同心泰國菜館 (已結業)

店名：同心泰國菜館地址：九龍城打鼓嶺道5號好味指數：8.4／10價錢：$36泰式鴨湯河河粉份量不多，但味道非常不錯。湯底味道濃郁入味，河粉粗大嫩滑，豬紅入味，鴨絲有三四條，味道一般。配上蔥花芫茜，芽菜等非常惹味。店名：同心泰國菜館地址：九龍城打鼓嶺道5號好味指數：8.4／10價錢：$46泰式豬手飯豬手飯份量足夠，豬手嫩滑入味，配上自家制的泰國酸汁更為開胃。配菜是可口的咸菜，美味程度就如在吃梅菜扣肉飯一樣。跟飯配上一碗味道鮮甜的蘿蔔湯，蘿蔔鮮味入味。店名：同心泰國菜館地址：九龍城打鼓嶺道5號好味指數：8.5／10價錢：$22珍多冰這杯珍多冰超級好飲，不但椰汁味濃，配料亦相當多且正宗，而且粒粒爽口，份量亦夠大，喝後實在大滿足！

去志蓮淨園前，先去九龍城食泰菜醫肚先！鍾意九龍城泰菜唔賣花巧裝修，食物地度！媽咪話呢間鴨河好正！當然唔錯過！去到門口要等5分鐘！坐內圍四人枱！枱面剛剛執好！唔算乾淨！枱上好多泰式調味！牆上除了泰王肖像之外都無乜裝飾！因為媽咪食開，由佢發版，都係平時大家鍾意食嗰幾樣！食物好快到！香辣大蜆：呢樣係我想食，大蜆大隻無沙，但唔算肥美，因為要求了減辣，味道唔夠（好後悔）汁醬辣多少許會平衡啲，好多九層塔，索晒啲濃汁，配埋蜆肉食好香口！略微補回汁醬嘅味道！湯鴨河--上枱已經好鍾意，清湯好濃味，好多芽菜同芫茜，帶出嫩滑鴨肉鮮味！金邊粉索晒啲湯！好滑好味！串燒（豬、雞　）--每款三支，豬肉大塊但韌，好難咬開！雞肉好啲！淋身唔嚡！串燒唔夠熱，點埋沙嗲醬仲凍！唔合格！海南雞飯--雞肉有雪味，嚡嘅，黃色飯只係黃色，無雞油香味，而且好濕，唔好味！唯一係個醬正常！熱龍眼水--夠熱，唔係好甜，龍眼肉好多，索晒糖水又少許爽口！好味！齋啡--連飲開好甜嘅媽咪都話甜到頂唔順要加水！唔好味！龍蝦片--爽脆咸香，好味！服務幾好，店員好幫手，菜色做少許改動都得！唔會死板，我唔飲凍龍眼冰佢又幫我做熱嘅！我想點香辣大蜆，又怕兩隻馬

Simple restaurant with very good and very spicy Thai food. We had papaya salad: nice and fresh, very spicy good degree of sourness - definitely one of the better ones I had, minced pork salad, which was very tender again with a nice balance of spice and lime flavor. Finally  Tom Yung Kong which was a bit too creamy but with good taste and some nice big shrimps. Overall very authentic and complex flavors. As desert we got mango with sticky rice: very good mango, rice in two colors (white and blac

九龍城真係有好多泰國餐廳，唔知揀邊間既情況之下，今次就去同心試一試！睇左陣MENU就叫左一個泰式鴨河同埋一個海南雞飯，另外加多兩杯青檸梳打。好快就得食,首先係個泰式鴨河,湯底好深色，而且真係好濃味,仲有少少辣，好特別既湯底,出面食唔到。另外佢個鴨肉，好好食,仲要無骨,都應該算係新鮮，肉質而且夠哂嫩滑,之後就係一個海南雞飯,份量十足，不過雞肉就唔夠肥，油飯就做得好好，唔太多油,適中！醬汁就控制得好好，係依個飯既靈魂。如果你鍾意酸，最後依杯青檸梳打就一定要叫，因為佢好香青檸味，非常清新又解渴,食完依D野飲岩哂。唔錯既一餐。

九龍城有好多間泰菜館，我對【同心】情有獨鍾。細細的店內，充滿著人情味，一邊享用午餐，一邊聽著侍應們和客人的閒話家常，雖然佢地多數講泰文點了至愛嘅牛肉湯河配椰青。牛肉湯河－湯底味濃，配菜新鮮充足。個人食法~~加一匙沙糖，半匙辣粉，兩匙辣椒魚露……頓時更香更濃更野味椰青－由於椰青變壞了不易察覺，我試過無數次飲完後要與馬桶做朋友，但響【同心】飲未試過出事

剛過去的假期本來打算去泰國玩的，不過因為各種原因最後都是改去別處，但是回來之後仍然對泰國菜念念不忘，因此就趁來到「小泰國」九龍城之便，一圓吃泰菜的心願。 就在球場旁邊找到同心泰國菜館，好像是同名的泰式雜貨店開的。裡面陳設雖然簡單，也有點殘舊，不過店員全是泰國人，也有不少泰籍顧客，所以都頗有泰國風情。左揀右揀之下點了青木瓜檬粉沙律 ($42，走蝦米)。沙律有大大片生菜、青木瓜絲、檬粉、花生、辣椒，加個酸辣惹味也許有點魚露的醬汁，雖然大冷天吃凍的食物好像不太好，但既然有辣椒應該可以平衡一下吧。是挺清爽的口味，轉眼又給我清碟了。 

九龍城有好多泰國餐廳，對於勇於嘗試的我，當然要試新嘢。今天就去同心試試！老公點了泰式鴨河，我就點了海南雞飯，青檸梳打。泰式鴨河湯底很深色，好濃味而帶點辣，好特別的湯底。仕應問我地要唔要芽菜，如果唔要可換通菜，我倆對芽菜不大喜歡，當然叫換。無骨鴨肉，雖然不是新鮮，但肉質嫩滑！海南雞飯份量十足，雞肉不肥，油飯又唔過油，適中！醬汁酸辣剛好，是整碟飯的靈魂。我要兩碟醬汁才將雞飯完成！喜歡酸的朋友，呢杯青檸梳打就一定要點，青檸味好香，清新非常又解渴！夏天飲啱晒！看看左，看看右，大部份食客都係泰國華僑，証明食物都好地道，下次可再試其他！

晚餐2 人叫咗4個菜泰式魚肚羹: 味道一般，無咩特別泰式炒含羞草: 好老，趙唔爛，食一半就吐一半泰式鮮蝦金邊粉: 成碟得兩隻蝦仔，份量又少黃咖哩牛肉 : 我覺得佢地係煮好個咖哩先放d薯仔同牛肉落去，所以d薯仔係無咖哩味，而且d咖哩汁好鬼稀埋單$240，我以前去開第二間食，都唔駛咁貴，味道好好多，不過果間好似轉咗手，所以先去試其他，點知... ><一句講晒，"好鬼差"!

黎到九龍城，無理由唔食泰國菜!一入到呢間舖頭，全間舖都係泰國人@_@唔講仲以為自己真係去左泰國全部都用緊泰文溝通，我真係一句都聽唔明=.=(應該係$35)去親泰國，我最鐘意食就係呢個河粉泰文叫" IN喇科" 香港譯做彩虹河粉可能有唔少香港人見到係紅色湯底就怕怕但其實真係好好味!!!講真，味道就真係同泰國果D差好遠喇但係可以O係香港食到呢個味道，真係好過食唔到!!!所以都係接受到既食完河粉唔夠喉，就叫多個芒果糯米飯食一上枱 嘩 D糯米飯勁熱-口-天氣咁熱，其實唔需要整到咁熱既=_=搞到要放一陣先擺到入口($50一碟)不過，個糯米飯真係做得唔錯，比得上泰國果D諗返起O係泰國食50蚊泰銖一碟，黎到香港就要50蚊港紙一碟......真係覺得香港既野食好貴T____T

每次來泰國菜館，少不免一定要吃生蝦刺身，但是要找信得過的店舖，否則吃壞肚子就麻煩。這裡的生蝦很肥美，不會太瘦削，肉質爽口彈牙，味道鮮甜，加上蕉汁香辣,絕對是有水準的。難怪每一食客也吃了。

中午去食午餐嘅。食咗咖喱撈檬粉，青咖喱，小小辣，都幾好味。有幾件雞，同埋小茄子。第一次見咁細嘅茄子，重以為系番茄添。如果有d菜就好啦。泰式豬手湯河，原來泰式豬手好似滷水豬手。湯有d咸，不過唔系味精，因為唔覺口渴。幾塊白蘿蔔，好入味。河粉分量適中，我都食得曬。講返豬手，好霖同入味，但系系豬肘多過豬手咯。下次多d人來，試多幾樣先。

九龍城實在太多泰國菜, 所以都無謂就search, 撞撞彩數看運氣吧 。同心泰國菜館只有簡陋裝修, 有點似本地茶餐廳兩人也不覺餓就, 所以點兩味夠晒數 泰式併盤 : 有炸魚餅, 炸蝦餅, 春卷, 香葉包雞等 原部係香口野, 其中以春卷最為味美, 而炸魚餅和炸蝦餅則口感過彈, 有點兒怪, 香葉包雞的雞肉則有點點老態。 炒金邊粉: 看以對板, 味道酸酸甜甜恰到好處, 蝦隻無乜味道但爽口, 伴以豆腐乾和芽菜等, 幾夠鑊氣但如果炒得乾爽一點會更好。檸檬梳打: 如果各下喜歡酸味飲品, 一定岩晒, 檸檬味芳香清新 (絕非洗潔精味), 味道天然, 與熱氣的泰國菜非常匹配 以九龍城而言, 此店只是中游中午又無套餐, 散叫價錢唔平,而且質素高的泰國菜唔小, 番兜指數是零。

好耐無去九龍城食嘢，又身痕。星期日又去揾食，都係去泰菜，今次去同同心。三個人，叫咗豬手飯、冬蔭公湯、炒椰菜苗、濕炒豬肉河同咸蟹青木瓜沙律。原本我地想叫海南雞飯，但鄰座嘅泰國人話我地知豬手飯好食d, 所以我地最後要jor 豬手飯。豬手飯，豬手肉切件鋪喺飯上面，仲有酸菜同半隻鹵水蛋。酸菜好味，酸酸咸咸; 豬手炆得勁淋，皮超淋，勁多膠質，而肉都好嫩，又有鹵水味。冬蔭公，味濃，夠酸，都幾辣;配料只有蝦同草菇，其餘都係香料如冬薑、香茅。青木瓜咸蟹沙律，加咸蟹就咸香一點; 青木瓜好爽，切幼絲，易入味，夠酸夠辣！濕炒豬肉河，河粉份量勁少，夾兩夾就無晒;豬肉鞋過煲湯豬肉; 芡汁好杰，黏黏地。蒜蓉炒椰菜苗，雖然椰菜唔稱得上係苗，但勝在有鑊氣。雖然整體加晒價，但仍算經濟…

細細個會成日同媽咪黎,,而家搬左屋,,一年都黎唔到幾次..今次帶埋男朋友黎食,,我都係照舊嗌冬陰公烏冬,,男朋友則嗌芒果糯米飯..等左冇幾耐就有野食lu..-冬陰公烏冬水準冇差到,,唔算辣,,酸酸地,,好開胃..蝦同蘑菇都幾多..而家佢d蝦剝埋殼,,食起上稷方便好多..讚..!!冬陰公湯配烏冬好夾..好味..!!-芒果糯米飯芒果好甜..糯米飯比較黏..椰汁比較似椰漿..不過用椰奶好d,,因為杰杰地食落口有些少奇怪..總體黎講都唔錯..

非常充足而又豐富嘅一日.4個人係長沙環打完波冇嘢做,之後去咗festival walk行街,但係原來大家都肚餓,決定早少少食晚飯.係幾乎完全冇做research嘅情況之下,落到九龍城,大家第一時間係去搵tony wong,但係又俾對面嘅豆腐花吸引咗,食咗豆腐花,炸豆腐,再過去tony wong,但係諗到買咗可以點食呢?所以都係決定先去食晚飯,食完再返去買甜品.係我提議食泰國菜,我自己亦都有openrice過下,但係完全冇印象邊間好邊間唔好,因為實在有太多間...結果係一個路口大家唔知點算之下,我突然腦海裡面有一間泰國菜館嘅名出咗嚟(就係呢間同心泰國菜館),我都唔記得佢有幾多好評惡評,只係記得佢個名,之後大家都冇意見之下就行咗過去.行到過去,佢個舖位好大,入去幾似d海鮮酒家咁,但係竟然full house!不過有幾個staff就叫我哋過去隔離舖.....wa,隔兩個舖位,完全唔同lor,呢邊係非常地道feel,但係算la,都嚟咗,大家又好攰,都係決定食佢ga喇,就入咗去.大家好快都有心水食乜:唔覺唔覺叫咗8個餸lor.......生蝦,menu上面冇ga,但係一叫就話有.個sauce勁辣