古早牛肉麵 (已結業)

屋企部電腦壞左成個月,終於的起心肝去換過部新機,係等緊砌機既時候,就梗係先醫個肚仔先啦,係正黃金隔離有間台灣牛肉麵感覺好地道,又簡潔乾淨價錢都好地道,幾平每枱都有樽辣椒,好好味~呢個係最多人食既招牌半筋半肉麵 $60真係超正,半筋半肉又淋又入味舊舊半筋半肉都有濃郁牛肉味食到唔停口麵都彈牙,又滑,鹽酥雞排肉燥便當$54肉燥好夠味,又唔油又唔肥,好正雞排又酥又脆,又唔會太咸,口感十足,2個人先係$114,真係快靚正,

一講到牛肉麵，就一定諗起台灣，台式風味牛肉麵其實喺香港好流行，但似乎很多都平平無奇沒有太大驚喜。最近好流行一種風味叫古早味，餐廳以古早味作招徠，吸引左好多對牛肉麵情有獨鍾既人嚟品嚐，我亦是其中之一。牛肚牛筋牛肉麵牛肚林得嚟又吸曬湯嘅精華，隨麵附送咗條大蘿蔔，碗麵好大碗，我都差啲食唔曬麻辣牛肚絲辣癮發作，見到小食有辣野揀，就即刻揀咗，都唔記得自己已經揀咗牛肚麵如果你覺得牛肚唔夠喉嘅話，推薦你揀呢個牛肚索曬啲辣汁，好正！

I have heard of many good recommendation restaurants in Sham Shui Po but lazy me, I rarely pass by. Huge cravings for Taiwanese cuisine tonight so came here to try. The inner decoration is simple and old fashion, it feels like we are in Taipei. You place order by ticking the order sheet. However, the order sheet only have Chinese.招牌半筋牛肉湯麵 $60Don't let the dark color foiled you that it is salty. Soup is rich in beef flavor. It is sweet, not too salty or greasy. Radish fully absorbed the soup, the

一個人的下午在深水埗黃金商場附近見到特色台灣食店，決定要來個仙台的午餐真系好多fans捧場客主食～乾拌麵、湯麵、便當一應俱全台式特飲、種類繁多鹽酥雞扒配麻辣乾拌麵$55～大大碗做型好台灣feel,雞扒外層的炸粉非常薄脆，沒有過剩油脂，香口鬆軟有肉汁、麵條好彈牙，配上麻辣醬好惹味，夏天來個乾拌麵真的爽菜甫乾，甜中帶辣，味道非常討好輕芝士岩鹽奶蓋烏龍茶$24～但跟餐可減$4，本人喜歡微糖少冰，本店可以給我100分的味道，真的有茶葉香濃，帶點凍頂烏龍和少甜，真的推介奶蓋綿密細緻，輕輕的忌廉配茶，很特別的感覺$75相當抵食有心思的一間台灣食店

今日係黃金買完野, 見時候唔早當然醫埋肚先番屋企啦。諗起深水埗呢間牛肉麵之前上過Openrice 好評10強,見間餐廳gam 犀利當然要捧捧場。台灣東南西北中南部，每一處D 牛肉麵鹹甜醬油處處都不同口味, 所以我唔係好識分咩味先為之正宗。不過呢到D紅燒牛肉乾拌麵, D肉係牛展位黎, 牛肉同筋位都煮得軟腍, 有些少少嚼勁口感,而且牛展的份量多得驚人, 量大肉厚, 完全是佛心的份量,若是食肉份量少的女生應該不會吃得完。而且麵條口感少少彈牙, 不會煮得很淋身, 份量也挺多的,另外肉燥不算太咸, 撈晒成碗麵就會覺得剛剛好,。除此之外, 我又叫左個牛肉香蔥手抓捲餅,因為是即叫即捲的關係, 所以要預留少少時間等候。內裡椰菜很多, 而牛肉是切了片的牛展, 都是吃牛肉麵那些啦~不過牛肉稍稍煎耐左, 以致有點乾, 但還是好別的。總括而言, 這一餐, 因為那舊佛心牛展關係, 好評是必須的, 果然是10強!

呢間牛肉麵個裝修細意模仿番台灣既本土小店，有住raw 既牆身又暗暗地，仲掛左好多好有台灣色彩既插圖甚至店舖牌匾添，同"古早味" 呢個氛圍好match。係呢個環境之下嘆埋美食，相信應該會加分唔少...只係一入到去就被阿姐逼我坐某一個位，令人不快，又減番d 分。試左個鹽酥雞扒飯啦，塊皮鹹得黎幾脆口，令d 雞肉好好食！隻滷蛋ok 既，但可以再滷得入味少少。肉燥佢俾既份量好多，撈飯一流，食完好飽肚。叫左芝士奶蓋黎飲，一如一般台式飲料都興配黎配去，呢度既芝士奶蓋可配紅綠黑茶甚至朱古力都得。試左配朱古力，奶蓋唔算好厚，但好幼滑既質地，鹹度都適中。我見隔離檯有人叫唔知雞蛋卷定蛋包飯果類，好似都唔錯wo，但張點菜紙唔似有類似既野食。後來見到佢地應該係蚵仔煎黎，包到咁靚，下次可以試下！

古早牛肉麵係深水埗福榮街, 從地鐵站行過來只消兩分鐘, 非常方便。餐廳樓門面闊落, 大概一半位置用作賣珍珠奶茶, 而餐廳樓底甚高, 感覺不局促。美中不足的地方是地方略窄, 若二人同行獲安排坐靠牆位置, 有機會要與陌生人背貼背。一個人食飯, 沒有叫太多, 就叫了一碗招牌半筋半肉麵 ($60) 和一碟滷水切大腸($28)。招牌半斤半肉麵大概5分鐘後就來到了。先喝一口湯, 湯底呈深啡色, 味道鮮甜而沒有過鹹，面層的油份不算太多, 藥材味也不算重,而蘿蔔也十分清甜。再吃一口肉牛肉是金錢展部位, 牛筋軟腍入味, 牛味也算重。整體來說是幾好味的。隨後來的滷水切大腸, 豬腸爽肉彈牙, 而豬香甚重, 尤其是底下的芽菜索滿豬腸與滷水的香味, 美味非常。總括而言, 食物質素OK,招牌半斤半肉麵和豬腸也是水準之作。

深水埗要找平民美食一點也不難，只要說得出的，隨便逛進任何一條街道，基本上都可以找到自己心中想吃。就好像朋友喜歡的台式美食，在深水埗選擇不下十數間，當然不少已被朋友試遍，今次我就陪她嚐嚐深水埗居民最愛之一的古早牛肉麵。如果給我選最愛的台灣小食，非蚵仔煎莫屬，可是香港有吃蚵仔煎的小店不多，所以每次見到有蚵仔煎的餐牌，總會心情雀躍。起司蚵仔煎滿有厚度，蚵仔，生菜給得蠻多的，而且滑嫩得很，熟度剛好。輕輕一咬，芝士汁在口腔四溢，肥嫩的蚵仔在芝士旋渦跳躍。同樣朋友的起司蛋手抓捲餅亦不錯，手抓捲餅香煎後外酥內嫩，層次分明，與濃郁的芝士美味，樸實的雞蛋完美地結合，絕配無比，讓人齒頰留香，意猶未盡。另外三牛薈湯麵實在用料豐富，整碗湯麵已有十數塊牛腱，牛筋及牛肚，我們果然沒選錯。牛筋吸收了湯汁香味十足，而且不會死鹹，吃起來可以感覺到膠原蛋白的膠質，令人動「舌」不已。朋友讚不絕口的牛肚嚐起來帶著一抹極為熟悉的「台灣」味，越吃越覺得像去台灣旅行吃到的味道，濃濃牛肉香，不過重的鹹度，彈牙的牛肚吃來是滿嘴的爽口。牛腱煮到非常軟嫩，所以嚼起來不乾柴，入口即化。牛腱濃厚牛味很開胃，配上一口熱騰騰的甘甜得牛肉湯頭，口味

古早牛肉麵開業左一年左右，唔好問點解住咁近而家先試，原因好簡單男友話唔去，今日出奇地話好，因為佢唔想諗裝修係舊台灣似日治時期，呢個風格我好鍾意樣樣都唔貴，一人叫左一碗主食/野飲+兩個小食，唔覺唔覺200幾蚊埋單，以食物質素ok古早牛肉麵一定要叫啦，推介同男友鍾意嗎，牛肉好稔同香，湯跟別家的味道唔太同，平時花椒八角比較濃，呢度無咁濃花椒八角，多左一份甜味同湯比較厚身，可惜個麵唔太得，煮過左少少火稔左d炸雞扒肉燥飯都係台灣風味之一，呢碗飯好大兜，仲好多肉燥，肉比較多肥肉少，又唔會超多油，塊雞扒好好味，粉唔厚好香脆，最緊要咩呀？咪無油笠笠夠乾身沙茶醬魷魚其實無咩特別，白烚水魷加沙茶醬，應該自行調過，唔會好咸同杰蔥餅我至愛之一，呢個係全餐油感比較重，味道唔錯，但如果可以再吸吸油就好啦仲有一樣野我覺得一般，就係坐得比較夾

是日黎深水埗行街 黎到呢條街好多選擇揀左呢間舖 裝修幾特別 有好多小掛畫點餐紙 一目了然叫個招牌 半筋半肉牛肉面好大件羅白 味道清甜名符其實 半筋半肉 幾軟嫩 好味湯底雖然睇落深啡色 但一d 都唔咸個面質都好岩我胃口 好味 d面浸耐左都唔會變淋 值得一食同友人一起食呢個 鹽酥炸雞排 超級大塊外皮鬆脆 大到二個人都食唔曬 叫左海苔味 不過食唔到咩海苔味 呢樣有待改進 不過咁大塊又幾抵食 下次可以試其他口味宜蘭迷你蔥肉 餡餅呢個推介外脆入面一咬勁多肉汁細細件 都幾多餡料 好味友人叫左柯仔麵線 我唔食蠔仔 所以就無試畫龍點睛 飲杯珍珠奶茶再落仙草 超級好飲 鐘意台式奶茶一定鐘意飲 茶味同奶味都好夠 珍珠夠煙韌吸一啖有埋仙草正下次路經唔食野 都要叫返杯珍珠奶茶飲先得 個人覺得超越左天＊茗茶店內好多插畫 最鐘意呢張食飯時用心食飯 特別係好味既野要慢慢品嘗

一個毒L行完黃金買Gundam，附近搵地方坐低醫肚～見到古早牛肉麵好多人，試一試睇下乜料叫左個半筋半肉牛肉麵筋口感超爽 唔太淋唔太硬 腩又俾好多舊 口感都好正 湯做得有心機 飲完唔口渴 再配埋蘿蔔索味 正～一個人再來深水埗會再試其他～😎

好久沒去深水埗，兩人行過一間台式牛肉麵店，吓，又係牛肉麵？朋友話去年開的，那我兩就入去試試吧，當時6:00pm，不用等位，我們點了鹽酥雞扒拌麵、三合一牛肉麵、鹵水豬腸、甜不辣、甘吉檸檬🍋愛玉一杯。先來鹽酥雞扒拌麵，雞扒即炸一口咬下去香脆夠味，但拌麵太淋太薄身無質感，實在太可惜。三合一牛肉麵有牛肚、牛肉、牛筋，首先當然飲啖湯先啦，湯只是暖再熱少少，我實在不喜歡湯不夠熱啊，色澤夠深味道有濃濃葯材香料味，但肉味唔夠，所以湯係無層次的，牛肚、牛肉剛好淋度，但好似唔夠入味，牛筋有三件，一件剛好淋度，兩件太淋，麵就同拌麵麵質一樣無口感。鹵水豬腸可算是我叫的最好食，夠淋夠入味，另外還有甜不辣就不吃也吧，好像是食麵粉質感啊。甘吉檸檬🍋愛玉就不過不失。店員服務態度都可接受。店鋪裝修用咗台灣懷舊特色，配合一些懷舊風濃厚畫作及牆壁顏色頗為特別，店內也清潔整齊的！

放工出深水埗買野 順便捉埋同事陪我，行到餓餓地，見到間台式餐廳，古早牛肉麵...好似幾有特色咁，望一望餐牌，價錢都合理就入左去食呢度啲裝修睇得出花過心思，好有懷舊既感覺🤣🤔裝修同擺設令我諗起電視劇入面民初時期餓餓地嗌左個招牌半筋半肉湯麵 蚵仔麵線海苔味大雞排同蔥肉小煎包！本身我仲諗：係咪真係夠？先黎個招牌麵，半筋半肉，原來係指肉入面有肉同筋一層疊一層好稔滑 一啲都唔鞋口，另外有幾件全筋，煮到好稔，入晒味本身見到個麵啲湯咁深色，仲驚會好咸好膩～又唔會啵，飲左啖有蘿蔔既清甜味得黎又唔會過咸，令我諗起阿媽煲既青紅蘿蔔湯🤤點解會咁😂😂蚵仔麵線好香莞茜味 反而比牛肉麵味更重漲卜卜既蚵仔💢‼️‼️小心熱一咬落去 啲肉汁就流晒出黎 建議可以攤一攤先食，第二舊我醒喇，咬開左少少（好似食小籠包咁） 啜晒啲肉汁先最後呢塊大雞排... 真心好大塊 肉好厚之餘剛熟，唔會炸老左我地兩個人食完都覺得太飽😂😂 我諗三四人share會比較好，因為比起某啲連鎖店餐廳，塊雞排係大兩至三倍唯獨係海苔版本冇我地想像中咁多海苔粉 如果下次我會問下可唔可以落多啲🤣咁當然唔係個個好似我咁重口味 正所謂「覆粉難收」，落多左就救唔番，反

好耐無出深水埗 今次係因為要去買電器 見黃金附近有間台式餐廳好似幾平 所以順便去醫肚😝餐廳裝修重懷舊氣息 牆身好多呢啲海報😁 我地夜晚7點半黎已經滿座由於前排foodpigss🐷🐷開始戀上拌麵 所以儘管呢間餐廳主打牛肉麵 但都決定選擇鹽酥雞排乾拌麵（$55）雞排好大塊 炸得唔錯 而麵係扁身 拌埋啲肉燥好match👍🏻 其實除左肉燥外仲可以揀麻辣醬 不過個人唔食得辣🤭 所以肉燥必定係首選😇另外仲食左起司蚵仔煎（$48）賣相同想像中有啲出入 事關本身以為係圓圈煎蛋咁 點知係蛋卷咁 而裡就較稀身 都有幾多蠔仔😉最後就當然要飲返杯台式飲料先叫食左台灣野啦！ 🐷🐷就揀左500輕芝士岩鹽奶蓋烏龍茶（$24）加珍珠（$3）而因為叫左拌麵所以可以減$4 另外🐷🐷就揀左微糖同少冰 所以味道偏淡 飲埋頂層既奶蓋咸咸地就可以中和返 而珍珠幾煙韌 重要量多😍 $3絕對值得！總結係呢間餐廳勝在便宜 質素屬中上 不妨試試😛

深水埗有平嘅餐廳就係人都知，見到呢一間好似新開嘅台式餐廳，我就忍唔住入去啦！叫左佢嘅招牌先招牌紅燒牛肉麵，都只係50幾蚊，價錢好公道，另外仲叫咗個芝士蛋手抓捲餅，超級懷念手抓餅！當然唔少得叫返最近大熱嘅奶蓋飲品，本身諗住飲輕芝士岩鹽奶蓋烏龍茶可惜佢冇晒烏龍茶，咁唯有轉個紅茶試吓啦！嘢食終於嚟到喇，個招牌紅燒牛肉麵真係超級好食，佢嘅牛肉食入口完全唔覺得乾又或者硬，反而感覺就好似入口即溶，超級推介，而且牛肉肥瘦中等，感覺唔會好油膩，又或者係乾柴咁，煮得剛剛好！另外個芝士蛋手抓捲餅都好香脆，雖然形狀同我平時食開嘅手抓餅好吾同，但係佢嘅層次都係有，我一咬落去就會食到手抓餅一層一層嘅鬆化同口感，唯一令我覺得可以再加強既係佢嘅芝士味道可以更加突出，咁就完美！至於佢既輕芝士岩鹽奶蓋紅茶都幾好，紅茶既味道唔會死甜，又吾會過淡，奶蓋嘅份量都唔算少，不過唔知係咪我太鍾意芝士味呢，如果佢嘅芝士奶蓋味既芝士咁加出就仲正！哈哈不過咁嘅環境，咁嘅價錢食到呢個品質食物來講真係先cp值高呀,環境帶有少少復古風格，地方乾淨企理，仲幾適合影相添，下次大家去深水埗唔想去茶餐廳嘅話，都可以試吓呢間㗎！