影片
港鐵佐敦站 D 出口, 步行約6分鐘
繼續閱讀
開飯介紹
餐廳供應多款日式料理，其中壽司卷系列更引入充滿創意、色彩豐富的美加風味。菜式定價合理，座位舒適，適合多人分享美食。
繼續閱讀
營業時間
星期一至六
12:00 - 15:30
18:00 - 23:00
星期日
18:00 - 23:00
以上資料只供參考, 請與餐廳確認詳情
發現依間特色卷物店，就黎試下，因為無book枱嘅關係，等左超過半個鐘.....店入面空間比較細，所以如果有心黎食就一定要book枱。依間舖主打熟嘅卷物，分別叫左火山，明太子雞翼，三文魚pizza,冷面定食（因無左冷烏冬🙁）。感覺上如果鐘意熟食嘅朋友可以黎試下，唔同嘅體驗。火山係食落難得有溫暖嘅感覺，pizza 食落脆脆的，佢仲有其他唔同嘅卷物，但因人數太少試得唔多，但今次食依個卷物，本身以為會重少少鰻魚味，可惜比預期低
繼續閱讀
[💛黃店系列💛] 古今/一間專做創意壽司/卷物嘅日式餐廳，以尖沙咀嚟講，價錢相對平民化，喺網上已經有唔少好評。不過今次唔係去食佢地嘅料理，而係外賣便當🍱。/晚市外賣自取便當 🍱 ($78)凱撒沙律 🥗 +吉烈豬扒 🐷 +咖哩烏冬 🍜 +芝士鰻魚脆脆卷 🧀/一打開見到賣相唔錯，食物堆滿便當盒，感覺份量充足。🤩 -凱撒沙律🥗 係普通生菜+凱撒醬，令人開胃，又可以中和返油炸既豬扒。-吉烈豬扒🐷 炸得啱啱好，香脆入味，厚薄適中，唔會太乾、太硬、太油、太淋，配搭燒汁/咖哩汁都好夾，非常滿意😋👍🏻。 咖哩烏冬🍜 係帶丁點辣味嘅日式咖哩，配上薯仔、胡蘿蔔、洋蔥，味道更有層次。不過配上烏冬就略嫌淡味，如果配白飯會更合適。-芝士鰻魚脆脆卷🧀 因為舖上脆片，睇唔到成個賣相，食落就非常有驚喜。芝士+鰻魚呢個黃金組合本身就冇得輸，入口發覺鰻魚足料，已溶化嘅芝士變得Creamy，完全同鰻魚融為一體，加上脆片，令口感昇華😱。對於細食嘅女仔👩🏻嚟講，2件啱啱好，4件就開始漏。-以便當嚟講，價錢稍微貴，但水準對得住價錢。而且午市便當$45起，完全想像唔到咁嘅價錢，可以食到如此高質嘅午餐。
繼續閱讀
我晏就自己一個人唔知食咩好咁啱見到哩間餐廳 價錢係tst黎講又合理就入左去食叫左個炸雞便當同南瓜薯餅本來都驚便當太細份先再另加薯餅結果炸雞便當既份量有驚喜肯定夠飽 又好味南瓜薯餅就差左d 比想像中硬左dd不過值得再幫襯！
繼續閱讀
聽聞呢間壽司店好好食，有幾次經過門口都排曬長龍，今日終於食咗叫咗四樣嘢：1）火山🌋上網間大家都話好食，果然不負眾望。蟹柳好細好軟，加上壽司飯居然係暖既！擺入口所有食材融合一齊，配搭得好好！2）Sushi pizza 三文魚壽司披薩最驚喜嘅係披薩底係炸咗嘅壽司飯一啲都唔heavy仲好crispy! 真係好食到我一個女仔細細粒都想自己食曬一底！3）日式餃子四隻字講曬！皮薄皮滑但可以煎耐少少，得少少金黃唔夠脆，所以就冇影相啦！4）炸軟殼蟹個人就好鐘意食軟殼蟹，都鬆脆所以好滿意最後！加上佢係黃店，又好食，見到仲有好多其他菜式好有創意好吸引絕對會再嚟食吖
繼續閱讀
朋友推薦下，初嘗依間人氣小店🙈🙈！店舖雖少，但係食物質素絕對唔低！古今其實係食日本菜，主打fusion卷物，大多數都會加添牛油果🥑係卷物入面，十分之健康☺️☺️☺️！-首先就緊係嗌個沙律🥗清清腸胃先啦，點左龍卷風沙律($68)🌪，其實就係蟹柳絲沙律，面頭有少少脆脆片同蟹籽，沙律菜爽甜，整體感覺好fresh，作為前菜一流👍🏻👍🏻👍🏻！-另外仲點左個雞泡魚干小食($65)，依個係私心嗌既，近期愛上既小食之一😍😍😍，一定一定要dip沙律醬一齊食，係super match ga！雞泡魚干烤到金黃色，食落微脆，其實有d食緊豬肉乾既感覺，即刻想飲返杯啤酒🍻！🤣🤣🤣-輪到主食，分別有超級龍卷風($88)同蟹柳壽司pizza($88)。超級龍卷風既餡料有cream cheese, 鰻魚，炸蝦🍤，青瓜🥒，炸蝦炸得岩岩好，粉漿唔會太厚，加上有青瓜中和油膩感，而且鰻魚同芝士增加左卷物既層次感，好好食🤤🤤🤤！至於pizza係出於好奇嗌既🤣🤣，pizza用左壽司飯做餅底，壽司飯係炸過，但係食落唔會成口油，唔錯，面頭就舖滿左蟹柳絲，如果落多d醬汁會更好，略嫌有d乾。-最後怕唔夠飽，嗌左個唐揚龍鬚冷烏冬定食($138)，冇諗過份量係咁多，如果一個人食應該係會好飽😂！開頭以為唐揚龍鬚係炸雞塊，但係原來係炸魷魚🦑，不過記得襯熱食，凍左有d硬！定食仲有刺身，都算新鮮，仲有中華沙律，炸雞翼，同埋卷物，超級豐富😆😆😆！-提提大家，如果想食，建議bk定位，因為真係幾多人食，下次會想試埋其他款既卷物🤤🤤🤤！
繼續閱讀