影片
開飯介紹
餐廳供應多款日式料理，其中壽司卷系列更引入充滿創意、色彩豐富的美加風味。菜式定價合理，座位舒適，適合多人分享美食。
繼續閱讀
營業時間
今日營業
11:30 - 16:00
17:30 - 22:30
星期一至五
11:30 - 16:00
17:30 - 22:30
星期六至日
11:30 - 22:30
公眾假期
11:30 - 22:30
公眾假期前夕
11:30 - 16:00
17:30 - 22:30
以上資料只供參考, 請與餐廳確認詳情
有關獎賞計劃
相關文章
餐廳：古今二地點：荃灣荃新天地菜式：日式居酒屋餐牌：主打特色創意卷物，主餐牌有前菜沙律，刺身，壽司，多款特色卷物，燒物，串燒，鍋物，天婦羅，小食炸物，飯麵類同飲品。呢度都有二人前套餐。龍卷風沙律 $76 另加一龍卷風沙律成座山咁，份量幾大！主要係新鮮生菜塊，加入脆脆海藻，蟹柳絲，蟹籽，撈埋沙律醬同佢地既招牌醬汁，仲有唔少脆片碎增強口感。味道有少少辣，清新之餘又夠味道，唔會淡某某。芝士年糕 $26 另加一芝士年糕一客兩件，熱辣辣上枱。食落外脆內軟，有流心芝士饀，芝士味夠，仲有少少沙律菜墊底解膩。自家玉子燒 $55 另加一自家玉子燒一客6件，加上蟹籽，沙律醬同招牌醬汁。食落係凍玉子，帶好香炙燒味，口感實在。煙花 $79 另加一煙花一客6件，係加左黑白芝麻粒嘅飯卷包住紫菜同辣味三文魚mix辣味吞拿魚加脆片，面頭再加上辣味三文魚mix辣味吞拿魚，仲有蟹籽同脆片。口感係脆加滑，而味道係酸酸哋加沙律醬味，唔覺辣喎。伴有日式芥末。餐廳以木材為主，都頗舒適，位置係喺大商場入面。今餐食物質素都唔錯。
繼續閱讀
古今二 呢間「古今二」係我第二次回訪，食物質素依然高質，今次係同朋友一齊嚟荃灣食野，朋友住天水圍，叫我揀餐廳，我一諗就諗起「古今二」，佢哋係一間中高價位嘅日式餐廳，而且距離荃灣西鐵站只需要行七分鐘， 沿途可以經過天橋， 對輪椅人士來說十分方便。呢間餐廳除了有傳統的壽司之外，裏面嘅菜式仲有創意壽司，講到環境就十分安靜，好啱坐低聚會傾計，餐廳裝修大多數係木製加混合少少工業風，餐廳通道算寬闊，輪椅人士入去食絕對唔係問題！1.超級龍捲風$88（9/10）每舊壽司入面有炸蝦、芝士、鰻魚同脆片，每一啖都係非常滿足， 一碟有八舊壽司，份量非常足夠， 加上有少少酸酸嘅汁作調味，令到整個菜式唔會好膩！2.清酒煮蜆$128（10/10）入面每一隻蜆肉都非常肥美又清甜又無沙，一上桌已經聞到陣陣清香嘅酒味，令人食指大動，當中份量都好足夠，大約有20隻蜆以上，除咗用清酒煮之外，仲加海帶布、洋蔥同菇湯底好清甜，搞到我好想再叫多次清酒煮蜆！3.大阪自家製炸雞$78（10/10）呢個炸雞雖然一碟只有五舊，但每舊炸雞起碼有一個乒乓球咁大，食起嚟非常夠熱，炸到外脆內軟，肉質又夠嫩滑，仲可以點沙律醬，我呢排戒酒，如果唔係一定叫杯酒飲！4.鹽燒鯖魚$68（9/10）呢條鯖魚調味唔會蓋過魚味，只係普通鹽燒的鹽燒，旁邊仲配上醬油同檸檬，不過我鍾意咩都唔加，原味食先食到真正鮮甜嘅魚味，加上呢條鯖魚無咩骨，食得好方便！5.白桃柚子烏龍$38（10/10）呢杯白桃柚子烏龍飲落去茶味中帶點柚子蜜嘅味道，仲有加咗好多白桃果肉，粒粒都係新鮮，柚子就帶一點澀，整個飲品很清新！2人總共價錢$440，有加一服務費！個人口味總評分：9.6/10@kokon2.tw @citywalkhk地址：荃灣楊屋道1號荃新天地1樓116號舖Please follow me🙆♂️ @wheelchaireatinhongkong 如果鍾意我嘅分享，麻煩請follow我，仲有記得Like同Share！🙏🏻🙇🏻♂️#古今二 #日式餐廳 #荃灣 #荃新天地 #荃灣好去處 #荃灣美食 #香港美食 #hkig #hkboy #hkfoodie #hkfoodblogger #hkfoodpic #hkfoods #hkfoodshare #dessert #hkdessertshop #food #hkfoodstagram #hkfoodpic #hkigfood #foodiehk #yummy #delicious #foodie #hkfoodieblogger #hkfoodies #wheelchaireatinhongkong
繼續閱讀
同朋友嚟荃灣食晚飯，試咗呢間日本菜。餐廳唔算大，但裝修都有心思，帶點日式風格，點咗金龍卷、龍卷風沙律、日式章魚小丸子、味淋魚干 。先上嘅龍卷風沙律，份量好大，以簡單嘅蟹柳絲、海蜇同沙律菜組成，配上黑醋汁，好開胃 。餐廳主打特式卷物，今次叫嘅金龍卷，裡面包住吉列蝦，再以三文魚舖面，口感豐富，加上加津醬，三者味道夾 。另外點嘅日式章魚小丸子同味淋魚干 ，小丸子好脆口，有驚喜（最怕食到好淋嘅小丸子！），味淋魚干偏甜，啱晒送酒！
繼續閱讀
今日同同事黎試下呢間創意日本料理🍱龍卷風沙律🥗打破沙律係我眼中既沉悶形象🤭呢款沙律🥗除左有蔬菜🥬仲加上海藻🌱、蟹柳🦀同埋脆片，有日式風味，Refreshing亦都好健康知道佢呢到既卷物好特別所以叫左兩款試試☺️彩虹卷🌈刺身🐟牛油果🥑青瓜🥒蟹柳🦀, 賣相已經非常可愛 唔同顏色，味道清新，口感和視覺上都很吸引人🌈蜘蛛 🕷️呢個卷物既名好特別，痛炸軟殼蟹🦀青瓜🥒牛油果🥑蟹柳，炸軟殼蟹令卷物有酥脆既口感，而牛油果同蟹肉就帶鮮嫩口感，層次豐富🫶🏼鹿兒島黑豚荔枝卷串燒🍢🐷呢款串燒十分推薦，鹿兒島黑豚肉包住原粒荔枝既串燒！黑豚肉一向都係以豐富的肉汁而聞名，非常創新既係，將荔枝包係豚肉入面燒😳黑豚肉既油脂同荔枝既甜味出奇地夾！雞胸軟骨串燒雞胸肉通常比其他部位瘦肉含有更少的脂肪，但由於配合埋軟骨，它應該能夠保持一定的嫩度和多汁
繼續閱讀
荃灣有好多遊樂設施畀細路玩，今日玩完係附近搵食，又去左一間最近常去嘅食店食飯，今次就試下其他嘅食物，睇下有冇水準。玉子燒：玉子無煮到全熟，半熟嘅玉子仲有少少流心，味道好似食緊雞蛋糕咁，幾唔錯嘅前菜。日式煎餃子呢樣幾有驚喜，佢煎得個底脆之餘，裡面仲有肉汁，好似食緊小籠包不過個底係煎嘅，幾推薦。芝麻雞翼我地今次叫左兩隻雞翼畀小朋友食，佢食得好開心，因為d雞翼香口，肉味都醃得幾好，價錢合理。今次食完之後發現唔止佢地嘅創意料理，常見嘅菜式都好穩打穩紥，幾推薦畀大家玩完過嚟食 。（下次推介下同小朋友嘅好去處）
繼續閱讀