古早味休閒台灣 (已結業)

這次點了一個台式雞肉飯跟慢燉豬軟骨飯，雞肉飯裏面混了一點豬油吃起來特別香，配上炸蒜片又增加了脆脆的口感，雞肉也完全不會乾柴，個人比較推薦雞肉飯，覺得它的調味都有抓的剛剛好。豬軟骨燉的也有夠軟趴，很容易就可以肉骨分離，甜甜的味道很下飯，如果喜歡豬軟骨的朋友絕對要來吃吃看。紅茶是無糖的，而且味道是挺濃郁的紅茶味，不過我希望可以做個半糖的會更好，整體來說是這一家是不會讓人失望、不過不失的台式餐廳！🤣有經過也會想再嘗試別款的。

古早味從來都有質素保證。今次亦唔會令我失望。1.古早味滷白菜主菜係津白，味道正常。而醉翁之意不止在於菜，同時有好多滷肉，肥瘦夾雜食落好有香味。大大粒蝦米海產味濃。仲有滑滑冬菇片。整體好食。2.古早味牛肉麵+珍珠奶茶此為套餐，$78包主菜連飲品（珍珠奶茶+$5）牛肉麵係寬麵，軟硬適中有口感。湯偏濃味並帶微辣好惹味。牛肉非常好食，入味，且肉質非常好，烹調時間恰到好處，即使厚身但唔會太硬或太韌。紅蘿蔔意外清甜。珍珠奶茶普通質素，食完鹹的湯麵飲奶茶好爽。3.涼伴皮蛋豆腐凍豆腐非常滑。肉鬆好食。醬汁幾濃蠔油及麻油味。皮蛋食一兩塊就覺得有點膩。如果醬汁清淡d可能比較好。

原本諗住試新嘢叫咗好多嘢點知全部瀨晒嘢到底係咪玩嘢古早味油渣麵配牛肉，無味！牛肉似湯渣撈岀嚟古早味鹽酥雞扒滷肉飯滷肉似開罐頭再溝水只有雞扒算合格小菜叫咗雙色腸似係就咁翻熱就算飲品就唔好講啦最普通嘅紅茶，最普通嘅冬瓜蜜完全無味！好似水咁淡🤦🏻‍♀️侍應服務態度一般想好好地食個lunch都咁難？完全唔值呢個價，求其一間茶餐廳都完勝呢間古早味完全唔明點解可以有咁多like🤯d人條舌係咪中咗武漢肺炎，無哂味覺啊？不可一不可再嘅舖頭

我記得我在上手「開飯喇」戶口跟手提電話仍在的時候，曾經上門光顧過位於「旺角」「通菜街」跟「亞皆老街」交界位置大廈樓上，樓上台灣菜餐廳「古早味休閒台灣」。當時的我還未迷上「水蜜桃紅茶」，也不熱衷於享用「水蜜桃紅茶」飲品，當時我還是比較喜歡享用手調「黑糖珍珠鮮奶」飲品多一點。結果事隔很久之後，印象已經變得糢糊的我，決定再上樓光顧「古早味休閒台灣」多一次。我之所以選擇再光顧「古早味休閒台灣」，主要原因是親身驗證，知道究竟「古早味休閒台灣」裡面，負責製作台灣手調飲品的水吧店員，究竟有沒有製作「水蜜桃紅茶」。結果我翻查很多次「古早味休閒台灣」的餐牌之後，才發現原來「古早味休閒台灣」水吧，是沒有製作手調「水蜜桃紅茶」飲品，連相關類似的「白桃」紅茶飲品都沒有。我知道立刻感到有點失望，因為到了現在才發現「古早味休閒台灣」水吧店員，由始至終根本就沒有製作「水蜜桃紅茶」飲品，或者跟「桃」有關手調甜味飲品的習慣。結果今次我在「古早味休閒台灣」裡面光顧享用下午茶，還是只能夠選擇「水蜜桃紅茶」以外的手調台灣飲品，最後我在飲品餐牌裡面選擇了「紫薯黑糖鮮奶」。至於「古早味休閒台灣」下午茶裡面的食客方面，我最後選擇了

好掛住台灣嘅野食呀！朋友出開嚟旺角,話約食飯,上網search 見到呢間台式店。午市以套餐為主, 有飯、麵可選,隨餐附送台式飲品或補差價選其他飲品)鹽酥雞扒滷肉飯雞扒炸得好香口,雞肉又嫩滑,滷肉滷得入味,唔會太咸,配飯食一流。古早味牛肉麵湯底有一點辣但味濃,麵挺有韌性,要讚的是牛肉,大塊兼厚身,真係啖啖肉。而且仲有兩大舊紅蘿蔔鹽酥豆腐炸到脆卜卜,嗰皮係金黃色。唔會炸到好油,而入面豆腐好嫩滑,一口一件。珍珠奶茶(跟餐+$5)奶茶甜度適中,珍珠有咬口。古早味紅茶(跟餐配)朋友話好飲,唔係hea 嘅紅茶。價錢合理,滿意！

以前都幾中意食佢既牛肉麵，今次一食個湯酸嫁！！！！！！難食到再嘔一次！！以後唔會再黎幫襯！真係愈做愈差！第一次食到碗酸既牛肉麵！好失望呀！！！！！！！！！！！！！

上次同朋友一齊去食， 係午餐時間，午餐set lunch有得自己配唔同嘅小食同埋餐飲，價錢唔算貴，大約五十幾蚊 幾大碟食得好飽， 味道唔錯，唔會太鹹太多味精， 環境乾淨企理，服務態度都唔差。

飲品係幾好飲，古早味幾特別👍​滷肉飯味道偏淡，無古早味😂​鹽蘇雞一般，唔多夠味，得小小辣粉味​湯麵個口感幾特別，雞扒好味​，可以一試​特別推介：古早味珍珠奶茶​(真係有古早味好特別)

坐低見到呢度既午市優惠好抵，$50左右就可以有主食、小食同野飲。本身想食鹽水雞飯，貪佢多肉抵食d，下午大約一點四十分叫，就已經賣哂。於是揀左台式涼麵。涼麵味道一般，唔會好濃，有少少麻香。肉條算多，配芽菜食落爽口。炸花枝丸唔錯。跟餐加$15可以叫煉湯，黎到見到好似細碗左d，但入面湯料充足。叫左香菇雞湯，入面有一隻菇同幾舊肉，冇味精味既。跟餐有三款茶揀，全部都係冇添加糖，幾健康。揀左桂花烏龍茶，桂花味唔出，飲落似津路烏龍茶。飲品有其他選擇，選擇都多，可以補差價跟餐。不過佢d材料可能用機切，d青瓜有切口但冇切哂。見到有d失望。整體黎講幾抵食，想平價食台灣野可以揀呢間。

今天與幾位好姊妹到旺角逛街街，心血來潮想吃台灣菜，因為好姊妹以往光顧過這間台灣菜，便推介我們到此一嚐，於是我們便於此晚膳。炸花枝丸花枝丸就是墨魚丸，外層炸至色澤金黃，內裏包著飽滿結實的花枝肉，口感香脆彈牙，嚼勁十足，油分恰好不會油膩。台式滷水拼盤滷水拼盤有大腸、雞翼和腩肉。但滷水汁才是主角，味道鹹中帶甜味，醇和清香。大腸肥瘦適中，軟滑鮮香，內裏的肥脂亦清理得相當乾淨，雞翼飽滿嫩滑，滷得入味，腩肉的瘦肉部分較多，比較健康，味道豐腴香濃。古早味牛肉麵湯底色澤呈現深啡，入口清而不油膩，味道鹹中帶甜，麵條選用曲身關廟麵，口感厚身爽口，煙韌彈牙，主角牛肉有三塊，厚切又大片的，口感軟腍嫩滑，肉味香濃。台灣啤酒台灣啤酒入口冰涼順喉，口感清爽偏甜味，麥味香濃，而且沒有太多的苦澀味，酒精濃度亦不高，不愛喝酒的人士也適合飲用。整體而言，環境簡約樸素，舒適衛生，食物味道出色，價錢經濟實惠，是與朋友家人用餐的好地方。

這家連鎖店與香港一般的台式餐廳不同 ，餐牌上的菜式種類繁多。可惜 3人胃口不大，選來選去只敢叫3款。三杯透抽：單看名字沒有相片的話，真的不會叫，因為看不明白！魷魚不入味，又韌了一點，煮得一點也不「透」。估計沒有燜過之餘，只是稍為煮煮而已。伴菜反而煮得夠透，充分吸收了芡汁，味道比魷魚好得多。平貝櫻花蝦荷葉飯：櫻花蝦炸過，但上桌時已變韌 。平貝乾，偏硬，味淡。飯硬，不好吃。這荷葉飯除了賣相搶眼，量大，便沒好處。真後悔點了這道飯，浪費了嘗試其他菜式的機會。蚵仔酥最好吃，炸皮薄又酥。雖然有點細碎，但是這可能代表粉醬不厚？

🧆古早味牛肉牛筋麵濃厚嘅湯底 好有牛肉味試真啲仲有少少藥材味甜甜地 好飲！估唔到一碗下午茶湯麵配料可以咁豐富厚切牛𦟌加埋牛筋😋煮得恰到好處唔會太淋 保持彈性加埋彈牙嘅刀削麵估唔到咁嘅價錢 有咁好嘅水準小編仲回味中😋如果加多少少辣辣地就💯🧆酥炸大雞扒肉厚多汁嘅雞扒炸到外表金黃熱辣辣上碟好香口邊邊都炸到好脆但略嫌炸粉太厚.🧆檸檬冬瓜愛玉飲品.....+$4(跟餐補差價)少甜 但都太甜了但愛玉係唔甜又冇味🥺仲有一層硬左嘅啫喱🥺🥺.🧆蜂蜜檸檬綠茶.............+$2(跟餐補差價)本來諗住加埋仙草🙈但落單人唔記得左令到有少少失望

去完朗豪坊脫毛 就喺附近搵下午茶食揀咗古早味 可能因為平日 又係下午茶時段 所以唔洗等位喺樓下已經俾呢幅壁畫吸引住 好有特色主食我揀咗大雞扒滷肉飯再望一望餐牌 見到下午茶時段 小食半價忍唔住又叫咗個九層塔手抓餅唯有叫佢個滷肉飯少飯好有心思喎 整埋個手抓餅平時個形狀唔係一大塊圓形餅狀咁上未食就嗅到好香 食落 就係台灣手抓餅既味道😋😋雞扒真係好好食 炸粉唔厚 但好脆口雞肉唔會炸到乾身 咬落仲有油脂😋😋滷肉飯就普普通通因為個人都係鍾意台灣肥豬肉果款滷肉飯叫咗一杯普通嘅奶茶但飲落竟然有炭燒嘅味道 幾特別

環境坐位正常，乾淨，服務員態度正常，有禮貌暫時各位都係唔好外出去旅行，由於冇得外出，咁就睇下我既食評當食左啦！🤣台灣刈包包上枱時外表就平平無奇，食落的確唔錯，個包熱辣辣夠軟身又唔厚，厚切豬腩肉用秘製滷肉汁滷過可以降低油膩感覺，加埋大蔥同菜更加清新，口感一流既中式漢堡包🍔炸軟殼蟹🦀🦀外脆內軟，蟹味濃郁，蟹肉仲好新鮮，雖然份量唔多，作為小食就啱啱好啦！蚵仔煎雞蛋滑，蚵仔份量多，幾乎每一啖都食到，配合香蔥同醬汁，唔太鹹，味道啱啱好，好有台灣夜市風味干貝櫻花蝦糯米飯荷葉包裹糯米飯同櫻花蝦蒸，應有既水份唔會流失，櫻花蝦有少少微甜，配合埋糯米飯一齊食就算食得多都冇滯感，加埋粒干見食飯前切碎撈勻，可令口感提昇椒麻雞扒雞扒外皮香脆，雞扒偏薄少咗啲肉汁，個醬汁幾特別，酸酸地，有好輕微嘅辣，雞扒同個醬汁配合一齊入口都唔太差，個人就唔係好鍾意依個醬汁嘅味道。台灣香腸台灣香腸我超有研究，依間超級正，每一片腸配合蒜頭一齊食令到味道增加，紅色香味較濃，黑色肉汁較多，唔加蒜頭都好好食豆醬炒鮮蚵蚵仔份量多，有青黃紅椒粒，配合埋豆豉，令整體入口好鮮甜，小小咸再加埋豆豉嘅香，送飯一流新竹炒米粉有肉同菜絲，米粉炒得比較乾身

其實我真係好中意吃台灣野，特別係自己一個人既時候❤ 今日去旺角整完野唔知食咩，就去呢間台灣野，呢間野我應該食過四至五，咁多次都係自己一個人食。今次又食台式滷肉飯 配 芋香鮮奶+$3加珍珠呢間肉燥飯有瘦肉有肥肉，食落唔會乾巴巴，晚市肉燥飯濟係得肉燥半隻蛋，我記得下午茶時間有豬扒有其他野配肉燥，比較低食D❤然後配芋香鮮奶+$3加珍珠，芋香不嬲好飲，不評論。今次再另外叫多份雙色台灣腸，每次食台灣野一定要有台灣腸，因為真係好好味，黑色個隻唔知咩口味，對比紅色個隻無咁甜，但都香脆好味，讚!2隻都好味💘不過晚市無套餐，相比下午餐貴左好多，就算唔食台灣腸，都要90元，但坐位就好坐同永遠唔滿坐😂 可以慢慢食慢慢坐。