名人火鍋 (已結業)

人大咗追求食物口味一係hea食，一係求質素呢間火鍋已經黎食第三次，雖然遠都會揸車入嚟食。最有印象係食材 超_新_鮮_，牛肉，響鈴，時令海鮮同埋飯後嗰個甜品龜苓膏！嗰日去到大約9半，5個人食冇咩人所以安排咗入房坐店長好好人有入房推介食物Menu牛肉嗰part有幾款特別部位老實講比較少見，這就是同出邊的火鍋不同之處，自己揀根本唔識揀。店長推介：封門柳（店長說是牛控制橫膈膜附近的肌肉、一隻牛只有一塊）配較清的湯底會突出牛味，揀了鴛鴦鍋冬瓜瑤柱+秘製沙嗲。封門柳: 重牛味，軟，冧油脂分布平均（好後悔一次order哂食物，因太飽encore唔到）牛白肉（即牛胸、油脂重）飲住酒食我覺得OK店長仲推介咗刺身：時令花竹蝦、活象拔蚌8吋長嘅花竹蝦會椒鹽返個蝦頭及象拔蚌膽比你食刺身鮮甜，但個人最欣賞師傅的刀工！刺身切得不薄不厚，有咬口另外點咗手打好彈牙魚卜夠大，洗得乾淨無血水響鈴新鮮炸的，無油膩感。可order半份勁甜大隻 油甲，無沙 新鮮鮮甜白酒飲咗兩支：呢支德國268第二支冇影相法國238果味易入口，兩支都好飲！男女都鐘意埋單每人：$5xx（唔計酒水）捧住個肚同回味緊個牛肉絕對會再來！店長提醒 封門柳

凍凍地，即刻約fd打邊邊先呢間我第一次食，朋友話佢地個牛同湯底都正，咁就要試下喇！傳統嘅打邊爐鋪頭，室內燈光偏黃，所以影出嚟嘅相顏色有少少怪，請體諒！揀咗鴛鴦湯底，可以試多款味丫嘛😜南北行奶白菜豬肺湯 Vs 蕃茄薯仔牛肉粒鍋同枱4個人，有3個都鍾意豬肺湯底多d💖未開始打邊爐，大家已經一人飲咗一碗湯喇😂😂佢有豬肺有白菜仔有雞腳白菜同雞腳都俾我哋食晒，豬肺就唔識欣賞啦蕃茄薯仔湯比較清，食唔出有咩味道，但牛肉粒就好正，好香好友牛肉味👍🏻半鍋入邊有10~8粒牛炸魚皮&脆魚腩我鍾意鹹蛋黃炸魚皮，可惜呢度冇囉正正常常冇乜驚喜雲吞水餃雙併，都OK好食呀，材料足！手打墨魚滑必食好彈牙好香墨魚味原本帶住好大期望，點知有少少失望呢碟牛肉我反而覺得一般朋友話上次嚟食係好香牛肉味可能唔同時期有唔同味啦😄😄😅正正常常咁囉中間嗰碟係手打芝心牛肉丸，中間有啲芝士流心，口感幾得意俾個價錢表大家睇吓四個人食都飽晒，1000搞掂！比任食打邊爐貴少少，當然食物質素，同侍應嘅服務質素都好好多啦

收工都成半夜12點，見佢收1:30am就打去問仲有無得食，見有就去試下啦。店員首先會拎醬料俾我哋用，漿料就收$16蚊一位，都OK嘅，最驚喜係有個XO醬。有少少失望嘅係佢落錯咗我哋嘅湯底，而冇俾我哋換。本來我地叫既係有雞有魚唇同魚肚既湯底，點知佢落左海鮮湯底。我地有一個朋友係不吃海鮮的，但又無得換好尷尬。不過所幸嘅係佢落錯咗個湯底，其實味道都唔差嘅。蟶子食落唔係好新鮮，可能因為就黎收工🤔鮑魚同貴妃蚌就ok。響鈴係新鮮炸，呢個係好味既，索左湯後仍然脆，呢個不錯。牛拼盤2百幾蚊，有4個不同部位，質素同份量都不錯，有牛味，有油香，肉質唔太un，呢份牛性價比都幾高。丸類，菜，烏冬就正常質素，無咩好講。最後埋單有85折3個人食個宵夜用左850蚊味道就不錯既，但服務就真係唔得湯底明明就落錯又唔俾換，都算埋單找錢俾成20蚊都係散銀，即係點？焗我俾Tips？呢間就真係試過就算，無下次

在元朗有水準的火鍋店其實不多，所以每次食火鍋都會去名人火鍋，其食物水準有保證，價錢合理唔會太貴，仲有自家製龜苓膏送，好貼心。招牌手切肥牛份量跟價錢合比例自家即炸響玲香脆可口生蠔鱔片夠新鮮蝦丸一流爽口彈牙雲吞水餃都好新鮮鵝腸新鮮肥美係一間會再次光臨的火鍋店

跳上的士直搗元朗。極多靚肉、極多海鮮，您教我如何是好？開胃蕎頭，蒜頭漬？大蔥頭漬？甜酸爽脆。雷式混醬，簡單生蒜、炸蒜、指天椒已能令食材味道提升數倍，只要有指天椒就邊爐無難度。名人海鮮鍋，清湯底加入粟米、芹菜、番茄、蘿蔔，最初沒什麼味道又水注注，忍耐一下！等到尾聲再大啖大啖地品嚐百味交錯的濃郁湯汁。加拿大貴妃蚌超讚，外觀粉紅色十分吸引，肥嘟嘟飽滿脹卜卜，鮮甜爆汁，兇狠的海水味繼然蚌甜霸道。紅蟹，奀而鮮，味道可以，半水半肉，肉少水多。封門柳，初嚐要食多兩塊試真點。滾兩滾粉紅色，鬆軟棉滑牛味特濃，難得一遇的上成牛肉。就算全熟都美味依舊，不乾不鞋不韌，非常神奇呢！有機會再試牛池板及牛駝峰。竹笙，吸湯首選，沒有味道的菌類，爽脆索盡湯汁，充滿濃郁香甜的精華。蟹子蝦滑，蟹子墨魚滑，兩者皆粉多硬實欠彈性，微弱蝦味墨魚味，沾上混醬過過口癮還可。桂花蚌，真身係海參的肺，完全不會察覺係海產內臟。涮兩涮實色微縮即刻食，爽甜鮮味無得頂。活象柭蚌刺生，質量比小肥牛火鍋更高，閃令令充滿光澤，嗒落滑溜水潤爽脆，鮮甜霸道強烈，非搶住食不可。北寄貝，初嚐火鍋活北寄貝，絕非雪藏貨。烚熟變成嬌嫩粉紅色，比壽司膠感得條脷更耀眼

同家人1行8人去咗名人火鍋打邊爐（我哋同行有小朋友+長輩，唔知係咪咁～所以佢俾咗間房我哋，嘻嘻～讚💕）湯底叫咗*鹹菜胡椒豬肚湯，而食物方面就Ordered咗：*肥牛拼盤（無肉不歡）*膳片（長輩至愛）*炸魚皮👍🏻👍🏻*魚滑+蝦滑（每次必點嘅餸！）*桂花蚌+珊瑚蚌（烚一烚已經好正😳😳）*象拔蚌刺身（好鐘意配埋Wasabi+豉油一齊食，真係好鬼鮮！☺️☺️）*雲吞（其實已經飽到食唔落😁）*即炸響鈴（又係烚一秒好喇😹）最後由於我哋食得太瘋狂⋯⋯（其實係每位Over$300，再用現金比錢嘅話⋯⋯再送你*花膠凍或者龜苓膏），好彩好Mini嘅～～再食！！😹😹今次真係飽到成個波咁番屋企🙌🏻🙌🏻🙌🏻

即係甘.....點解冇乜相呢？完全係因為食唔停口，唔係好記得相機食先🙈🙈今次係一行7人嘅生日飯聚活動，打邊爐永遠係最佳嘅選擇🎊我地點左鴛鴦鍋（沙嗲配白菜南北杏豬肺），個沙嗲沙底堅香，勁濃花生味，店員提我地要不停攪，唔係實濃，因為好重料👍🏻👍🏻另外豬肺湯都有驚喜，夠清潤，豬肺亦都處理得好好，甘以後就唔使下下芫茜皮蛋啦！都係個句，打邊爐，料新鮮就一定好食，佢d本地牛上檯真係好靚，同埋點大碟，真係超級大碟...打邊爐多數會追加牛，但我地點左兩碟，竟然差d食唔晒另外個牛脷托都好爽口，我真係好鍾意食牛脷ga!其他嘅材料都好正，佢地嘅手打丸仲可以揀雙拼，人少少都可以食多d唔同嘅選擇有得揀雙拼真係好好

呢間我已經食過幾次， 雖然價錢貴了一些，但呢到食物好新鮮，火鍋湯底好足料，好濃。食幾次都係keep到有水準👍🏻今次因家人想一齊出街預早準團年， 因為我只早2天打電話預約， 只得返8:30時間，去到火鍋店， 仲有房俾我地， 真心覺得呢到好細心， 因為我預約時講了有個BB。呢到食物類別都很多～我地7個人， 叫左幾20樣， 今次真係大大食😂😂湯底簡左-咸菜胡椒豬肚雞鍋（半隻$198）象拔蚌刺生半條（$780）真係好新鮮， 只點鼓油已經好鮮味名人招牌肥牛拼盤（大$338）有手切頂級肥牛，手切肥牛，安格斯肥牛， 金錢展，牛胸油，牛脷扥）安格斯肥牛（大$298）炸魚皮（$44）鯇魚片（$68）鱔片（$98）桂花蚌拼珊瑚蚌（$118）墨魚滑拼蝦滑（$96）手打魚麵（$68）雜菇拼盤（$48）即炸響鈴（$48）呢到每位食滿$300， 用現金付款仲送花膠凍/ 龜苓膏🤤真係好到好滿載而歸😝

很不錯，估唔到係元朗吃到一個唔錯既火鍋，湯底我叫左藥膳雞鍋，湯底好飲，很清甜，而且好香，雞亦都很新鮮，牛肉亦相當出色，他們有一個牛肉拼盤，岩哂一d選擇困難既人，重點推薦手打肉丸系列，全手打，非常新鮮，而且非常彈牙，好似可以用黎打波咁，墨魚丸非常鮮味，他們上碟非常乾淨，最後是他們的店員非常細心，很主動關心客人既需要，態度很積極，很和善，最後因為食唔哂食物要打包，他不旦幫我們上盒，仲好整齊咁幫我地分類，實在很細心。真的是值得推薦。👍👍👍👍

天陰雨溼 但無損Happy Friday Night由西鐵元朗站步行到店 大約10分鐘內啦無晒加士伯 啤啤青島啦 冰鮮廣島蠔 雪到硬左了極上手切肥牛 炸魚皮蟹柳棒布包豆腐很嫩滑竹笙新鮮爽口鮮淮山薯仔件即炸響鈴醉雞鍋 店員貼心詢問想唔想食埋啲雞大食既我梗係話食啦 店員就落雞再計時啦雞很滑 酒味不濃 一般人也易於接受但醉雞腔應該就會嫌淡啦打撈打撈 竟然有雞子現金付款送甜品 可選龜靈膏或花膠味道一般啦食材服務都算中上 不過每人埋單$4xx還是偏貴啊 偶一為之OK啦

已經是第2次黎 因為覺得食物好新鮮 所以再黎 今日我地仲訂左廂房 佢有最底消費$4,500 如果一班人黎有間房就啱哂 由於叫既食物太多都影唔哂 本人特別鍾意食響鈴 係店主自家製 非常好味

家人話想食火鍋 就推薦左去名人火鍋 話野食品質好 料靚 我地book左間動 不過最底消$3,000 我地當然會叫打鞭爐主打'牛' 所以我地叫左個牛拼盤 仲有響鈴 豚肉 仲有餃子 手打丸 整體黎講都幾好食

收工約同事打邊爐，地點唔算方便，位置亦隱閉，唔係元朗通都行唔掂。建議首次去嘅朋友問定員工詳細路線。舖頭不算大，乾淨光猛。同事幫襯過，訂檯時已留咗部分海鮮。海鮮真係好靚好鮮味，今次食咗鑽石蜆同黃金貝。建議大家訂檯時問埋有咩海鮮入貨，以免到時食唔到想食嘅。響鈴一份有10條超大卷，又係必叫，如果驚食唔曬可以叫半份。仲叫咗豚肉，都好好食，似連鎖店貨色。其餘雲吞、乜滑乜滑、菜之類就正常水準冇咩特別。唯獨個本地牛，雖然好新鮮，不過略嫌瘦得濟，淥兩淥就靭，可能本地牛就係咁。可能因為成班都係女士，叫嘅唔算多但最後都食到好飽。

星期五晚二人來到名人火鍋打邊邊~叫左個鴛鴦湯底,一邊係清甜既冬瓜嚮螺,一邊係幾野味既沙嗲。手切牛頸脊，口感十足，唔鞋口。鮮淮山，真係新鮮切的，唔可以擺太耐會氧化，口感爽爽地，幾好味。蝦滑,墨魚滑夠彈牙。豬肉丸,牛肉丸其中一款有芝心，但冇乜特別。手打烏冬都係出街市/超市買到既一樣冇分別。最後二人食了大約$700蚊(已沒有叫額外飲品)，有龜零膏或花膠凍送，其實麻麻地，花膠太大件又硬好難齒開，店主應諗諗其他糖水甜品代替。食物質素OK，但價錢真係貴左D，當晚都有D吉枱，記得之前佢要分兩個時段做兩輪客。

首先, 以呢個價錢.... 真係差到無朋友 ~ 態度差 ~所謂出名既牛白肉 ~ 同肥豬肉無分別 ~ 食到成口油 !海鮮鍋底 $298 , 2隻聖子, 4隻貴花蚌, 通通有沙 ~~~ 再加一隻鮑魚 ( 無味 ) 湯底同清水無分別 !!!叫多左碟 " 黑豚肉 " $98 未計加一, 只有 8小塊 !!! 係好大陣豬味.... 但咬唔到.... 仲要有渣 !!!海鮮唔得 ~ 肉類唔得 ~~~ 就連唐生菜都老.... 又生綉 !!! 都唔願意換 !!2大一細埋單 ~ 收我 $800 ... 呢個價錢.... 我去隔離 yoho 方 ~~~ 食得開心好多 !!!