吉野家 (富華中心商場)

營業中

休息中

下午茶抵食！牛肉烏冬下午茶只係需要$33，加$5有野茶同麵豉湯而家小菜仲有醬油金針菇任食白飯任添、牛汁冇得頂牛肉烏冬ok So far 抵食之選上餐速度快，近地鐵站，性價比高！

要喺早上搵飯食真係唔容易！所以都好感激香港仲有餐廳早上提供飯叫咗兩個早餐第一份叫咗牛肉飯餐，加咗腸仔同埋蛋，再跟凍檸茶早餐份量比較少，但係勝在夠平！第二份要咗昆布牛肉烏冬，跟麵豉湯烏冬好煙靭，麵豉湯夠熱，早餐暖吓個胃都幾舒服！個人覺得早餐可以食到飯，又可以食到烏冬，埋單只係70幾蚊，簡直係平民恩典。味道一如既往好食！牛肉飯嘅牛肉雖然唔多，但係勝在可以加牛肉汁，就算食晒啲牛肉都可以用汁撈飯！不錯不錯！

我平時都係吉野家嘅擁躉，好鐘意佢地嘅和牛丼，CP值幾高㗎！今日家長日見完老師，同囡囡,囝囝去吉野家嘆下late lunch先.....我地揀左3個餐所有餐品都配有飲品 (包括汽水)阿囡鐘意食和牛🐂，佢揀左呢款新嘅🌟“鹽燒和牛丼‘’，睇賣相已經夠正啦！採用M8-M9優質和牛，淋上特調鹽汁，七味粉，突顯和牛鮮味鮮，牛肉口感鮮嫩，添加了海苔、 椰菜絲 、芝麻，配一口珍珠米飯，真係好滋味。咁豐富嘅和牛丼只係$78💜，另加加 $5 可升級套餐，加配温泉蛋及鮮嫩時菜，混合埋滑溜嘅溫泉蛋一齊食，真係超滿足✌🏻..囝囝胃口較細，叫左個特惠餐🌟煎雞+迷你米粉+嫩滑炒蛋 配汽水 只需$26煎雞一貫皮脆肉嫰，香甜嘅雞汁，配米粉就啱，加上大大隻嫰滑炒蛋，小朋友食就最夠曬營養。呢個轉食餐份量好啱小朋友同細食嘅女生。..我就揀左經典餐🌟牛肉煎雞雙拼飯🌟溫泉蛋+時蔬每次嚟吉野家都係點呢款經典牛肉及煎雞飯，米飯配埋牛肉汁及雞汁，七味粉一齊食，胃口大開。..🌟囡囡話想食埋小食，啱見到小食超扺加配價，雞肉串燒,關東煮，2款都只係各加6蚊，又係幾抵食。

每次一個人打邊爐都會去到吉野家食壽喜燒邊爐，每一次我都會嗌飯，因為撈壽喜燒好好食，另外我加配肥牛，還有芝士獅子狗，超級超級好食，係火鍋必備配料，大家千祈唔好錯過。

進入店內，看到店家在推廣兩款日式漢堡，價錢很吸引。燒汁牛肉漢堡，只需$16 ，麻醬煎雞漢堡也只是$19。我比較喜歡吃雞肉，就點了後者。這日式麻醬煎雞漢堡，用的是軟包，夾在中間的除了雞肉，還有些椰菜。雞肉皮不脆，但肉真的嫩滑，而且味道很好，加上芝麻醬，味道更佳，裏面的椰菜使口感更豐富，也帶來清新的感覺。不過，這漢堡比一般的漢堡要細一點，作為下午茶比較適合，作為正餐就會不夠飽。我加了$2點了無糖百事，很多連鎖式快餐店都不供應無糖汽水，這兒有無糖汽水可選，值得一讚。

簡簡單單咁食咗個一人火鍋🍲首先湯底我揀咗嘅係🌽北海道牛乳粟米湯🌽呢個火鍋入面都算多餸👍👍基本上$83有極上和牛、芝士竹輪、麻吉燒、野菜魚餅、油揚豆腐、日式餃子及野菜。另外我再加多$15要多一份嫩滑雞肉&加$1叫多一份烏冬。Total 🟰 $99味道整體上都唔錯👍

見到少咗好多人，午飯時間而且係週末，都唔使等位直接走入去就有地方楚，而且排隊叫嘢食亦都冇人龍。👩🏻‍🦰見到個廣告好似好好食，忍唔住走去試吓。誠惠$108，包一杯嘢飲。🤭鹽燒和牛薄薄地，入口即溶係幾有牛味，但係略嫌比較少當然唔似廣告咁多塊牛肉。但係都叫做即叫即做，所以味道還可以。而且和牛下面有紫菜，所以用來撈飯食都幾好，其實已經唔使再加五味粉，否則就會太鹹。因為得幾塊☹️所以略嫌性價比低啲👻

荃灣呢間吉野家 位於天橋底 冇乜嘢值得讚 最值得讚就係佢地方好闊落。可能 因為唔係太多人會返落嚟的關係， 永遠都唔使點等位就有位坐。今日食咗一個燒汁 雞扒豚肉飯正常水準 燒雞扒永遠唔會令你失望 但係都唔會太大驚喜。肉肥瘦比例適中 又係恰當好處 唔會太失望雜菜蘿蔔比例恰當好處熱檸茶需要 加兩蚊 呢一點覺得有啲唔係好抵 其他都不過不失。 始終大集團水準穩定 而且環境座位舒適。一個人食飯吉野家係一個好嘅選擇。比其他快餐店少啲人 坐得又舒服啲 當然價錢會貴少少。

吉野家餐廳品嚐了金姑牛肉卷丼。這道菜品的牛肉非常鮮嫩，口感細膩，加上金姑醬汁的調味，味道非常地道。而且，吉野家的飯粒非常Q彈，吃起來口感非常好。整體而言，這道菜品的味道非常美味，絕對是吉野家的招牌菜之一。除了金姑牛肉卷丼，吉野家還提供了其他許多優秀的菜品。他們的牛肉丼和親子丼也非常受歡迎，而且價格也非常實惠。

吉野家的牛丼真是太好吃了！飯糰配上煮得剛好的牛肉和特製的醬汁，讓人一口接一口地吃不停。他們的蛋包飯和炸豬排也很不錯，都有著獨特的口感和味道。價格也很實惠，是個超適合當做午餐或晚餐的好去處。不過座位有點擁擠，要早點去才能避免排隊等位。

<#🐳肥肥食記🐳>👧🏻 荃灣｜唔夠食嘅迷你飯 $29日式/飯/下午茶📍地址：吉野家 (荃灣)荃灣青山公路荃灣段210號富華中心地下A1,C,E,F&G號舖🍚迷你牛肉飯+迷你關冬煮 29雖然係好好食 但也太細份 兩口之後食完同以前嘅迷你牛肉飯完全唔同可能真係好耐冇食吧以前起碼係個大小碗 而加真係得返個食飯碗🤣🌟總結推介指數：⭐️⭐️⭐️⭐️環境指數：⭐️⭐️⭐️⭐️⭐️服務指數：⭐️⭐️⭐️⭐️⭐️

中午食得唔多，回家路上經過荃灣地鐵站見倒吉野家，都已經快有年幾無去吉野家食，想重拾一下牛肉飯個味道。落到去，我見餐牌上嘅價錢係現今香港物價黎講，真係算平。大約$30都有個飯配個茶。我見仲有麵同烏冬嘅選擇，但一場黎到，當然食番個牛肉飯先得。和風牛肉飯 (細)見個牛肉好似有D乾，特別再叫店員比多碗牛肉汁。今次D牛肉有一半係乾一半係嫩，我估係因為叫嘅時候剛剛好係佢地加煮完新牛肉。加左少少牛汁撈飯食係十分惹味，但係咸到飛起。我諗呢年半無幫襯可能係好嘅選擇....

Hello 大家好👋🏻！今日我嚟到位於荃灣「吉野家」。 每當晨早練習跑步前想補充體力又想吸收碳水化合物，我就會諗起吉野家😊。今次同大家分享一下佢哋嘅早餐「和風牛肉飯」。 美食攻略：早晨時段可選擇細碗，份量剛好有飽足感之餘又唔會過分飽。 牛肉含有豐富營養鐵質，又有碳水化合物（飯），加埋水果茶（凍檸茶）😜，早餐係一日中最重要嘅一餐。正所謂：營養每朝早，跑步會更好。😆😆😆美食指數：5🌝最高味道：🌝🌝🌝🌝🌚環境：🌝🌝🌝🌚🌚服務：🌝🌝🌝🌚🌚賣相：🌝🌝🌜🌚🌚

第一次用佢嘅app order，但點知撳錯咗外賣，咁就只好堂食外賣啦🤣🤣～～～北海道燒豚丼～～～豬肉大約有四五件，長度就長過隻手指，肉質就半肥瘦，油脂感唔錯令到豬肉唔會 ‘柴‘ 口！😄😄～～～野菜煎雞丼～～～正常雞肉丼，雞肉幾滑，但我就覺得細份咗啲😁😁～～～迷你關東煮🍢～～～有兩舊超入味嘅蘿蔔、一嚿一般差嘅腐皮、獅子狗魚蛋、芋絲ok !😐😐～～～金菇牛肉卷～～～主要係想試吓🤴🏻鍾意食嘅金菇牛肉卷，圖片上應該有汁伴上，但打開時就只有三件金菇牛肉卷沒有汁，已經有啲失望😳😳，但睇落都幾靚仔😄😄牛肉味同金菇味都幾好，但就係有啲乾，我哋就自行用牛肉汁配上就叫好啲啲，希望可以改善吓😆😆

吉野家而家竟然出埋和牛😍真係非常之高質✨鹽燒和牛丼真係好正❤️和牛勁香濃嘅油脂味 肉質嫩滑 帶少少鹹香味🐮再配埋啲京蔥絲、酸蘿蔔、青檸汁 中和油膩感之餘 仲令個味道更加豐富😋