吉野家 (鴻都大廈)

營業中

休息中

想食牛肉飯，吉野家係不二之選，叫咗個細牛肉飯餐（連麵豉湯加泡菜）（$28）珍珠米，牛肉份量多，麵豉湯、泡菜質素一般即食貨色，地方好坐乾淨，點菜比錢連食飯都係20分鐘，快靚正，大堂侍應姨姨好人，知我想要子薑，主動幫我取，加分，唯一挑剔係廁所冷氣機滴水，同幾污槽

我又來又來喇！！今年已經係第３次去吉野家打邊爐喇，以我呢個極極極少出街食晚飯嘅人來講呢，３次真係好多喇，仲要去同一食店就更少啦。本來都冇乜意欲又去打邊邊架，係有一日搭地鐵遠遠見到吉野家個廣告已經被吸引喇，當然唔係吉野家吸引我啦，係AD上面提發的蕃茄粒呀！！一人火鍋而係粒粒蕃茄湯喎，雖然我而家唔食得蝦蟹，不過都想去試吓個湯底呀.....幾十蚊一個火鍋又令我飽到死的確幾抵咁喎，所以呢.....係見到呢個廣告後冇耐就去試吓喇。試過兩次因為一人一爐又另加其他配菜而飽死後，今次一於只加一少泡菜而已，已很足夠喇！！不得不讚吉野家火鍋真係每次一打開蓋都令人感滿意嘅，放得整整齊齊靚靚仔仔，見到就想食，ＧＯＯＤ！唔知大家樂、美心、大快活果Ｄ係咪都一樣咁靚仔呢？我未試過呀。今次材料一樣足：長腳蟹x２、冬菇x２、粟米x２、豆腐x２、金菇一束、年糕福袋x１、芋絲x２、南瓜x２、日式粉絲１碗、燻製生煙肉１碟，另加泡菜一盒。本以為湯底會係紅紅的好濃郁架，不過滾起左一打開蓋見到原來唔係我心中所想，o依....係喎，佢個AD都話明係粒粒蕃茄湯咯，都冇話係濃湯，都係我自己諗多左而已，呀.....應該係話我想係咁而已。先

It's new year eve, people everywhere in MKmy friends and I chose to dine in this restaurantI want to say is that the service is slow; I waited almost 5 minutes to be served (order food)and then the hotpot took so long to boil and it doesnt really taste as I thoughtI prefer to eat hotpot in those hotpot restaurantwont hotpot here again~ may choose other food instead~~the taste of the cheese thing is awful~~ i hate those sticky feeling..the soup base was ok~ not salty in conclusion, it's ok.. pro

經過吉野家，見4點多，就入去食下午茶和風牛肉麵，不錯！麵OK 好食，唔會太重味，自己落麻油。不過牛肉份量少了一點，但以下午茶來說也可以接受！整體來說，感覺不錯，是下午茶的一個不錯的選擇=)

天氣涼了，最適合打邊爐！最方便美味又便宜的打邊爐好去處，就有吉野家~今年吉野家的牛肉火鍋，除了有烏冬可配，還有日式粉絲。餸料配搭也有更高的自由度，我就叫了basic的牛肉火鍋配烏冬，加錢另外要了日式粉絲和娃娃菜。鍋裏有豆腐、冬菇、粟米、南瓜、芝士年糕等等。芝士年糕裏面有溶化了的芝士，正~湯地當然一貫的惹味，加上來烏冬索一索湯味~還有日式粉絲，比一般粉絲粗，煮出來，多了一點點煙韌彈牙~吃完飽飽暖暖，很滿足呢~

又是一個肚子超餓的晚上,想也不想就來了吉野家,點了特盛牛肉飯沒辦法,我一直覺得旺角區的食物真的又貴又不好吃,一個人又不想花太多錢去吃一個晚餐......所以說吉野家就是我到旺角時必選的餐廳~話說今次的份量真的超多,比平時我點的特盛牛肉飯還要多,是"特特盛"加了5元要了湯和泡菜,嗯,真的太飽足了>__<

突然興起，倆口子到吉野家一人一爐都不少人，剛剛就給倆口子找到位子　牛鍋餐　濃湯用來滾肉就好好味，本身湯底都有肉味，一流！　南瓜餐　南瓜海草湯適合用來滾蔬菜。海草太重味，蓋過了無味的南瓜，湯底比較厚，所以倆口子都沒有滾過肉，因為南瓜海草味加肉味很奇怪　兩個不同的湯底，有牛肉＋烏冬一般，有點肥，賣相不討好(看上去霉霉的)，沒有整齊的排列都沒有完全溶雪，不過一分＄一分貨　好味，雖然樣貌沒有甚麼的，但都很煙韌彈牙！　基本上邊爐料都一樣：豆腐、粟米、冬菇、芝士包、芋絲、豆卜　等．．由於邊爐料都是pre 落在爐裡，沒有得過”落邊爐料”的手癮所以是一品鍋不是真的很邊爐的邊爐　芝麻醬　神來之筆也！沾了它什麼也變得好好味！！！！不過ｓｅｔ本身份量很少，加一個要$3 丫!!!!!!! 這個是2個醬加埋的份量這樣的價錢，還是怎樣　很滿足！

星期天諗住食完早餐去教堂，經過吉野家睇萵個旱餐好似幾好食所以就入咗去，叫咝個牛肉,腸仔,海苔炒蛋+粉配綠茶。牛肉:同中午招牌飯的牛肉差不多，都幾好腸仔:凍的，XX活仲好食，有種生生地的味道海苔炒蛋:不錯的配合，雖然炒蛋唔夠滑米粉:冇咩特別綠茶:一般茶包整體還算可以，不過早餐一定冇下次。

今日響mk行行下街 女朋友話想打邊爐 但系又唔系好肚餓廢時去寧記果d啦 所以去左試下吉野家既火鍋@@店員服務幾好 個女經理仲幾友善@@叫左1個餐($46) 再加左$19牛肉 $9讚岐烏冬 $5福袋其實個鍋都幾細=_= 入面有魚腐 粟米 南瓜 菜 金菇 豆卜 紅羅白個烏冬都幾有口感 如無意外應該系日本貨 牛肉同平時飯上面果d差唔多拎左碗牛汁 用黎撈烏冬食@@2個人 食左$79 都幾飽 味道我諗叫中上-_-不過大家樂 美心mx果d就會多野食d可惜近排好似得吉野家一間夜晚仲有做火鍋咁既價錢 絕對適合要求冇咁高 又想過下打邊爐癮既人^^

較早前媽咪嘗過了吉野家新推出之早餐，她說非常不錯也幾抵食，是日一早又拉埋我一齊去食。見佢有d特別版既飯，之前其實想食溫泉蛋，點知而家已經過左得返芝士，所以都係食返佢個早餐算啦。早餐$19.5，有海苔炒蛋，腸仔同牛肉，仲有一杯綠茶。另外加$2.5可以有米飯或者米粉，是日去到真係見到好多人食，無論大人，一家大細OR年青人都有。不過老實講，咁多間連鎖店吉野家都算係我比較欣賞既一間，除左食物水準穩定，更重要既係佢真係夠環保!!! 堂食完全唔用即棄餐具，大企業真係應該對社會對地球俾返D良心出黎先啱架嘛!個海苔炒蛋食落幾滑，有好多蛋汁又有蛋味，除左蛋味仲食到少少牛油味，不過個人黎講麻麻地鍾意用牛油炒蛋，覺得隻味唔係咁夾~~~ 另外牛肉就係平日牛肉飯咁，所以我覺得配個米粉OR飯會好D，就咁食會感覺不停食肉而且好膩，有D飯送下會易入口D。腸仔就太普通，不值一提，個人覺得兩條太多，少返D都OK~~~ 米飯幾大碗，但米粉就得個幾條.... 哈哈，所以其實應該食米飯抵DDD~~~希望第日有機會再試佢個溫泉蛋飯，亦希望佢地繼續環保，保持食物品質!!! =)

放工, 約了太太行旺角. 行完主要要買既野, 就是要找地方吃點東西. 係旺角, 選擇雖多, 但又要乾淨舒服, 又要啱齋妹食. 我們行過見到吉野家, 便不多想了, 野菜丼是她的至愛. 因為吉野家只有一個野菜丼啱佢食, 佢去搵位, 我就去排隊. 而我, 當然多選擇啦, 眼見人人都食火鍋, 本來甚有興趣的, 但揀下揀下, 始終都係鍾情於佢既牛肉丼. 而是次叫了今個星期既限定, 蝦子牛肉丼.野菜丼, 要令到佢啱素食人士食, 便是要走汁. 而齋妹既食法是, 加上豉油, 生薑片, 同七味粉, 用來增加味道, 容易入口. 而我的牛肉飯, 是次好guilty的叫多一個牛肉汁. 加上牛肉汁, 的確味道增強, 但是已經有蝦子啊!! 本身已經有另外一種濃味口感. 牛肉薄薄的, 好有味道, 而且飯是正式的日本米. 份外的香滑. 來吉野家, 就是為牛肉飯而來, 看看日本的吉野家, 只有牛, 豬, 雞3種丼飯, 沒有香港那麼多花臣. 來個什麼火鍋都不及來一碗牛肉丼好.

星期日同男朋友去左馬騮山，夜晚出左黎旺角食野，突然想食牛肉飯，所以去左吉野家，我好鐘意打邊爐，叫左個牛肉火鍋定食，加左＄２要辣湯底，當我第一眼見到個餐時，心諗：點解得牛肉同烏冬咁少野食嫁．．．雖然唔係好餓，但都冇可能咁少等個湯滾左之後，我拎起個蓋～嘩嚇死人咩，成個煲都係餸，份量十足，未食都飽飽地，個辛辣湯好好味，我唔鐘意食日式牛肉火鍋甜甜０既湯，呢個辣湯岩晒我，煲裡面有好多菜，有紅蘿蔔，有豆腐，有福袋，有魚腐．．．樣樣都係我鐘意食嫁，仲有一大碗烏冬同牛肉，真係好抵食，以一個女仔黎講，如果食晒成個餐，都幾飽，如果係男仔食０既話，可以烏冬轉飯，又可以加＄＄，加其他配料，我覺得真係唔錯，當然唔會有任食咁多料俾你揀，但呢個價錢，已經好物有所值了

小妹 一向都很愛吃吉野定的烏冬今天見到有栗米牛肉烏冬, 於是即刻試左個最後 卻帶來驚喜，原來是用栗米湯作湯底，加上大量栗米粒〝 本人太愛栗米了，第一眼看到，實在太高興了。言歸正傳，說回口味就一般了，都是用交來貨的栗米湯，而且湯底不夠熱呢，而烏冬則有點硬‧所以都不是太吸引了’

吉野家都算係我較為多會幫襯下既連鎖店之一，雖然都只係偶然一次。但有時屋企無煮飯又諗唔到食咩既話就會黎呢度買個牛肉飯算數。今日由於無出到街又無飯食，咁就叫媽咪買個牛肉麵返黎俾我食啦，雖然我成日都提倡環保，但自己都真係會有唔環保既時候，都有d罪惡感架><下午茶時間既牛肉麵餐只係 $ 18，真係幾抵，我次次買都仲要佢俾多個牛肉汁我架，因為佢本身唔係好夠汁架，俾多個就夠哂味啦。牛肉麵係出前一丁，仲有包麻油俾你自己決定落唔落添，咁我梗係落啦，惹味咁多，不過可能個麵我擺得耐左先食，所以有少少淋左，無咁好味。牛肉依舊幾好食，有牛味，不過佢個份量好似比以前少左喎，而且採用既牛肉好似無以前咁靚，以前都會有dd肥膏，而家好似少少都無，都唔知係好事定壞事。最鍾意佢d洋蔥，又夠淋D牛肉汁又入哂味，真係正。咁既價錢都唔可以要求太多，我覺得都算唔錯架啦，偶然都可以幫襯下佢呀，不過老實講，我次次幫襯親佢基本上都係外賣的... 因為通常都係無飯食又想返屋企食先會買佢。

我同妹食左個..學生餐既煎雞飯..有個甜品同野飲..由於我唔餓既關係...2個人share左1個飯我覺得d雞有d老..牙妹覺得ok..個飯都算係多汁既..個甜品係..大陸野..e家食滿19蚊..儲5個印..就免費送1個 和風牛肉飯 或 野菜煎雞飯 (細)