吉嘢食

營業中

休息中

阿姐態度已經勁差，碗仔翅加少少醋都寸我話我要加醋，試問仲點幫襯。其實而家啲食店係咪一定要差態度對人，買個碗仔翅買到一肚氣，我當然有寸返佢問佢係咪加少少醋都唔得，佢最後仲講粗口鬧我。

第一次幫襯呢間野！個個樣都黑口黑面，由其係冬菇頭個女人，只係叫一樣野，錢又收左，企等左半個鐘都未到我，我問佢幾時到我，佢話你有冇拎飛，呢度叫左野要拎飛，我話錢你又識收，飛你就冇比我！跟住佢話呢度叫野食係要自己劃，跟住有啲公仔佬黎買外賣，佢即刻點哂頭幫人寫！擺到明欺善怕惡！睇到呢間食評既惡人，麻煩你哋去體驗一下，教導一下咩叫服務態度

買兩份燒賣話要豉油同辣油，結果個呀嬸竟然用一支膠匙羹撈了兩下魚蛋汁，已經覺得要食膠。個汁仲要係麻辣。諗住再買多一份，問清楚有冇正常辣油，但個呀嬸態度差到爆，好似我係嚟乞食的一樣。🙄🙄🙄

平時做完運動經過，都會忍唔住望吓有咩食，最重要係佢好勁孜然味道，食得最多係佢嘅韭菜同埋牛肉，佢即刻燒真係好好味，配埋大雞髀真係一流，一到夜晚就好多人圍住，大家都等緊食。

作為街坊間唔中都會去幫襯下，有時諗唔到食咩去買$20魚蛋同碗仔翅都幾好。近段時間有位年約5,60歲黑髮冬菇頭阿嬸啲態度真係好惡劣，可能每次我去都係買嗰少少嘢佢唔多稀罕次次都冇好面色俾我睇。自問每次都有唔該前唔該後，我都清楚明白小店都唔可以太要求佢地有幾好服務態度。一次兩次三次都反我白眼我都算，直到琴晚21:20左右我又諗住去買$20魚蛋，當時都多客大概四五台左右。我排隊等右手邊嗰客點左嘢食先，因為佢前過我我企左手邊。黑髮冬菇頭阿嬸收完佢錢之後就完全唔理我，開始包其他客既嘢我都唔緊要反正等開。然後叫號叫到我後面位男士，當時我都下意識讓開俾佢上前。結果黑髮冬菇頭阿嬸直接大聲叫我：阿姨你借過啦。我當下真係百思不得其解，我先30歲人俾個阿嬸叫我阿姨，仲要勁大聲勁冇禮貌。我完全唔知我邊度得罪佢？就算近我屋企，啲魚蛋好食我都真係說服唔到我自己去買黎受氣。真係好過份好過份。

作為街坊得閒總會去幫襯買下嘢食，唔知係唔係因為我大多數都係買$20魚蛋所以黑髮冬菇頭阿嬸長期都冇好面色俾我睇。但衰在呢間係陳皮魚蛋我又鐘意，所以佢每次俾面色我睇我都安慰自己小食舖係咁㗎啦想要求啲咩好態度。直到今日我真係忍無可忍，夜晚大概21:20左右我都知當時多客所以我企去右手邊等佢叫我俾錢。然後佢收完我左手邊個客錢之後就唔理我包嘢俾其他客，都唔緊要。跟住佢叫號，排我後面既男人上前黎攞我下意識都讓一讓，冬菇頭阿嬸突然大聲對住我講：阿姨你借借啦。我心諗WT*？我先三十歲人俾個年約五六十既阿嬸叫我阿姨？姐你話如果係個二十歲左右既咁叫我我都算啦。個樣好似我殺左你全家咁而家咩事啊？真係再好食既陳皮魚蛋我都唔會再幫襯。真係火都黎，我每次買嘢都唔該前唔該後，有病就去睇啦。

📍吉嘢食 (荃灣)荃灣大窩口德士古道35-43號德泰大厦地下G1&G2號舖經過好香，又見幾多人等呢間串燒、加上個肚又有小小餓😂就買左d黎試下….幾多人食叫左韮菜、茄子、雞翼、雞粒串、翠肉瓜、韮菜豬紅豬紅同雞翼尖🤤⋯⋯不過等左好耐先燒好，食落都係熱辣辣🙆🏻‍♀️，個人覺得茄子韮菜好食，都算入味….不過雞翼尖就覺麻麻地…呢間款式都好多，除左上面個d串燒，仲有酸辣米綠同碗仔翅等等，下次再試埋其他🤩

吉嘢食～呢間好多人幫襯嘅串燒，一試果然係有料到！！燒金菇肥牛卷-好食！燒翠肉瓜-正常嘢，好難唔好食😆鹽燒大雞髀-燒得幾好，但原來要成隻咬…鹽燒雞全翼-都係燒得幾靚！燒美國牛舌-好食！燒手打墨魚丸-好食！蜜糖黑椒司華力腸-好大碌👀好食！豬頸肉炒麵-呢個出乎意料地好好食😋陳皮魚蛋-要辣的，惹味👍🏼魚肉燒賣-係我鍾意個隻味道👍🏼👍🏼食物全部都幾好！不過就要預返等嘅時間啦！始終即叫即燒，要有啲耐性🙂

平時放工經過，行過就會見到佢啲滷水雞髀放晒出嚟，忍唔住要嗌返一隻。佢嘅燒賣都好好食，應該就係金龍燒賣。佢嘅串燒都好香，韭菜豬紅都好好食。攞野食嘅速度都好快，等咗一陣就攞得。店員嘅態度都唔錯。總括嚟講嚟緊係間唔錯嘅小食店。

有時好夜返屋企，呢個位係必經之路，行過一定會聞到佢好香嘅子孜粉串燒味道，去到夜晚經常有一大班人圍住喺出面，等佢哋嘅串燒，我最鍾意食佢哋嘅燒韭菜、雞肉、同埋大雞髀。

收工見肚餓經過呢間小食店，見到都唔少人幫襯諗住試吓，買宵夜食啦⋯⋯填好表格之後乖乖地排隊等店員收單，點知4、5個店員都好似睇我唔到咁，都明白多人買嘢，但等左至少15分鐘都無人理，中途仲要見到啲店員係咁收其他插隊人士嘅單明明已經企係佢哋面前都可以唔理人，真係好過份！！！！令我覺得完全係唔想做我生意咁，愈等愈火滾，最後決定唔食！！！返屋企掃興而歸！唔會再考慮係呢間店買嘢食，今次真係嬲到飽晒，嘢都唔洗食

▷泰式無骨海南雞飯 $𝟥𝟩.𝟧(𝖿𝗈𝗈𝖽𝗉𝖺𝗇𝖽𝖺 𝗉𝗋𝗈外賣自取)◁⁡其實👧🏻對海南雞飯嘅要求一啲都唔高～首先飯底一定要油飯/黃薑飯(白飯就真係行埋一邊啦😤)～雞肉要嫩滑～味道唔好有雞嘅腥味～最重要要提供醬汁～👧🏻每次食雞都要點濃黑醬油～甜甜地好開胃😋呢個外賣𝖢𝖯價好高～𝟣𝟢𝟢分滿分👧🏻都比到𝟪0分😍如果雞皮再薄啲就加多𝟧分比佢啦！⁡𖤘吉嘢食 (荃灣)❥荃灣大窩口德士古道𝟥𝟧-𝟦𝟥號德泰大厦地下𝖦𝟣&𝖦𝟤號舖

如果你甘岩經過，又或者夜麻麻口淡淡想食地道香港嘢….不防試下啲間「吉嘢食」咖喱魚蛋 - 淡淡咖啡味嘅魚旦大細適中而且有咬口碗仔翅 - 一打開碗蓋碗仔翅嘅味已經飛哂出黎，香氣十足….碗仔翅羹煮得岩岩好，唔會杰撻撻….再加少少醋，令成碗 碗仔翅口感提升