友記

營業中

休息中

喺香港長大嘅朋友應該無乜邊個未食過嗱喳麵，呢間小店令我勾起很多童年回憶，因為佢賣嘅車仔麵餸很懷舊，如：柚皮、脆炸油渣及酸齋。當中我尤其欣賞酸齋，酸甜適中，特別一提揀這款餸可以要求另上，不用將那濃烈的酸甜汁混入湯麵中。另外，在此不得不提有個餸叫牛疆，很彈牙，好似食香口膠咁。雖然呢款餸要加錢，但喺其他麵店好少見，一試無妨。其實，今時今日一碗三餸車仔麵（唔包特别餸）加嘢飲都係三十五蚊左右，真係物超所值，加上個麵底比正常份量還要多，所以每次食完都非常飽肚。最後，细心嘅顧客應該會發現喺揀餸嘅枱面，永遠有兩個大銀色碗盛住D啡黑色嘅汁，其實一盆係辣汁，嗜辣的，通常必加；另一盆就係我至愛的蠔油汁，只要加入湯中頓時令鲜味提升，值得一讚是店主毫不吝嗇任由顧客食用黃色嘅就係牛疆簡直係男人的浪漫

我地全家人一直都係呢間車仔麵既熟客，每次黎佢地到食麵，老板都會熱情咁同我地打招呼。有時就算一個人黎，都唔會怕孤獨，因為佢地會同你吹兩句😛講翻碗麵先，覺得友記個湯底唔會太濃味，味道岩岩好。我今日叫左招牌既辣柚皮，係媽咪介紹我試。開頭都諗住應該唔岩我口味，點知愈食愈上癮！個種辣唔會令你辛苦，只會令你愈黎愈開胃。米線都幾好食，唔會太腍，食落口感都幾滑呀。好鍾意食車仔麵係因為呢碗野裝滿住童年回憶、人同人既關係、仲有濃濃既人情味。☺️

由細到大都中意食米線 因為車仔麵係我地既傳統飲食文化一次偶然既機會我個朋友介紹左呢間俾我試下話成日幫親大大碗 3送加汽水一罐🥤係抵食既 而且佢有好特別整既辣椒醬🤗中意食辣既朋友要留意下👍講返碗米線🍜 雞翼好入味 幾彈牙好食😋而個豬紅就唔似其他鋪頭係甜既 個豬腸就少少失色🧐 冇乜味道 但爽口lor😄反而係豬紅既味道同湯底結合既味💁🏻‍♂️牛筋都幾好食 好彈牙 唔係好淋個款 🤤🤤呢間鋪頭主打街坊生意 見到好多回頭客D服務人員態度都好好 麻雀雖小 五臟俱全見到有客令生果俾老闆娘 一家大細來食👪係度感受到人情味 希望有機會再泥呢度🤘

呢間車仔麵有細食到大。呢次事隔多年再返去食，舖面冇太大改動。以前嘅回憶翻返嚟，中午嘅時候去到原來已經坐滿人。今次我點左五個餸分別有韭菜，豬腸，酸齋，金錢肚，魚肉卷，加埋凍檸茶埋單都只係需要＄50。每個餸嘅份量非常之多，絕對足料。另外配備辣汁同蠔油，值得推介嘅車仔麵

我啲港島朋友一日都黑都話要我呢個九龍友帶佢哋去食好西，不過自己食黎食去，點好味都會厭啦真係考起我。今次帶佢哋黎友記車仔麵，我同佢哋講好普通，只係一間我由細食到大既車仔麵舖。每逄食飯時間黎呢度，都一定要排隊，等返十分鐘左右。埋位坐低前要先點好車仔麵同飲品，自己拎埋位食。每次叫餸都頭痕，真係樣樣都想點，心多多病又出黎🙄酸齋豬紅雞翼尖牛腩油麵加大汽水，佢個辣汁好勁架，如果唔係咁食得辣既就唔係落咁多酸齋豬紅雞翼尖牛腩。。。全部都係肥膩嘢，全部都係童年回憶，細細個放學呀媽無煮落飯就同呀妹去大磡邨一人整個車仔麵就一餐港島朋友形容呢度車仔麵好有古早味。

記得以前初初係黃大仙返工，都有成日黎捧場，個時味道幾好，又平d;隔左半年尋日再黎食，有d失望，價錢加到$32 三餸，都唔緊要,但嗌下d稍為唔係最平嘅餸都話要加錢，嗌牛肚又要加，魷魚螺肉個d都要加錢，跟住凍熱飲全部都要再加錢。今次嗌左牛腩，魚蛋，螺肉，熱檸水另加五蚊，牛腩腍，魚蛋無咩特別，螺肉無寫明係辣嘅點知食落辣而攻喉，食到喉嚨好唔舒服，湯底咸重味精，亦食唔出有特別，真係得咸。如果唔係其他車仔麵都閂左門今次應該都唔再黎食，下次寧願去返同街對面個檔金x美食 食$33 三餸包野飲嘅沙嗲車仔麵算，同埋起碼人地唔會乜餸都話要加錢。

多年前慕名而來，好好味的，今日忽然想食，專程到來，可惜已經沒有那些年的味道了叫了四餸$33，豬腸唔入味唔夠林仲有嗡味，牛根又係好硬仲碎濕濕，豬皮比較正常但都有少少黑毛，最差勁係魚肉春卷，好似隔左幾夜淑淑地，永遠不會再來！

好久沒有幫襯過，因為隔離休息，今天 點咗粗面，豬皮、豬腸、牛腩，豬皮是白恰的沒有味道，豬腸夠淋，可惜都是沒有鹵水煑過也是白恰的，牛腩沒有味道，是碎濕濕的碎肉，沒有很口感簡直失望，幸好有他的秘製沙嗲汁 可以保持以往的水準。

一向都頗鍾情友記的車仔麵，貪其價錢平而且車仔餸選擇多，所以每次行完獅子山都過去食。成半年無行山，今日行完山當然要去食下佢。我地5點半左右到，星期日呢個時間唔多人，所以一入即有位，我揀左30蚊3個餸，我額外加多左柚皮，其他分別係豬紅、大腸及粟米魚肉卷，加5蚊有細樂，朋友因為唔知食咩好，所以同我點同一樣的餸。今次個湯底有點失望，無之前咁濃味，雖然已經加左腩汁。豬紅就保持到水準，好滑溜，而且阿姐好大方，俾左好多嚿我。大腸今次唔大入味，而且唔係之前食開嗰隻大大圈嗰種，好唔開心呀~個粟米魚肉卷幾好食，好多粟米係入面。柚皮唔算稔，但因為其他地方都好少車仔麵有得食佢，所以我食佢。埋單每人38蚊4餸加飲品，食到飽一飽，其實真係好抵食。

今日放假去慈雲山探個朋友， 諗起來冇去過呢間友記車仔麵食野就去食個午餐先， 一去到又係排曬長龍，叫咗個河粉 、通菜 、豬紅、豬油渣、豬腸、魷魚同炸魚皮， 加咗佢哋啲秘製蠔油汁，河粉幾好食加埋啲秘製蠔油汁一齊食簡直， 通菜洗得乾淨好爽口， 豬紅同豬腸煮得好入味好淋， 豬油渣 非常之香口惹味，仲要非常之脆口，魷魚就普普通通好細件冇乜味， 個炸魚皮 非常之脆， 薄薄一片加D蠔油湯汁食

去慈雲山探朋友，突然想食車仔麵，朋友推介去友記食， 去到門口見到好多人排緊隊， 到我啦望下有咩野食先， 朋友極力推介柚皮， 但我就冇乜興趣食， 不過都有好多特別既餸， 我自己就叫左碗河粉， 餸就叫左豬紅 豬手 還有好少車仔麵舖有的豬油渣 同西洋菜。豬紅煮得好入味， 豬手都好入味同好淋， 豬油渣真係好脆好好食就算留到最後都仲係好脆， 西洋菜分量好多， 仲有自製辣油同蠔油可以選擇。 還有大支樽裝可樂飲。朋友嗌左柚皮我攞左少少試， 柚皮整得好好食一點苦澀味都冇。下次去慈雲山都一定會去食之間車仔麵。

依間車仔麵其實經過就會食下,但又一直無寫食評.我覺得每間車仔麵都有自己既味道,依間有柚皮,有牛彊,有豬油渣,同埋有自己加既辣汁及似蠔油既汁.必叫的,一定是柚皮,有時仲會叫兩份,好吸湯,好吸味,煮柚皮要好多功夫,依間柚皮算比較穩定,又唔會煮到爛晒或怪味,有得食就好食啦~如果叫左柚皮,就未必叫蘿蔔了,感覺好似.今日的豬油渣有點太咸,不過就算擺到最尾食,仍然好脆.酸齋,淋既,唔會似車仔麵之家脆,會染到整個湯麵都有點顏色,不過仲係鐘意叫好多基本餸都會有,有些質素是有點參差,看MENU 是沒用的,入面既餸多過佢寫既MENU 太多,直接行入去望下有咩餸,腦筋轉快點,看那一個送今日靚就叫更好.不過柚皮仍是主打,為了柚皮,仍舊會來.

見平時都有唔少人排隊，慕名而來，點了三餸連嘢飲盛惠$29。真的是希望愈大，失望愈大。牛腩全是薄薄碎碎的片狀物體，賣相極不討好，完全沒有味道，吃了一口已不想吃!豬大腸白灼，好像沒烹煮過。湯底更加不值一提，淡如水。蘿蔔是唯一清甜有味的一個餸。店員態度不佳，未必再有下次的車仔麵！

車仔麵最愛的豬大腸還沒洗淨，有異味。水不夠熱，餸茶都不怎煮熱，牛腩沒有牛肉味，紅腸都是霉肉的口感。對食材沒尊重！待應只會高談闊論，叫餸時要鬥大聲才接收到。無論食物和態度都不值再光顧的食店。

收到一個壞消息心情爛透了, 這幾天已不再大吃大喝, 突然覺得積穀防飢的重要性.....下雨天, 心情更差, 只想隨便吃個粉面, 就回家休息.在鳳凰新村附近再逛右逛, 選定了車仔面. 約晚上6時半除了友記, 其他的車仔面檔都已經關門了.餐廳裡要先到右邊排隊買車仔面, 再搬到左邊場內進食. 牆上張貼了最少要買20元, 魷魚因為物價上漲要$6, 其餘都$5. 選了三送一面, 趕快回家~ 車仔面 米粉> 取回家品嚐軟硬適中, 要了多腩汁少辣汁. 大腸> 約4~5粒剪開, 大腸味重. 很多人覺得大腸味重是不清潔. 如果沒味道反而覺得沒有了大腸的實在! 翼尖> 用咖哩粉醃過多時, 咬開骨頭極之入味, 不錯! 柚皮> 看過飲食節目介紹很有興趣. 柚子皮是洗淨發水, 有口感, 但不是爽脆又不像豬皮. 沒太多柚子味, 但感覺健康.整個份量好少, 怪不得排在前面的太太要了6個送~