古早牛肉麵 (已結業)

今日下就黎食招牌紅燒牛肉麵 56蚊鹽酥雞排肉燥便當 54蚊芋香珍珠奶茶 22-4 18蚊好啦。首先 牛肉面，面 厚滑 鐘意食有口感既面既話唔錯 但對我黎講 太粗。牛肉 好軟 但我個人唔鐘意太軟，反而失去肉感。湯唔錯 好有味。便當，其實即係一碗飯加幾片薑。雞排 豪大大咁樣 唔抵。肉燥 幾好食 唔會太濃味 岩曬我。飯都ok多。奶茶我叫左少甜 對我黎講岩岩好 味道無特別 唔差。 佢跟餐係原價減4蚊 幾貴下。無跟餐加幾蚊一杯茶個類。

是日不宜外出, 因為天氣炎熱成34度。 可惜受人所委派必須在深水埗福榮街入貨, 天不助我也。 好在發現台式小店, 馬上入黎消暑降火主要任務是飲凍飲同涼冷氣, 店鋪提供30款飲品俾你揀個夠。 唔夠? 再俾你任揀 甜度同冰度, 正合我心意 我不客氣咁提出我既要求珍珠奶綠此奶茶不用紅茶開而選用綠茶, 會減去澀既味道, 每飲品更鮮更清香. 我揀左微糖正常冰, 飲品完全符合我要求涼拌小黃瓜黃瓜即是青瓜, 香港和台灣叫法唔同。 餐廳選用細支有尖端既青瓜, 較大支既青瓜更爽口清甜。 一夾落口食到青瓜溫度夠涼, 肯定比普通冰箱更凍, 而溫度控制得宜。 拌芝麻油, 鹽, 糖, 加上手拍效果, 令青瓜十分脆, 清甜, 炎熱夏口食一口小黃瓜, 幾多都食得落, 呢個小食十分值得一試。皮蛋豆腐豆腐上層配有漬紅蘿蔔乾, 木魚碎,和皮蛋, 加上醬油。 外面一般做法係用肉鬆, 呢度同木魚碎原來更好味, 食落木魚唔會好似肉鬆咁跌出黎, 有驚喜。 豆腐十分滑, 是百福豆腐呀。 醬油用了濃醬油, 成個小食配搭得好match, 平凡小菜做出特色鮮蝦紅油抄手一般紅油抄手都用豬肉做材料, 呢個有鮮蝦, 食得出真係幾新鮮, 彈牙。

外子好鍾意去深水埗睇電子產品, 我就覺得深水埗空氣差, 環境雜, 每次都唔多願意去今次外子話今次唔睇電唔器要買文具wor, 我乘機梗係叫佢陪我一齊食呢間牛肉麵去到餐廳佢話唔想食牛肉, 好在餐廳仲有好多選擇鹽酥雞扒乾伴麵見到個樣就好吸引了, 。雞扒去左肥膏, 煎得好乾乾地, 食落唔會太油, 都冇太煎炸既感覺伴麵係白扁麵條, 加上肉醬和青瓜絲和淹黃瓜, 肉醬可揀肉燥乾伴麵或辣醬乾伴麵, 問左侍應可以寫小辣就岩岩好唔會太辣, 青瓜絲和黃瓜中和左辣既味道, 食落overall好有層次輕芝士岩鹽奶蓋冬瓜茶叫麵食就減4蚊, 即係20蚊。 大部份飲品可以揀4種甜度同4種冰度, 好貼心 好tailor made, 上層有cream cheese 下層係冬瓜茶, 有時會飲到咸咸地, 飲到最後會有芝士味cream , 調到岩岩好唔會太膩, 我推介呢個飲品食完野之後好飽足, 我都心甘情願陪佢睇一陣文具咁大把喇 我地發現有英文menu,都有外國人會黎食

口淡淡，係深水埗試下呢間台灣嘢-古早牛肉面。老公鐘意食辣，叫咗辣烏冬。我就食夢白牛肉面。牛味濃郁，什麼古早味就不太清楚了。仲有自家制辣椒醬。裏面懷舊裝修，不錯呀。

最少經過咗一千次嘅舖頭，從來都冇為意嘅小店，為咗試吓呢間牛肉麵，瞓醒就揸車落去試吓，環境乾淨企理，食物方面，牛筋牛肉煮得幾臨，湯味似薬材味，感覺好補身，整體不錯，另外嗌咗個蠔仔煎，$46得四隻蠔多多菜，蠔亦冇蠔味，應該係我有生之年食過最差蠔仔煎，同個待應姐姐講基本上反應，感覺不太爽快快趣食完埋單走人!!!

我係個台灣控黎，望下我食評10篇有4篇都知去台灣真係既方便又快捷仲要勁多好野食，但行唔開去台灣嘅日子唯有搵d台式美食頂肚醫下思鄉病。因為朋友介紹，專登出深水埗試呢間牛肉麵順便行下附近玩具街同小店地方好易搵，正正黃金商場對面，舖面鮮明顯眼。入到舖即刻有得坐，仲有充足冷氣，天時暑熱即時舒服好多。叫左碗招牌紅燒半筋半肉牛肉麵，加多個炸雞排試下先雞排先到，炸得好香脆最緊要係唔會咬落去成口油咁，但又食到雞肉嘅嫩滑同Juicy，比我想像中街頭d炸雞店做得好好多值得推介。主角到啦，牛肉同牛筋都好入口，直頭軟滑到入口即溶嘅地步。湯底香濃，食得出係花過心機嘅香料肉骨燉煮而成最重要係份量充滿誠意，出手闊綽大大碗咁，好滿足。估唔到深水埗都有咁優質小店

已經有大半年冇去2nd家鄉-台灣, 咁岩行過依間台灣菜見都幾多人, 應該冇伏吧?膽粗粗入去點左個招牌牛肉麵, 再加個肉燥生菜。 咦? 又ok bo!招牌牛肉麵有3大舊牛肉, 仲有一大件蘿蔔!餸既味道唔錯, 每樣都醃得又腍又入味~湯底方面就偏向紅燒湯底味, 味道比香港連鎖店既較清甜麵質都好滑, 但就唔夠QQ! 另外叫左個肉燥時菜, 肉燥以想不到地多呢其實整體黎講我覺得都唔錯, 價錢合理, 雖然坐得唔係好舒服, 但裝修可以加返d分!另外仲有台式飲品, 下次可以試試!

今日同朋友經過深水埗 過嚟黃金買電腦零件的時候，見到呢間 * 台灣古早牛肉麵餐廳 * 佢開喺黃金商場附近既美食街 多眼位置 裝修尚算好吸引 一於入去試吓佢 點知系一間 超級超級 超級中伏的台灣嘢食 招牌推介 - 台灣牛肉麵 牛肉麵入邊有 牛筋，牛肉，牛腩，牛肚，蘿蔔，生菜 。雖然材料眾多！！ 但係味道就麻麻哋啦 牛肉就冇牛肉味仲要系柴柴哋 五知自己食緊啲咩添 朋友就叫左個 大腸麵線 + 芝士蛋手抓餅 大腸麵線-尚算可以味道一般般啦 芝士蛋手抓餅 - 就完全唔係好掂啦 芝士冇芝士味仲要食落口 油淋淋甘 。呢間嘢冇必要再幫襯

上星期有事出深水埗，眾所周知深水埗有大量地踎小食店，本來打算隨便食d野就算，但大熱天時企街咬小食真係搞唔掂，食龍肉都無味。去到黃金對面見到有間幾新淨舖頭食台灣野，店面企理，二話不說走入去試下先！店內掛左好多台灣得意標語同掛畫，加上夜市小食檔燈箱配合埋工業風裝飾，成件事RAW得來又好有風格。坐低後檯面畫紙落單，叫左個紅燒半筋半肉麵試下先。等左十分鐘都冇就上菜了。侍應一放低就聞到湯底香，好想即刻捧起個碗飲呀！湯底入口香醇微辣，但又唔會油膩同過份重味，因為每啖到細味到湯底落足心機嘅香料味，飲得好舒服。牛肉同牛筋都炆煮得好稔好入味，入口即化，基本上連咬都唔洗點用力，真係好感動；份量都好慷慨，一個字抵呀！估唔到隨便搵間小店入去都有驚喜。食完個麵有d唔夠喉加多個炸雞排，呢個好快五分鐘左右已上座，新鮮熱辣又大件，又唔會有坊間炸小食店肥膩，值得推薦！

星期日同朋友約左去深水埗行街，熱辣辣加埋人多，行行下真係頂唔緊，搵間餐廳醫肚抖下涼。經過黃金商場對面有間叫古早牛肉麵裝修不錯，又有珍珠奶茶飲，有少少掛住永康街牛肉麵就入去試下啦店內裝修簡約帶工業風，木製檯櫈和水泥牆配搭感覺厚實，最鍾意入便富台灣風裝飾，例如d燈箱，掛畫；好有夜市同台灣歷史館feel。事不宜遲，坐低即刻同友人點左一人一碗紅燒半筋半肉牛肉麵，加多份辣味鹽酥大雞排。好多台式小食好似台灣香腸，蔥肉餡餅都好想試又驚眼闊肚窄，唯有等下次。大大碗份量十足的紅燒半筋半肉牛肉麵唔洗10分鐘就上座了；湯底好香，仲可以細味到多種香料味，係落左心機去熬煮的湯底。通常湯底高質，牛肉牛筋都唔會令人失望。不出所料牛筋每一舊都入口即化的，湯底完全融入牛肉同牛筋，軟滑濃郁。最開心係佢份量一d 都唔姑寒，食極都仲有，真心抵食。試埋個炸雞排，以為大路野估唔到有驚喜；炸得夠乾身唔會一口油咁，熱辣辣上檯配合埋佢鹽酥辣粉，香脆惹味，絕對唔係街邊d 炸雞扒質素。

相信台灣對香港嘅朋友嚟講一啲都唔陌生啦，成日聽人賣廣告咩咩古早味，好吸引咁🤤所以今日經過就決定去試吓！呢碗嘢係古早味牛腩麵！首先個湯底好濃郁，飲落又無乜味精味，建議大家食麵前可以試試個湯先👍🏻👍🏻之後個麵幾有咬口，可惜個份量就略嫌少咗啲！男仔去試可能要再叫個小食之類，不過都因人而異嘅！個麵其實都幾飽㗎啦😎最後講到個牛腩都唔錯，唔會太老，煮得幾入味，Overall嚟講成餐都幾好味！再配埋奶蓋嘅飲品，一流呀！

其實古早經過好多次，每次經過都被"麵線"兩個字吸引，今次即管試試，睇吓佢同八方雲集嘅麵線邊個嘅啱自己口味。首先古早嘅麵線湯底比八方深色，湯底嘅質感比八方稀，哩方面我自己比較中意八方嘅湯底。味道方面，反而古早比較有鮮味，依家嘅八方，唔知點解麵線嘅味好死，個湯底好似只落咗糖同鹽。鹵水大腸方面份量比八方多，味道同質感大家都差唔多。其實.... 哩碗麵線一d都唔便宜，成34蚊一碗，同八方雲集一樣，又係細細碗，份量偏少，所以我叫定一份鹽酥大雞排。大雞排新鮮炸，所以好熱，辣咀！雖然叫鹽酥，又唔係想像中咁咸，外脆內軟有肉汁，唔錯。最后答案，我比較中意古早，所以會再幫襯！

深水埗除咗係可以選購高科技零件意外, 這條《福榮街》都可以算謂《食街》、 短短一條直街之內兩旁全是食肆， 今次走訪便是開業一時之(古早牛肉麵店)、 對於一個路痴來說其實也不難找上 ，因為一出地鐵步過一條街便已經可以很容易找到。。店舖格局採至台灣風格， 牆身掛畫帶點兒復古味道、 置身其中感覺平民且帶來特色~當日雖然是星期六, 但慶幸我還是很早來到所以店舖客人上算不太多、 狹窄的二人枱上剛剛好容我一人坐下， 要來了紅燒牛肉麵加一杯簡單的珍珠奶茶、 便是當日的午餐~先講紅燒牛肉麵Hk$56. 落單後大至5-6分鐘便告呈上枱上, 呷一口湯頭牛肉味道濃郁、 但卻 缺少了普遍應有的辣豆瓣醬味道，所以層次上比較單一、 牛肉部份 入口非常非常之嫩, 肉質介乎牛展部份、 入味之餘就連我這個老人家的牙齒也非常容易可以消滅到, 不過就帶有小小瑕疵,便是碗中的那件(蘿蔔)出賣了整碗牛肉麵、 蘿蔔須亦入口夠稔，但完全滲入不到牛腩汁之味道、 扁身而富彈口之麵條爽口好吃， 難怪在很多交際網上他的名字也淪為甚高評價~至於最簡單的珍珠奶茶亦做得甚為不錯,淡淡的疑似茉莉茶香溶和在奶粉身上、 味道清新而個人叫上（微甜）亦一

喺深水埗行街買嘢，天氣熱諗住搵間有好飲嘅飲品餐廳。經過見到古早台灣麵又有乜乜綠茶紅茶，就決定食呢間。叫左兩樣嘢- 一碗鹽酥雞扒干拌麵 / 牛肉麵蜂蜜蘆薈紅茶 / 百香果蜂蜜綠茶。牛肉麵係正常台灣餐廳質素。干拌麵👎🏻👎🏻麵有肉糟同青瓜絲，拌勻後都完全無味！！雞扒正常。兩杯嘢飲係每杯另加$18， 但係水溝味精 仲要係難飲，基本上係干時其他餐廳套餐免費送嘅質素都好過佢多多聲！！😐😑埋單2個人，2碗嘢 2杯嘢要$151。我覺得比起連鎖台灣店質素差九皮，價錢貴人地40%以上。 我會永遠backlist 呢間嘢囉！

深水埗一直多嘢食，台式嘅餐廳都已經有幾間，呢間算係裝修幾好，而且長期都幾多人嘅，今次就試吓啦。一開頭都要等位，因為入邊嘅地方唔算太大，而且好多人食，受歡迎程度都算幾高。我叫左一個紅燒牛肉麵，朋友叫咗一個肉操飯，價錢都算偏貴都要成六十幾蚊。味道方便我就覺得還可以，唔算話好好食，但係分量都真係幾大，紅燒牛肉麵上面嘅牛肉成個拳頭咁大。分量太大嘅關係最後我都食唔晒。佢最大嘅好處就係有得飲台式飲品，可以一邊飲住珍珠奶茶一邊食紅燒牛肉麵，係最大嘅享受。