吉野家 (已結業)

呢排見佢做優惠，$20野菜牛肉飯，平到爆，都唔好有高期望，都係$20既質素，其實食過咁多次，都係有個問題，野菜好難食，好似就咁用水浸一浸，完全冇味，好奇怪，同埋$20牛肉飯既牛肉都係少d。

計劃<今晚食咩餸>, 剛好找到一叠COUPON , <16蚊>可購買原價廿蚊的細牛飯下午茶. 這家下午茶是做到6點, 如在6點前購買, 回到家就變成晚餐了! 再烚一碟青菜, 應該夠健康吧! 回家後, 馬上放好架生開飯! 一人一大碗, 陣容鼎盛.   細牛飯   打開大碗, 再移開上層的牛肉, 下方白飯的份量很足呢! 對自己來講已很足夠囉!   把牛肉汁倒在牛肉裡, 才是完美的牛肉飯. 白飯有飯味, 夠煙韌. 配薄薄的半肥瘦牛肉, 真是絶配! 茶   3份下午茶送3杯. 但小米不飲茶, 這3杯茶, 就是我倆享用了!    看著6點半新聞, 食著16蚊的飯盒做晚飯, 抵!  但看到膠碟邊凝固的油脂, 心中不禁一寒 & 倒抽一口涼氣 X 10!   又要減肥了! 

收工回到將軍澳後又未到晚餐時份感到有些肚餓，便想起吉野家出了一款迷你牛肉飯套餐(15:15開始提供)眼看堂食的碗非常迷你估計外賣更少但回家後還滿意份量迷你牛肉飯 $21 份量用上超細的盒大約3-4啖飯，但牛肉份量有6片牛肉一點也不小家，可以向職員拎牛肉汁配飯，變成了湯飯配上了麵豉湯，有蔥粒和海帶，味道鮮甜美味最後還配上一塊綠茶蛋糕，非常鬆軟，而且還是獨立包裝 可以放雪櫃等待第二天才品嚐也可味道 賣相 衞生 服務 抵食 推介

吉野家係香港最出名不是牛肉飯反而係佢晚上既小火鍋當年我也吃過好多次TKO 商場也有一家但人手真的欠缺,等侯好久才有得拿火鍋系列有野菜清湯,即係無咩味既湯底,可配雞肉或肥牛,可另外配料現在可以用自助點餐機,落單係快左,但係拎餐速度一樣係咁慢份量都少左,鍋底好淺,日式湯底唔夠香唔夠甜,好似越做越差難怪無咩人食黎呢間分店食用餐分店 :將軍澳唐德街1號將軍澳廣場2樓2070-2072號舖#將軍澳區餐廳 #吉野家火鍋 

我一直都覺得吉野家迷你邊爐性價比高，呢個芝士竹輪火鍋更加係近期好食同抵食嘅! 入面有雞同牛各一碟，芝士竹輪三件，蟹棒兩條，仲有出前一丁同其他配料，份量真係好多! 唯一唔好嘅係等左好耐... 由排隊買野食，到等攞嘢食，等左半個鍾都有... 而且餐廳分左兩邊，我坐嘅地方同攞野食嘅地方唔同，搞到要一直企喺度等，有少少唔方便，如果能夠加部叫號機就方便好多!

今日諗住食吉邊，已經1835去買，但等咗足足一個半鐘都未有得食！係！勁！耐！都！冇！得！食！同職員傾開先知原來今日得一個人返咗執火鍋材料，其他人放晒假。仲要喺我落咗單九個字之後，先開始執火鍋材料，結果就一大班人呆等勁耐都冇得食。如果一早知係唔夠人做，點解仲要繼續賣，根本就係唔合理。食快餐，等個半鐘，真係從來未試過！我等到就餓死☠️在場嘅大家竟然都好有耐性等，一句都冇嘈過😭😭但下次有咁嘅情況，可唔可以退錢／直接同客講冇火鍋賣！嬲！嬲！嬲！

今日下午買外賣…… order咗 兩個牛肉烏冬兩個牛肉蛋 飯，攞咗三個牛肉飯同一個烏冬 欠缺兩隻蛋 帶返去 換 唔知佢係咪心情唔好 將所有嘢掉曬落垃圾桶， 其實好簡單 你將一個飯 換番烏冬畀我 再補番兩隻溫泉蛋咪可以囉 點解要咁浪費！ 其實呢啲都唔關我事 最大問題係個烏冬湯係超級鹹其實我都知 將軍澳廣場 不是太多選擇 所以佢哋都其實非常忙 是否公司指引 全部要掉曬？？ 定係真係發脾氣 喺啲食物度 真係超級唔環保 浪費 是否會改進懂得轉彎 不要拿食物來出氣 太鹹亦都浪費咗 我好好的烏冬

話說同我家姐一齊落去食早餐，又唔想食M記，所以就揀咗吉野家。跟住嗌左呢個丹麥肉鬆烏冬餐配日本茶。先講下個烏冬，佢有啲粟米係入面，應該係豬骨湯底，個烏冬都幾冧嘅，但係個湯就真係完全係味精湯，因為真係好鹹同埋食完個口又係好乾，所以我最後都淨係食咗啲烏冬就算。如果丹麥包呢就係喺上面放啲肉鬆，再加沙律醬，個味道都唔錯嘅。然後佢個包呢，外脆內軟，所以係幾好味嘅。食完飲番杯熱茶都幾好，好彩嗌左茶，如果唔係真係鹹到乜咁。

最近將軍澳廣場新開左吉野家開左係吉之島$12店附近餐廳好似大左自從原本果間吉野家執左我就無食今次打算重拾吉野家嘅懷抱大約夜晚9點去到見到都好多人好彩搵到位之後就去買野食冬天黎吉野家緊係想打邊爐點知佢話無哂打邊爐咁緊係有啲灰心咁我就叫磨菇野雞飯點知又無咁我就問有咩係有佢就話其餘都有咁我就叫個新嘅唐揚雞飯終於有了！咁我就想飲紅豆冰點知又無最後叫左個檸茶算要咩無咩搞到我都無咩心情希望下次有我想食嘅野啦不過我聽到啲人話一早都無爐下次都係去另一間打邊爐

最近天氣寒冷，最開心的當然是能夠打邊爐了！經過這家新開張的吉野家，看到冒着煙的火鍋，一下子身體便感到和暖起來。索性來一個一人邊爐吧！坐了下來，我便急不及待去點餐了。很遺憾的是，這家店竟然沒有邊爐了！這是開玩笑吧！當時才八點多，明明我也找到位子，但你竟然說沒有邊爐了？不過，我也知道店員只是打工仔，這根本不是她的錯，便再看看有甚麼其他吃的。剛巧看到有新的特飲，便打算冒着冷死的風險嚐一嚐……誰知連特飲都沒有了！這一下我實在是忍不住了，心裏想：邊爐沒有了還可以說是因為天氣太寒冷，但有甚麼理由連特飲都這麼早賣光？而且賣光了為甚麼不顯示出來？可惜與朋友已經不想轉餐廳了，我便隨便點了一個和風牛肉溫泉蛋飯。牛肉倒是煮得不錯，不會太熟，配上微熱的珍珠米，味道也算是不錯。可是溫泉蛋煮得太熟，裏面都近乎沒有流心了，根本不能拌牛肉吃，充其量就是「牛肉飯」配上一隻太熟的溫泉蛋，而非一個「牛肉溫泉蛋飯」。這次吃飯的經驗真的不太好，並非因為不能打邊爐，而是因為食物售罄竟然也不通知客人，讓人空歡喜一場了。而且食物的質素也不算好，實在沒有值得讚許之處。

A few years ago, there was a craze for a special bread that had lots of layers.The toast is similar to a cruffin but in bread shape.Tried it without the syrup and it tastes like a buttery croissant with bread texture and lots of layers.After adding the maple syrup, the sweetness blends in with the buttery taste making it more palatable.Condensed milk and meat floss is also available.