合時餐廳小廚

營業中

休息中

星期日中午一人來到，不用等位，叫了個扣肉飯，約50元，包飲品，不消5分鍾熱滕滕的碟頭飯便上桌。分量方面，足夠一個男士吃飽，肉方面有5-6件，不太肥，但汁太濃。味道方面不錯碟頭飯來說是平靚正，但店舖衞生有待改善。

很多年沒去，因為都記得大牌檔風味，去到發覺枱已不能攞外面，有點失望，進店裡面坐，感覺是很嘈吵的，我們點了那叫招牌的蘿蔔牛坑腩，美極蝦，油泡鮮魷，蟹肉豆苗，先說蘿蔔牛坑腩，就和普通例湯沒分別，份量也少，蟹肉豆苗很鹹，最離譜是油泡鮮魷，像是一早炒好放在鍋的，鮮魷也像擦紙膠，一點味都無，而且價錢又不是便宜，沒有下次去的機會了，希望老闆睇到本文，不要自毀長城吧

早幾日試左入面個間好好食🤭就諗住食返合時啦～ 以前食過雞煲羊腩煲明明唔錯🤔點解會中左伏🥲椒鹽鮮魷，啲魷魚係咬唔開🫠仲要個炸粉勁厚添菠蘿咕嚕肉簡直係用勁難食形容仲差過啲3送飯⋯ 入面唔係完整一粒肉⋯⋯⋯⋯係粉蒜蓉炒豆苗 算係最正常 係咸左少少🤏 但係唔會再想幫襯⋯⋯⋯⋯⋯

有一次食過呢度嘅晚餐好食，今日嚟到就食埋佢個lunch。一樣都係一個餐牌有幾款嘢食，我哋叫咗一個蔥油雞同埋一個椒鹽豬扒飯。兩款嘅味道都好出色，雖然蔥油雞肉比較薄，但係蔥油味做得好足。唯獨有少少失望係杯凍西洋菜蜜，黎到啲色同味都好淡，可以落多小小糖水。

好耐無食大排檔喇！呢間有鑊氣而且上菜速度超快。薑蔥焗生蠔，生蠔夠大隻，略嫌配菜太少。蒜粒唔夠五粒！去大排檔食小炒王就知師傅嘅工架。呢個小菜王用上韭菜花、乾身炸香既土魷、鮮魷，銀魚仔、蝦乾（咸左小小）、菜甫（偏小）不錯！京都骨夠酸，而且朋友主動要求煮乾身，結果乾身得黎入面既肉仲係好juicy. 椒鹽賴尿蝦，唔好睇佢細細隻，有d 仲有膏添喎。而且肉質鮮甜，小小辣唔太咸！食到舐晒手指。叫左個脆豬手，呢個係最差既，皮算脆，中間有層油！肉就太乾身喇。可以唔試。之後加埋五支啤酒埋單！其實見到隔離枱都會去便利店買野飲。而且店家都好似無咩所謂。亦有人帶狗出黎食飯。晚市二手煙比較多。頂唔順既可以坐室肉。

平日午餐三餸一中湯一飲品，只需52蚊，凍飲不用加錢。有室內，有室外！很多做工程的人也會來這邊吃午餐，因為快和平！旁邊也有停車場，放便泊車。如果假日去清水灣，也可經過這餐廳品嘗小炒菜色，同樣價錢合理。

今天我遠道從長洲而來，探望朋友，找個地方敘舊，感受將軍澳風味，滿心歡喜來到坑口村，希望大快朵頤。然後我打開餐牌，看見琳琅滿目的餸菜，雀躍萬分。我我點了酥炸豬手、薯仔牛柳粒和水煮魚。然後上菜了。我看到實物，大失所望。嘩豬手一入口超多油，但肉質十分乾，豬皮十分油，有很多肥膏，卻要收費百幾蚊，十分不值，千萬不要嘗試。回想起不夠之前在宜家傢俬吃的豬手，十分香脆，卻只是六十多元。另外薯仔牛柳粒，醬汁太多，沒有鑊氣，薯仔不夠脆。

🍙等待時間：星期六既晚上七點幾，可能係受武漢肺炎影響，好多位，唔洗等。🍔室內環境：全部有瓦遮頭，仲有室內房同樓上房。🍰服務質素：正常茶記侍應，一般🔺用餐簡評：我只可以講做左咁多年，佢既質素已經大不如前，以前堅係道道菜都哇哇聲，好食又聲胃，今日幾左既幾款菜式係冇 一款俾到呢個感覺我，只可以講食埋呢次，應該都唔會再特意來呢到，因為都出面茶餐廳冇咩分別，但其實佢既位係好僻靜。🔹總括來講：u deserve better👋

揸車來過坑口村很多次，次次都無位泊車，今晚很好彩有一個街位，一於拍低架車，入去食返餐！今晚和細仔兩個人，叫了琵琶豆腐，以為有菜墊底，可惜沒有😞，唯有叫多一碟蒜蓉炒白菜，兩碟味道正常，不過不失。來到這裏，當然要食主打的千層咕嚕肉，豬肉外邊卷了幾層煙肉，然後炸脆，外脆內軟，加上酸甜汁，正👍

成日都聽人講合時嘅小炒好有鑊氣 今次專誠由坑口站行到去坑口村試一試真假雖然去嘅當日落好大雨 但係都見到座無虛席 我哋叫咗一個沙嗲粉絲煲 一個蒜香炒排骨 同埋百味豆腐煲三樣食物嘅份量都真係好大份 沙嗲粉絲煲都好足料 不過略嫌加咗八角有少少苦 另外蒜香炒排骨真係非常好食 外脆內軟 肉質亦都唔會好硬身。百味豆腐其實真係用咗好多唔同材料一齊去煮 仲有好多海鮮 包括左魷魚 鮮蝦 同埋豬肝 而且味道都好有層次感 豆腐好滑身 可以講係必食之選 下次都要同埋一班朋友一齊再去啊

合時其實系坑口村好耐了系將軍澳人的回憶以前細細個一班朋友一齊去坑口村食飯 好開心好滿足日日都不停傾計依家人愈大愈諗得多野其實依家一有時間相聚真係好開心 要好好珍惜細滷水拼盤😀有紅腸大腸墨魚絕技係個個辣椒油 份量好大碟 呢個時候要加支啤酒XO醬西蘭花炒花枝片😀唔會好似外面咁得幾塊花枝片黑椒牛仔骨😀連我唔食洋蔥都會食其實合時呢到送可以送好多碗飯因為好好食又無味精食完唔會好頸渴如果中意打邊爐的可以食羊肉煲架

有時食太多連鎖食店或者大商場的食店都想搵D街外不同的味道試下，所以一于去坑口村搵食！一入村口見到呢間都幾多人食，幾乎坐滿曬l，啱好室內有位，所以選擇左入邊坐，座位好逼，可能枱擺得密!滷水鵝件：原本想點鵝片的，剛好無曬，但係鵝件也不錯，好入味，而且又不會太肥，豆滷水豆腐好嫩滑，花生更加係炆到淋曬，好好味！黃金蝦：好重牛油咸蛋黃味，好香，咸蛋黃起曬沙，蝦仁🍤雖然炸過但依然保持有彈性同爽脆，呢個菜好味，必點檸檬🍋雞：雞件炸得好脆，而且仲有汁不會干，雖然係冰鮮雞扒但係完全無雪味，處理得好好，配上酸微微的檸檬汁，好開胃，仲意香口嘢的朋友不容錯過！炸乳鴿：乳鴿夠大只，有肉而且炸到個皮脆卜卜，點上懷鹽，簡單係送啤酒的第一選擇腐乳通菜：好有鑊氣，通菜爽脆，非常惹味！

朋友跟我說才知道，合時小廚歷史悠久，原來連曾志偉陳伯祥曹達華都去過，所以今天就去吃晚餐試試 。服務態度還可以吧，有什麼需要或者需求可以提前跟他們說，人還是蠻好的時間算早，所以座位蠻多的，點了三道菜。芝麻骨朋友吃了十幾年，每次去必點。味道酸甜非常開胃，一份大概有七八塊肉，酥脆的部分較入味，一口接一口的吃，這食物會上癮的，每一個朋友都讚不絕口。金銀蛋浸菠菜皮蛋鹹蛋上湯浸菠菜，菠菜非常入味，如果怕太鹹的話，可以提前跟店員說少放點鹽魚香茄子煲也是非常好送飯的一道菜，可以叫廚房把茄子煮熟一點軟一點，味道更入味更可口總括來說，個人很喜歡「芝麻骨」的味道，有機會去坑口的朋友不妨去吃吃看。

三月初晚上，持續下雨。想不到吃甚麼，雖然不會主動出去吃飯，友人來電大排檔癮起，大排檔為好選擇。小菜大部份為友人選，我點了辣子田雞，田雞炸得夠脆，麻辣香口惹味，我是挺欣賞這裡的田雞，上一次的薑蔥田雞也是不俗。來一瓶嘉士伯啤酒，香辣小菜跟啤酒簡直絕配。

好耐無食大排檔天氣凍凍地 叫返幾個小菜食吓🤪兩個人叫咗兩個小菜 一個湯份量太多 食唔晒要拎走😂正正常常無乜特別好多皮蛋鹹蛋同肉碎 豆苗都幾新鮮不過偏鹹 不過不失芋頭先炸過再煮 煮完仲食到完整嘅一塊塊所以個汁比較稀 個人鍾意煮到少少芋頭溶成汁杰少少🤫油鴨多肉 鹹味令個煲更加香🥳好大碗......🤢不過好好飲 魚雲煲到個湯變奶白色🤤不過有碎骨要小心啲！淨係飲晒碗湯食埋啲料都應該夠飽了....湯都係留返多人食先嗌😂