同心泰國菜館 (已結業)

一直惦記著異地朋友的一席話：「『昌發』換o左師傅，唔夠地道；『同心』好，比較正宗。」謝惡男安排，得以一償心願。望著餐牌是失望的：同心標榜賣泰北菜（正確D 應該係泰國東北菜），但菜單上十樣有九樣半都唔係泰北菜，甚至正宗泰國菜。五人行，當然有大食大：要了鹹蟹青木瓜沙律、鮮生蝦沙律、鮮蛤沙律、泰式拼盤（魚餅、蝦片、蟹餅、春卷、蕉葉雞）、泰式豬手、淨豬雜、鴨河粉、糯米飯；特別嘉賓MM 兄來到後，追加半隻燒雞、椰汁西米糕、椰汁千層糕同椰奶木薯。眾多菜式之中只有鹹蟹青木瓜沙律算是泰北菜，但太多水，兼不夠辣，有點失望；鮮蛤沙律是驚喜：除即叫即整外，還啖啖肉，且味道最近似泰國地味，只嫌不夠辣；泰式豬手也烚得合宜，肥而不膩，襯底的醃菜也不錯；泰式燒雞是即叫即烤，微醃，也微焦，用的是新鮮雞，有鮮味，有雞味，也有淡淡的香茅味；椰奶木薯也是驚喜- 烚木薯比想像中的溏心，軟硬適中。堅持要糯米飯的原因，除了因是泰國東北部的主要食糧，還想看看它是否用竹籬上，以及飯質如何；可是，它不單不用泰國米，不單不用竹籬上，且是用透明膠袋上- 方便外賣掛。如果有Sangkaya（南瓜燉椰汁糕）、Hawy Thaut（蠔仔煎蛋奄列

很久沒吃過真正的泰國菜了，晚上就和朋友到九龍城搵食，搵搵下就行到了同心，環境就比街邊舖好一點，像茶餐廳的格局，樓上有閣樓，不過沒有上去，而侍應全是泰國人，服務算中規中距，我們叫了四道菜，詳情如下：冬蔭公海鮮湯- 料足，甜酸辣剛剛好，湯有魚肉、兩隻蝦、兩隻青口等生蝦沙律- 已有幾年沒吃生蝦，今日一試，鮮味十足，附送醬料亦很特別蝦醬炒飯- 足料，炒得不錯，味道算是中上炭燒豬頸肉- 爽口，沒有燒焦味道，不錯西米糖水- 正當朋友說好味之際，朋友發現小昆蟲在糖水暢泳，結果當然是即時更換，但朋友仍整杯吃掉，勁！兩人埋單共$160，有機會再光顧。

有人話此店的海南雞飯出色,我反而覺得其豬手飯更值得推介.當龍城的小曼谷,泰苑外面人龍不絕,反觀同心,有點被冷落.七點多黃金時段,一樣可直行直入.差不多清一色泰國人員工,招咐也勤快,一個人這次探路性質,本來諗住試試月前在某飲食新聞組,其中一個網友推介的海南雞飯.但見到有豬手飯,立即改變主意.在餐牌上寫明為快餐級別,果真不消一會,即刻上桌.單睇外觀實在差,求其"劈"上碟便算.豬手鹵得很入味,豬皮又爽又滑,肉似係手撕,也很嫩.鹵汁又香又甜,滲進底下的白飯內,包你連吞三大碗.跟餐奉上的蘿蔔雞湯,大大舊蘿蔔在湯內,蘿蔔甜且無渣,雞湯也很清甜.如果沒有下師傅,就呃你的.見到此店還有鴨肉湯河供應,下次單拖來的話會再試.不過下次來的話,應該會一大班人.來來去去都係吃果幾間,係時候要轉轉.

事先聲明，以下對於該餐館的食評（有關味道方面）並沒有偏見成份。新店位於鄰街城南道。店面光線充沛，也很整潔，就環境而言，只是音樂聲開得太大了，要談天也要高聲才行。味道方面，我不知對方的豬頸肉金邊粉如何，我的豬手金邊粉不太行。吃過橋泰的豬腳，這兒的豬手明顯不入味、肉太硬。兩碗粉都有白蘿蔔，我的那一件特別深色，對方的好像未煮入味就端出來，有點奇怪。我那一碗粉內有梅菜（類似），但我全挑出來了，因為太油了。再叫了一客無骨鳳爪，味道也不夠酸，亦不夠辣，蕃茄也欠奉，我不知道是否一定要有，但我未試過在泰餐館內吃沒有蕃茄的無骨鳳爪。所以有點失望...我碎碎唸的跟對方說味道有點差強人意...結帳前跟朋友說這一頓飯該是70元，如加一就要77元，帳單來了卻是$80。心想...明明兩碗湯粉是$20, 鳳爪是$30，就算有加一也不用四捨五入吧？於是查看帳單，兩碗粉都是$25...(???)，所以問對方借菜單看看是否自己記錯了，送來的menu，也是寫著$20... ，再取第二張，也是$20...該女士說：啊，這張是舊的... 然後再送上一張用手改了的$25元............我說，不是$5或是$10的問題，而

本來唸住去小曼谷,但因為搵唔到,所以就去左同心試下~兩個人叫左個海南雞飯同泰式拼盤~海南雞飯都幾好食,不過D雞切得太細舊試得唔清楚;至於個拼盤都OK,蝦餅好脆好好食,春卷都可以,但個紙包雞同魚餅就麻麻地~呢間野比起我泰國食既差好遠,下次再試下其他先~

真係好味架, 係個住係香港泰國姨姨介紹我食, 佢話d泰式湯粉好味, 不過我冇試我最鍾意木瓜沙律, 食過之中最好味!!!豬手飯都好得!!

老公仔同我約埋鴨仔伉儷加火箭一起相聚鴨仔伉儷suggest我的favourite泰菜"同心"原來有N, N,同N 個分店我們去錯分店等, sorry 要鴨仔伉儷久候了5人叫左1. 泰式炒椰菜苗2. 菠蘿肉鬆蝦炒飯3. 紅咖哩豬肉+蒜泥飽4. 濕炒牛肉河5. 泰式青木瓜檬粉沙律6. 芒果黑白糯米飯最喜愛個青木瓜沙拉, 超級酸辣, 只是個木瓜好硬架我仲自創個黑白糯米飯的食法, 包你一定食得出個白色是salty kae

我媽咪喺泰國人，又住喺附近，所以以前成日嚟呢到食嘢(佢舊舖嗰陣已經成日幫襯)，後嚟媽咪過咗身，我就成日同屋企人嚟食，算喺回味一下。我食咗咁多次，雖然唔喺次次都煮得咁好食(佢有時唔知喺唔喺換咗廚師)，但都推介啲我覺得幾好食O既比大家︰1. 南乳豬肉(或者雞肉、海鮮)湯好好食，我好鐘意食GA，個英文名O係SUKI，酸酸甜甜咁，有好多菜，加埋粉絲，單食同撈飯食都好好味，不過有時要煮好耐，所以要比啲耐性等。不過如果唔鐘意南乳就會覺得麻麻，好似我屋企得我鐘意食。(呢款我諗比較少人食或者知道)2. 燒豬頸肉我只食過一次，不過好好味，燒得好脆好香，好正。3. 香葉豬肉碎飯呢間啲豬肉碎飯好好食，不過有啲辣。5. 彩虹湯河我唔知呢間喺米叫呢個名，佢好易認，紅色湯就喺。食O既時候媽咪教落少少糖。好好味，有好多料，不過會有少少油。6. 炒飯佢啲炒飯都好OK，我阿爸好鐘意食。7. 香辣炒蜆炒蜆好好食，我唔覺得太辣，不過屋企人就覺得少少辣咗啲。8. 濕炒河佢啲濕炒河好OK，有豬肉、海鮮嗰啲，唔錯，而且都好大碗，可以一試。(唔知可唔可以轉炒米粉，我記得好似可以)9. 炒金邊粉好正，食O既時候落啲糖同花生，再加啲檸

沒有人介紹真的不會嘗試，因為不像黃珍珍那些泰菜館有漂亮的壯修，不過來到店前已聞到香味。店內大部分都是泰國人，香港人佔極少數。(1)海鮮冬蔭公($42)--我覺得好好味，酸辣味都適中；以咁ge price，當然不會expect 有好多seafood, 有魷魚、青口，蝦同草菇，好香好有地道風味！(2) 咸魚炒椰菜苗($35)--好香咸魚味，不過椰菜苗老咗少少。(3) 蝦炒金邊粉--炒得好香，甜甜哋！(4) 拼盤--蝦餅都算彈牙，D雞好好味，因為佢唔會太乾身，而且有竹葉ge香味，好少thai restaurant做到。春卷就係最好味，炸得好香脆！(5) 木瓜絲salad--好爽甜，Dsauce調得好正，酸酸甜甜，好開胃！

小弟幾鍾意食海南雞飯，特別係去埋骨既更鍾意，所以間唔中都會去好時沙爹(其實都一排無去...)食，近排見某位網友食評講呢度，見倒原來呢度又有去骨海南雞飯而且價錢都比好時平好多，咁就黎試下。果然一分錢一分貨，去骨雞去得唔乾淨，份量亦比較小，不過講味道都幾好的，但d雞油飯就麻麻，一舊舊咁，佢個醬就得一種不過好濃味幾o岩我胃口，碗湯反而可以算係成個餐最好的。另外呢度雖然係泰式菜館，但環境好似茶餐廳咁，個地下都唔多乾淨.... 嚴格黎講我覺呢餐緊緊合格啦。但係！我食食下見倒有個帶紅色cap帽既人行入黎，係咁依望o左一眼覺得幾面善，再聽倒佢點菜時把聲，跟住再望清楚，咦？呢個咪....孻姑姐！？唔係我孻姑姐而係高朋滿坐入面果個孻姑姐，即係苑瓊丹，又真係估唔倒，不過咁都唔算驚喜，驚喜既係佢一個人叫o左好多野食，我諗兩個我都未必食得晒既份量，而且似乎佢好鍾意飲呢度d雞湯~ 呵