吉野家 (又一城)

營業中

休息中

平時出街唔係Tsim Sha Tsui就 causeway bay or mong kok，今次友人就搞搞新意思，話黎九龍塘又一城wo。又好jet，其實就比較小黎，通常會係探病or揾bu既朋友lunch先會過黎九龍塘。原來呢度都幾多餐廳同舖頭，由衫褲鞋襪到起居飲食，都一應俱全，一個商場就集齊哂各式各樣既店舖。我地先去填飽個肚，就去左food court睇下有咩簡簡單單可以食下，就揀左吉野家，叫左玉子牛肉飯，加左2蚊轉新鮮檸檬茶，牛肉夠香有牛味，檸檬茶夠澀，正。

星期日唔使返工無事做無約人，總會懶床懶到最後一刻先起身！過左10點，過左平時要食早餐嘅時間，等多陣連埋午餐一齊食就算！趕到11點前叫左個早餐，叫個牛肉出前一丁，$30就解決我早午餐喇！為糧尾嘅我帶來點感動同生機！！平時叫開牛肉烏冬，今次想飽肚啲叫出前一丁！係出前一丁嘅湯底，自加麻油，牛肉另上，其實牛肉味不變，只不過牛肉另上好快就凍晒，而湯底係一丁湯底，無烏冬湯底咁香！個人中意烏冬嘅竹輪同昆布，無淨麵咁寡！只係鍾情烏冬多啲，一丁係正常味唔差嘅！

剛剛同朋友喺又一城睇完戲，就去food court食過晚飯裏面有很多選擇，包括池記，大家樂，吉野家。對於住喺佢屋企附近冇吉野家嘅人我當然選擇吉野家做我嘅晚餐。我哋叫左一個細牛野菜飯，每額外嘅牛肉汁。牛肉汁完全帶出牛肉飯嘅精髓。

去又一城睇戲，無咩好選擇 ，平平地就去 food court 搵食，對於住响美食沙漠嘅我，就揀左吉野家，好耐無食，依家一d都唔平，咁樣雙拼差不多$50蚊，份量比以前少好多。牛肉方面 ，味道偏咸，牛肉肥嘅部分比較多，牛羶味亦有點重。雞肉方面，都正正常常，不過個汁都是有點咸。其實都有其他選擇，好似池記，太興，pepper lunch 等，除非好想食吉野家，下次我會揀其他。特別一提係取餐位置，單據丟到一處都係，都無人去清理。

今晚去左又一城，平平地食個foodcourt，其實都唔太平，不過係又一城黎講，foodcourt算係最平民既食堂。當中有譚仔三哥，pepper lunch，太興，大家樂，池記同吉野家。我揀左吉野家，原因係想食牛肉煎雞飯。飲品叫左杯凍檸茶。要評食物的話，只可以講個飯有以往既水準，牛肉同雞扒都好好送飯，淨食又得，味道不錯。野飲方面，都冇咩太大期望，畢竟只係間快餐店，仲要唔係賣飲品出名，所以杯凍檸茶有好多進步空間，主要問題係茶未唔夠濃，可能係選用茶葉方面出左事。其實食吉野家，主要都係食個感覺，回味一下之前味道。冇食太耐，就會想食下，所以就揀左吉野家。

今天食吉野家，好久沒吃了，以前常常食吉野家的雞飯，因覺得個汁撈飯好好味。今天想食烏冬，就叫了一個下午茶餐～和風牛肉烏冬，再加$11配金菇牛肉串,和$8配多士。先講講最欣賞的多士，這份多士烤到金黃色，表面脆卜卜，內層好軟熟，聞上去好香牛油香味，食落去牛油味都好濃。我用手撕開，撕開的麵包是一梭梭的，中間烤到一條絲一條絲，再配上蜜糖，真係好好味，色香味俱全。金菇牛肉串即是金菇肥牛卷。半肥瘦牛肉片沒有太多牛味，有點韌好難咬開，包住切到短短的金菇，金菇份量少，個燒汁味道不太濃，淡淡地無咩味道，這個一般，正常快餐店水準，但$11有三件，都算抵食。和風牛肉烏冬牛肉和烏冬是分開上。雖然烏冬份量不多，但配上昆布，獅子狗卷，魚蛋，都算好足料，個湯好清甜，昆布好味，都叫做有蔬菜有少少纖維，都幾細心。牛肉整到好碎，零零散散，肉質比較瘦有點韌，加了洋蔥。個汁好稀，似湯多D，整份牛肉味道好甜，只有少少牛味。食到最後牛肉太碎要逐粒逐粒擇出來食。欣賞店員好有效率，落單，等候，可以取餐，速度非常之快，只是三分鐘。

冬天最鐘意就係打邊爐當屋企唔方便打邊爐嘅時候！！價錢唔貴食物質素唔差就系吉野家！一個女仔食得哂一個餐已經好叻😹😹因為配料都算多又會有麵食都真系幾飽肚🙇🏻‍♀️🙇🏻‍♀️如果男仔唔夠飽都可以額外加配料 價錢都唔會好貴 around$10@1 抵食之選每次都一定會叫烏冬配胡麻醬簡簡單單已經好好食不過因為太抵食嘅關係 通常係用餐時間都會滿座到痴線 等位都要等一段時間 多人客少員工 清理枱面嘅姐姐都唔多 所以要等一等 不過都辛苦佢地了 因為真係做到冇停手如果就啱時間去食就

學完車，順便係九龍塘食lunch，窮寶寶都係食food court 好啦。本身想去買譚仔，但係成日都排長龍，而且food court跟個餐具個spoon好細，好難飲住湯底食面，而且同正常譚仔會provide果個spoon差太遠，心理上都我自己都平衡唔到😗跟住就見到牛肉飯啦☺️😍😍😍成日覺得吉野家lunchtime牛肉飯好貴，因為下午茶抵咁多，但係其實一直都好鍾意食。但係隨着譚仔食個麵都要$30幾蚊，一於轉個choice食牛肉飯牛肉飯真係好味，同埋記住要拎牛肉汁，撈落啲飯等啲飯都充滿牛肉味 ，而且快靚正，落左單之後等第二個號碼就到我啦，都係＄43

一向愛吃吉野家的飯～珍珠米般的大大粒～有口感！又一城唔多選擇～～吉野家算係比較穩陣又快既餐廳～今次點左新出既黑松露忌廉三文魚飯比以前既蟹子三文魚飯好食好多～因個人食飯時始終較偏向熱食～呢個飯真係合曬我口味～混在一起吃黑松露香噴噴～忌廉令整個飯冇咁乾！三文魚同以前一樣美味～下次都會再點呢個😍

來吉野家吃牛是常識吧！今早去又一城諗住食埋個早餐再睇早場， 上咗food court見到大x樂， 太x， 見D早餐類型同價錢都差唔多， 又冇乜特色 ，都係腸仔，雞扒，火腿，蛋多士 加通粉， 搞疊埋心水去吉野家。 早餐嚟講 ，菜牌睇落去已比另外嗰兩間吸引。 雞扒都算大件， 轉凍雀巢檸檬茶仲唔使加錢 牛肉分量都ok 炒蛋夠滑夠大件， 粟米豬骨湯烏冬都唔錯

識食嘅一定係食牛肉飯 ，吉野家牛肉飯就咁出色， 我最聰明嘅就係叫佢多汁再加牛汁，最重要配合大量嘅汁，都完全唔似湯飯，每粒飯吸收咗大量嘅牛肉汁， 再配合埋上面鮮嫩嘅牛肉， 自己喺屋企點煮到真係煮唔到咁出色， 如果去晚市有埋呢個牛肉鍋， 我真係星期一至日都要留喺度， 咁我到時點返工呀。

去得foodcourt食嘢都冇咩要求，但求飽肚同安全，點知...去order嘢食，個肥婆收銀員全程黑面。然後問我"要牛定豬"，"喺度食定外賣"，細聲到得佢自己一個聽到。個個客都要問佢幾次先聽得明。去拎嘢食，個男職員唯一工作就係將食物放出嚟，number都唔講。唔通佢期望食客自己拎起餐盤上嘅單，自己對？拎咗嘢食，先發覺俾漏餐具。問個瘦嘅阿嬸拎餐具，佢態度都唔錯，係蠢咗啲。我一個人拎一個餐，佢俾三份餐具我。拎到埋位，食咗兩啖，一望。救命...到底發生咩事？買個晚餐姐，送塊垃圾俾我？(請看圖)

係九龍塘學完車十二點九，諗住去探個住九龍塘既朋友，上food court 買外賣上去食。好耐無食吉野家，見到吉野家新出咗個三重芝士牛肉飯，作為芝士控緊係要試一試😍😍上到朋友屋企一打開個三重芝士牛肉飯，原來有好大舊芝士醬呀👍🏻絕對唔係hea 你，朋友諗住夾舊試下，拉絲咁拉出來，拉咗好長既芝士絲，芝士味好夠！雖然佢其實只係普通牛肉飯再加一大舊芝士舖面，但咁樣都已經好好味啦👍🏻作為芝士控絕對要試下，又平又好食👍🏻

早餐時段黎到九龍塘搵野食，吉野家真係不二之選，細牛飯，味道一樣出色，最重要牛肉又嚡口，加牛肉汁，面頭油一樣的多，但就是最細到大既習慣，再配合日本綠茶，出色，真係又平又抵食。

上星期日同K先生溫完英文，就去咗又一城food court, 諗住睇戲前食返個快食下午茶，我地見到吉野家仲有下午茶，我哋兩個都超喜歡食芝士，所以就試吓佢嘅個黑松露芝士牛肉飯價錢超便宜，只係28蚊，芝士同牛肉分量都多，真係幾正，雖然送咗個jelly 係超難食。