又一川

營業中

休息中

話說之前有朋友吃過這家小店，還大讚這裡的水煮田雞好好味，好開心今晚我終於有機會可以到來吃飯。雖然是一間小店，但眼見客似雲來，我們也等了一會才能入座。水煮田雞果然不錯，很大隻又啖啖肉，又新鮮彈牙，我一人也可吃大半碗。第一次點酸菜牛栢葉，這個配搭很特別，想不到很來，還相當滋味，酸酸地辣辣地，加上牛栢葉口感很好。另外，還有一款珍珠米粉，口感非常好，配埋辣湯底，好吃到一個點，最讚的是可以加很多不同配菜，價錢亦不貴，我當然不錯過最愛吃的午餐肉。

其實之前食過幾次，呢間野好抵食，每次黎我都鐘意食薯粉，今次我叫左一碗微辣酸辣粉要薯粉加墨魚丸同埋要多一碟雞翼。雞翼好油...啖啖油，所以我用紙巾索一轉油，一隻雞翼揸到一張紙巾成張紙巾都係油...隻手都好油...但食落味道係唔錯，味道有少少甜，又唔太鹹而薯粉黎到，我叫左微辣，但我都覺得其實都幾辣，加左墨魚丸，無咩特別，佢將墨魚丸一粒分為二，做到感覺係4粒喺度，墨魚丸粉一舊咁，薯粉都幾滑同軟身，好食，我鐘意就係呢隻，不過通常食酸辣粉我最鐘意多花生，但好可惜，佢話無花生....我就覺得差咁d la...

觀塘區算係比較多啲比較有特色既米線店舖，起碼唔洗成日食連鎖店既米線先👍今次喺 OpenRice見到間係食四川酸辣粉，見到個名都覺得好吸引。除左酸辣粉，仲有另外三種麵類選擇，包括：貴林米線、珍珠米粉同埋粉絲。—————————————————————#牛肉豬紅貴林米線 🍜💰43牛肉同豬紅既份量都好多，牛肉好軟身，好重口味，超好味，雖然有一兩舊肉會比較韌👍豬紅味道麻麻地，雖然無腥味。貴林米線相比普通既米線較為粗身同長，夾極都未斷😂食落質感有啲似銀針粉。小辣既辣度岩岩好（見到對面中麻辣個碗好紅😂）湯底好重口味😐好濃味，有小小肉碎同酸豆角調味令成個湯底感覺昇華咗👍吸引到我下次要試下珍珠米粉/粉絲。

以前係食開的，但係最近去食發現加左價，唔知點解以前覺得都幾好食，宜家就覺得一般般，以前食距個酸辣粉係覺得好夠味道的，同埋個水煮田雞都好正，但係呢段時間去食，發現加左價啦，呢個都算啦，可能距地鋪租加左掛，呢個不是重點，重點係，我地叫左個水煮田雞，一個酸辣粉，一個炒土豆絲，點解叫一個薯粉係因為個薯粉可以加餸的，我地叫左5個餸，所以碗粉超級大碗兩個人食岩岩好，首先講下個水煮田雞，一個字，好韌，超韌，有無味，食左幾塊已經覺得個牙好酸咯，酸辣粉，同土豆絲就無點變過，都覺得還可以啦，不過以後就不會再叫距個水煮田雞咯，

晚上7點多到達已全院滿座，還好等了10分鐘左右就可入座。水煮牛一百不到已有滿滿的牛肉片，牛肉是鮮牛口感和其他地方的肥牛不一樣酸辣粉也是滿滿的一碗，和水煮牛一樣份量十足。

平時唔會成日黎觀塘, 黎親都係因為去一間比較街坊既小店做facial,冇好華麗既門面, 但同d姨姨傾計都會覺得好自在!所以今次亦支持本地小店, 黎左呢間食!口水雞(微辣)一碟半隻雞份量都唔少, 雞既質感都唔錯, 今次叫微辣所以個汁會帶酸多少少, 但酸酸辣辣反而又幾開胃!酸辣土豆絲(微辣)雖然叫微辣但都幾辣, 感覺似出面食既中辣, 炒得好有鑊氣. 條條粗幼不一, 食到手切先有既口感~酥炸雞翼尖翼尖大大隻, 炸到脆卜卜, 好香口, 送酒一流!蒜蓉窩筍絲又係另一有鑊氣既食物, 清甜, 爽脆!見到店舖姨姨同其他客人有講有笑, 相信一定係一間有好多熟客支持既誠意小店!下次一定要再黎試多d野!

又一川是我同男朋友的老地方，雖然店舖小，環境一般，座位之間比較迫，但一到秋冬天，晚餐時間常常很快坐滿，甚至很多人會叫外賣，因為川菜來說，這間真的好抵食！份量算多，辣度可以揀小、中、大，點餐果時記住講聲。毛血旺我們每次來都是必點，有牛柏葉、豬紅、雲耳、午餐肉、芽菜、大白菜！咁足料都只係$75！水煮桂花魚我的最愛！水煮魚呀！個人推介桂花魚，因為桂花魚肉質比較嫩滑。點左大辣，非常惹味，一點都不覺油膩，加多碗白飯，大滿足！

到觀塘吃飯，很多人一開始就會想到 apm 或是旁邊的工廈。可是，你又會否想到另一邊的舊區，往往也藏著不少瑰寶。於宜安街小巴站旁邊的又一川，正是如此。吃川菜，就是要吃那麻那辣。愈是麻，愈是辣，就愈是過癮。點了個紅薯粉及口水雞。第一次試此店，先試個試小辣。紅薯粉的配料不俗，肉碎、花生帶來更多口感。辣味香至鼻，麻感久不散。不過小辣未能盡興，下次要試中辣。冷盤的口水雞肉滑，配上出色的辣汁調味，雖然辣到吃不出雞味，但冷感讓你安靜下來，之後你會想再多吃一塊。有機會再來時，一定會再試水煮及小菜。

想食一個重口味又實惠既晚餐，所以隨意黎左呢間餐廳食個酸辣粉，友人鐘意食飯，所以佢就叫左右個雪菜腩肉飯。入門口，已係大陸式style, 呀姐都係，所以都算係有環境同食物配合得宜本身我就比較期待酸辣粉既，叫左午餐肉，豬紅，白菜同豆卜，小辣，紅薯粉。上黎都幾大碗，望落幾吸引，但食落就普普通通左，冇咩記憶點，只覺得少少酸少少辣，稍遜旺角街頭20幾蚊碗既酸辣粉，冇個種紅油香。D配菜就ok啦，午餐肉係午餐肉味，豬紅係冇煋味既豬紅味，白菜同豆卜都煮得唔夠"nam"。但係反而友人個雪菜腩肉飯幾好食。味道少少辣，少少咸，少少甜，送飯唔錯，幾惹味。腩肉少少“鞋”，唔算好彈牙。不過60蚊一個飯算係錦架啦～"要合理期待"，友人說。

呢間係我食過最中意的川菜餐廳，已經幫襯左好幾年了🍴水煮菜式係我每次黎到都必食，個麻辣湯底十分濃郁😋，麻辣味好香惹味😋，唔係嗆口個種麻辣，而且唔會好油膩，送飯食真係一流🍴豬腸係我中意食之一，因為呢到豬腸滷水味濃郁，再吸埋水煮麻辣湯，十分入味同好惹味😋而且肥腸唔會好肥的配菜仲可以揀大白菜或大豆芽，不過本人唔食大豆芽所以係揀大白菜，大白菜吸哂湯底既精華👍本人每次都會加埋午餐肉😂配湯一流，不過今次d午餐肉較碎同少😭酸辣紅薯粉亦係呢到重點之一👍湯底同樣濃郁，辣味即使中辣也不會嗆口，而佢既酸味較特別，唔單止醋的味道，再加上一種醃菜--酸豆角，吸埋辣湯底，酸酸辣辣十分爽口😋而紅薯粉十分彈牙爽口，掛湯力強再叫左款小食--香脆雞軟骨炸得好香脆唔油膩，個炸漿亦唔會好厚，份量都多，用黎送酒真係一流🍻😋不過略嫌唔夠味，伙計比左支椒鹽，加埋就岩岩好總括黎講: 呢間川菜店無論川式或小食都質素高👍價錢又唔算貴，CP值高🍳🍴味道: 9/10👩👨服務: 7/10🏠💺環境: 4/10💰💸抵食: 8.5/10總消費: $206 (2人)

有理由懷疑甘多好評係做馬！！唔單止野食唔好食，衛生仲奇差！首先講食物質素。午餐，兩個人，各叫左一碗3餸酸辣粉+蒜泥白肉，埋單$155酸辣粉：小辣係完全唔辣唔酸，絕對唔係酸辣粉應有既味道，微辣就更加係清水甘既味。試左既餸有豬紅、豬皮、豬耳、牛肉、木耳、雞翼，無一樣係稱得上好味之餘，只係介乎難食同普通之間，當中雞翼更加係又淋又無味兼肥多過肉！蒜泥白肉：未食過甘難食既蒜泥白肉，啲肉又厚又「鞋」！全碟都係質素差既豬肉。其實如果淨係野食難食，都未至於令我要打人生第一篇食評去公開批評佢。但佢既衛生同店員態度真係極之過分！！事源係我剛剛開始食既時間，有個肥妹店員突然開風扇，個風扇就好似落雨甘彈曬啲水花落我身上+我碗粉入面。我出聲話：「滴水呀！」另一個阿嬸店員先叫肥妹店員熄返把風扇。個阿嬸店員仲話：「無野既，剛剛洗完風扇啫」隔左一陣我都真係食唔落果碗粉，出聲再話：「但頭先啲水花彈曬落我碗粉度」但個肥妹店員仲惡過我甘死撐：「啲水乾淨架！我剛剛喺度（指住個洗手盤）洗完咋嘛」。阿嬸店員又幫口：「係呀，洗完風扇未乾先彈水花啫，無事架，只係啲清水黎」佢地既回答真係好無知！試問把風扇乾淨既又有咩需要洗？用清水洗完

行到邊食到邊～官塘～又一川之前一直落🌧️真想吃辣大哥幾年前因工作關係，逗留上海工作一年有多。差不多每天放工便找辣吃，吃著吃著便上癮。回來香港後，一直尋找這種辣的味道。又一川店內只有簡單的裝潢，牆上貼了幾張食物的相片，店內充斥辣的味道我們各人點了四川酸辣粉，配上不同辣度及麵類：HK$24四川酸辣粉+HK$8🐔肉配紅🍠粉（小辣）HK$24四川酸辣粉+HK$8🐔肉配粉絲（微辣）🐔肉是🐔脾肉，好滑，不過只有二、三件。幸好薯粉及粉絲份量多夠飽肚。細緻位配料花生有炸過，有人吃小辣也辣到出汗🤣想不到我可以接受微辣，第一啖在口中是沒什麼辣的感覺，差不多將粉絲吞下去時，便感覺到麻辣感🤩HK$25/涼伴皮🥚皮🥚有點硬但係D汁好😋大哥説食物味道好接近之前上海工作食的酸辣粉的味道🤩不過等食物要十幾分鐘。侍應態度一般😢

本來諗住隨便食碗米線，快快食完就返屋企休息。 叫左碗三餸米線， 有腩肉，萵筍，午餐肉。 腩肉： 五花腩有大概五片左右，不過冇辣味，不過不失萵筍同午餐肉就同碗米線絕配。 估唔到小辣都已經咁辣，不過就食得好爽快。 碗米線勝在夠大碗， 同埋辣得好正，同平時米線d 辣味係唔同層次。

米線好彈,但湯底可以再酸d都會食佢哋嘅水煮牛，呢間野都好抵食，而且都好多人食夜晚去都要排隊。😇 下次去呢可以再試埋佢其他野。位置方面，比較近牛頭角地鐵站，位置都比較偏僻啲。

晚餐要買野返去俾屋企人食 見到又一川個餐牌幾吸引就決定左呢間 樣樣都好吸引 鐘意食辣既人完全抗拒唔到最後簡左蒜泥白肉 雞軟骨 水煮肥牛 四川酸辣粉同通菜我最鐘意雞軟骨 好脆好爽 四川酸辣粉個種辣完全係令人上哂癮 屋企人個個都想再食😍👍🏻值得一推 價格仲要唔算好貴 加埋先292蚊 抵