合發翠華餐廳 (已結業)

同2個fd打完波...11點幾諗唔到咩食見到茶餐廳就入啦...大家都叫個沙爹牛肉公仔面飲凍奶茶...佢上野食幾快...但唔算得好食...真係冇咩沙爹味...不過都算啦...一餐宵夜頂下肚之後賣單...121蚊...我地眼都大埋...打完大家冇拎咩錢出街,差d唔夠比之後睇單...原來佢地冇凍飲加2蚊既規矩...飲品全部單計野飲15蚊一杯...當堂沉一沉...中左一次伏...怪自己大意大家小心...

今日(10-8-2010 Tue)同男友起身後,諗去邊o度食早餐,o黎到兆和街,見久遺了o既合發餐廳,就走入去啦.點知中招,所有o野食都轉晒翠華o既,都知道佢o地被翠華收購o左,但名仍保留’合發’兩個字,諗住應該重有合發自己出品o既o野,點知係冇o既. 唔入都入o左o黎,唔坐都坐低o左,唯有叫o野食啦.我叫o左個$22.00o既法蘭西特長熱狗,要凍奶茶.男友要$20.00o既特脆豬扒飽,飲熱檸茶.好快,我o既凍奶茶到o黎,有大半杯係冰,茶味好彩仍夠.等好耐,男友o既熱檸茶至到,我留意到係原來係廚房儲埋一次過出幾杯,真係掂.再得多陣,距離落單時間約7分鐘,特脆豬扒飽到o黎,上碟時已切開一半,有生菜,醬瓜,但我見啲生菜邊變o左紅色,好心廚房唔好畀呢啲人啦.我同男友一人一半,食落,豬扒冇乜味,包就真係好脆,味道就全靠沙律醬同醬瓜.味道: 4分,其中1分係畀脆豬仔包同醬瓜.同男友分開慢慢食,食完重要等好耐,我o既法蘭西特長熱狗重未到,我睇住廚房係咁出特脆豬仔包同其他o野,想叫經理跟o既時候,就見到個女人攞個長碟,我就覺得佢開始整,果然,終於係整呢個,真係有冇攪錯?呢個比特脆豬扒飽更易整,更少工

實在不值不讚其brand marketing的功夫,回想早起很多年前,這家還是小小的茶餐廳,現在已成了大型的chain store,品質控制做得好,味道也出色,同時又一直更新所賣的食品,現在不止在香港街知巷聞,海外旅客到港也懂來吃其出色的出品是晚想吃的店太多人,想了又想決定來這,全因2星期前與家人來吃了一碟令我回味無窮的砵酒會牛舌飯,心思思想再吃最後沒有點上牛舌飯,點了魚旦豬軟骨米線,波菜鮮蝦餃和4寶2人分吃,爸則點了一份魚湯蕃茄牛肉蛋泡飯米線餐有飲品,加了4元轉了山渣紫貝天葵,和有咳的媽媽分飲魚旦豬軟骨米線($40,有飲品),有2件魚旦2件魚片頭3件軟骨,份量足,味道是不錯的(上次的湯味道略重了波菜鮮蝦餃($25),一份6件,份量合理,皮也沒有因為太熟而變得太淋,好吃4寶($31)有2件魚旦,2件墨魚丸,2件魚腐2件春卷,除個人不太喜歡魚腐其他都相當美味(不過老爸老媽很喜歡魚腐,呵)爸點的泡飯($38)用韓國餐釜飯的碗送上,份量很大,也令我感到很熱,試了一口,口味偏重,但見爸爸吃過清光,應該合他胃口吧那飲品酸酸甜甜很醒胃,夏天飲用很消暑,這頓晚飯3個人吃似乎點的過多了,幸好都吃得完全

飲完茶又濕平完畢,鳳爪裡的師傅發功了良功,結果急需凍檸檬茶解救一下,兆和街多間茶餐廳中,平時客似雲來的合發翠華竟有不少吉位, gogogo。兩姐妹的凍檸樂x2,她們大啜一口後,不約而同的說句"真爽!"自己的凍檸茶茶色紅褐色,紅茶香還有一些,由於沒叫少甜因而甜度偏甜,最妙是配上粒粒碎冰,而且檸檬夠酸,大啖飲下去後同樣痛快!在翠華不吃奶油豬仔實在說不過,就算還沒肚餓也要來一客。豬仔包真的巨型,烘得夠脆,麵包中間仍保持夠軟,奶油下得夠多,又香又甜的很讚!!多來一個也沒問題!坐著坐著,看到餐牌上薑汁炒有機芥蘭又來一碟。芥蘭顏色翠綠,單用薑汁來炒也味道很香,果然在碟中找到一大片薑,不是用薑汁嗎?為什麼有那麼大塊薑??薑味還算夠濃,只是有機芥蘭稍硬,可以訓練牙力之用。其他客人的雞扒豬肉腸晚餐好壯觀,看到也流口水!外面的雨愈下愈大,我們也順道避避雨,結果由下午茶坐到晚飯時間, 店方也沒有趕客之意圖,態度真算不錯了。

每次去也必吃奶油豬仔包，很不錯，經常吃也不覺得厭倦。 另外，今次要了菠菜餃米線，米線彈牙，湯底清甜，菠菜餃有4大隻，很好味！

每次同朋友由大埔往荃灣剪髮，一定會在髮型屋對面吃完早餐才剪。每次都會在翠華開餐，但今天翠華排著人龍，但隔鄰的合發翠華就有位，見賣嘅嘢一樣，不如就去試試吧。 選擇了鮑魚火腿絲通粉+ 煎雙蛋及餐包+凍咖啡走甜。其實食物和隔鄰冇分別，大大個餐包，已可以填飽半肚，煎雙蛋，煎得十分靚，生蛋黃，我的至愛，一流。 通粉嘅鮑魚絲，大大條，不錯。咖啡好濃好滑，配上是細粒嘅冰粒，一讚！其實不知兩間翠華有何分別，同檯搭檯女士稱合發翠華以前叫合發，後來被翠華收購，易名為合發翠華，並說合發翠華，服務食物都較翠華佳，所以她選擇合發翠華。對我一些不是常客的人來說，邊間有客我就會幫趁邊間，反正我愛的是食物！

今早明顯地轉涼了, 行山是絕對合適的, 搭車前選了, 人流較多的一間光顧, 二人也各自叫了一個鮮奶麥皮, $16, 餐包, $4 及奶油豬, $7, 餐包唔夠金鳳的細密軟熟, 唔熱, 一般啦, 奶油豬不是我杯茶, 麥皮只是微暖, 很差, 我比較喜歡大家樂的, 不但夠熱, 且麥皮軟綿綿, 今朝選了它, 實在不是個好選擇!

今日經過翠華同合發翠華，先發覺原來兩間餐廳既下午茶餐唔一樣~~比較過之後，我地對合發既下午菜有興趣D，又見到裡面座無虛席，所以決定試一試咁岩有人埋單，我地坐底就叫左：炸醬肉絲撈麵配珍珠雲吞 - 同一般既炸醬麵唔同，因為冇好大pat醬，反而好多肉絲…不過都幾辣同埋好夠味~ 個麵煮得好彈牙，媽咪話好好食~ 另外珍珠雲吞真係好迷你，有一隻蝦同西芹味，好爽但係唔似雲吞，因為冇豬肉香~~鹹牛肉炒滑蛋潛艇 - 好大隻潛艇！ 黎到仲熱辣辣 麵包烤脆脆，裡面軟綿綿…餡料好好味，蛋炒得好滑，鹹牛肉唔太多所以唔會太濃味…仲有少少爽口既洋蔥碎，比想像中做得更好既潛艇，好滿意奶茶同翠華一樣香滑香濃，港式下午茶既表表者~埋單 $56香港既下午茶真係好，食一餐都飽到暈

洋蔥汁雞扒飯,吃了幾口雞扒, 發現不是白肉, 是紅肉。 還未熟透sad。,我最不喜歡吃。立即叫侍應處理。 換了一份新的。洋蔥汁十分難食,最後只吃完整塊雞扒及幾口「白飯」就放棄了sad。奶醬多, 賣相不錯, 多士夠脆, 整餐最好吃的一樣smile。

前幾日同媽媽行完街．有ｄ　ｈｕｎｇｒｙ就決定去食ｔｅａ～跟手就諗起合發就過ｌａｉ　食啦其實佢同中環間翠華係同一個ｆａｍｉｌｙ既．．．叫左ｔｅａ　ｓｅｔ．豬仔包、牛河同飲品份量都幾多．加上我地唔太大食所以都要ｓｈａｒｅ～係個豬仔包最好吃．不過我覺得貴左ｄ．．．食３０元一個ｔｅａ　ｓｅｔ．只係茶餐廳喳ｗｏｗ３０元一個人其實食到ｌｕｎｃｈ　囉

原本想去標記食煲仔飯, 可惜有人食煙, 侍應又不理, 走為上著! 呢度既石頭飯最近磅....於是找它代替吧!韓式牛肉石頭窩飯, $48 連奶茶 (去年市道好...唔包飲品), 唔夠五分鐘就上桌, 果然係唔夠熱辣辣...扣了點分, 今次既奶茶就奶味多啲啲! 另叫了魚湯浸菜心及芥蘭, $18@, 分量夠, 菜腍, 飽足離開!

2008年12月14號 - 早上10點20分左右工展會之前我貪得意去左荃灣食早餐。 我開頭有概念去街市果邊食早餐。 但是不知在那裡。 最後見到合發翠華就入去試試la。 點知... 好多人呀。 要等位。 最後等左5分鐘左右就有位。 坐下來叫野食先。Um。 他們有早餐套餐。 我揀左火腿通 (我想轉工仔麵, 但是不可以。 算la) + 雙蛋&方包 + 奶茶 (HK$24,-)。 等左一陣個通粉來先。 覺得OK。 但是可以說無味的。 不是好突出。 又一陣之後個蛋&包來la。 Um。 方包&蛋都是OK。 但是個蛋好肥膩呀。 用左好多油煮。 不健康呀。 最後個奶茶來la (奇怪, 通常個奶茶來先)。 試試先。 夠濃。 味道好好。 好適合我。 個杯子都好靚呀。環境就OK。 都幾大。 但是因為多人。 所以覺得好逼。 價錢都覺得比較貴一點。 所以可能短期內都不會再來的。

(21/11/08)今日好想食炒飯,老公一諗就提議「翠華」。好食既茶餐廳,我怎會reject呢?點了咸魚雞粒炒飯、秘製豬軟骨鮮蝦菠菜餃米線餐。碗粉都好大碗吓。一睇已覺好好食,豬軟骨味道,如無辣味的五香肉丁,骨&肉也是腍腍的,很juicy,我地轉米粉好聰明,因為米粉”索”晒肉汁和湯味,而且驚喜佢既米粉仲係幼幼既添!仲有餃的菠菜餡又豐富,蝦爽爽!炒飯就較遜色,可以講係無咸魚味。如果對「炒飯」很有要求既話,我會覺飯腍腍,口感似食熕飯多過似食炒飯。當然啦,我對腍飯也無問題,而且味道對版,茶餐廳無「原諒」佢啦!餐熱奶茶,勁正!!滑滑之外,每飲一啖都覺得有茶味掛在口腔裡~~好滿足!

每星期必定有一次出去荃灣補習每次最傷腦筋的是選擇既就腳又不差的食店今次就到了這間合發翠華餐廳 (題外話:這間和旁邊的翠華餐廳分別在於?)到步後內裡已差不多水涉不通幸好只有一人不難等位點了咖哩牛筋腩飯$40不消十分鐘牛筋腩飯隨即送到飯和牛筋腩分開碟上牛筋腩中的牛筋是只有一小塊牛腩亦只有五塊左右第一口嘗牛腩時發覺咖哩的味道略甜有點兒變了甜咖哩似的但再多吃一段時間味道不再是甜味_隨即變為辣味但味道還算不錯儘管牛腩的「善變」

一家人去食飯，因老豆老媽子對食的要求都不是很高，去茶餐廳搞掂便可。合發翠華，以茶記來說收費是幾貴的，不過服務和衛生情況實是比一般茶記勝一籌的。一眼看到有文昌雞套餐，想也不用想，就來一客。套餐有雞、霸王花湯以及油飯，醬汁兩款，蔥油和文昌雞酸辣醬，還有三粒橘頭。無骨的文昌雞看似幾嫩滑，一吃落就發現原來錯晒。雞雖然是啖啖肉，不過好鬼"鞋"，雞皮也欠缺中間那層像啫喱狀的物質，幾失望的；油飯又不夠油香；湯?喝一口便可放下。至於醬油，蔥油相對比酸辣醬好，起碼香一點。反而橘頭幾爽口，亦不過酸，成了呢個套餐的主角。試了一件老媽子的魚腐，幾香果皮味，還好；又吃了老豆的咖喱豬扒，咖喱幾香，辣度都可以接受，豬扒份量多，亦挺淋身的，也合格。雖然我既文昌雞唔掂，但魚腐和咖喱都可以拉高一點分數。