同心泰國菜館 (已結業)

到九龍城除咗去清真牛肉館朝聖之外，泰國菜必定係第二站，因為淨係食牛肉館好多時都係未夠飽嘅！同心係我哋嘅必然選擇之一，因為一次邂逅佢嘅鴨肉湯河而從此戀上，噚晚又去咗搵佢嘞，點知賣晒喎？成十點，我哋真係夜咗啲嘞！不過其他嘢都好好食嘅，今次我哋就叫咗： 豬頸肉生菜包： 豬頸肉整得有啲燶邊，又多肉汁又惹味，正！包唔包生菜都咁掂！同心嘅生菜包有好多香料，乾蔥，辣椒，又酸又辣，辣椒遇上酸味更辣，所以就算叫小辣都有番咁上下，要有食辣嘅心理準備先好叫！ 鴨肉生菜包：係，又係生菜包，因為冇湯河食，食鴨惟一選擇，餐牌上面寫就寫鴨肉，不過有鴨什喺入面！味道都幾好但係好辣，啲料硬咗啲，下次都係食湯河算嘞！ 蝦醬炒飯：第一次食，甜甜哋，肥肉都唔係太漏，蛋絲亦整得頗有心機，下次可以 encore！ 龍眼冰：呢間都算又甜又濃嘞，龍眼大粒，食落唔會冇晒味，次次都叫，因為好飲又可以用嚟解辣！九龍城食泰菜真係好抵！大吃大喝不過一百蚊位，今晚又飽餐一頓都係百零蚊！所以成日嚟！

六月廿九‧晴在曼谷街頭的粉麵檔，總會有一味「紅湯」供應，這種下了大量炸蒜子的紅的湯，至於為何是紅色的，在文未揭盅。通常配河粉，幾美味的。在香港未遇過，是日在附近踢完波，來這裡吃碗粉，又遇上了。這裡取了個幾「趕客」的名字，叫彩虹湯河。紅湯河是呈粉紅色的，喝一口，幾濃郁，蒜味香，也帶一點甜味，幾對辦，是略嫌不夠熱。配料有魚旦、豬紅、豆卜及魷魚等等，河粉是本地可粉。不可以錯過的是這裡的三色醬，分別是魚露、辣椒魚露及酸辣汁，我的習慣是加魚露及酸辣汁，再在辣椒魚露中撈幾圓切碎了的辣椒來吃，鹹鮮酸辣，令湯河也生色不少。來這等正宗的泰菜店子，當然少不了要來一碟鹹蟹青木瓜沙律。青木瓜切得幼細，吃起來爽脆。要了加辣椒的，果然是辣得噴火，青木瓜沙律就是要這樣刺激才過癮的。鹹蟹加添了鹹鮮味，有水準。吃了才一半青木瓜沙律，已經要叫支泰啤下下火。幾位阿姐服務唔錯，一讚。埋單48蚊，正宗經濟又抵食。 註：「紅湯」之所以是紅色，是加了南乳之故。

想不到只隔了幾日就再訪龍城，今次的目標是龍城主打的泰國菜。简单介绍一下啦：龍眼冰：我試了一啖，覺得好甜啊，甜度有點過了，而且不是我喜歡的甜味。珍多冰：沒有試，以椰汁為主角，但入面有不少似椰果的彩色物質，看起來不太吸引。鱼餅蝦餅叶包鸡春卷拼：四款中我只試了蝦餅與春卷：蝦餅比較死實、不太彈牙，但好在炸得不油，蘸酸甜辣醬味道挺輕盈；春卷就更惹味，皮脆餡香，也不油膩。鮮蝦炒金邊粉：蝦肉少得可憐，我食了不少也沒有遇到。不過其實沒有蝦肉吃金邊粉味道也幾好，拌著韭菜與芽菜，微微酸辣很開胃。豬頸肉生菜包：豬頸肉是很香口誘人的，但問題出在我不喜歡香茅味濃郁、又咸又辣又酸的味道。還是更喜歡輕盈開胃些的青木瓜沙律。整體水準不差，亦少少改良了我對泰菜的印象，最大的遺憾就是吃不到燒魚，下次食過啦。雖然個別菜式依舊不懂欣賞，但能與一直都很喜歡的靚靚甜姐兒Yan和她的幾個warm-hearted的同事共享一頓悠閑放松的午餐，都是十分開心的經歷；再加上Yan帶來的甜美恒香雙白月餅，想不給笑面都難呢p.s. 我們快點計劃去ko燒魚吧

中秋節最後的假期，到九龍城與同事食飯，可愛的小食友也來了，真開心~　也講講這間餐廳，沒有靚裝環境一般，但據講食物做得十分地道，蔡生也有介紹過。當日所見午市也有不少食客，信心更加增強了。四女一男點了：　　珍多冰-賣相吸引，據講亦十分美味，但亦很甜，叫少甜為妙。龍眼水-中秋節吃得又雜又豐富，喉嚨痛痛地故叫了清涼的龍眼水，味道清甜滋潤，不過連我也覺得略為偏甜~小食拼盤-有春卷、蝦餅、魚餅、香葉包雞，除了雞肉較淡而無味，其他小食都很惹味可口，香口而不膩。鮮蝦炒金邊粉-鮮蝦量不算多，反而魚片就有不少；微酸微辣的金邊粉很爽滑，整體味道亦不錯。豬頸肉生菜包-豬頸肉吃起來彈牙有爽勁，那個又酸又辣的醬汁非常惹味，很能引起食慾，無論淨食還是配以生菜包裹享用，都很好吃，是幾個菜式中我最欣賞的。　本來我們還點了個甜酸魚，但吃到一半侍者告之沒貨，再改辣汁魚、綠咖哩甜魚，都一概久奉，有點失望。反正我們幾個女仔都打算食下場甜品，所以就提早埋單走了。　雖然如此，今餐仍然勁開心，因為大家都說我同小食友好似兩姐妹，真是樂死我了!

聽說這間九龍城的菜館味道好, 是日想吃泰國菜, 就來了.選了:青木瓜米線沙律生胡椒粒炒雞海南雞珍多冰綠水沙律 - 雖然叫左中辣, 但係都好辣, 食完搞到我成晚都胃痛到瞓唔到 (我相信係太辣所引致, 與食物衛生無關. 海南雞 - 雖然某雜誌評為最好的海南雞飯, 但係食落唔覺得有什麼特別, 得一個辣汁, 亦唔覺特別滑, 油飯又不是很香. 冇起骨, 同一價錢, 本人覺得勝利好味一點.炒雞 - 應是推薦菜之一, 但是一上枱已覺不對路, 很油, 又冇乜香味, 見到一串串的胡椒, 但其味道卻完全沒有被散發出來, 所以只是一碟普通的炒雞珍多冰 - 不夠凍, 而且沒有咬口

如果大家唔嫌食物太多味精,同鍾意食辣既,同心絕對係gd choice!!!!環境雖然好迫,又食物真係好好食.同埋STAFF 既態度都好好.同男友去食第2次了!1. 生蝦($58) : 好FRESH. D 蘸汁係黃色的,好特別好辣!!!2.冬蔭功($48) : 好有海鮮味,又濃 , D蝦係開邊KA.所以更有蝦味. 同埋比其他SHOP係辣D 如果唔愛辣可以點椰汁冬蔭功3.海南雞飯($30) : E個唔錯! D雞好滑,D飯好香但有D林,不過略嫌細碟左D4.泰式辣椒炒通菜($35) : 都好好味,不過太咸,食完要飲好多水!5.粉絲肉碎沙津($38) : 好多配料,有蝦同尤魚同肉碎..我地將生蝦汁撈哂落去食..D粉絲好入味.不過2個人係食唔哂一碟2人叫左5個送..真係好飽好滿足..下次食TAILAND野都會再去!

九龍城泰國菜館多的是, 但來來去去只會去三幾間, 同心就係其中之一.認識同心是數年前某飲食雜誌做過一個泰式粉麵特輯, 介紹此處是正宗泰國風味云云. 於是便去了第一次, 記得印象不錯, 及後去了泰國旅行, 嘗過當地的街頭粉麵, 回來後再翻兜, 覺得果真與泰國的所差無幾, 所以自此一想起食泰式粉麵便會到此.星期日中午的九龍城是出奇地清靜, 感覺悠閒, 就連貫常排滿人的牛肉館門口也是只有空櫈數張. 一路步往同心, 發現原來在舊舖附近開了新店, 這也見怪不怪, 好生意自然擴張營 業, 雖然新店看來比較舒服, 但穩陣起見仍然選擇了舊舖. 打開餐牌, 食物依舊, 但價錢一欄已貼上了新價格, 粉面由$21升至$23, 加幅還可接受. 一行二人, 今次來一個新嘗試, 不是 雞雞鴨鴨, 而是一碗豬雜金邊, 老婆就要彩虹金邊, 再加一個豬頸肉沙律同兩杯飲品.粉麵依然沒有失望, 湯底鮮甜, 配料十足, 豬雜反而成了配角. 彩虹湯河說實在是一碗泰式車仔麵, 至於名字"彩虹"的由來是因為加了泰式南乳. 豬頸肉沙律滿以為是一道冷盤, 但原來是生菜包形式的熱葷. 由於配料以大量洋蔥及鮮蔥為主, 再加以泰式調味, 所

一行五人去同心晚膳，職員安排我地坐樓上閣樓，經過後欄個厠所位，都覺得有d噁心，因為食物經由個度送上黎，不過都無所謂啦，諗住食到好野又坐得舒舒服服就ok啦不過以下不偷快經歷就算食物再好味以後都唔幫趁，order以下菜式:泰式生蝦：ok,但同金寶比差少少鴨湯河：真係好好味，個湯飲底好正，飲晒糯米釀雞翼：夠件頭，味道ｏｋ串燒：ｏｋ炒蜆：好味，啖啖肉炒含羞草（食唔到）南瓜海鮮焗飯（食唔到，因為不愉快經歷發生）由7:00食到7:30為止都好開心，跟住就係度等個炒含羞草同焗飯，諗住焗飯要等耐ｄ都正常，到7:45吹單同阿姐講仲有兩個餸未黎，叫我地等陣，到左8:00再吹起碼都吹左三次左右，都係唔黎，我地開始都無乜耐性，個阿姐仲叫我地不如取消要等耐ｄ，我地又未食飽而且都等左半個鐘，都唔差在再等多陣啦，我當佢漏單，由7:30開始煮過都唔會煮半個鐘呀？仲有炒碟菜就最快架啦，都炒唔出，我地坐住佢張枱，佢就成日話多人叫我地取消，我地又堅持唔取消，我地等左咁耐咩耐性都無啦，彊持左咁耐，到8:30我地問個阿姐究竟煮左未？個阿姐居然咁同我地講：未，我地唔煮啦，同你取消，你地走啦！我聽到即刻O晒咀囉，我問多佢一次你地煮

一颗十一人去食泰国菜,捨九尤城,还有何處呢? 今晚外面好大雨。從又一城等的士，又等好耐，儿乎不想去。老闆就帮我们寫好菜。飲品當是泰国象啤啦。不喝酒就耒水果沙冰。我要了木瓜沙冰，粒粒果肉非常清爽。1.先耒兩个泰式沙律,可以呀. 不过我兴趣不大.2.湯是海鮮冬蔭公,料很多，新鮮味濃,不酸不夠辣，可能太咸啦!3.鱼餅虾餅叶包鸡拼一般。4.鐵板泰式咸菜豬手-好味夠淋。5.兩个飯：南瓜焗飯，正。海鮮焗飯也不錯。6.生胡椒肉片, 我都是第一次见,不辣.7.两蒸魚有燒烏頭及燒生鱼. 一般.是我不好鱼吗?8.炒芥蘭菜9.煎蚝仔旦角10.泰式烧鸡11.......菜份量可以,但不知为什么大部份偏咸. 服务就麻麻。那些像泰藉人氏好似什么都不懂。（上菜时还问我们是叫什么...）真奇怪。除第一次单外，想找人理你好难, 無論叫一隻杯要公筷，叫一杯水叫飲品，點東西吃, 追單。。。埋单一千五百多.也平宜.

星期日一家三口又到同心開餐。椰青海鮮焗飯：第一次食，估佢唔到椰味咁勁，真係用椰汁去煮，飯上枱是仍是濕濕地，上面灑了豬肉鬆，味道同椰汁飯幾夾嘅。至於海鮮，真係好少，只係得最上層有，有蝦x1, 青口x2 + 魷魚x 5 片...真係少得離譜...以後都似食番乾/濕炒河無咁嬲！鴨河: 都係o個句, 沒有用正宗闊河粉，有點失色。今次鴨肉幾多，煮得入味，但可以更稔。湯底鮮甜且濃，仍保持水準咸蟹木瓜沙律：咸蟹係一d好細ge蟹仔，得d殼，同得個咸字；都係食番齋木瓜沙律穩陣d咸魚炒椰菜苗：呢個好味，保持水準。椰菜苗嫩而爽口，咸魚味濃，惹味非常！原本叫了五樣野，但等等好耐好耐有炸釀雞翼都未黎，於是問佢，佢先話賣晒，真令人O咀！點解我落單時你唔講呀？而家先講？雖然未係好飽，但都費事再又要再等。

噚晚同未來外母慶祝母親節，大家提意食泰國菜，於是簡左去同心食。都知道呢d日子週圍食市都多人，女朋友已經早幾日打去book位，點知當晚去到，個收銀同我地講話今晚無得book位，所有booking已取消，有冇攪錯，我地之前book位佢地都冇講，依家話冇得book，之前又冇電話通知。我即刻話要見佢地老細同佢理論。跟住個收銀就話如果有檯即刻俾我地，唉算！既然來到，惟有等下。等左30分鐘跟住有位俾我地，我地入到去即刻叫野食，我地6個人叫左十樣野食，有豬手、沙律、青咖哩雞、串燒、炒青口、燒烏頭、炒菜等...落單30頭分鐘前後黎左幾道菜：豬手、沙律、串燒、燒烏頭及飲品食晒上面個d菜之後等左30都無野食，我都知今日特別日子，所以都預左要等！我同個女待應講叫佢幫手追下，再等多20分鐘都係無野食，再追單！再等多20分鐘算至出埋青咖哩雞、炒青口同埋炒菜等...總結1.我覺得d待應態度都ok，叫佢地都啃應同埋幫你跟單！2..抵食，埋單$5503.食物味道一般4.見到多人排隊無位就話之前的booking取消絕對不能接受，如果係都早d打翻俾客人，等人地預早黎霸位，唔使叫外母大人企街等位5.由於同一條街有兩間分店，

好失望的不是食物的味道而係服務.首先, waiter and waitress不停談話, 不理你, 無論叫一隻杯, 叫一杯水, 點東西吃, 追單, 都要等十分鍾, 而且係無禮貌地比你...當埋單時第一時間來, 好過份...那個被點了穴的收銀員 可以三小時完全當你死一樣, 你叫她幫你找人來, 完全無反應...最恐怖是只望著門口, 應也不應你一間不休做的食店, 一定不會再去....

琴晚同阿媽兩人去九龍城食dinner...同心一向有食開，價錢平，又好食。一去到打開餐牌，樣樣都加晒價。叫了細海鮮冬蔭公、鴨河、乾炒牛河同木瓜沙律。木瓜沙律：very very fresh, 個汁酸甜辣，木瓜絲超爽口，醃蕃茄醃得好夠時間，很開胃鴨河：沒有用正宗闊河粉，有點失色，但湯底夠鮮甜夠濃，窄河粉夠滑不易爛，鴨肉份量ok，且很淋很入味乾炒牛河：同中式唔同，炒得夠乾身又唔油，加埋蛋絲；好多雜菜同牛肉；河粉較湯河的闊，口感豐盈不少；有鑊氣海鮮冬蔭公：很多海鮮，新鮮；也夠酸夠辣，但咸jor 少少；兩個人細都每人有兩大碗

九龍城玩樂遊最後的活動,就在最近巴士站的同心買了兩款泰式便當給弟弟當晚飯。海南雞飯是否應該改為"泰式雞飯"呢?除了油飯和雞肉外,所配的醬汁跟葵芳湄南河的泰式雞飯沒大分別哦。由於運送途中出了意外,油飯已被例湯浸濕,是油是湯已無法分辨!雞肉反而頗一般,蘸上香茅、蒜泥的醬汁後味道不俗,只是吃後真的"回味無窮"!豬手飯除鹵豬手外,還有一顆大人評為很新鮮的雞蛋;豬手鹵得很入味,個人認為皮比肉更好吃,那煙韌的外皮實在美味,幫助補充不少骨膠原!!所配的咸菜意外地好吃,爽脆又不太咸,不知是否自家製的呢??白米飯經過飯盒焗過後竟然仍保持乾爽,相信堂食的話美味程度會更高!在門外等候飯盒時也聞到那鴨湯香,下次要試湯粉麵哩!廣東話超級流利的泰籍女店員醒目勤快,要不是樣子像泰國人,單憑聲音真的分不出來。=p

03-28與愛兔看畢獸醫, 和母親在此午膳.點了海南雞飯和泰式生蝦刺身, 上菜速度其快.海南雞不多, 而且不是切開一份份, 連體的, 還好味道不差. 油飯不夠香, 但夠乾身.母親認為與紅葉小廚的比不上, 同意.刺身比飯還遲來, 可見飯是預早準備的. 刺身算新鮮, 不過不失.回家後, 不知是否因為生理期不該吃生蝦, 還是食物的問題, 發高燒......