吉田舍料理

營業中

休息中

推介指數 Recommendation Level : 🔥🔥🔥這間日式居酒屋，裝修好有日式的情懷，提供多款不同的串燒、刺身壽司、日式烏冬，以及可以佐酒的小食。大部分食物都具有質素，是一間令人驚喜的小店。This Japanese izakaya features decor that captures the essence of Japanese ambiance, offering a variety of skewers, sashimi, sushi, udon, and small dishes to complement your drinks. Most of the food is of high quality, making this a delightful little establishment.牛肉湯烏冬 ($130) Soup Udon with Beef 牛肉烏冬的賣相雖然未有太大驚喜，但是有別於一般的烏冬，牛肉生熟程度住得恰到好處，入口非常嫩滑，與烏冬非常匹配，而且湯亦非常具有鮮味，但又不會太咸While the presentation of the

在2024年10月17日，我的生日那天，我選擇在這間備受推崇的日本餐廳慶祝，這無疑是一次極為難忘且美好的用餐體驗。餐廳的每一道料理都充分展現了日本料理的精髓，無論是食材的選擇還是烹飪的手法，都能感受到大廚對細節的用心。每道菜餚不僅擁有鮮明的風味，並且色香味俱全，讓人每一口都回味無窮。無論是刺身的鮮嫩，還是天婦羅的酥脆，每一份料理都堪稱美食藝術的典範，讓人食指大動，完全享受這樣的饗宴。然而，除了美食，令我印象更為深刻的是餐廳的服務品質。工作人員不僅僅是專業，更表現出無微不至的關懷。他們的親切和細心讓我在生日這個特別的日子感到格外溫暖。他們對每個細節的關注，包括不斷詢問我們的需求和提供個性化的建議，讓我和我的朋友們都感到備受重視。這種人性化的服務提升了整個用餐的愉悅感受，使這次生日慶祝成為一個充滿喜悅和溫馨的回憶。總的來說，這是一個完美的生日晚餐，無論是食物還是服務，都超出了我的預期。我迫不及待地想再次光臨，品嚐更多美味的料理，並享受這裡獨特的待客之道。

一間有好多日本人去嘅日式餐廳，而且店員都能夠講流利嘅日本語，餐廳嘅環境非常之乾淨衛生，而且簡潔，仲充滿咗日本嘅裝修色彩，服務方面，非常之有禮貌，仲好貼心。食物多元化，而且仲好多選擇，有刺身，串燒，壽司，炸物等等嘅選擇，刺身都非常之新鮮，今日食咗個秋刀魚，我覺得都非常之新鮮美味，而且仲冇腥味添，仲有其他嘅炸物，都做得出色，估唔到薯仔牛肉，佢嘅薯仔牛肉汁係好好味。交通非常之方便，旁邊就有個地鐵站，而且附近都有的士同私家車上落客位。

近排我很多朋友也是北上消費食飯玩樂，難得朋友約聚舊在港消費於是訂了枱在此食晚飯飲兩杯，一於奉陪！終於可試一試間嘢得唔得！服務方面侍應經常過來收碟，添茶，問食物啱唔啱食，有招乎！餐牌上中日文對照，侍應說都會多日本人去食飯，今晚我眼見港人日本人也有，朋友點了支清酒及生啤，食的有金目鯛炙，池魚，三文魚剌身，新鮮味道好！之後再叫了炸山竽囗感特別，燒牛舌，燒雞髀，鐵板牛肉有水準，鹽燒鰻魚冇鰻魚汁都好食，明太子玉子送酒吹水慢慢飲，感覺好似未飽，最後再食埋芫荽沙律，朋友太喜歡芫荽未試過咁食法，再食多個凍番茄飽曬，今晚整體都滿足，出尖沙咀又多了個選擇食飯！

一個字，伏。 大家可免則免，除非你希望快食，對食物品質/價錢/服務質素無任何追求。 去呢間居酒料理同朋友兩個食完嘢傾傾吓偈就快飲完一杯啤酒， 一個執枱職員走過來問：職員問：你哋做緊咩？我同朋友： @@？？ 飲緊嘢？ chill 下？職員： chill？？ 吓…….我地：？ 咁埋單。今餐食咗兩個人 淨係小食加飲嘢 $700，坐咗一個鐘都冇。 第一次俾人用咁嘅方式趕走😂重點係間餐廳唔滿？10萬個問號…食物一般，態度極差，大伏。 skip😑

朋友在附近上班，日本同事喜歡聚腳的地方，午市套餐比較實惠，晚餐有啲貴，不過幾好食。由日本人用廣東話落單，有點兒驚喜。我哋叫咗蓮藕餅，雞肉燴麵，牛舌炒雜菜，日式關東煮, 吉列咖喱豬扒飯。牛舌非常入味，有啲鹹，不過跟飯吃便非常惹味。日式關東煮味道剛剛好，不過用了一般。吉列豬扒與咖喱的混合非常配搭，豬扒外脆內軟。煨麵以為冇乜味，點知單獨食都好好味。最後的蓮藕餅有驚喜，蓮藕中間夾着肉，加外面炸起來，感覺非常新鮮入味。店舖裝修非常地道的日本居酒屋，枱與枱之間闊落，感覺猶如置身日本，沒有限定聚餐時間，可以與朋友暢所欲言，邊食邊傾，舒服暢快。

這個月二訪吉田社就知道多好吃😋😋😋完全是衝這鰻魚炒飯來吃的，我本身不敢吃鰻魚的人，如果不敢吃鰻魚的人，一般是吃得出鰻魚有股特殊的腥味所以才不敢吃，但出乎意料他們家的鰻魚沒什麼腥味，已經把大骨挑出來，醬汁把魚醃到入味至極，炒飯也不會過吃過乾，醬油味道香醇，是目前我最愛的鰻魚炒飯雖然炸豬排飯，卻不感覺油膩，醬汁十分入味但又清爽這道也是必點，雖然中式料理也會有苦瓜、豬肉、蛋、豆腐但就很少有他們的結合體！苦瓜有些許苦味但不會過苦，用豬肉的甜味帶出成到菜色的重點，非常清爽但又難忘

一次很不好的經驗。訂6:30位置， 6:27來到，所有人擠在電梯外狹小的空間， 好吧，你要做準備功夫，冇所謂，逼就逼一陣啦。 點菜時中斷三次才完成，OK，fine，終於點完，出品還可以，但是，D服務態度真係惡劣到一個點。 我點左明太子燒飯團，上左明太子玉子燒， 我唔想再食玉子燒，因為已經叫左有兩碟玉子燒了，唔知係咪比上司話佢落錯單，個侍應衝出來大聲鬧我話我自己點，佢冇錯，真係讓人大開眼界。 好吧你冇錯， 我6:30落單的鰻魚炒飯，7:30追一次，話來緊，8:30再問， 另一位女侍應查單話根本冇落單囉⋯⋯咩依家D侍應惡夾大聲因為老闆唔憂做咩？Open Rice 食評幾多人話服務態度惡劣， 我今次真係體會到！ （有個日本人侍應很有禮貌，可惜也被港人同事當著客人噴到一面屁） 很少寫食評，今次的「奇遇」 真係必須給大家一個心理準備。

真·日本人主理居酒屋，一入到去，無豪華浮誇落地大玻璃，亦無精緻裝潢，而係超地道日式風格，主要以布廉同木條屏風作隔格，主要分為榻榻米既區域及吧台與普通台座位區域。台與台之間尚算闊落，坐得十分舒適。餐廳9成員工都係日本人，服務很也很殷勤及有禮貌，主要係令我呢個AKA日本鄉民有種置身日本嘅感覺。食飯途中，侍應係換碟過程中不小心打瀉友人既酒，連聲gomenasai之餘，隨即送上一杯新的sake，有咩gur得過以酒賠酒呢。食物選擇地道而豐富，有好多係出面居酒屋食吾到嘅地道野，汁煮、刺身、串燒、天婦羅、窩物，樣樣都想試，唯有請店員幫我地recommend。辣味明太子，菜如其名，再以青瓜鋪底，再佐以蘿蔔泥，好適合做前菜小小刺激味蕾。汁煮茄子，不得不贊事前處理茄子既功夫一流，厚身既茄子小小𠝹花，經汁煮後，爽滑稔甜，last order想encore, 已sold out。鹽昆布椰菜，4個字，爽·脆·清·甜。平目魚（左口魚）刺身簿切，有兩個部位，一邊為較厚身的裙邊部位，入口爽脆而有筋；另一邊為魚肉簿切；可佐以辣蘿蔔泥或葱花及wasabi 免治雞肉棒，佢係軟骨部份再加免治雞肉做串燒，香口得嚟有口感，比食雞

同朋友去咗位於尖沙咀，感覺好地道既居酒屋🎏坐附近嘅客人都唔少係日本人，環境係幾有氣氛嘅🍻但回頭率就偏低喇。🦀吉列忌廉蟹肉薯餅 $120炸得好脆，唔會好厚粉，熱辣辣又唔會好油膩，餡料忌廉好滑好好食，蟹味就唔係好覺，不過都算好食嘅🙌明太子玉子燒本身超級鍾意食明太子，好厚嘅玉子再加上份量唔少嘅明太子，鹹鹹香香，好食嘅。最後仲叫咗個壽司拼盤 冇特別出色，嚟居酒屋可以唔叫。個人覺得食居酒屋不嬲都係有少少貴，細細碟，性價比唔會特別高，但就係食環境同食氣氛🍻依間地鐵站出口1分鐘就到，相當就腳，約朋友係唔錯嘅👌性價比就真係唔高咁啦😗

今次已經係第二次嚟食上次係食天婦羅我覺得好好味連啲配菜 茄子嗰啲都好好味仲聞到隔離啲咖哩好香我同自己講一定要再嚟試咖哩啱啱睇一睇啲食評見到好多人話服務唔好我自己又唔太覺Service 我哋嘅係一個日本女人有笑容又有禮貌呢個都係我再嚟食嘅原因今次我叫咗咖哩烏冬我個人覺得好好味但可惜我冇茄子而嗰兩粒飯團我覺得唔特別如果佢比玉子壽司我🍣我或者會開心啲最後我係食淨咗啲飯團嘅只係每件咬咗一啖下次都仲會想嚟試其他

最近好懶，好少寫食評，除咗真係食得好差不得不投訴先會寫，不過今次唔係投訴，係推介，去唔到日本🇯🇵都真係可以去呢間吉田舍料理食個飯，完全日本感覺，大量日本人係度食飯，侍應都係日本人，好有日本feel,入返正題，食物味道係有驚喜，老實刺身就不外乎係新鮮架姐，當然唔會好特別，但d熟食，味道真係出色，特別係個窩物，個湯底味道好濃好正，落d菜落去滾下，簡直係一百分，燒銀鱈魚同天婦羅都係好正值得推介俾大家！

公司午餐選了這家餐廳，聽說很多日本人喜歡這裡，很有日本風情，有不少新式卡座需要脫鞋子，但不用跪坐，很舒適。這次點了刺身定食，刺身有三文魚，吞拿魚等等，非常新鮮甜美，值得一試。

-今日去到尖沙咀食lunch, 突然滂沱大雨。好彩間餐廳好近地鐵店，唔係一定成身濕哂。呢個餐廳位於尖沙咀Tom Lee 對出的商場，以前成日行Tom Lee 都冇咩在呢度食過野，只記得呢度有三哥同妹記，原來仲有間日本餐廳。-食物：午餐有set，選擇花多眼亂，有啲似去到茶餐廳唔知食咩好的感覺。餐牌上有牛肉烏冬，吉列豬，燒牛肉，壽司定食，等等。因為天氣太熱，想食啲生冷野，最後叫左個壽司定食。壽司有十件加一個玉子，仲有一碗烏冬同麵味噌湯，同一杯咖啡或茶。全部中規中矩，冇驚喜。我認為位於亞士釐道的京笹或者遠少少的襌八會更出色，同平一些。 環境：座位寬闊，檯同檯之間都有空間，所以都舒服。服務都算好的。 總結：埋單計大約$180左右，應該都冇下次。吉田舍料理地址: 尖沙咀金馬倫道5號太興廣場6樓電話: 23680000中規中矩的日本餐廳

呢日同朋友出咗尖沙咀醫肚朋友介紹呢間吉田舍好食要encor喎平時朋友對食冇咩講究所以一定要試吓十二點左右去到唔係太多客安排咗我哋坐比較入嘅位置好多set都好吸引心大心細最後我叫咗天婦羅小食有我好鐘意嘅豆腐同茄子OMG點解可以整到咁好味天婦羅啲炸粉都好好味真係唔係間間做到朋友叫嘅銀雪魚都好好味其間我哋仲聞到隔離枱嘅咖哩🍛超香下次一定要試吓食完仲有生果或咖啡茶職員都好留意客人枱上啲茶洗唔洗refill食物洗唔洗收又唔會好似趕客咁走嗰陣差唔多全場滿坐值得推介嘅餐廳