吉野家 (長發廣場)

營業中

休息中

野菜煎雞丼的原價37元,加了溫泉玉子HKD8。通過App下單可享有折扣優惠,折後價為33.2元。雞肉的份量恰到好處，肉質鮮嫩,煎製的恰到好處,既保留了肉汁,又帶有適度的焦脆感。配以少量野菜,不僅增添了視覺上的吸引力,也注入了健康的元素。我特別加點選了「溫泉玉子」。可以說是一個非常不錯的搭配。蛋汁完美地與飯菜融合,增添了整體的層次感和飽足感。小總結❤️❤️❤️📌App下單享有折扣優惠📌搭配野菜,口感豐富

今晚同🤴🏻特登過嚟食佢新出嘅山葵和牛飯，排排下隊聽到櫃檯店員話電腦死晒機☹️☹️，咁我就改為手機落單，點知落完單先知廚房裏面嘅電腦都死埋收唔到order 😣😣店員就睇住我嘅手機 ‘ 照單執藥 ’ 咁口叫廚房準備俾我，見到成個過程都 ‘ 鄧 ’ 佢哋辛苦😓😓～～～激嗆山葵和牛丼～～～激嗆山葵嘅Wasabi真係都幾多，差唔多鋪滿晒全部和牛😝😝，我同🤴🏻都feel 到強烈嘅Wasabi攻鼻感，不過好彩都係攻一下，唔會停留好耐😅😅，和牛嘅油脂感同牛味都唔錯😀😀～～～特選吉邊定食～～～原來即係打邊爐，叫咗穀飼牛+雞肉日式濃湯😄😄，呢款牛味就一般但雞肉好滑，另外配菜就正正常常啦😃😃最後要讚賞一下店員，遇到呢類非常情況都平心靜氣安慰客人，快速為客人安排美食，抵讚！👍🏻👍🏻

今日放工去咗青衣長發商場入面嘅吉野家食夜晚餐。於是就叫咗一個中牛肉飯，我自己會比較喜歡多汁。我就可以叫佢加牛肉汁，係唔使錢嘅。係食入去個口感方面，牛肉非常之爽口配搭上佢嘅牛肉汁，入味之餘，亦唔會太過鹹，我覺得味道啱啱好，價錢亦都非常實惠連埋餐飲只係$50以內。同埋只係等咗3分鐘就已經有得食。我推薦大家不妨試吓。

長發商場趕時間食早餐既選擇並唔多，吉野家都係不二之選！因為價錢抵食，出餐時間又快！今日揀左較新出既餐，三文魚茶漬+和風牛肉+溫泉蛋+迷你飯$26+熱檸水$2！再用會員積分換左條鯖魚食！呢個餐令我懷念日本旅行既片段，因為得日本有呢種茶漬飯做早餐既習慣！而且每樣食物都是細細兜，但就可以多一點不同食物選擇還有方便吸收不同營養！雖然呢到既食物不夠日本美味同種類多，但以呢個價錢！絕對交出功課了！茶漬飯溫度剛好，而且用上日本珍珠米！另外吉野家的牛肉幾時都係咁好味！溫泉蛋都係流心鮮甜的！而飲品有很多選擇，所以老一輩都不用擔心日本餐廳的早餐會不合吃呀！

經過見到有新野，諗住試吓，一見到塊扒就唔開胃，燶哂！叫佢哋換過塊俾我，佢話呢隻漢堡係咁樣，煎極都係燶，就算換過一塊都係咁仲有啲雞肉硬過我塊腳皮，係返炸再返炸左唔知幾多次嘅雞肉總括來講，好難食！

平時都有食開吉野家早餐，鯖魚早餐，但而家去都已經冇咗呢個早餐囉唯有食好一啲比較最普通嘅早餐啦見到呢個有出前一丁嘢都好似唔錯咁出前一丁好似有啲唔同，唔太好食，雖然對連鎖餐廳都係冇乜期望，但真係同平時食開既出前一丁好唔同，反而個炒蛋就唔錯 炒得好金蛋，都唔會好乾你可以講唔差但係又唔係話太好食，但係佢就小人排隊唔使等囉

以前返工午餐貪方便,經常都幫襯佢個和風牛肉飯,下午茶食仲抵,$3x仲有杯日本綠茶,份量又剛剛好,最最重要係個飯永遠保持質素,唔會太硬太淋。見佢之前新出左款京葱牛舌飯,又唔想次次外賣都係一x麵,今晚就試下佢,再另加串金菇牛肉卷同茶碗蒸,兩樣加埋都係$20,都幾抵喎,講返個飯,牛舌全部都切到好薄,份量都唔少,相當唔錯,又唔會好似牛肉飯咁肥,金菇牛肉仲正,即燒,所以要等得比較耐,茶碗蒸就啱我口味，唔會太咸，以後晚飯又可以多個選擇,so good~

平時多數都係食其他快餐店的早餐，估唔到今次轉去吉野家食咁令人失望。雖然知道吉野家主打食牛，但都想試下其他款式，所以就叫了雞扒早餐。本身雞扒都幾大塊，比起其他快餐店嘅縮水雞扒大起碼三分一，但食落喺凍已經有啲失望，加上雞肉相當鞋口同埋無肉味，扣左好多分。另外，雞扒面頭嘅醬汁味道不討好，喺難以形容的怪味。諗住炒蛋應該好啲，但炒得過熟而且又係凍嘅，應該係一早整定左好耐。成份早餐唯一係塊火腿同茄汁豆比較正常，其他都係水平以下，下次都唔會再食呢款早餐。

吉野家一個外賣牛肉飯得三片牛，汁都唔多滴，食白飯啦！果然係圖片只供參考，實物與圖片差太遠了👍🏻🤣😡😡😡呢間鋪D人做野好散漫，唔認真，我買的時候係人比平時多佐D，但都不致於亂咁黎，係咪果曰D牛唔夠賣？所以減少份量?

吉野家火鍋新推石狩窩，主食有青口及三文魚，三文魚健康嘛，試下啦，雖然仲有大愛的竹輪窩。點餐時聽到店員話清湯定麵豉湯，有點卻步，麵豉湯咋？但係出來驚喜，原來係牛乳湯底，牛奶窩很香。主打之一青口好惺 ，但厚切三文魚好香，可能真的調了味。粟米不夠新鮮，比較硬，仲有少少爛咁。其他金菇，娃娃菜，腐皮，豆腐全都幾好，豆腐煲好耐仲好滑，南瓜最後溶咗變南瓜牛乳湯咁，好正!烏冬冰冰的來，可折半煮兩次，雖然好冰，但好快煮熟，牛肉一開始就煮了，快快有得食，湯底味道足以不用點焦牌芝麻醬，見到隔離枱有出前一丁麻油味，應該係加錢唔係自己帶來。

本人食過吉野家三次甘大把。呢間算得上最出色的一間，差。呢間吉野家比我嘅感覺係地方細，座位坐得唔舒服。仲有個收銀員嘅服務態度系一般般，可以有好大的進步的空間。速食快餐的火鍋，要求不能太高。味道也很一般！

和友人到吉野家吃火煱，意想不到經歷十分差的遭遇。先是火鍋中給漏了芝士竹輪和豆皮，可見員工馬虎，其次湯底有十分濃郁的豉油味，已分不清是在吃火鍋還是滷水！加上以$61的價錢購買但份量略嫌較少，要加大汽水才剛剛飽肚，十分不化算！

我好少食吉野家，why?because我印象中係佢主要提供牛肉飯，而牛肉飯d肥牛我好唔like,所以食過一兩次再冇幫襯，我係咪out左d呢今日行過睇吓d餐牌，有個飯叫黑松露忌廉三文魚碎飯。唔係呀話黑松露咁high class?咁就引左我去買左個試吓。個cashier重問我要唔要加個炭燒鷄串，十蚊兩串，好呀，試吓喇。等左陣，有得食喇。嘩，個飯嘅賣相重靚過個宣傳牌嗰個。味道又貼？試吓先。三文魚碎幾啱食，但稍為凍左d，加熱一吓會好d。黑松露忌廉幾滋味，撈埋d飯食，濕濕地，易入口，d飯都幾有質感。我like呢個飯再試吓d炭燒鷄串先。賣相: 一般。味道: 巧。肉質: 超乎想像咁嫩滑。真係少少驚喜，原來吉野家都有d咁好食嘅野食。我一向冇留意你，sorry

母親說，下載⏬領展的手機應用程式可獲贈餃子及芝士竹輪二件，價值$30芸芸？其實，兩碌芝士獅子狗及兩隻餃🥟，要$30嗎？既是贈送，你說多少錢也可😏。反正兩款食品我都不喜，不下載，不用程式便算了👋🏿。下單快趣，也不算等得太久。因現時吉野家火鍋份量好像少了，菜、豆腐、菇類全已放湯內；牛肉/雞肉另放碟子，不算太多，牛肉薄薄的也不算極肥；雞肉薄小，六件八件。去長發邨商場的吉野家打邊爐，還有點兒壓力，雖然商場不小，但是吉野家店舖比較小，很多位置也靠着走廊，熙來攘往🚶🏿‍♂️🚶🏾‍♀️🏃🏾‍♀️。打邊爐的期間，很多邨民在旁邊經過，並投以艷羨的目光👀。不過，其實面皮厚一點的話，也不會覺得尷尬，不用理會人們，成達成了「人無恥變無敵」境界。現在牛肉🥓的份量比較少，亦都比較肥膩。雞肉的分享亦比較少，好像只有八粒放在碟子上面。這兒只有原味的湯底，以及龍蝦湯底。龍蝦湯底其實開頭比較清，也就煲湯一樣，越煲才會越有味道，最尾才吃蔬菜，豆腐等等會比較好。

今天下午跟男朋友到了樓下商場吃下午茶。。。 看到有新出品蘑菇雞肉飯，所以我便決定買來嚐嚐 看到門外的廣告飯是十分精美，而且賣相亦相當吸引。。沒想到真實的賣相是這樣子的這個廣告的賣相，真是十分吸引。。你會看到雞件也頗大而且肉厚。。。 蘑菇粒粒分明，而且醬汁也屬正常的。。。可惜這客便是我最後的賣相。。。你會看見雞件亂放在碗內而且醬汁很杰，感覺很像漿糊一樣 結果鼓起勇氣吃一口時，會發覺醬汁真的超杰真的像漿糊一樣。。。十分黏口。。而且味道只是有鹹鹹的和少少黑椒味。。。 但質感真的是很難入口 相信也不是人人能夠接受。。。雞件算正常的，跟普通吃的煎雞沒有太大分別。。。。吉野家最近出的新製品都是怪怪的。。。可能是我的口味太過保守了。。另外男朋友所點的是三文魚蟹籽飯。。。下午茶跟正常餐的分別是。。正常餐是以蟹籽蓋滿全飯面，上面再放少量三文魚碎。。。但下午茶則是以三文魚碎蓋滿全個飯面，再放少量蟹籽碎這個飯是可口的。。三文魚跟蟹籽都配合的不錯，而且飯不會乾，飯內有點點汁，所以吃下來都十分好味，有層次感最近如買2個套餐，如飲汽水便可升級為22oz汽水。。原來我都為這分店寫過幾篇食評，但我發覺食品都較飄忽。。