友飯食

營業中

休息中

喺我心目中要數cp值高嘅餐廳，「友飯食」一定榜上有名。今日我好叻帶左個死黨黎，佢食得勁開心😂😂😂我地係一齊放半日然後黎食左個late lunch架，我地掛住吹水hea左成兩個鐘，好彩餐廳唔會見你食完就趕人走😆沙嗲牛肉包+凍檸水：有surprise呀啲沙嗲牛肉嘅份量好足料！醬汁又多又惹味。牛肉唔會有筋，好易咬。個包又軟熟，高質好食。卡邦尼意粉+凍檸茶：原來都幾大碟喎，我死黨食唔晒分左啲比我。煙肉塊數多，芝士香濃，意粉有咬口，卡邦尼醬汁煮得好食，絕對唔係d淡某某。總結又係高質好食。

最愛蔥油豬扒🥰友飯食啲野係我近期食過數一數二抵食嘅，而且味道質素完全無令人失望過。喺地鐵站行去數分鐘路程，喺火炭嘅工廈入面的，餐廳啲冷氣夠晒涼，又可以坐好耐，夏日炎炎黎食好西都唔錯我地order左份蔥油豬扒煎蛋蛋飯&凍檸水，再加腿蛋治&熱奶茶。蔥油豬扒要大讚囉！首先係蔥油夠多而且真係極香！第二樣係個豬扒個size!好大份呀正呀！肉質都嫩tim ga! 仲有呢個太陽蛋煎得好靚，隻蛋都大隻ga, 飯底好多，我一個女仔食唔晒tim haha腿蛋治勁抵食，臨走order多左份腿蛋治外賣做聽日早餐😚餡料唔細，特別係炒蛋好厚，真係足料喇！好開心聽朝又有得食😚

雖然係位於火炭工廈嘅食堂，但係食物嘅賣相真係一啲都唔曳，睇得出誠意。由早午下午茶到晚餐，價錢都相當親民。食完印象真係幾好。個公司三文治整得好工整，餡料有齊芝士、火腿、蕃茄、生菜，係三層嘅麵包夾埋，好味兼好夠飽㗎😋吉列豬扒配沙律個豬扒都真係幾大塊，個沙律入邊有啲粟米等等，平均返炸野熱氣感，健康而且開胃。嘢飲係少甜嘅凍檸茶加凍檸水想特別一提餐廳侍應好nice服務周到，落單上菜迅速，呢點十分加分。令到我下次都想再黎幫襯呢間超抵食工廈餐廳！！！

友飯食真係好抵食！我地成班火炭友間唔時都會幫襯吹下水。啲座位好大，又多卡位，係幾舒服同幾好hea嘅地方😚野食都幾精美！下午茶餐會奉送咖啡/茶我自己就超級中意佢地個炸子雞，係半隻黎，除左顏色炸得好靚，佢個汁又惹味。薯條又多又脆！配埋可樂，好食過d快餐店㗎🤭炸子雞除左薯菜，仲可以選擇配白飯/意粉。我朋友就食左個芝士火腿潛艇，只係$38咋omg😱佢個包幾足料，見到有大大塊火腿同芝士，仲有生菜啦，份量一d都唔細，而且個包係有烘過，微暖好好食。樽仔奶茶都係呢度招牌野飲，香濃香滑，必試㗎！

首先點解我話堅係隱世餐廳呢，因為餐廳位於工廈，由火炭D出口大約行7-8分鐘。我知道有呢間餐廳主要係同事推介同帶路🫡🫡食完一次都想keep住間唔中又黎下，因為成間野嘅野食其實好抵，同埋地方夠大，成條team過黎食都真係得！講返今次嗌左咩～-炸子雞配凍檸水-吉列豬扒配沙律炸子雞個皮炸得好靚喎，咬落又脆脆😚裏面啲肉幾嫩滑，好掂喎！！薯條量佔左一半，香脆夠熱，好食過d快餐店呀！仲有兩棵西蘭花伴下碟。吉列豬扒原來係咁大塊㗎😲😲唔會過厚難咬，反而肉質幾腍又香，加上咬落又唔會乾爭爭。沙律果邊又係佔左一半碟，呢個份量幾好，抵讚！

呢間工廈食堂雖然只係做早、午、下午茶時段，但都吸引大批火炭上班族黎幫襯，而我都係其中一個😎皆因主打親民價港式料理，味道也不錯。今早返工前同女朋友搭一個站黎食早餐，兩份早餐分別有鬼佬早餐、沙嗲牛肉公仔麵。鬼佬早餐（$42)有牛油多士、太陽蛋、廚師腸、豬扒。對上一次嗌我地果時有+$2轉薯餅，今次反而想食下多士。想特別一提塊豬扒幾夠腍，骨位唔多。沙嗲牛公仔麵（$41)🍜比左好多沙嗲牛我呀開心😎個沙嗲汁調得好好食。嘆埋杯熱奶茶就各自上班去😆😆😆

啲判頭叔叔帶咗我嚟工廈食嘢，我自己平時好少去工廈食野呢，因為之前去過另一啲工廈感覺好多人冇咁relax，哈哈。不過今日嚟到，雖然都好多食客，但因為餐廳環境係真係勁闊落，同隔籬枱又唔會黐得太埋，所以坐得好舒服喎！！！另一重點係，嘢食大件夾抵食！！！呀同埋呢度環境好企理乾淨！！！呢啲係其中一個叔叔大力推介的😂係卡邦尼意粉&西多士，意粉嘅汁好夠多，啲煙肉大大塊的，每啖都可以撈到好多汁！西多士真心好正，係即炸所以仲熱熱地㗎，即刻查舊牛油同落多多蜜糖食，真心滿分好食🥰樽仔奶茶係餐廳自己製，一定要試下，又滑又香濃😍🤩想再黎呀！！！！

深圳個同事落左黎我地間舖，佢話想食埋個lunch先返上去，務求快靚正，帶左佢去隔離工廈間餐廳，咁梗係㨂友飯食啦！餐廳環境肆肆正正又平，啲野又岩口味，係幾好嘅選擇嘅。瞬間就落左單，呢一碟係蔥油豬扒公仔麵。撈公呀撈公，係我至愛呀🥹🫶🏻睇見啲蔥油都feel到佢香呀呢，係真係超香㗎‼️本身舊豬扒都醃左，juicy到爆，肉質又嫩！啲蔥油撈落麵度食真係超級正，自家調味蔥油真係精髓！而呢碟就肉絲炒意粉，有好多三色椒同肉絲炒埋，面頭有啲黑椒，呢碟又係好口香好好食！意粉質地尤其合我同事口味，因為佢唔鍾意太腍嘅。佢舉晒手指公話好好食份量又多👍我都係鍾情我碟撈公，下星期要再食🫶🏼

見到呢一間餐廳好評如潮，一於掹埋公司飯腳一齊去試吓，真心有驚喜，忍唔住要幫佢出返個食評🥹🥹🥹 同事嗌咗一個雞煲，估唔到lunch都有雞煲食到，鍾意食雞煲，但係又唔想食咁大份量嘅朋友一定要食呢個！ 醬汁超級惹味，唔算好辣，但個靈魂醬汁真係好好餸飯，而且啲雞件份量超多，仲要全部都係靚位！自己忍唔住拎咗幾件雞嚟食，真係正！ 另外我自己就叫咗一個拿破崙意粉，夏天冇胃口就最鍾意食呢啲酸酸甜甜嘅嘢，細個最鍾意食呢個，好惹味！又夠熱辣辣，又足料！ 第一次食呢一間新開嘅餐廳，真心好有驚喜，食物高水準👍👍👍佢應該會成為我嘅返工飯堂啦哈哈🤣題外話，早餐都好吸引，返工前食個靚早餐都唔錯😏

老細放大假，偷雞出左去食下午茶😌🤫友飯食啲下午茶餐真係好正㗎都係忍唔住繼續幫襯，純粹今次唔係外賣返公司，而係坐定定喺餐廳食😚然後食完就差唔多返去收工嚕😝下午茶餐都算多選擇㗎，今次都係嗌返平時嗌開嘅配搭，啫係沙嗲牛肉包、樽仔奶茶、炸雞中翼配薯條🍟牛肉包之所以咁好食，因為個精髓喺個沙嗲汁度，真係好香㗎，一定要試吓。個包好軟熟架，唔係法包果種硬邦邦。炸雞翼次次都係炸得好香，會有四隻，我通常都係配薯條，或者可以揀配沙律架。始終我都係鍾情雞翼+薯條嘅，食煎炸野至開心㗎嘛😌

出差出到去火炭（我本身港島人黎😂），不過都襯機會睇下呢面有咩正同抵嘅野食。喺openrice search到友飯食，個名幾獨特，見都唔少人話性價比高，都幾吸引咁，所以都揀咗黎食啦🙌🏻🐽🍜蔥油豬扒公仔麵,跟凍檸茶蔥油係我至愛黎，餐廳比左成個碟嘅size嘅豬扒我，好正呀，煎得超香喎個扒，咬落又唔韌👍🐮🍜沙嗲牛肉公仔麵，跟熱奶茶沙嗲牛切開其實都比左至少十舊比我地，沙嗲汁好香濃。公仔麵唔會煮到過腍。兩碗公仔麵都真心正🫶🏻奶茶都係必試！

咁啱經過火炭，搵到呢間出色嘅食堂，選擇好多，最鍾意食係佢哋嘅炸子雞， 60幾蚊就已經有大大嘅半隻，仲可以自選飯，意粉或者薯菜，好抵食！環境亦都好闊落，服務又好好坐得好舒服，喺香港少有嘅優質食堂👍👍😱

搬左黎火炭區一排，終於攪好屋企野出多左街周圍覓食，呢區啲野食都好抵，由其係呢間叫"友飯食"嘅港式餐廳，聽街坊講過真係出名大件夾抵食👍3份午餐分別有 1)蔥油豬扒公仔麵&凍檸茶，2)公司三文治&凍檸水，3)西多士&樽仔奶茶啲野全部都好得！豬扒厚肉地，蔥油極香。三文治餡料多，有齊生菜蕃茄午餐肉芝士，而且係烘左底。西多煎得金黃色好靚，好耐無食過西多啦，果種牛油蜜糖西多一次過隊落口，真係諗起都想再隊多份🥹🥹樽仔奶茶都要特別推介，餐廳自家整架

Happy friday同個同事揀左友飯食食飯。都幾多人😲但又好彩間餐廳真係好多張枱，工廈食堂真係大間！我揀左迷你雞煲跟白飯，個雞煲真係好迷你其實真係好得意😆佢冇得走辣，係有少少辣嘅，但聞落真係好惹味，感受到廚房真係落足料㗎。另外雞件好多，又全部都係雞髀位，肉嫩好食！我同事就揀個左拿破崙意粉，加$3飲凍檸茶。麵條有咬口，個汁又好好食又開胃，仲有三色椒🫑喺面，份量又係好大㗎。咁抵食嘅野，要推介埋另一team同事黎先～～～

尋日同屋企人3個人黎友飯食食早餐，一份沙嗲牛肉公仔麵（$41)，一份牛奶麥皮（$35)，加一份鬼佬早餐（$42)。份份都好大份，我地唔算晨咁早黎，食完好飽當埋午餐都仲得😚😚😚 沙嗲牛肉公仔麵個沙嗲好夠濃味，呀爸食到讚不絕口！！麥皮都有落夠牛奶，絕對唔會淡戍戍，健康又好食！另外個鬼佬早餐我自選左豬扒+腸仔+蛋，真係好大份架，多士有兩塊已經塗滿左牛油嘅，腸又有兩條，豬扒又一個手掌大，仲有煎得靚靚太陽蛋☺️食到靚同好食嘅早餐真係會開心全日架！