古今 (已搬遷) 新店位置

約了友人談新加坡行程, 下星期出發了, 還什麼都未談過, 不過因一些陰差陽錯, 本來想去四至五日, 最後只剩兩日半, 行程相對簡單, 要談的就是取捨哪些景點, 有機會再去吧。我們去lab made吃過雪糕前菜, 就繼續行金巴利道, 去漆咸圍吃「古今」, 都幾順路的。「古今」在我bookmark裡存在了一段日子, 一直未有機會試, 很巧合的, 友人也是留意了很久, 而剛剛昨晚想起這間店, 但忘了名字, 所以沒提出, 剛巧我因想食lab made, 提議埋「古今」, 她說我們心有靈犀, 真是好夾呀!「古今」的店內很細小, 只有12個位左右, 我們坐左幾多年輕女生旁, 十分近, 那幾個女生說話及笑都很大聲, 又拍手什麼的, 十分嘈吵, 很煩, 有些時間甚至要掩著一邊耳仔, 減低接收到的聲浪。 我們叫了一個金龍卷: 三文魚在面, 內裡是芝士炸蝦另一個是牛油果+鰻魚, 面層有薯片因為有些甜甜的醬汁, 所以覺得好吃, 幾款材料的味道又很夾!只是薯片有點淋了...雖然openrice的資料是12點關門, 但實際是收11點, 我們坐到11點多, 沒人趕我們走, 但我們也不好意思繼續坐, 就埋單走了!

之前見到有人介紹過已經係電話cap定screen等有機會出去尖東個邊就去試下約左另外2個好朋友行街決定帶佢地去試下因為我地無book位所以早少少去睇下有無walk-in一去到 嘩 間舖好細得4張細枱 每張最多坐3個人點餐紙寫滿佢既"術語"完全唔會可以由個菜名知道佢係咩壽司老闆好好人 慢慢同我地解釋最後叫左3樣野8爪魚沙律同埋2份壽司(個名奇怪到唔記得左)沙律係新鮮即製同埋夾雜左d薯片碎2個口感夾埋幾得易下面個份壽司係鰻魚+芝士+薯片聽到都覺得肥但真係幾好味上面個份係炸既壽司完全估佢唔到連埋沙律醬食感覺上無禁熱氣如果想去既建議大家打去訂位因為真係好細

係朋友facebook見到，即刻訂位試試先2個人訂左8點，去到門口，原來真係好細下。啲位真係幾唔舒服，不過服務同野食可以彌補番 哈火山係焗帶子牛油果，帶點微辣。卷物上面有蟹子等等的配料，食的時候唔會只有帶子的味道，反而幾種食材不論味道同口感都配搭得好好!我覺得最好食 突然失憶唔記得個名，係炸軟殼蟹，都唔錯基本上所有炸物都係即時炸，而且唔會太油三文魚炸蝦，三文魚軟的質感配炸蝦的脆，係三個中呢個第二好食 打咭有甜品送架，不過無打啊下次一定要再去，試埋其他野先得!!!!

一向喜歡四出尋找特色食店，這次來到位於尖東小橫街內的一間日式小店， 一嘗這兒的創意卷物。 小小鋪位只有十餘個座位，暗黃燈光給人感到親切温暖， 客人與老闆亦即廚師距離非常近，老闆更可因客人要求而特製餐牌上沒有的卷物， 這是大型餐廳不能做到的。在前一天訂了位， 當晚不用等位便順利入座。打開餐牌， 很多令人難以費解的卷物名稱; 相撲力士， 辣妹，搖滾樂，真是聞所未聞，見所未見... 單靠牆上的幾張照片，個人認為略為不足。希望店家可製作一份圖文並茂的餐牌， 方便顧客點餐。經過一番研究，最後點了較為受歡迎的兩道卷物。富士山($98)：內裏卷著的是牛油果及鰻魚， 表面豪不吝嗇的鋪上大量蟹柳絲及薯片碎。老闆非常有心機地把8件卷物併成長方體，以蟹柳絲堆成山狀。鰻魚的魚油配上牛油果淡淡的奶香，兩者相輔相成，單吃已滋味十足;再加上面頭的薯片碎及蟹柳絲，口感帶來創新體驗，遇上鰻魚卷，薯片甘願變得沒有性格，安份守已的只為卷物帶來爆脆的口感。煙花($98)： 內裏卷著的是三文魚，面頭是辣味吞拿魚他他及薯片碎。 三文魚新鮮肥美， 辣味吞拿的辣度拿捏得剛好，不會辣得過份，失去吞拿魚原有滋味，不能吃辣的人也能接受。

說這間是隱世小店一點也沒錯，雖說位於尖沙咀，附近沒有彌敦道那麼多車，沒有廣東道那麼多人，實際近科學館或柯士甸道，位置不好找。店內很細，只能容納十餘人，當晚有好幾批人沒有book檯失望而回，所以黎食飯一定一定要book檯，記住啦 由於沒有「有圖有真相」的餐牌提供，我和W小姐只能靠牆上幾幅相同女人直覺去揀卷物，揀了三款。金龍卷 （最左邊）賣相討好，最上邊是又肥又好美的美乃滋配正正方方的三文魚，中間是芝士與炸蝦卷，幾款配搭起來非常美味，一啖一粒絕無難度。富士山 （中間）此卷賣相100分呀！睇落好吸引，食落好味又特別！上層堆積如(富士)山的是蟹柳絲同薯片(!!!)，卷住老娘最愛的牛油果同鰻魚，口感豐富，味道一流！三文魚牛油果卷（最右）都說老娘最愛牛油果，見到標題寫住牛油果就點了，價錢比上面兩款平，造型亦比較簡單，但味道絕不亞於上兩款，沾上醬油同wasabi即變得惹味可口。此店還有大量卷物，但這三款的數量足夠兩個女生飽肚啦，信我，我會Book檯再黎過架！同時都希望多d卷物相或卷物介紹啦，唔想下下靠女人直覺

之前朋友介紹過呢間日式小店既壽司卷物十分出色, 一直都好想試下, 可惜想去既時候就比人包左場開PARTY, 心有不甘之下第二日午飯就落黎試下佢既LUNCH BOX, 睇下係咪真係咁好食LUNCH BOX 菜單可以自選配搭任何三樣既野自選配搭-加洲卷,炸雞,白飯(咖哩飯)加洲卷-唔算好特別, 同晚市既特色壽司冇得比較炸雞-新鮮熱辣炸起, 好脆好香口(仲好有罪惡感!)白飯(咖哩飯)-開頭諗住白飯真係得白飯, 點知原來加左咖哩汁上去,如果齋食白飯真係會有D乾, 而且咖哩唔係平價即食咖哩, 而係加左新鮮洋蔥同薯仔, 食落好甜好香, 好有日式住家FEEL總結: 單憑炸雞同咖哩都感受到呢間係用心既小店, 下次再戰晚市後再報告!!

香港人對於壽司既印象,不外乎三文魚,玉子壽司等等,大部分既壽司店都好少有特色既卷物,最出名既都只係香港特產-花之戀.所以喺香港都好少試到呢d特色既卷物去到外國先第一次接觸到特色卷物壽司,好似-volcano roll (醬燒鰻魚卷) dragon roll (牛油果天婦羅大蝦卷)呢d壽司,發現又有另一番風味最近發現尖沙咀開左一間由加拿大回流既壽司師傅開既壽司店,主打特式卷物,便決定黎回味一下外國先食到既滋味呢間家庭式既壽司店好細,只有十多個座位,7點正,我同友人好好彩坐到一張2人枱.因為陸續都有幾枱人都要等位.左上角係午夜牛郎係炸芝士牛油果壽司, 鍾意芝士既你一定會心心眼, 壽司入口好香,但一d都唔會油膩.但如果怕熱氣,或者會鍾意另外兩個卷多少少右下角係富士山,,即係魚生青瓜芝士壽司,亦係本人最愛.魚生新鮮加上芝士同沙律醬口感豐富右上角既係龍卷風,係蟹肉牛油果卷物,好多蟹肉,可惜牛油果唔熟,彈牙既感覺有少少奇怪.我地仲叫左個海帶沙律,但冇咩特別.壽司好味又特別,但環境就有少少逼同嘈,所以如果係想坐耐d傾下計既就要轉場啦:$

食壽司可以有時撇開傳統口味，試試唔同花款既壽司口味！之前意外揾到呢間專食Roll既店就即刻好想試！雖則根據過往經驗呢類壽司通常感覺味道會好似差唔多味，但你唔可以話唔好食，只係唔同材料配搭出嚟後係幾得意！最BUY佢有創意有心機製作！三款壽司最特別要數「午夜牛郎」因為係外面炸咗件壽司，裏面再有芝士，咩函真係唔記得，但食落OK既夠特別！另外「煙花」有碎TUNA有D似平時食開既蔥花吞拿魚卷，呢款再加少量薯片碎，初時都驚怪，但口感幾好！中間係「忘不了你」，好食原因都係因為有Mango同炸蝦，呢個配搭一定唔會差得去邊！OVERALL全部都好味，起碼係全部清哂！

    這間小型日式餐廳光顧了數次，還想繼續嘗試未吃過的菜式,每次在尖沙咀吃飯選擇中都有它。原因是 店內特色卷物在香港少之有少 更可能未見同類型卷物，相比大集團壽司店的卷物，這間小店更勝一籌，價錢中等，每款卷物大約有5小卷以上，適合3人以上一起用餐。是次是我第一次寫食評，原諒我沒有食物真實照片供大家觀看，因為我也不習慣'相機食先'。希望下一次去記得補拍一下哈哈。但店內牆上都貼滿菜式照，而且上菜時菜式跟照片很相似，沒有貨不對辦。近期來了數次，店員都認得我了，終於鼓起勇氣問問他們卷物的內容。皆因，點餐紙都沒有太清楚列明，問了幾款我吃過覺得很好吃，推介給大家。1.蜘蛛卷，其實就是軟殼蟹卷，但與市面不同的是店內特有醬汁淋在壽司上，但不會過膩，而且軟殼蟹炸得很香脆。2.煙花卷，好像是三文魚切粒鋪面 ，飯團包著吞拿魚還是調轉呢@@我都有點忘記了！但感覺很新鮮，每口都感到口內很多魚生，很足料！3.富士山卷，名不虛傳，樣貌的確擺得很像一座山，卷內的是饅魚，這個我最喜歡的是上面鋪面的蟹柳沙律，加上特色醬汁，還有一些是小餅碎的東西？總之這樣伴著一起吃很棒，具體感覺很難形容。要親身品嘗才明白的。4.而最後介

作為一個地道的香港人，食得最多的不是快餐，就一定是日本餐廳。連鎖日本餐廳，早已沒有了新鮮感。偶爾經過尖沙咀漆咸圍，看見一間小小的食店門外貼滿一些特式卷物的照片，就決定要來挑戰一下。來到的時候，店舖內坐滿了顧客。仔細一看，店內位置真的不多，有些微擠迫。既然一心來嘗試，總不能甚麼都未吃就離開。還好，只是等了一陣子。除了卷物，這裡還有壽司、天婦羅、拉麵、烏冬等日本食物。當然本身目標明確，就是它的「特式卷物」！看到牆上的照片，賣相很是不錯。但是只靠食物的名字，的確很難知道食材的類型，只能肯定的是當中都有飯。正當與女友猶疑之際，女店員主動介紹各個卷物，最後嘗試了幾款卷物。其中一樣店員推介的是金龍卷。上面有著一層三文魚，三文魚上有沙律醬及甜甜的鰻魚汁。中央則包著溫度還有微暖日式炸蝦。口感特別，味道都不錯。可是對於只得兩個人的我們，一碟八件的份量的確有點太多。其餘還點了一些平常一點我卷物，如加州卷、青瓜卷。水準亦不比其他吃到的差。總括而言，店員細心、有禮。卷物有特式，雖然店舖較細，應該還會再來。

開張不久的日本小店，行過數次常常擠滿人，今晚早點來幫襯。店子小小，但有多項選擇，而且還很特別。單憑食物的名字很難估到是什麼，但店員介紹過後，就會很想試。今晚選了兩個店員推介，分別是午夜牛郎和忘不了你。這個不用dip汁，因為卷物本身己有很豐富的醬料。最特別是外脆內軟的雙層滋味。如果像我一樣喜歡飯焦和炸物的，這個午夜牛郎必定一試難忘！這個菜式的名字是玩諧音。其實是把鮮芒果加在炸蝦卷物上面，出奇地夾，相信是廚師下的醬汁的調和作用。（店員說除了蝦，其實還可選牛肉餡料。）hehe…, 唯有下次再試啦！

今晚第二次來, 時間尚早, 比上次多人, 還有兩張檯可坐, 但不想坐得太迫, 要等一等.師傅介紹兩款卷物, 師傅問我有甚麼不吃, 我說沒有. 跟隨沒有再問名稱, 所以我都不肯定吃了甚麼款式.上檯時用餐盤放上卷物, 花過一下心思. 其中以曲線形放的, 可從外面得知, 應該是加州卷款式, 有牛油果和三文魚, 但沒有放飛魚子, 味道新鮮, 口感軟滑. 另一款不知名稱, 切開共八件, 以兩組四件併排, 面再洒上碎的脆粒, 食落知道有鰻魚肉, 沙律醬放得頗多, 原味有點被蓋過, 但不失口感尚佳, 尤其此店的米飯做得不錯, 雖未算出色, 但粒粒明確, 咬落沒有一舊舊的醬口.店內有Red Bull, 又有清酒供應, 但竟然無啤酒!? 些少失望囉...

這是無意中在網頁中看到的壽司店..一直在香港也找不到在美加食過的壽司..美加食過的彩虹卷, 蜘蛛卷等也可以在這間小店找到..地方不大,大約有十個位...老闆一人當待應和廚師..我們大約七點到, 店內沒有其他食客..感覺像包場一樣..老闆會推介我們食什麼..最後點了三個卷物..價錢一般是$79一卷...三個卷物, 不太記得它們的名..1)蜘蛛卷- 包著軟殼蟹和牛油果, 有整隻的軟殼蟹和是即炸的.很足料..不錯.2)這個是煙肉加芝士的反卷, 上面加上薯片加上薯片感覺很特別, 但食上來沒有什麼特別..加上每舊有一舊芝士比較"漏"3)最後一個是炸的卷物..這個炸卷很特別, 外脆內軟..暖暖的壽司很特別..所有卷物都很特別, 但比在美國食的還差一點..可能末有點到特色的卷物..老闆做每一個卷物也很有心思..是很有特色的小店..但不便宜呀..

這店的裝修頗特別, 以原始木碎壓成的板作牆身, 門口的牆用沒有塗上顏色的磚頭做成. 店內細少, 只有兩三張檯. 當晚十分冷清, 沒有人.店鋪主力是”卷物”, 問店主的介紹, 要了兩款: 辣味蟹柳卷($40)和雞肉卷($45)先吃辣味蟹柳卷, 非常輕微的辣, 機乎吃不出, 蟹柳有兩種, 兩種都是魚肉製成的, 一種是平價, 形狀圓柱狀, 另一種是較貴的品種, 形狀兩頭尖, 似蟹腳的肉. 這店用平價的蟹柳, 但店主花心思, 先把蟹柳拆散撕開, 再放入卷物, 口感更佳, 加了一些飛魚子和蛋黃醬, 味道與口感都非常好.另一款, 雞肉卷, 同樣是反卷, 米飯外露, 切八小件, 洒了些少脆碎餅在表面, 提昇口感, 以甜醬汁代替沙律醬, 咬一口, 微微的暖, 雞肉非常嫩滑但無雞肉的味道, 這個米飯不及辣味蟹柳卷, 可能因為雞肉叮熱了才包飯, 引至飯身有些濕, 沒有包蟹柳卷米飯的乾身.兩款都是四、五十元左右, 不算平, 但都是即叫即做, 而且手工好, 味道佳, 下次再試高檔次的品種.

The owner of this quaint Japanese Sushi shop is Mr. Lai. He has more than 200 different ways of creating sushi rolls and there's no stopping to his creativity. Now these creative sushi rolls are not your typical HK style sushi - so it's not exactly sashimi on rice kind of thing. Nor it is in a cone. It's more like California rolls - but oh so much better!!!I believe in most chain sushi shops, they're called 'creative rolls'.... If you're from the States or Canada or that side of the world, you'l