影片
港鐵南昌站 D1 出口, 步行約3分鐘
繼續閱讀
電話號碼
39070383
營業時間
今日營業
12:00 - 22:00
星期一至日
12:00 - 22:00
公眾假期
12:00 - 22:00
公眾假期前夕
12:00 - 22:00
以上資料只供參考, 請與餐廳確認詳情
喺香港想食麻辣又地道嘅川菜 主打酸菜魚嘅口麻天辣每道菜都刺激味蕾 麻辣鮮香渾然天成🔥 🍴皇牌二人套餐 HKD 288🔸天花頂酸菜魚酸辣絕對係酸菜魚嘅靈魂所在！🐟 魚片新鮮嫩滑 配上酸菜酸蘿白嘅酸香湯底辣中帶酸 有淡淡嘅麻香 用嚟撈飯一流🔹 藤椒湯麻辣燙(嫩牛肉/牛栢葉/魚片頭/金針菇/花菜/寬薯粉）藤椒湯底係麻而唔死辣 比普通麻辣多一份清新感湯入面嘅牛肉嫩滑 牛栢葉爽脆彈牙仲有金針菇、花菜同寬薯粉吸晒湯底香味成個Combo好有層次感！ 🔸 秘醬口水雞 HKD 88口水雞係川菜嘅經典小食雞肉嫩滑多肉秘製醬汁帶有花椒麻香 辣得嚟清爽唔膩仲有芝麻同蔥花增加香氣！ 🔹 紅糖米茲粑 米茲粑煎到外脆內糯紅糖漿香甜唔膩 口感煙韌又帶陣陣米香～ 🔸 手打檸檬茶 麻辣過後嚟杯手打檸檬茶清清味蕾🍋 檸檬味夠哂濃 酸甜平衡得好好仲有少少手打茶嘅香味，解辣又解渴！ 🚩口麻天辣 深水埗深旺道28號V Walk 2樓L2-127-128號舖
繼續閱讀
南昌站口麻天辣🍲今日嚟到屯馬線南昌站嘅口麻天辣，呢間餐廳係知名品牌姚姚酸菜魚旗下嘅香港店，真係唔可以錯過。佢哋最近推出咗一人酸菜魚，一個人都可以享受嘅麻辣燙同酸菜魚，超方便！😋🥢 酸菜魚套餐我今次試咗佢嘅酸菜魚套餐，配白飯同埋涼半蓮藕。酸菜魚鮮嫩入味，湯底麻辣適中，令人一口接一口，根本停唔到！白飯吸收咗湯汁，食落去更加香口，真係好滿足！而涼半蓮藕清脆爽口，為整個套餐增添咗一份清新感，真係一流！✨🌶️ 麻辣燙仲有，我叫咗一個有六個餸嘅麻辣燙，價錢只係88蚊！裡面有青口、大蝦、豬腩肉同埋三款新鮮蔬菜，真係超值！每一樣食材都好新鮮，特別係大蝦，肉質彈牙，青口更係鮮甜可口，真係食到停唔到！💖🍋 飲品飲品方面，我叫咗一杯話梅手打檸檬茶同埋一杯手打檸檬茶，清新又解渴，完美配搭！話梅嘅酸甜味同檸檬茶嘅清香，真係一試成主顧，飲完之後心情都好咗！🍹🍧 甜品甜品方面，我試咗冰粉、紅糖糍粑同埋炸鮮奶，個個都好好味！冰粉清涼滑口，特別適合呢個天氣；紅糖糍粑外脆內軟，甜而不膩，真係好正！而炸鮮奶就更加不得了，外面金黃酥脆，裡面滑溜溜，食完真係令人回味無窮！🍮總括來講，口麻天辣嘅食物真係好食，價錢又優惠，午餐只需幾十蚊就可以享受到咁豐富嘅套餐，真係好抵食！無論係一個人定係同朋友一齊，都可以喺呢度享受到美味嘅麻辣燙同酸菜魚，真係好推介！下次一定會再嚟！👍
繼續閱讀
過開嚟南昌搵朋友 走嘅時候見到呢間咁pink pink嘅餐廳真係少女心爆發💕咁girly竟然係做我最愛嘅川菜皇牌二人套餐外賣勁抵食💁🏻♀️❣️天花頂酸菜魚配飯一碗份量超多 酸菜味道好出 爐魚肉質偏實淨有咬口 辣度唔算好高 唔會搶咗酸菜嘅風頭 另外仲跟好大盒白飯❣️清新藤椒湯米線（或麻辣燙湯）(牛柏葉+魚片頭+豚肉片+萵筍片+鮮豆皮+大豆芽)可以揀三款葷及三款菜類葷仲有多款海鮮選擇添 包括鱸魚、大蝦、青口不過我比較難 就叫啲唔使剝殼嘅 配料份量超級足藤椒湯香得嚟唔會好嗆 配埋米線食啱啱好❣️涼拌萵筍絲用蒜蓉撈咗 萵筍絲好爽口 食落好清新夠開胃❣️手打檸檬茶真係見店員姐姐用盡力氣咁中啲香水檸檬 茶底好醇 走咗甜飲落都冇苦澀味道❣️紅糖米茲粑外層炸到好酥脆 紅糖好香口 份量恰到好處 唔會過甜內層好QQ 就算放咗一段時間食都冇變硬
繼續閱讀
行過呢間餐廳好吸睛．仲陣陣飄香開放式嘅廚房．環境乾淨衛生店內裝潢同所有餐具都係粉紅色．好吸睛🔥皇牌二人餐✨天花頂酸菜魚我地揀咗少辣．唔食辣嘅朋友 走辣亦得湯底加入芝麻．原隻辣椒魚片份外幼滑✨海鮮麻辣燙湯底．粉麵．葷菜．素菜都可以按自己喜好配搭揀咗清新滕椒湯 + 寬薯粉條配上鱸魚片．嫩牛肉．大蝦蒿荀片．蓮藕片．金針菇大大碗好足料✨涼拌蒿荀絲口感清爽．切成絲嘅口感唔錯✨紅糖糍粑外層香脆．口感軟軟糯糯淋上紅糖份外香甜✨手打檸檬茶店員現場手打檸檬兩大杯冰凍又解辣
繼續閱讀
小姐你一個人呀？唔怕，一個人都可以食酸菜魚！呢間係人氣酸菜魚品牌姚姚酸菜魚旗下嘅餐廳，主打一人前精緻酸菜魚同麻辣燙。半開放式廚房，粉紅色裝潢少女心爆發，堂食會有火爐仔上，想慢慢嘆嘅亦可以選擇外賣。王牌二人餐包括天花頂酸菜魚、海鮮麻辣燙、涼菜、甜品及飲品。酸菜魚可自行辣度，吸飽精華，魚肉嫩滑，少辣啱啱好🐟。海鮮麻辣燙可DIY湯底、粉麵、三款肉同三款素菜，食得辣嘅建議要香濃麻辣湯，唔係嘅話有清新藤椒味。粉麵則有寬薯粉條、米線、出前一丁同手打麵，麵條入口滑溜且掛汁。配料要咗鯛魚片、巴掌肥牛、豚肉片、大豆芽、花菜同鮮豆皮，吸滿湯汁，新鮮，肥美，都幾飽滿。涼菜係涼拌萵筍絲，十分開胃、紅糖糍粑煙煙韌韌、配埋手打檸幫助解膩。
繼續閱讀