影片
開飯介紹
餐廳供應多款日式料理，其中壽司卷系列更引入充滿創意、色彩豐富的美加風味。菜式定價合理，座位舒適，適合多人分享美食。
繼續閱讀
營業時間
今日營業
12:00 - 16:00
17:30 - 23:00
星期一至日
12:00 - 16:00
17:30 - 23:00
*截單時間: 15:30; 22:00
以上資料只供參考, 請與餐廳確認詳情
有關獎賞計劃
相關文章
工作忙碌，未有時間飛去日本？黎到 古今二，絕對可以止止痕！店內裝修充滿濃厚的日式風格，細緻的木質裝潢，加上柔和燈光，令人彷彿置身東京巷弄中的小餐館。🍣 龍卷風沙律 $88.00一上枱已經好吸睛，擺盤精緻，沙律菜爽脆，配上甜甜醬、蟹柳、中華沙律，甜甜又帶點微辣，口感豐富又有層次，開胃度滿分！🔥 煙花卷壽司 $58.00結合辣味三文魚、吞拿魚，再加上脆片，入口層次感十足！🐉 金龍卷壽司 $55.00金龍卷有三文魚刺身，裏面包住炸蝦同芝士，炸蝦增添脆口感，芝士令整體味道更濃郁，鹹香滿滿，每一口都充滿驚喜。🎸 搖滾樂壽司 $60.00呢款壽司卷完全對得住佢個名！鰻魚、芝士、炸蝦、牛油果四重奏，口感豐富，味道層層遞進，柔軟同香脆兼備，係一款充滿「搖滾」個性嘅壽司！🐖 黑豚豬頸肉串燒（1串）$28.00豬頸肉燒得剛剛好，外皮帶點微焦，肉質保持嫩滑多汁，咬落仲有陣陣炭香，配埋少許燒汁，惹味又唔會太膩，簡單但極具水準。🐷 鹿兒島豚肉蘆筍串燒（1串）$45.00鹿兒島豚肉本身油花均勻，肉味濃郁，搭配爽脆蘆筍，一柔一脆，口感層次鮮明，燒烤香氣撲鼻，值得細味品嚐。古今二係一間有心思、有水準嘅日式餐廳，無論裝潢、擺盤定食物質素都相當用心，特別係壽司嘅創意配搭同命名，令人耳目一新。如果你都掛住日本嘅味道，又想試下特別壽司卷，不妨一試 古今二
繼續閱讀
想同大家分享一下我成日光顧嘅一間日本餐廳🇯🇵！ 好近地鐵站真係好方便， 雖然佢喺工廠區， 但係餐廳環境， 簡約舒服 。啲出品都唔錯😂。我仔特別鍾意佢哋嘅日式炒烏冬🍜，每次食都食得好開心！而且網燒牛舌🫓，真係好香好淋😍， 越趙越香其實，呢間餐廳最出色嘅地方就係佢哋嘅手捲🥢同埋卷物🌯！午餐有雙拼捲物，價錢超抵，簡直係無敵優惠👍。而且所有午餐都包杯飲品🥤同埋味噌湯🍲，如果你哋都鍾意日本食物，不妨試下呢間餐廳啦！❤️
繼續閱讀
嚟到觀塘搵野食，一出D出口去到觀塘工業中心就見到呢間咁吸引嘅日式居酒屋🏮今次食咗幾樣好味嘅小食，真係令人驚喜😛炸年糕 首先個炸年糕表面金黃酥脆，入面又軟淋淋，好正！燒雞翼 🐔 燒到恰到好處，皮脆肉嫩，咬落去Juicy！壽司Pizza 🍕 估唔到壽司都可以整pizza！勁足料！無限蟹柳🤩，底部嘅米飯香軟，配搭新鮮嘅材料，口感層次豐富！吞拿魚蓉卷物 🍣好足料～啖啖魚蓉！整體環境都好有日本風情，燈光柔和，啱晒同朋友慢慢傾計😆 呢間居酒屋真係值得一試，無論係食物定係環境，都令人覺得滿足，期待下次再嚟！
繼續閱讀
今日有朋友喺外國返嚟，臨時約我食飯，話好想食日本嘢，佢問觀塘區有咩日本餐廳好介紹，我一開始都有問佢想食居酒屋定話壽司，定話天婦羅嗰啲，佢就答我最好咩都有啲，於是我諗咗一陣就決定叫佢去呢間古今二。呢間餐廳有好多選擇，而且唔會太多人，臨時去唔使預早訂位都應該有位。結果我哋叫咗幾樣嘢都覺得好好食，首先一定係佢哋個沙律，個沙律啲菜好新鮮，而且入面菜嘅種類都好多。之後就係個炸蠔，炸得好酥脆，咬入去中心就好Creamy。呢度嘅鰻魚同牛舌串燒亦都好好味，唔會鞋，但係相當入味。當然都一定要叫佢哋最出名嘅卷物，任何一款其實基本上都冇死，一定好食。
繼續閱讀
今次又係同屋企人一齊食日本野，最鍾意呢度嘅Menu因為有相有名，方便屋企人睇圖，呢度嘅菜式名都係精心諗過，好特別。📍龍捲風沙律啲蔬菜新鮮到仲有脆口感，蟹柳帶住淡淡嘅海味，海藻又有一啲咸香，食落去好清新。啲脆片就令整道沙律多咗一種酥脆感，夏天食真係正！📍超級龍捲風鰻魚嘅肉質好嫩滑，味道濃郁，海老又鮮又有嚼勁，芝士嘅濃厚感令整體口感更加豐滿，青瓜帶來一絲清新，脆片又添咗脆口感，每一口都有唔同嘅層次。📍吉列蝦炸得金黃酥脆，裡面蝦肉鮮嫩多汁，咬開時仲有彈牙感，味道好香，配埋少少醬汁更加好味。📍大蝦肉質超鮮美，食落去有海洋嘅鮮味，口感滑嫩，簡單嘅調味都可以突出佢嘅鮮甜。📍蒲燒鰻魚丼鰻魚烤得啱啱好，外面微焦但裡面保持濕潤，配上甘甜嘅醬汁，飯食落去特別有味，整體真係幾滿足。🔹🔹🔹🔹🔹🔹🔹🔹🔹🔹#古今二 (觀塘工業中心) (觀塘)觀塘觀塘道436-446號觀塘工業中心4期1樓B室🔸🔸🔸🔸🔸🔸🔸🔸🔸🔸
繼續閱讀
您可能會有興趣的...