同撈同煲

營業中

休息中

天氣涼咗緊係要打邊爐咁就搵咗間一路都想試嘅火鍋店睇到Openrice咁多好評 個個都放咁多靚相 又有廣告賣過 講到咁吸引就試一試佢一入到嚟 係好有本土特色嘅裝潢侍應安排咗卡位我哋坐一開始都好興奮點嘢食聽侍應姐姐介紹點咗個冬甫美人鍋 話好足料 仲可以食前飲埋個湯點完就閒聊一陣都好快上咗個鍋一嚟見到半隻雞好細隻 鍋裡面D料都唔算多 亦都無賣相可言所以侍應哥哥問洗唔洗影相先 我哋都異口同聲話唔洗了侍應哥哥見狀就拎起較剪將雞剪件 佢用短身較剪 隻手係差點要掂到隻雞然後佢一路剪 我一路心諗點解隻雞得骨咁慘剪完後 D嘢食上得七七八八 ((D嘢食無一碟係擺得靚 (唔係重點))但個爐依然唔滾 而D海鮮肉類就一直喺度’’攤熱’’ <即係一嚟個湯係無處理過 唔知喺廚房擺咗幾耐>之後仲見到枱面有隻小強bb (侍應聽到即刻走開) 咁我哋處理完佢就算雖然個人都滾滾地 但個湯滾咗嘅時候都跟’’教學’’ 飲啖湯先 點知啖湯無雞味無冬瓜味有鹽味好啦唔飲喇 食舊雞 無肉點食.. 成餐飯不停牆邊、枱面、地下都有小強bb行過好啦唔食唔飲個湯底 食吓料羊肉豬肉 係

火鍋專門店,夠型夠特別,呢度裝修係走主題港式味道仲有刺身,點心,小菜食添喎~好多選擇之餘,仲有海鮮食!!美人花膠鍋,好多花膠片加配料,店家先叫飲湯,再食料,最後加料食火鍋鮮甜濃厚既雞湯,提味好飲,仲有嫩滑雞件,啖啖肉好食呢呢度仲有手切和牛,和牛肥嫩入口即溶,灼過10秒就食得,好重油香好食仲有炸魚皮,美人餃,仲有粟米等配料,呢度近50款以上食材,食到咁上下仲有甜品送今日有特色杯裝JELLY 夠經典!!平均消費$444評分8/10九龍城同撈同煲火鍋九龍城打鼓嶺道70-72號地舖G/F, 70-72 Tak Ku Ling Road, Kowloon City

懷舊火鍋專門店懷舊裝修,港式風味,自從開左地鐵線呢邊易左搵食主題式火鍋店,除左點心小食類,主打都係新鮮火鍋料同湯底,真材實料湯底係主角,供應多款特色湯底,招牌雞湯花膠鍋,滿滿既花膠同食材仲有半隻雞,啖啖肉,淨係食左個鍋既料已經飽3成,飲埋雞湯再飽多一成品嚐完甜鮮既雞湯同花膠雞後,就係食手切牛肉同手工雲吞料,仲有新鮮蔬菜同海鮮湯底夠濃郁,食材鮮上鮮,味道有層次又夠味仲有點心當火鍋料,燒賣當料打邊爐,彈牙好食牛肉脂肪比例都係頂級,入口即溶咁款,好嫩滑丸類都係手打自家制,夠彈牙火鍋湯滾糖不甩 食到尾仲有甜品添呀,好滿足呢~#九龍城同撈同煲火鍋地址: 九龍城打鼓嶺道70-72號地舖

已不是第一次光顧這火鍋店,包括他的銅鑼灣分店,今次再與朋友來九龍城店,懷舊feel包括佈置包括舊歌,都是令人印象深刻,今天人少少,選了一個茜皮蛋魚頭湯底,超多芫茜大大個魚頭,差些連骨都食埋、叫了一個小吃,老友鬼鬼,原來是油炸鬼釀黑松露墨魚膠,很惹味,飲品叫了至愛的冬瓜薏米水,是自家製的,飲得出很足料,今次不吃他的主打牛肉,選了黑豚肉也很不錯,海鮮類選了雙拼桂花蚌、珊瑚蚌,爽口彈牙,畧嫌分量少了一些,鱔片是每次必食,另外他的蜂巢豆腐也是主打,單尾的主食稻庭烏冬,伴上芫茜湯底簡直是吃不停口,最後由店員親自主理的免費甜品,有啫喱杯和糖不甩一樣用心制作超滿意。

-九龍城同撈同煲火鍋 🥢而家夜晚開始感受到一絲涼意 🍃秋風起 就當然要去食番個火鍋平時台式 四川式 日式既都食得到但就好耐冇食過港式 有啲掛住~見到呢間無論係食物 定係裝潢都好懷舊 好有童年回憶（完全係暴露年齡系列🙈） 一入門口就見到好多以前嘅打字機 踢毽 蔥油餅綠寶橙汁 蝦多士 舊有花紋嘅杯碟 火水燈等等🥢醬料及茶芥（$36/2）🥢花雕醉美人鍋（$178）有多款湯底選擇 而我地就揀工較為養生既雞既份量大約有半隻 入面仲有啲椰子 花雕味香濃 肉質嫩滑🥢賣魚勝推介($398)8頭鮑魚 x 2 / 大元貝 x 2 / 聖子皇 x 2 / 海蝦 x 6海鮮嘅質素非常高質 新鮮 而且事前處理得好乾淨鮑魚爽口彈牙！大元貝聖子皇鮮甜無沙！海蝦鮮甜啖啖肉！🥢特級手切牛肉（$388/大）刀工不金 用左蝴蝶切既方法 每片牛似都依然厚薄平均牛肉既肉味香濃 油花都好令✨ 煮30秒就食得 真心好味！🍮糖不甩 + 兒時啫喱見到呢兩個嘅時候真係好驚喜 因為真係好耐冇食過！糖不甩呈金魚狀態 首先將佢放入食完嘅湯鍋度煮五分鐘煮完再鋪上花生碎碎 神奇既係唔會食到啲花雕醉雞味🙈兒時啫喱係加入咗花奶 個味道真係同以前一樣！

九龍城店在地舖,它的懷舊裝飾更能吸引食客,除了門面甫入店內,看見大牌檔照牌、古典摺閘更配合廣東老歌,完全融入這懷舊氛圍,當然更要配合高質食材,才能在這競爭激烈地頭吸客。上次銅鑼灣店試了醉雞鍋,今次清清地選了芫茜皮蛋魚頭鍋,好正,除了香茜噗鼻,那個魚頭已走油所以不會鬆散,而且厚肉,最好食魚雲一流。話明想食清D,火鍋料多選海鮮和菜,但它的梅花黑豚肉絕不能錯過,肉爽鮮甜夾了青瓜伴食全無肥膩感,它的鴛鴦蚌和鱔片,竟添食了兩次實在食不停口,單尾送的甜品水準保持,由店員利用煱底慢煮糖不甩鯉魚,超窩心又好味。

來到九龍城打邊爐， 餐廳係舊式茶餐廳裝修風格，好有懷舊嘅感覺。試裝限定嘅胡椒豬肚雞湯做湯底， 湯底有好多料又一大嚿豬骨同埋好多豬肚， 雞仲要係另上，好多雞肉可以食。手切肥牛細份，肉質新鮮，肥瘦都算適中， 食落彈牙有肉味。店員推介我哋斯海鮮拼盤，保證新鮮，入面有鮑魚蟶子皇同埋海蝦， 最好食係蟶子皇又大隻又新鮮。另外嗌咗千頁豆腐同埋油麥菜， 最後送咗甜品畀我哋食，有懷舊啫喱杯可以揀落唔落花奶， 同埋油糖不甩。 糖不甩係鯉魚形狀，會掉落湯度煮， 得意得嚟味道又好食。

呢間邊爐餐廳之前喺銅鑼灣食過好食,所以介紹朋友仔黎試九龍城店,兩間分店的裝修風格好一致,基本上一模一樣甘湯底叫咗限定的胡椒豬肚少爺雞湯,會先上胡椒豬肚湯,再有半隻生的雞俾你自己放入湯敖侍應推介當晚有海鮮套餐,$398有4隻鮑魚,2隻元貝,2隻聖子同埋半打海蝦,兩個人好夠食! 海鮮的質素無令我失望,鮑魚洗得好乾淨,好鮮甜彈牙,元貝同聖子王都好鮮,無沙,海蝦蝦肉都鮮甜彈牙,好抵食!配料方面叫咗本地手切牛肉同百葉豆腐,牛肉好有肉味,師傅刀工好好,每片牛肉的厚度都剛剛好,煮30秒食啱啱好最後仲送埋signature 甜品,啫喱同埋糖不甩

Happy friday 黎左呢間同撈同煲試下✨老港牛雜鍋 $248好濃郁嘅牛雜味 😋 湯底都好稠身 材料都有好多 有牛筋 牛膀 牛肺 牛肚 😋要預留個肚食呢啲湯料✨極級封左柳（細） $268幾薄身 好新鮮鮮甜 香牛味嘅 一啲都唔韌 好味✨鴨血 $58都有十舊八舊 幾厚身 都幾嫩滑✨油麥菜 $38正常 份量啱兩個人食✨Shake shake 炸魚皮 $78我地揀左麻辣味但有少少失望因為唔係幾食得出有麻辣味🥲🥲🥲 不過啲魚皮係幾厚身幾大舊幾靚嘅 唔會碎濕濕 都炸得脆 我地兩個人一人都食左三四舊✨鴛鴦蚌 $148幾新鮮 好爽口 有啲蚌味🍻青島（大）$32總括黎講覺得食物質素係ok 但價錢偏進取 性價比唔算十分高 我地兩個人唔係食到十分飽都已經要$1000 環境方面唔係坐得幾舒服 枱面唔闊落 又冇地方比人放袋 個袋要放喺自己背脊一路'銀'住咁坐🤦‍♀️ 不過裝修係幾有特色 好懷舊 幾靚嘅 廁所地下有啲積水 唔算十分乾淨🙈服務方面都唔錯 食完好快有人收碟 又會主動加湯 最後仲有個甜品啫喱送味道❤️❤️❤️❤️抵食❤️❤️服務❤️❤️❤️💔環境❤️❤️❤️💰晚餐人均～$500

今天傍晚時份在九龍城見完客收工，，隨即又話掛8號風球。按近年情況，應該都會是天文台和勞動一族對著干;明早又會是上班時間前或一會兒後，就會宣布中午前又要趕人返工。但無論如何，今晚肯定可以瞓晏D，所以索性就地進食。記憶中，我都好似約三年多沒有在此一帶食嘢。上一次好似是食泰國嘢，今晚就來個非泰國嘢做菜單。網絡搜索一下後，被此店的一個相片吸了，就是我孩童時好鐘意飲的綠寶汽水...衝咗入去…同撈同煲，原來在此區都薄有名氣。店內以昔日舊香港，我最懷念的上世紀香港，我的童年、少年、初熟成人的舊物作裝飾。對於一些喜歡邊食嘢，邊打卡的食客，應該好鐘意。我強烈推薦比即將永別香港的一些人，和朋友到此食過散水飯，聚舊和古董級的飾物合照下，是一件美事。當晚因為打8號風球，所以客人不多，我進食到一半之後，都只有4~5枱客，所以可以毫不客氣慢慢歎火鍋。由於我不吃辣和內臟，所以選了花雕醉美人鍋。待人先來個預熱咗的湯底，隨後再端上一小個標準煲仔飯沙鍋咁多份量的鮮雞件。雞件放鍋煮熟後，再飲少少湯，二個人食完雞件，都可以有四成飽架。火鍋又怎可以無牛肉，所以點了一份安格斯牛肉，268元咁大份，絕對抵食。邊食牛邊飲火鍋湯，又令

今日朋友仔生日就揀左呢間特色邊爐店一入到黎職員都好好 會介紹下menu全部湯底都係新鮮煲出黎 完全唔係味精湯🤭可以一邊打邊爐一邊飲啲湯 好養生～見到個胡椒豬肚少爺雞湯幾特別就揀左佢果然飲啲湯係好濃郁又好清甜絕對岩哂要養生既朋友仔裡面仲要有好多配料 豬肚同雞件 足料👍🏻今次試左半份安格斯牛肉半份既份量絕對夠晒兩個人完全係比想像中既多😂牛既脂肪比例岩岩好 唔會太肥岩哂我地口味～仲有叫左份梅花黑豚肉豬肉個size好大塊 又唔會多肥膏可以啖啖肉咁食 夾埋青瓜就無咁溜🤭呢個配搭又幾新鮮！食完主食仲可以再食個甜品有啫喱同埋餐廳既招牌金魚糖不甩條魚要放左落水到煮左先然後會有職員幫手解剖 整好哂就食得帶出黎既味道出乎意料 真係幾好食👍🏻

之前行過九龍城一直想試既餐廳裡面既裝修好懷舊好有特色好有feel 仲會播下啲懷舊金曲😂今次同朋友兩個人就揀左佢 又可以打下卡 又可以食下好西我地揀左個胡椒豬肚少爺雞湯一黎到就飲左頭啖湯 唔係味精既味道完全係勁足料既湯底 夠哂味又多料✨用左無激素雞 係健康之選黎🤭另外叫左個梅花黑豚肉每片都係大大塊 又厚身仲可以夾青夾食 口感又幾清新仲有鴛鴦滑 一次過滿足你兩個口味揀左黑松露墨魚滑同埋蟹子蝦滑食落好新鮮 仲好彈牙黑松露味夠哂香🫶🏻最後仲會有個金魚型糖不甩首先會放左入個湯底到煮煮佢之後由職員幫手剪到一舊舊 就可以食好特別既一個飯後甜品☺️

九龍城除咗泰國菜點少得打邊爐呢，朋友推介呢一間，真係冇介紹錯。懷舊風格、懷舊裝修、懷舊歌曲，形成呢間舖頭特有嘅特色。今次我哋叫沙嗲湯底，湯底超級濃郁，一上枱嘅時候已經香氣撲鼻，店員有講原來師傅每日都好俾心機研製每一個湯底，呢個湯底我比99分👍🏻👍🏻👍🏻，濃郁得來夠晒香味，但食落又唔會特別油膩。講明懷舊餐廳點會少得蝦多士，麵包皮較薄，唔油膩，蝦肉彈牙，點上酸甜醬10分好食嘅開胃菜。漿爆牛丸半份，牛丸10分彈牙，加上入邊識得爆漿，好過癮😎。特別啲嘅叫咗個墨魚滑釀豆卜，豆卜朔晒湯底嘅味道，墨魚滑又夠膽攔又有墨魚味，好好食😋值得一叫！咁濃郁嘅湯底梗係要搵啲吸味嘅食材啦，炸枝竹就係一個唔錯嘅選擇🤟🏻。話明吸味點少得即炸響鈴🔔，呢度響鈴即叫即炸，食前再配酸甜醬，減少油膩感又好好食。來到重頭戲安格斯肥牛，呢度嘅牛肉十分之高質，每一片都有均勻嘅雪花，食落口牛味足夠，又夠軟滑，正！👍🏻個人打邊爐來講最鍾意食皇帝菜，呢度都有供應真係好開心☺️。飲品方面都有唔少選擇我就叫咗杯大檸茶，夠晒我飲一晚啦。最後最後，賣單前店員都同我地講，佢哋店內最特色嘅甜品-鯉魚糖不甩。店員會將鯉魚擺落你嘅湯底到六一陣，然後會好細心

人就係咁矛盾，唔鍾意殘舊嘅嘢但又好ok懷舊style🤣🤣🤣🤣今次試嘅九龍城同撈同煲，裝修同音樂都非常用心咁還原八九十年代嘅香港。以為打卡餐廳水準一定打個折，點知呢度嘅湯底、火鍋料同服務都無可挑剔，喺冇乜人再care疫情嘅時候仲有店員幫手淥餐具真係唔話得🥹🥹🥹🥹我地叫嘅係沙爹湯底，香濃到成間舖都聞到，店員話因為師傅會喺出餐前再炒香個沙爹醬，難怪好食過出面咁多🤣呢度嘅安格斯牛肉同埋羊肉片都好好食，腍得嚟有肉味，個人認為羊肉再好食啲！枝竹、墨魚滑豆卜呢啲吸湯汁神器對住呢個無敵湯底就發揮到最大功效🤣🤣🤣🤣～炸物方面比較鍾意響鈴，油溫夠高炸起冇油膩感，點埋糖醋汁就更正～食到最後仲有甜品送，有遮仔啫喱同糖不甩，啫喱係細個食開嘅青檸味呀～糖不甩幾有特色，要煲返熱個湯底烚返軟呢兩條條錦鯉再切粒轆花生碎，我地揀沙爹湯底簡直係專為個糖不甩準備咁😎

早一個月bk定位，我哋一行4人1830到，未多人，坐卡位，闊落舒服嘅，揀緊嘢食期間有個小肥哥哥攞碗筷過嚟，咁我下意識諗住自己洗啦，點知哥哥話等佢嚟，又幾好服務喎，喺塊膠paper holder面圈好食物，隔左一陣個老細埋嚟推刺身餐同海鮮餐，大約原價減幾百咁，fb like完就可以優惠價，好直接話呢排少左好多like叫我哋幫幫手，唔係求，係有少少怨氣feel嗰種，叫完刺身+海鮮餐like埋，大約15分鐘後就上刺身，之後老細話冇同我哋落火鍋料，想我哋食左刺身先，因為都大盤怕冇位擺，its ok，到食完刺身再攞塊板過嚟問我哋圈嘅火鍋料有冇嘢改，冇就落單，又等15-20分鐘先開始有嘢上，食物其實唔錯，不過我想講嘅係服務，我想落單或搵人幫手收嘢，舉幾次手都冇人，幾個侍應都好忙，理解嘅，老板又揼低頭篤電話，想落單都冇癮，5⭐為滿分環境：⭐⭐⭐⭐⭐食物：⭐⭐⭐⭐⭐服務：⭐⭐重點係老細本身有怨氣，意興闌珊嗰種，生意唔好所以咁都好理解，但老板都應該不時望下個場啲客有咩需要就叫伙記埋枱serve而唔係同太子女都喺度篤電話，呢個就真係不能接受，食物質素的確唔錯但都冇用，已經唔會回頭。