吉利日本美食 (已結業)

已經聽過吉利呢家日本餐廳好多次，但就一直都冇食過，今次趁佢就快結業就來試一次。星期六晚來到，唔算人多，可能因為比較早，六點幾就來到。本身book左七點鐘，都可以一入到去就有位了。第一次去到，有位非常有禮貌既姐姐serve我，坐底之後就好快開始介紹今日既餐牌。姐姐可以完全唔睇貓紙，非常流暢地背左當日餐牌上既所有菜式俾我聽，仲要講得出邊啲海鮮係來自咩產地、口感、味道係如何，真係好專業。之後就點菜，點左海膽軍艦、魚子軍艦、蟹膏軍艦、豆腐軍艦、溫泉蛋軍艦、鮑魚、蠔、鰻魚、半隻凍蟹，最尾佢仲送左個魚湯(食蟹之前飲)同埋最後食既甜品，紫薯雪糕。點完菜後，師傅就會即刻開始做。等既時間唔算耐，大概十五分鐘就開始有軍艦食了。係等既其間叫多左兩杯梅酒，梅酒被溶化左既冰稀釋左之後更好飲。之後每道菜都係逐一上的。可以慢慢食、品嚐清楚食物既味道。海膽軍艦: 非常鮮甜香口。我本身唔多食生野都非常容易入口。魚籽軍艦: 魚籽係經師傅用醬油餣製過的，係出面一般一定唔會食到呢個味道，值得一試。蟹膏軍艦: 蟹膏味道非常濃郁。簡直好似係食緊鵝肝醬既感覺，不過係非常鮮甜既蟹膏味。豆腐軍艦: 豆腐係師傅用黃豆自己磨，自己做既豆腐

響香港食過好多日本料理，大都冇嚟文味，所以以前返屋企日日都行過吉利，見只是小店一間，完全冇意欲要去一嚐。直至幾年前，居然幾次見到一些重量級的名人（真係一線名人）從店內行出嚟，就諗，這間店都幾堅，於是單人匹馬去試菜。過到我第一關先再同鄉親父老嚟過。結果係唔止合格，而且超出我想像。今晚，阿媽生日，真係不敢怠慢，所以一早在吉利訂好位，希望一家人開開心心食一餐生日飯，最後當然冇令大家失望！阿媽食嘢好挑剔，可能佢小時候住在海邊，佢話以前啲鄰居一早就划小艇出海打魚，清晨還在睡夢中，就聽到從海中傳來「叮叮叮」漁民敲船趕魚的聲音，打上嚟嘅魚冇腥味，佢形容係「一陣陣海水嘅香味」，可能她走過食到真味嘅歲月，所以佢唔多喜歡出街食飯。佢話而家出街食飯要講平衡，唔一定要樣樣係絶味，因為已經唔係佢以前個年代。現今食到新鮮，口感舒服，味道不落俗套（這個最難做到），腸胃有好反應的就係好餐廳，而吉利就係一間這樣的餐廳。註：1.吉利的餐具同食物一樣講究，手工十 分精緻。2.他們的營業日也非常有個性，每年都會有幾次不定時放大假，據說係店主去咗日本充電，同搵新食材。唔想撲空，去之前最好打個電話睇下有冇放假先。

記得第一次嚟呢間鋪頭係20年前嘅事。以前我就覺得個蟹膏壽司冇得頂！今次朋友又想試吓，咁就一於再嚟回味一番！估唔到今時今日嘅吉利除咗蟹膏壽司能夠保持水準之外，其他食物係感覺到有心思又有創意。今次食完簡直感覺回味無窮啊⋯⋯首先店員推介喜知次，本身呢種魚係出邊食都比較貴。師傅能夠將魚有技術香煎左表面，之後點一啲海鹽食，新鮮嘅程度簡直冇得頂。加上用咗金箔裝飾，成件事簡直係令食慾嘅感覺昇華！剩下嘅魚肉用嚟煮清湯，鮮甜得不得了。跟住就叫咗三款壽司，包括海膽壽司，豆腐壽司，蛋壽司！全部材料係北海道直送，用齒頰留香來形容絕對唔過態。壽司我哋仲再食多一轉呢。其次就試吓一個蟹肉湯麵，都非常鮮甜。順帶一提，條魚嘅其他部份包括魚肝亦都將佢燒成佐酒小食，食好嘢當然要叫翻個石榴酒飲下啦，果然感覺清新！成件事簡直加晒分啦。最後梗係要食返個甜品，畫返個完美嘅句號啦。甜品味道OK，相對主菜就當然唔係咁特別啦！

我生日一定去吉利！天然虎河豚料理- 虎河豚是河豚中頂級，魚經過熟成處理，香味四溢，口感豐富，半滴淡醬油，肉味全引出了！ 魚骨熟食鮮甜。廚師把烤過的魚鰭放在清酒給我們品嚐，配蒸熟的虎河豚皮，我以為食緊花膠！！ 再加上岩鹽燒虎河豚白子，入口溶化，感覺好像在食香濃的忌廉一樣！整套料理和我在「下関高級河豚料理店」是一樣的。順帶一提，天然和養殖的味道的確是十萬級分別！！當然還要師父經驗的處理。漁師煮鮑魚-大大話話在吉利食了八年，每次食這鮑魚，真是幸福滿瀉！丹波豆腐壽司- 自家製，豆濃味美，服務員再三提醒勿點醬油。香燒藍鰭吞拿魚肝卷-我的至愛！超級正！京都白醬油煮松阪豚手-我連汁也喝清，一分錢 的確一分貨，用心之作！九十九島蠔-本人一直不太喜歡日本蠔，但每次來吉利，不知不覺一定點的，那自家製的梅汁，真的和蠔味恰到好處。燒山口縣黑栢雞-皮脆肉嫩，燒熟的程度無話可，低調而特顯了那份心機。根室本鱈場蟹- 太多食評讚美，我也不多説，必食！🔷🔷P.S.用餐當日滿座，相信要欣賞吉利這師父的心機真的要耐心等候，不過我可以告訴你，我也試過平日不是滿座的時候來，等候時間也不會特別縮短，因為吉利這個師父只會慢慢用心做

人類最脆弱的部分只有通過最原始的方式才能滿足這就是食物的力量！ 夜光貝刺身：極有嚼勁的螺肉搭配起日本伊豆海鹽的純麻油這種味道真不可思議，讓人不禁想一口接一囗。原來雌性螺肉才是這種口感，系日本都食不到這個味道，這里的廚師處理的很好！ 鹿兒島琵琶蝦刺身：咁樣生食龍蝦真的很豪邁呀，D肉卷得好靚，好似朵花咁，食落爽得來又清甜，非常新鮮！ 豆腐壽司：廚師用日本國產豆同鹽𠧧自家製的，這可以話是我第一次食豆腐食到它自然樸實的味道，它不是你平時食開豆腐的感覺，很有趣值得嘗試！ 季節性燒香魚：原子筆咁大條啫，天然魚就是不一樣，燒到連魚的內臟都可以食埋，甘香的，我知道如果養殖的就好大陣泥味！ 燒鱧魚：淡淡金黃色若隱若現令人一看就有食欲，這必定要很有心機才能處理到外脆內松軟，果然是名師出名物！ 白醬油煮豚手：原來是來自京都的白色醬油加上松阪產的黑毛豬手，熱騰騰上枱，好滑好粘口，再吮埋D骨，好回味。最后碗里的汁凍咗凝固了，侍應提醒一定要食，這更是別有一番滋味，可想而知這是有多麼豐富的膠質！山囗縣黑柏雞：燒得恰到好處，走地雞的味道始終是不一樣的。皮脆肉嫩多汁！焼虎河豚白子：和忌廉一樣的香濃嫩滑！鱈場蟹：半只，2

今天中山太热了，中午开始和李总出发到香港吃日本料理。六点半到达了西环「吉利日本美食」，香港的朋友也坐在等我们了。歺厅有限制一枱最多六位，我们就六个人，刚刚好。李总是识途老马，当然由他点菜。鹿儿岛产夜光贝螺，螺肉丰腴，生切成厚片，配料是附有海盐的纯麻油，蘸而食之，柔软但又充满咬劲，鲜味就从油香盐咸中渗出来。再来的北海道利尻紫海胆，鲜甜无比。知床喜知次鱼刺身，配上岩盐，油香四溢，余下的骨和鱼头烧到恰到好处，香脆无比，鱼肝鱼胃香烧佐酒，人生一乐事。北海道本鳕场蟹，活到生煮，鲜甜美味多汁！刀工一流，配合在日本订造的尖长筷子，食之不厌。服务生有礼，每道菜一一告知产地，如何蘸配料，连盐的出处也有交代。这间歺厅不是很大，但气氛很好，墙壁上挂满蟹壳和食客的照片，音乐是动听的西乐⋯⋯卖的都是上等的酒菜，日本酒「十四代」也有很多选择，海产全由日本产地直送，怀石料理的陈设，法国菜的服務！不计酒水，人均人民币$1400（已加一服务费）， 物超所值。值得向你推薦啊！夜光貝，鮮甜

適逢本小姐11月同媽咪同月生日，我地一家三口希望食好D，就決定去吉利食好西。本來滿心期待，但最後有點失望而回。首先，食物質量當然無話可說，因為真係全部由日本直送，連wasabi都係日本山葵師傅研磨出黎。不過真係因為得一個師傅，每道菜之間要等差不多半個鐘或以上，就算侍應一早已經溫提過需要點耐性，但講真，都唔係咁耐吧？8點9坐落，差不多一個鐘頭之後先有個前菜（毛豆）食下，係咪適合退休人士多d呢哈哈？我自問真係未試過等一粒鐘仲未有一樣野到肚。貴為日本四大名魚之一的喜知次魚，需要落深海捕捉，珍貴稀有程度令佢被稱作「日本的紅寶石」。果然肉質鮮甜有彈性，好好既體驗啊！九十九島蠔，清淡，不過不失。呢個真心麻麻，成600蚊食咁細隻雞，仲要無風沙雞咁嫩口。不推薦。好膠不好吃。總括而言，我不會希望再來，呢個價錢可以喺其他日本餐廳食得唔錯，起碼最基本唔需要等寂寞到夜深。建議吉利真係請多個人，如果唔係幾有心機，食物幾有質素都被大打折扣。

今日是我的大日子，30歲了，踏入人生另一個階段！姐妹情深，一致決定去我們最愛的吉利。點菜由店員介紹後，由我決定鹿兒島夜光貝這道菜是我必食的！當然不會少得根室馬糞海膽，就一板上啦！今日推介的三重縣琵琶蝦我們要了一客做刺身，香燒吞拿魚魚肝卷一齊食，三重縣A5頂級松板牛刺身，丹波豆腐壽司，四万十川燒香魚，當然絕不能少得勁甜的大油蚧！我們去吉利的原因很簡單，就是食師傅個心意！值回票價！明天努力，展開人生新一頁

工作天加上下雨天，並沒有影響我的熱情和期待。這間細小的日本餐廳，主打是北海道蟹和全日本直送海鮮，聽完侍應介紹當日食物後又望住牆上掛滿蟹蓋同客人食蟹的相片，就決定今日一於來試下蟹啦。我哋又叫咗喜知次魚2食，根室馬糞海膽手卷，吞拿魚肝卷...其實真係樣樣都好吸引！這時候店員提醒我哋，兩位啲食物都足夠啦。也好，吃住先！我們一邊飲住茶一邊等待食物的到來⋯⋯ ◦ 喜知次魚是日本高級的魚，這是一本釣的魚...魚皮造了皮霜降跟肉刺身一起食，囗感一流，望住碟刺身加上師父的刀工和擺設就知道條魚有多肥美！贊！另外魚的其他位置會鹽燒，店員話會後D先出。 海膽手卷，一咬下去滿口都是海膽，食出了海膽本身的味道，雖然好精小但囗感卻好滿足，師父這個卷法在日本高級餐廳常見的，是方便客人放入口中！贊贊！ ◦ 跟住食蟹啦，不得不贊，師父把整隻蟹切開，蟹腳一分為二，配好日本手套同食蟹專用筷子，由蟹腳開始食起，哇！出奇地鮮甜！好鮮甜！蟹肉好飽滿，未試過真不知道，原來蟹是熟的凍食最好食！（講緊係活蟹每天從北海道空運到港，每只蟹都經過師父挑選！） ◦ 本人覺得，就算去日本食過 蟹道樂、蟹本家、一隻蟹幾種食法呀都係不及這𥚃好食，好

我是一個超級喜歡食蟹的蟹痴，朋友的極力推薦，來到吉利。一行四人進入餐廳，我二話不說就點了一隻蟹，聽服務員介紹還有很多時令季節食物，但今天我只想食蟹！這是北海道的大油蟹，拍照後，馬上放入口中，嘩！嘩！嘩！這是我所食的蟹品種之中，最好食的！廚師煮到恰到好處，完全完美地保留蟹的原汁原味，肉質豐滿，非常非常之新鮮，而且鮮甜無比！正如服務員說，只要我們放在口裏就立刻感受到有多甜有多新鮮呢！我已經計劃了帶爸爸媽媽來。餐廳氣氛很好，服務員細心有禮。經詢問後知道坐我旁邊的另一枱正在食的叫夜光貝，非常吸引！等我吉利

好朋友生日，決定去吉利慶祝。由大學的年代，每逢慶祝，第一時間便會想到這裏。七點半來到餐廳，等待店員介紹食物後，心中已經確認了今天食什麼。馬糞海膽，是不能錯過的食物！濃郁鮮甜配合有明海產的紫菜實在是天作之合！蟹是我每次來這裏必食的食物，今天來的是北海道大油蟹，我當然不會錯過，上枱之後，當然是要拍照啦！師傅的刀工是完美的，整條肉棒放在口中，完完全全被那海水和鮮甜的味道征服了！白醬油煮松板產豚手，這是一道熱食，第一次食白醬油，感覺很清新，豚手煮得恰到好處，骨膠原完完全全在口中，十分之美味！服務很細心，但完全沒有被監視的感覺，這是我食高級餐廳的第一個要求。食物出品精美用心，所用的餐具明顯是經過悉心安排和挑選，單單看碗碟，也令人心曠神怡。

兩星期前預約好和爸媽來吉利。坐低後女服務員便遞上熱茶及非常有禮貌及介紹當日時令食物，介紹時非常專業，令我地聽到後樣樣都想食，於是我地便決定試下她D推介，當落單時，店員中途已提醒食物已經夠用，非常細心。冲繩夜光貝，有口感，一開始都擔心爸爸牙力唔好食唔到，店員介紹這螺肉是雌性絕對不會硬，配合日本純胡麻油海鹽口感非常特別，爸爸讚不絕口。漁師煮黑鮑魚，食完之後，鮑魚的香味久久在口中不散，這是師傅慢煮3個星期完成的，鮑魚味道極之濃厚。馬糞海膽👍🏻👍🏻👍🏻👍🏻，甜到不能說話了。主角大油蟹出場了，大大啖蟹肉十分十分十分新鮮十分十分濃甜！這是每天從北海道飛機活到，師父即煮製凍的，食時有啖啖海水咸鮮味，加上配合專用吃蚧的竹筷子同日本手套令我地非常容易進食而且好滿足。這店雖小而且坐滿了客人，但是服務非常好，上每一道菜都清楚介紹，不時更換熱茶，非常貼心，我們離開了回頭時店員仲企系門口揮手，令我地非常感動。好感恩今晚系吉利吃這餐飯，師父的心意，完完全全從每一度菜感受得到。這是一間用心經營的餐廳，非常值得一試再試

為慶祝外母生日及外父父親節，諗住食日本野，所以訂咗四位喺吉利，聽聞食材新鮮。因為訂咗枱，一入去就有位，但聞到好魚腥味，跟著店員拿一塊手寫嘅餐牌介紹當天最新鮮食材，不斷游說我地今日父親節，叫半隻蟹食，好抵，＄16xx，嘩，好貴，我地梗係無叫啦。跟住我地自己望吓餐牌睇吓食乜，一件刺身或壽司＄70一件起步，仲要六件起跳，叫咗四件鰻魚壽司，兩件玉子壽司，兩件魚子壽司，一串唔記得邊到黎嘅豚肉串燒，＄78串，叫咗2串，雞軟骨＄38串，叫咗2串，半個汁煮魚頭，唔知乜乜煮蠔，龍蝦頭湯飯。鰻魚壽司：平平無奇玉子壽司：尚可魚子壽司：正常豚肉串燒：淡到爆，無黎味道雞軟骨：淡味汁煮魚頭：咸，鞋肉煮蠔：鮮甜龍蝦頭湯飯：好難唔好味登登登凳，埋單誠惠＄1400。根本無食過野，之後走咗再去第二度食過。總結：實在太貴，唔係唔捨得花錢食，但絕對唔係水魚任你劏，咁嘅價錢，我飛去日本食都得！

海胆手卷可能是我这辈子吃过最小的手卷小菜真的好小…每天空开店前到餐厅？ 请问路上是要三天吗？价格…这个质量… 这个环境… 你是在开玩笑吗？完全没吃饱 出门到附近买一组寿司。不会再光顾

雖然係日本直送食材，但都咁貴嘛，不顧一切咁食就夠買一張機票去轉東京啦，仲新鮮啦 ... 十舊都唔夠既鯛魚刺身$698，兩件蟹膏壽司又百幾蚊，最過份係松板豬手，$288得兩片太卷咁既size既豬手，幾好食都係假，都係果句，日本食都無咁貴 ... 原本仲sell我地喜之次兩食，成千六蚊 ... 隔兩台食緊半隻蟹，又係$698 ... 海膽一板又成千幾蚊 ... 果日店員話有另一台客，要我地8點交台，一坐低佢又唔得閒理我，等左10分鐘先理我地，我叫左部分野食，店員又話：你係叫就叫埋，因為你8點要交台 ... 好啦，拿拿聲又叫埋 ... 跟住等左差不多半個鐘先有得食，食到7:40我都知要走架啦。諗住食完未埋單，點知店員已遞上單 ... 其實唔駛咁催我嘛，應承得你就會俾番張台你啦