可可豬椰香海南雞專門店

營業中

休息中

知道屋企附近開了一間食海南雞的外賣餐廳，今日放假不外出所以可以買回家試下😉餐牌上款式不多但主力都是海南雞飯為主👍特色椰香海南雞飯（無骨海南雞，特色椰香飯和青木瓜沙律）椰香飯本身已經鹹鹹香香，飯粒粒分明食落不會太油，軟硬度適中。雞肉又嫩又滑，鮮味十足，加入酸辣醬，非常開胃美味😋招牌豬手飯豬手好淋好入味，配白飯不錯👍骨膠原豐富女士最適合😋青木瓜大蝦沙律沙律份量不小，微辣，大蝦🍤鮮甜爽口，酸酸辣辣嘅沙律醬汁，加入木瓜開胃到食吾停口👍日本白桃乳酸梳打/巨峰提子乳酸梳打香甜果香味梳打配合海南雞飯，絕配😋

海南雞🐔一般配香油飯，這間店配的是椰香飯，買了半隻海南雞$88，一盒椰香飯$15，第1次試吃。打開一看，半隻雞🐥份量挺多，夠兩人食，賣相不錯，一睇就知很嫩滑，食落口果然如此，勁滑勁嫩勁有雞味，點了配送的秘制醬汁，更加野味，正正正最有驚喜的是椰香飯🍚，第一次吃，原來跟海南雞是絕配🤝🤝，很香很有椰香味，比起配香油飯，我更喜歡海南雞配椰香飯🥰🥰性價高，又美味，好滿足的一餐，一定會再幫襯😋😋

👩🏻‍💻落大雨都要食飯，見到樓下有間可可豬海南雞飯，開張左冇幾耐就試吓啦，店舖喺正街道轉角位，細細間但係仍然客似雲來，唔少人陪我一齊等攞外賣🤗👍🏻​​🥘特式椰香海南雞飯HKD$38​🌟打開個盒，椰香味四溢💕飯粒香軟可口，份量不少的海南雞，每一件都新鮮嫩滑😋色澤吸引，配菜新鮮☺️​​🥘招牌豬手飯HKD$36​🌟豬手炆得夠焾，味道適中不會太鹹，炆得夠入味，送飯一流‼️👍🏻💕😋以呢個價錢食到豬手飯，真係幾抵食‼️😋​​🥗青木瓜大蝦沙律 HKD$28​🌟賣相不錯，材料新鮮，色澤鮮明，已去殼既蝦肉爽口彈牙🤤👍🏻‼️​​🍹熱情豐盛​ HKD$18🌟香濃嘅熱情果味，口感不錯，飲品底部沉澱了熱情果籽💕😋味道清甜可口👍🏻​​🍹金羅漢果養生茶​ HKD$18🌟冷飲味道清潤，底部沉澱的杞子菊花都很養生，羅漢果茶我比較喜歡熱飲，外賣的好處是可以回家加熱，包裝的瓶子也很喜歡👍🏻💕😋‼️​​✒️小記：店舖雖小，等外賣的中途仍然有不少人到來購買外賣，位置方便；食物的整體CP值高，配以健康飲品，而加分的地方是飲品以瓶裝設計，份外貼心，外賣到家有一段路也不會擔心飲品倒瀉‼️💕

每次出街食海南雞飯就好似一場冒險，如果遇到唔滑嘅雞肉真係好灰🤣好彩今日食朋友介紹嘅呢間Cocopig 無令我失望！.🥢海南雞飯去骨海南雞非常嫩滑，雞皮食落有應有嘅油香而唔會膩，我鍾意😍比起普通嘅雞油飯，呢度嘅椰香飯好特別，陣陣椰香味好清新，呢個飯一定要試😍.🥢豬手飯豬手份量比想像中多，食落煙韌，充滿骨膠原，正呀🤩.🥢青木瓜大蝦沙律清新之選，加咗蒜蓉調味，食落更惹味，鍾意蒜蓉嘅朋友唔好錯過！.🥤金羅漢果養生茶原來飲品係每日新鮮煲起，真材實料，好有heart，而且味道好好，羅漢果味唔會太搶，容易入口，加上菊花嘅餘香，成件事好match!.🥤熱情豐盛熱情果、杞子配合青檸，酸酸甜甜，感覺清新，值得一試呀😍

🔸招牌豬手飯 $36🔸青木瓜大蝦沙律 $28🔸特色椰香海南雞飯 $38🔸日本白桃乳酸梳打 $12🔸巨峰提子乳酸梳打 $12-上網見到有人推介呢間新開嘅海南雞外賣店，又平又好食，身為雞精嘅我梗係要即刻去試吓啦！特色椰香海南雞飯，雞肉好嫩滑，但要特別讚個飯底先，果然有別於市面上既海南雞飯，食落椰汁味好突出又有少少雞油味，好有驚喜啊！另外招牌豬手飯嘅豬手好軟稔，食落有滿滿嘅骨膠原，而且調味啱啱好唔會太鹹，仲有成四、五舊豬手件。青木瓜大蝦沙律賣相好靚，份量都好足，有五隻蝦添～佢個酸辣調都得好唔錯，唔會太辣，配合涼拌爽口既青木瓜絲夏天食真係好正😚

又係人好懶 懶得煮飯既日子行經可可豬椰香海南雞飯鋪一睇鋪面都知 主打外賣 再望一望餐牌 抵wo好快已經可以攞得至於我地叫左咩？！青木瓜大蝦沙律$28抵 份量多 青木瓜絲帶硬身 混入泰式沙律醬 酸微微 開胃椰香海南雞飯(標準)$38估你唔到 打開盒已經好香好重椰香味 飯一啲都唔乾雞滑dodo 又唔會油淋淋 至於海南雞汁係必點淨加入飯 已經好好食呀 原來啲個飯都有青木瓜沙律招牌豬手飯$36豬手件數4件 大舊啲就好喇豬手有肉 飯量多所以一定夠飽 同樣佢都包左一盒泰式汁熱情豐盛$12熱情果杞子青檸淡淡杞子味 唔酸 少甜日本白桃乳酸梳打$12白桃味重 較”熱情豐盛”甜最重要有氣 好飲

經過紅磡黃埔呢一頭呢一間主打外賣嘅舖頭外表吸引快快手買個外賣返屋企食晚餐先特色椰香海南雞飯套餐$38呢個非常抵食份量超級多嘅雞油香飯唔算太油膩再配上海南雞，雞皮唔肥雞胸肉來講，算係非常嫩滑非常健康一啖飯再加上一啖冬瓜雞湯份量又多又好味！正！招牌豬手飯$36屋企人大讚呢個豬手皮非常爽脆，油分不算高，非常健康兼且好好食！同樣係超級多份量嘅白飯煙韌嘅白飯日式青瓜雞絲沙律$28份量超多，滿滿一大盒附送日式胡麻醬😛😛😛雞絲健康唔肥膩 青瓜絲量多新鮮取勝金羅漢果養生茶$18金羅漢果，菊花，杞子，陳皮等等龍鳳梳打$24即沖🍋檸檬汁同青檸加上梳打埋單$126 ，食到非常之飽！絕對有抵又健康又好味😛😛

今晚買外賣返屋企食特色椰香海南雞飯加左錢轉雞髀肉。雞肉份量算幾多，而且飯盒有包埋沙律，幾健康。飯底用上油飯代替白飯，油飯夠香夠味，就咁食都好唔錯。海南雞肉質嫩滑。豬手飯開頭以為係泰式豬手，原來唔係，係用左豬腳，細細件，帶骨，鍾意食骨位就啱哂。豬腳偏胡椒味重啲，但都夠淋夠入味。青木瓜大蝦沙律味道香香辣辣，雖然大蝦唔係好大，但都爽口彈牙。金羅漢果養生茶店員推薦，話全部都係自己煲既，飲落好舒服，唔會太甜。飲管用左紙飲管，相對算環保少少。

今晚不想煮飯， 老公想食海南雞飯，就去行遠少少，屋企行去約10分鐘路程，有間新開幾個月的「可可珠海南雞專門店」，叫外賣回家。特色椰香海南雞飯無骨海南雞， 雞肉尚算嫩滑，有雞味， 配上醬汁， 好惹味，啲飯椰香味濃，粒粒分明，好咬口，配上青木瓜沙律，分量尚算足夠。青木瓜大蝦沙律微微辣，好開胃，份量真係好多， 尤其木瓜絲同蘿蔔絲， 又多又爽， 蝦肉新鮮， 真係夠飽肚。熱情豐盛入邊有粒粒熱情果，酸酸甜甜， 味道佳。聽講個豬手飯都很不錯，下次我都要試下。

特式椰香海南雞髀飯🐔$43無骨海南雞絕對係整個飯嘅靈魂😛雞髀肉非常新鮮同嫩滑🤤肥瘦適中，真係啖啖肉😙加上獨特嘅薑汁醬😌味道更加突出😊配上椰香飯，相當有驚喜🤩每口都充滿住香甜嘅椰香味😜絕對係必食首選👍香辣口水雞飯☺️$38其實我覺得唔算好辣😎個口水雞醬汁就有些少甜😜不過我鍾意😘因為個醬汁真係夠曬惹味🤤而且雞肉質素本身有保證👍整體而言，真係幾好食😋青木瓜大蝦沙律🥗$28沙律份量相當多😮大蝦清甜鮮美🦐青木瓜亦夠清新爽口😜作為頭盤，夠晒醒胃😙另外每個餐都跟清甜雞湯🥣龍鳳梳打🍹$24葡萄柚乳酸梳打🥤$28可可豬椰香海南雞 (紅磡)紅磡馬頭圍道116-118號富商業大廈地下D號舖

而家市面上見到好多間唔同嘅海南雞專門店，好多都係外賣形式。今晚就喺佈滿美食嘅紅磡四圍搵食，諗住買返去食，唔使堂食。就見到呢間可可豬海南雞專門店，好多人排隊等緊！感覺應該好好食😆當時大概晚上八點都差唔多，有四五個人等緊外賣，又一直有啲外賣員嚟拎飯送貨🛵好似好受歡迎咁！我哋就決定睇吓Menu，睇一睇Menu見到原來好抵食，同埋呢間舖頭原來開咗唔係太長時間，所以仲有試業價，$38有個海南雞飯🍚咁我哋就一人叫一款飯，一個食海南雞飯，一個食豬手飯。再加一人一支飲品。餐廳提供嘅飲品都係非常有養生感覺🌱我哋叫咗一支羅漢果茶，一支就係熱情果茶。另外，食飯當然想有啲蔬菜啦，就嗌咗一個木瓜絲沙律。包裝得好好，而且我鍾意佢哋係用紙盒，感覺上比較環保啲。海南雞仲有一個醬汁，好開胃，海南雞好滑好滑，我就忍唔住連皮食埋，雞好香，配埋超級香濃椰汁味嘅飯，好正！好少食到咁濃椰香味嘅飯，平時食好少飯嘅我哋都食晒啲飯😋至於豬手一盒都有好多件，差唔多有七八件。皮好夠厚，好重骨膠原感覺。而且豬手唔係剩係得皮，仲有唔少肉添。味道比較似鹽焗香味嘅豬手，幾鍾意，好夠味。另外要提嘅就係個木瓜沙律極大盒！好足料！而且擺得好靚，好多隻大

經常都會去紅磡的我，見到有間開咗一排嘅外賣雞店， 見佢價錢相當實惠，而且都多人排隊買，今晚又試吓佢先。- 椰香海南雞髀飯😍拼招牌豬手打開己聞到椰香味,，雞髀皮簿肉嫩滑，點埋個醬汁撈飯食，惹味，而招牌豬手，煮得入味而且爽口，餐配上雞湯唔會覺得油，正啊。-香辣口水雞髀飯家人說辣汁醒胃，旁邊加上沙律，木瓜絲爽脆，輕微的酸令人胃口大開。-青木瓜大虾沙律有3隻大虾，色彩繽紛，份量都大份，酸辣汁令人十分開胃，而且健康。加$12可配特色飲料🥤，加購了金羅漢果養生茶同熱情豐盛，感覺非常養生啊☺️用環保紙做嘅外賣盒，外賣包裝精緻，真係要俾個讚你哋啊👍

見之前蘋果都介紹過，都算係附近梗係要試吓(⁎⁍̴̛ᴗ⁍̴̛⁎)經過都已經聞到好香，都唔少人買嘢食-🐥特色椰香海南雞飯｜💰38‼️冇加味精雞超香超濃雞味，超嫩滑✔️用嘅係泰國香米，粒粒分明，軟硬岩岩好😍椰香味好出，雞油滴埋落去，食到一粒飯都唔剩✨海南雞醬都好正.🐷招牌豬手飯｜💰36✔️都係用咗泰國香米，粒粒分明，比較細長✔️豬手皮同筋都好足夠，好香既胡椒味👍🏻皮整得幾淋身，筋又保持到咬口，仲好入味.🥗青木瓜大蝦沙律｜💰28蝦都都唔少，幾爽口，濃尾啲會仲好青木瓜沙律好清新帶少少辣好開胃.🍋龍鳳梳打｜💰24用咗檸檬青檸鹹鹹地酸酸地，好清新好開胃.🍑日本白桃乳酸梳打｜💰26好香桃味好清新.嘢飲唔係好甜而且佢地既飲品都真係幾天然-🤩仲係試業價，樣樣都好平好足料📍北角都有分店喔‼️仲有得自助螢幕點餐同埋whatsapp訂餐真係好好食😭一定會再去買！注意番無堂食🤫

6月岩岩開個時幫襯過之後都有間唔中幫襯 椰香飯係好食既，但發覺d海南雞越來越少同切到勁細勁薄，飯又少 女士都唔飽何況男士呢所以好大食或者好肚餓既都唔會揀食哩間.飲品 飲過一次 唔凍又唔熱咁 飲品唔平所以試過一次好了，下次都唔會叫.

岩岩系紅磡做完野，買埋晚飯返去食。平時15鐘頭既車程，搞左成個鐘先返到去，好彩D飯仲暖暖地。呢間系新開既小店，專做外賣，花巧吾多，全神貫注做海南雞同豬手飯，同埋特色飲品。【特色椰香海南雞飯】 $48 增量無骨雞肉岩哂我，肉汁豐腴嫩滑，附小碟泰式醬汁，沾了別有一番風。眼闊肚窄，叫左增量食咀吾哂D飯。【招牌豬手飯】$48 增量豬手皮爽肉滑，食落一D都吾油膩又入哂味，勁香花椒八角香。左【金羅漢果養生茶】& 右【熱情豐盛】加$12 清清地涼涼地既羅漢果茶生津下火，不過熱情果酸甜開胃，更岩呢個時節。