友口馥 (已結業)

石磨腸粉vs機磨粉漿腸粉, 食既真係無得比!!! 🤷‍♂️🤷‍♀️兩種食既品味方式不同🤔石磨要細味既味道係要慢慢喺口中感受😋而嗰種味道就要大家自己去品嚐下啦!!! 如果3分鐘食晒既 我都係建議您食返魚蛋檔10蚊6條😂🤣我睇到有啲人既食評竟然用一個食機磨腸粉既心態去寫石磨腸粉既食評 只可以話佢浪費左呢個石磨腸粉🥱🥱仲有不得不提紫米砵仔糕 如果可以擺多幾日先食 真係想買多10個返屋企😍😍另外店中糖水的確足料 但價錢適中🤑可以買多2碗返屋企 當飯後甜品👍最後一句，一間好味既店舖係應該得到大家親身既品嚐先知評者既感覺😁

在太和行過去只要5分鐘行過紅橋就係了唔係好起眼既店鍾意食呢間野既中式糖水勁平!!!同超足料!!其他出面賣HKD20, HKD30既中式糖水...都係無咩料同勁稀.....呢到就完全相反桃膠 HKD10有龍眼肉 有紅棗 有杞子 同d好好爽口但好夾既野見到d料真係好多椰汁西米露 HKD12d西米露多到...................😱😱見到其他食評話佢砵仔糕 腸粉唔好食我就未食過呀不過佢既甜品真係好ok呀!!

本身都好少寫食評 平時大埔有好多好野食 見到好多人推介就試下 可想而之唔想其他外來中伏鋪頭唔大 應該專做街坊客 今次就試下佢既砵仔糕同腸粉首先，好既地方佢有幾款口味（原味，白色，紫米露）但一食真係唔得 個質感好麻麻 味道都幾差下新街市二樓個間真係冇得輸 見依間幾蚊試下 no harm:第二，腸粉話係潮式，仲差，完全冇特別，可能我唔識欣賞，不如食隔離紫竹林/行遠少少發記仲好食第三，價錢尚可，但無咩位比人坐味道不外如是 極失望

今日路過本來想買涼茶，望望下先發現砵仔糕有好多種味道就買來試吓：很有米香，黑糖香氣的砵仔糕相信因為用石磨米漿，糕是很有彈性的👍🏻之前一直想試腸粉可是時間總係唔啱，期待下次可以食到腸粉😇

年紀有返咁上下，好懷念舊式腸粉粥店，大坑有間不過已光榮結業，為咗重溫以前一番風味，又知道老公鍾意飲豆漿，特登走過嚟幫襯呢間有返咁上下名氣既舖頭，嗌咗個石磨櫻花蝦腸粉，砵仔糕同豆漿等到啦，一望，心諗，好貴，食一舊之後唔見得特別好食喎，頂呀，點解話係石磨呢？食唔出石磨磨出嚟既米香味，而且更唔覺得滑囉最衰我無影相，影埋相仲可以助證等大半個鐘都算喇，態度仲要喝嚟喝去，又無欠你，點解我要受你氣？我唔會有下次，我更唔會推介呢間舖，因為我唔要俾錢買難受囉

見發哥推介過,星期六經過咪試下蘿，首先腸粉又鞋又唔夠熱真係正炒腸,咁既野都比得客食，蝦腸的蝦細隻唔在話下,食落有的梅梅地既感覺,一定用O左O的唔生鮮既食材去整,而且只得幾隻,孤寒到一個點,如果覺得唔值既咪賣啦,仲要O的員工的面色勁難睇,睇返O的POST 先知係支撐POPO 垃圾藍店,見冇咩人食仲以為去O左A貨,原來比人杯葛罷食，攪,到要拍烏蠅減價,唔卦得之啦下次唔會再去呢間垃圾到不知所謂既小店食野

系香港吃腸粉,第一次感受何為「足料」, 幾滑, 果种滑系有啲凹凸感的, 但個鼓油欠一點, 咸吾够油香, 如果改善下個鼓油就滿分拉！好關愛, 長者有折, 不過就算無折, $22一碟可以吃飽的腸粉都好抵！😁

之前因為排隊效應有幫襯過，充滿期待咁等左半個鐘先等到個紫米砵仔糕。但原來只係好普通既街邊貨色，冇米香，冇紫米味，口感差。佢有好多口味好似比起平時食既多選擇，但食落口根本就冇佢聲稱果種味真心唔知自己食緊咩！而且價錢仲要比起其他鋪頭貴幾倍，地點又唔就腳，要專登入去先食到。我仲留意到佢連堂食都用即棄餐具，非常不愛護環境！唯一可取既地方呢，就係個砵仔糕夠熱囉，但等左半個鐘整出黎喎，唔熱都難啦！食過一次之後既結論就係：名過其實，甚至比平均水準還低，冇下次！

本身好鍾意食腸粉，見有報章介紹過，喺屋企附近點都要試下，但老實唔係好識欣賞呢類腸粉，所謂有個石磨但真係無米香味，質地係膠膠地，我都係鍾意茶樓或粥舖個類先有米香味。腸粉唔啱我口味，見佢間唔中會有綠豆沙，有次行過就試一次，過甜，而且佢係開芡整到佢杰身，口感好差，好多年前平價茶樓先會咁樣打芡...........另外亦食過不同味砵仔糕，見多數人食黑糖紅豆，但我覺得只係死甜，其實原味好啲啲，當然有人會唔鐘意原味覺得啲豆味好似有啲苦味。而芝麻又係無乜味，無豆感覺仲膠。最大問題係佢全部砵仔糕都唔軟熟，好硬膠，我喺街一食咁硬就唯有拎返屋企整熱佢睇下會唔會軟啲........總之覺得自己俾咁多次機會佢，最後自己中晒大伏，特登寫低提醒自己唔好再中伏。係個粥正常唔伏。

早喺英國睇到老闆娘嘅故事，已經好想試試佢嘅腸粉，以表達我嘅支持。今次返香港只有10日時間，友口馥係我嘅”must try list”上之一，非常期待！原來淨係腸粉都已經有好多選擇！ 我揀咗日本櫻花蝦腸粉加蛋。除咗腸粉、仲有粥、涼水、砵仔糕。。我試咗紫米砵仔糕同一支冰糖紅棗桃膠水。亞妹揀咗牛肉腸加菜脯、椰汁西米砵仔糕同桑寄生茶 腸粉係即叫即做，好新鮮，囗感好好！😋 因為醬汁係自己加嘅，所以可以調教出自己鍾意嘅味道。涼水方面甜度適中，唔會太甜，好好飲！😌 所以再買咗一支冰糖紅棗桃膠水同田七花水俾屋企人飲。砵仔糕都唔錯㗎，石磨的，好煙un 😋雖然座位不多，但坐得好舒服。下次返嚟再食過 😌P.S.”有長者咭人士可以減$4，老闆娘好有愛❤️”

發哥推介過一直想試，石磨腸粉有口感又香滑，食了蝦腸及齋腸，蝦是細隻些而且只得幾隻，不過好是腸粉質感，另有本人最愛菜乾豬骨粥一食就知煲得夠時間，可惜平日收5點太早

呢間腸粉舖成日都排長龍，今日經過竟然唔洗排隊，梗係立即入去試一下啦。原來入面得好少位，大家都好似逼埋逼埋咁食，但係又個個都食得好開心，呢個可能就係成日排長龍嘅原因。呢間腸粉舖主打用石磨做漿嘅腸粉，即叫即蒸，我梗係不甘示弱，叫咗個櫻花蝦腸粉同埋傳統d嘅牛肉腸比較一下，而牛肉腸我係有加蛋嘅，先講腸粉皮，真係夠幼細，好過深水埗嗰d，腸粉兩個口味我都鍾意，不過偏愛加咗蛋嘅牛肉腸多d。跟手仲試埋佢嘅菜乾豬骨粥，豬骨味香得黎唔太咸，又唔係好肥，好食，最後仲叫多個芝麻糊，都係用石磨磨嘅，好香芝麻味，感覺應該係無添加嗰種味道，值得一試。臨走要咗支有桃膠嘅支裝飲品帶走，老闆娘話都係自己煲嘅，又真係幾正woo。總結：值得推薦！

身為大埔友，梗係要去試下排隊排到出哂名既友口馥石磨手工腸粉。我點了鮮蝦腸，腸粉質感滑得來比平時更有口感，皮薄度剛好。鮮蝦料亦彈力鮮味，喜歡這個，沒酒樓的腸粉皮一舊舊張口的。另外傳統牛肉腸，夠滑香口。腸粉既精髓係豉油 呢度既豉油味道適中，也不是太咸，亦有提升，食到食物本身原味。店內還有自家製豆漿，砵仔糕等等，呢d心機小店在香港也越見越少。見老闆親手落米漿同材料，親力親為好有heart。小店子小小坐位不多，勝在心機品質取勝。

今次黎到大埔，專程係食呢間小店，之前睇過採訪見到佢地真係真材實料，每日神早起身去備料，去捱出黎，所以對於呢啲咁努力去做一件事出黎，係非常欣賞，努力唔一定有回報，但你努力就一定有人睇到 by 呢個黃智雯，tag 黃智雯 (紅字) ❤️-間鋪仔唔算好大，見到個呀姨同呀嬸好努力做，睇睇個餐牌啲嘢食都算抵食，呢到個招牌就係砵仔糕，有好多唔同味揀，有黑糖、芝麻、紫米揀，我就食左 #石磨黑糖砵仔糕 $6，我就唔係好識食嘅石唔石定磨唔磨，不過咬落去係煙韌，黑糖味都有勁嘅，係唔錯 🤤-另外見佢地主賣都係石磨米漿腸粉，又係即叫即整，食左 #櫻花蝦叉燒腸 $25 同 #新鮮粟米腸 $18，內餡就冇咩特別架啦，叫正常啦，腸粉嘅質地就係似食皺皮腸咁，唔係純滑身果隻，唔同質感，中唔中意就見仁見智啦，我就覺得正常嘅 🤡-反而我覺得最值得叫嘅嘢係佢地自煲嘅糖水甜品，#冰糖紅棗桃膠 $15，除左可以養顏靚靚之外，佢真係飲落就知係真材實料，成半枝都係料，勁多桃膠，勁大枝，應該 700ml 嘅樽，比出面成 $30 嘅嘢飲好多多聲 🤤-友口馥大埔北盛街 23 號瑞安樓地下 3 號舖

家人好想試呢個石磨腸粉，放工就去買嚟試試，之前未食過石磨，佢並唔似平時酒樓嗰啲滑捋捋嘅，係鞋啲，呢間被評為全港第六位嘅腸粉，個人覺得算 ok 嘅，要排隊就 no 啦，經過買嚟食下可以，不過要試下其他先有比較！仲試咗缽仔糕，我不嬲麻麻 like，佢啲梗麻麻，覺得好實！叉燒腸，都 ok 嘅，多叉燒，唔會全部肥肉！櫻花蝦就一般，相信蝦米會好啲，香啲！蝶豆花好食過紅豆，紅豆太淡味喇 .... 不過最重要係太實的的！