合香園

營業中

休息中

沙爹牛肉麵 $35普普通通，正常發揮嘅沙爹牛麵。冇好濃郁嘅花生味🥜。凍奶茶 +$16茶同奶比例似１比１🥛☕️。甜度適中，中和到茶嘅苦澀味。咖央多士 $22有啲乏失望，以為會係馬拉式有舊油同咖央醬喺中間夾住☹️。但原來係牛油有簿簿一層，然後再加咖央醬喺面頭。係冇一舊原舊牛油可以食🧈。感覺比較raw，麵包都好似冇咩點烘過。

食物一半半，服務態度差到一個點，大人，小朋友都未食完，食左一半，職員（阿姐）就叫‘’快啲食，食完快啲執野走喇！小朋友唔好係到睇電話，食完唔好霸住張台。‘’ 明明無人等位，係咁催你走，天氣又熱，風扇又吹唔到，叫餐連食都無半個鐘，食到一半都想走，唔洗係咁催，畀錢買難受，唔會有下次。

諗住食下呢類茶記，冇試過真係唔使試，如果你對奶茶有要求的話。甘熱天，去熟食市場試下睇下會唔會少d 人， 還好冇過咗午餐時間，今日冇咩遊客，諗住冇甘多人等位，就去試下。下午茶時間，入面大部份都仲有位，行完一圈，比佢呢一間佢寫自己係瓦煲奶茶，就一試，其餘的都係粉面飯為主，下午茶都係食少少嘢，諗住簡單食個面同order 咗杯凍奶茶，一嚟見到杯奶茶，一睇個顏色唔係好吸引，跟住杯嘢的奶味太重。食完得3個字，伏，伏，伏

今日冇帶現金 坐低食嘢之前問咗侍應收唔收八達通 佢話唔收但收微信支付寶 咁我好放心坐低食 叫咗個沙嗲牛肉麵加杯茶走 一共49元 埋單嘅時候 拎個微信埋單 佢話冇香港微信 只可以大陸微信埋單 收費一比一 一間餐廳居然冇香港嘅自動支付只有大陸自動支付 無啦啦又畀多六蚊 食物普通 但應該冇下一次 六十幾蚊食過沙嗲牛麵加杯奶茶 我諗呢間餐廳都係做遊客生意為主 咁嘅價錢 質素普通 尖沙咀應該都仲有大把選擇 希望他早日整返個八達通或者微信香港支付😆

轉眼已經成為海防道臨時街市合香園的常客。阿姐見到我會笑問「今日想食乜」。通常都係輕食。不是蔥花咸牛肉蛋治多蔥烘底，就係生滾牛肉煎蛋米多蔥加奶茶。留意番牛肉係本地手切牛，奶茶係瓦煲煮的🤗 每次嚟都滿足地離開❤️🙌🏻 Hap Heung Garden at Haiphong Road Temporary Market is definitely my go-to for light lunches. My favourites are their beef and egg rice vermicelli, cornbeef and egg sandwich, and milk tea. Particularly notable their beef is locally sourced and milk tea made in clay pots, very homey and aromatic 🤗

在2024年第一日，好想支持本地大排檔。由於早一晚，睇番某電視台節目是推廣香港不同地區的大排檔，睇完之後便好想食！第一節便是推尖沙咀大排檔。當中「合香園」是其中一個推薦的中排檔，我自己從未食過。主持人推薦的是「沙嗲牛肉公仔麵」。而且會配「煎蛋」。睇到個賣相都好吸引（電視）。所以今日都好想試。由於我們坐的台是「牛丸台」，所以我要自行到合香園先付錢。我點了一配碗「沙嗲牛肉公仔麵🍜」，再點了一杯「熱檸樂煲薑」。因為呢日早上，我有輕微傷風🤧，不停流鼻水！所以試下問問有冇，職員話要$23。我話要啦！之後望到內部工作中的職員（不知是否老闆娘）。我問下可以多放少少薑嗎？因為我不太舒服，老闆娘二話不說就放多了薑和一片檸檬🍋給我。😊😊終於等到碗麵，第一口先食牛肉，講真，真的同出面茶餐廳的牛肉好不同。食得出是新鮮牛肉，有肉味，而不是一般茶餐廳食到有種「梳打味-或鬆肉粉味」。這裡的牛都算滑，入味，有口感，不錯👍🏻！至於個沙嗲醬，都充斥著滿滿的花生味道，很是濃郁，味道跟牛肉十分搭配。很好👌面，正常！湯頭我覺得有少少偏淡。但都是好味的！面內的煎蛋是半生熟的「荷包蛋」。煎得好好！ 因為外面好多一係太生。一係太熟，

合香園是一家知名的餐廳，提供多樣化的美食選擇。他們的沙嗲牛肉麵是一道非常受歡迎的菜品。這道麵條煮得剛剛好，有著彈牙的口感，搭配著濃郁的沙嗲湯頭，讓人回味無窮。牛肉片鮮嫩多汁，入口即化，配料豐富，例如青菜、豆芽和蔥花，增添了口感的層次感。整體而言，這碗沙嗲牛肉麵絕對是一個令人滿意的選擇。此外，咖吔西多士也是合香園的招牌菜之一。這款西多士以其獨特的口味而聞名，酥脆的外層包裹著軟綿的內餡，每一口都充滿了濃郁的奶香味道。無論是作為早餐還是下午茶的點心，咖吔西多士都能帶給您美味的享受。最後，合香園的瓦煲奶茶也是一個不容忽視的亮點。這杯奶茶口感濃郁，香氣撲鼻，經典的瓦煲裝飾更增添了它的特色。不論是冷飲還是熱飲，這款奶茶都能讓您在享受的同時感受到濃濃的茶香和奶香。總的來說，合香園以其豐富多樣的美食選擇和獨特的口味吸引了眾多食客。無論是沙嗲牛肉麵、咖吔西多士還是瓦煲奶茶，都能讓您在舌尖上品味到美味和滿足。如果您對亞洲美食感興趣，合香園絕對是一個值得一試的地方。

話說之前去過德發食牛丸覺得不錯。。。又咁啱見到合香園有瓦煲奶茶。。。又有 d 想試下，可惜上次去呢個熟食中心時合香園又無開。。。所以今次特地再去。。。試試合香園嘅瓦煲奶茶。。。今次我就喺合香園叫了杯熱嘅瓦煲奶茶和鮮油奶多。。。牛丸河當然是德發檔口 ga 啦！🤣🤣🤣鮮油奶多就真係無乜特別。。。而且多士又不夠厚。。。最重要是不夠熱。。。沒有麵包熱。。。牛油凍的一冷一熱感覺。。。本人就真覺得非常一般。。。杯瓦煲奶茶。。。我都覺得不是想像中的好。。。杯瓦煲奶茶味道偏淡。。。而且對本人來說這杯奶茶的茶味不足。。。又不夠香滑。。。總括來說。。。應該不會有下次。。。😑😑😑

行開尖沙咀想食個下午茶，揀左位於海防道熟食中心既合香園。星期六嚟都唔洗排隊，而且環境唔會好熱，炎炎夏日都坐得都幾舒適👍🏻✦ 咖吔多士 $20今次就係衝着佢地既咖吔多士嚟！厚多士烘得啱啱好，上面搽滿咖吔醬，椰香味甜，會想再encore😋✦ 凍奶茶 $18合香園最出名就係佢地既瓦煲奶茶，可惜沖得有啲淡同稀，茶味都唔夠濃😖

海防道熟食檔一直想試吓，平日午飯時間，熟食檔好多人，大家都無恐天氣炎熱，仍然去支持港式大排檔，地方環境比想像中乾浄，今次試吓合香園沙嗲牛肉麵同埋咖吔多士，沙嗲牛肉麵的湯底做得幾好，濃郁花生味，不過牛肉比較韌，唔夠淋身，麵質感軟硬適中，咖吔多士味道ok，唔會過甜，服務方面正常，整體來講ok.#街市#熟食檔#多士#沙嗲牛肉麵#tst#尖沙咀#午餐#lunch#咖吔#風味#特色#海防道#牛肉#kaya#湯麵

☀️朝早10點幾係尖沙咀想搵個茶記但又唔想去連鎖，特然諗起河防道熟食中心，咁不如趁夏天熱辣辣前去嘆個馳名沙嗲牛麵🌶🐮🍜🍄早餐A餸同B餸雙併任揀。仲可以加錢要多個餸，包野飲40蚊，可算是好抵🐮沙嗲牛肉好新鮮，唔會嗱到肉質散晒，沙嗲醬加左花生味聞落香食落亦剛剛好。🐷午餐肉一大塊好厚好厚！唯一可惜係店家會將全部餸放晒係個都度，蛋同午餐肉會無左個煎香味🧋奶茶略稀，表現低於市大市✨✨✨✨✨✨✨

再到海防道熟食中心內的合香園, 今次終於試到佢個菜脯葱花炒蛋飯喇🥰佢嘅炒蛋唔係兜亂, 有少少似奄列咁, 裏面係軟身半熟的, 菜脯又甜又脆, 葱花其實都仲可以接受,不過唔知係咪炒嗰時有落定隻鑊有蒜味, 下次要問清楚先, 加埋紅豆奶茶, 非常滿足的lunch☺️☺️佢哋仲有無紅豆嘅瓦煲奶茶, 西多士同咖央西多都非常多人食, 記得試一試!!

來到尖沙咀，梗係要試吓海防道熟食市場的特色小店。可能時間較晚，所以上班族已經不多。又想食咖央多士，又想食沙嗲牛肉麵，但太多食唔落。最後還是選了沙嗲牛肉麵，沙嗲牛肉入味，有花生粒。可惜的是，我食完才知可以任加蔥粒，剛巧我張枱冇蔥粒碗，如果加埋蔥粒喺上面，我相信更加美味。瓦煲奶茶茶味同其他奶茶不同，味道茶葉濃。唔知係咪因為瓦煲關係，所以沖出嚟嘅茶味道有些特別。下次有機會再來試咖央多士。

又上演一場尋找沙嗲牛肉麵的故事，假日約了友人去海防道臨時街市到搵食，今次主要為合香園食沙嗲牛同瓦煲奶茶而來。記得係N年前(真係好N)入過去個街市未搵到間店已經調頭走(因實在太陰森..)，翻新後光猛同顯眼左好多，加上懷舊港式裝潢，幾有特色。餐牌，有好多選擇。熱奶茶，跟餐+$13，出名瓦煲奶茶，但就唔知係味堅用瓦煲，茶味比較淡。沙嗲牛肉麵，$32。沙嗲湯底味道濃郁香花生味，據聞係用新鮮牛肉，牛肉份量尚算多，口感鮮嫩帶嚼勁，麵就普通。咖吔多士，$20，多士厚身，咖吔椰香味甜。沙嗲牛肉麵幾好，其他正常水準，以個區來計真係幾抵食，下次有機再戰。

星期六下午茶時間專程去幫襯、平時都撞啱休息先黎今次終於飲到杯奶茶。簡單食碗沙爹牛肉麵配杯凍奶茶。三十幾一碗麵中規中矩。牛肉都有十片八片😆！杯奶茶淡口、媒體宣傳有啲跨張🥲就一杯普通奶茶🥲🥲🥲但多左瓦煲就貴左好多埋單就$47整體招呼都係咁無太大期望⋯⋯隔離鋪仲可能抵食啲要飽肚就無謂去、過口癮可以支持😆講到尾都係香港小店、幫襯邊間都好過幫襯大財團不過、睇佢餐牌飲品加十幾蚊好難說過自己果關百貨應百客