原味小甜薯：甜甜的小甜薯，可以做串燒甜品。荔枝梳打：今月是荔枝時令，特別好飲！

去到灣仔行到去一個後行見到幾間日本野, 就誤打誤撞去左一間. 呢間主打串燒既, 唔知係唔係我地唔好彩坐低左先知串燒機壞左所以只可以叫其他野食.店舖既裝修都好日系, 地方好寬敞! 我地叫左個明太子雞翼, 份量都好多有6隻. 好欣賞佢地係起左骨嫁~食落啖啖肉唔洗怕. 呢個雞軟骨係好STANDARD既, 差不多間間都有. 不過我次次都會叫因為真係實在太愛了!!! 又香又酥脆, 爽口送酒一流. 之後再叫左個鰻魚蛋卷, 蛋味好香! 呢個大蝦炒飯真係好有睇頭. 飯既SIZE唔算多不過個隻大蝦真係好大隻. 上面既汁配埋個飯都唔錯.最後我地仲叫左個軟殼蟹沙律, 沙律汁另上好細心. 因為我好怕好多汁食幾多落幾多真係好好! 菜又新鮮又夠凍希望下次可以試到佢地既串燒啦

天氣很悶熱，不想吃太多澱粉質，剛巧在灣仔等巴士，見到後街有日式串燒，所以選擇了試試看。串燒我最喜歡吃燒粟米，很有牛油香，香甜多汁！有少少燒焦味道，很香！燒雞泡魚干燒得很香脆，不似其他餐廳的用很多醬油！吃得我一條接一條。燒菠蘿用了新鮮菠蘿，超級香甜多汁！燒過後嘅菠蘿分外多汁！外表還脆脆。燒魷魚鬚很惹味。有少少七味粉很香，燒蠔是朋友的，他說一般，還是生蠔好吃。我們二人還是點了一份午餐，要了蟹肩肉沙津。份量很多，有少許新鮮蟹肉和大量蟹柳，不太甜。但蔬菜很新鮮。這裏位置比較偏僻，躲在後行，串燒算不錯。但主食有待改進。餐廳內有兩隻貓貓很可愛！可能是這裡的主角！

本老子好久沒有跟老友敘舊，當日什麼店也想不到，就嚟咗呢間＄98放題。我係因為＄98而黎過嚟試吓。結果佢喺電話度同我講已經冇晒＄98放題因為太多人揀。⋯我好無奈地唯有選擇單點，但係店員喺電話度同我講平均每人都係＄150左右。。但結果我俾錢嗰陣時差唔多要＄300一個人。。重點：- 個鰻魚飯同啤酒我係覺得值得食。。- 地方尚算寬躺- 如果你日頭想搵個舒服嘅空間飲咖啡呢個係一個唔錯嘅選擇- 店員比我嘅感覺好似大學啱啱畢業- - 唔知點樣做服務業，就算落留單都唔會同我講句對唔住或者唔好意思- 同埋我叫咗八樣嘢有三樣嘢竟然可以冇- 佢同我講好多人揀放題，但其實我店內環境張相係我走嗰陣時影，即係話我啱啱坐低嗰陣時店內只有五分之一嘅人坐喺度。。點解唔可以比我試吓個放題呢。。。我真心唔會再嚟呢間野，我有幾個朋友話想試我都會叫佢唔好黎試好有原則嘅飲食家上完