影片
開飯介紹
主打韓國地道菜式烤肉和麵食，食材由韓國直送，其中人氣麵食包括味道濃郁的韓式炸醬麵、秘製牛肉鍋麵、雜錦炒粉絲及涼拌螺肉。
繼續閱讀
營業時間
今日營業
12:00 - 15:00
18:00 - 23:00
星期一至日
12:00 - 15:00
18:00 - 23:00
以上資料只供參考, 請與餐廳確認詳情
最近去太古探完朋友之後，去咗附近一間地道嘅韓燒，估唔到當晚係平日都好多人食，員工仲要好nice同埋健談😎去到嘅時候發現原來有特別限定食物，就係喜馬拉雅山粉紅岩鹽板配韓牛++同烤蔬菜🌸，如果單點佢，每台仲會送韓國有氣清河燒酒（295ml）乙支🍸仲俾我發現有期間限定韓國賀年美食Jumbo 斧頭牛排骨人蔘湯，所以我哋就點咗呢兩款嘢食嚟試吓🤭✨喜馬拉雅山粉紅岩鹽板配韓牛++因為用粉紅岩鹽板，所以基本上韓牛同埋蔬菜已經有淡淡嘅鹹味，我自己就覺得唔需要再點任何嘅醬汁。韓牛肉味好濃郁，最大嗰塊嘅雪花紋好靚，油脂會比較重。另外兩塊細嘅韓牛就肉味偏向濃啲，因為油脂比較少。✨Jumbo 斧頭牛排骨人蔘湯斧頭牛排骨有兩條超級大，可以揸住佢嚟咬🤣人蔘湯入面有少少紅棗、雞蛋絲、粉絲同洋蔥，估唔到人蔘湯唔會太苦。
繼續閱讀
剛好遇上 2月限定優惠 Follow @myung_ga_korean_restaurant 社交平台，單點喜馬拉雅山粉紅岩鹽板配韓牛++ （by chef selection) + 烤蔬菜，每枱即享韓國有氣清河燒酒（295ml）乙支。2人 就剛點左 3款 🔹喜馬拉雅山粉紅岩鹽板配韓牛1++🫶 很香的牛味🔹烤蔬菜（一定要包埋 D 肉食 ，咁先冇 罪惡感）🔹Jumbo 斧頭牛排骨人蔘湯（牛排骨超級足份量）吾好以為好少🤤但2個人 食是剛剛好的👍
繼續閱讀
Weekday 幫襯都全場爆滿，今餐order左肉同魚為主，質素唔錯對得住價錢先有五碟前菜，包括泡菜、芽菜、菠菜、南瓜同黑特級牛肉炒年糕呢個一定要重點推薦，本身都係嗌燒肉為主，但都想食啲碳水~首選係年糕，所以就嗌咗個牛肉炒年糕😍 ( 如果食辣嘅話佢有個辣炒年糕)冇諗過佢啲牛肉同燒嗰啲牛肉質素一樣，食落好軟腍，同年糕一樣，唔辣又好易入口名家精選美國大牛肋骨美國特級霜降牛肉兩個牛肉嘅質素都好有水準👍🏻 牛肋骨原來都幾大條‼️店員拉開俾我哋睇，成條好長下😂兩個人好夠食。本身牛肋骨係醃咗嘅，個味道唔錯，唔會好重口味口感有咬口，冇筋。至於霜降牛肉賣相好靚，入口會軟腍啲🥰 仲好Juicy👍🏻 鱔魚柳店員幫我哋燒嘅時候會點一點自家製醬先再攞去燒👍🏻 佢話咁樣口感會好啲。鱔魚好厚肉，肉質紮實，燒到有少少燶邊都幾正人蔘雞湯 嗌咗全隻雞👍🏻 隻雞都幾多肉，而且雞肉唔會煮得好腍，反而係有啲咬口嗰種☺️ 啲湯好清甜滋潤，入面仲有幾粒紅棗
繼續閱讀
年廿九晚上，選擇到太古城名家食團年飯，其實以往經驗，都明知呢間餐廳服務態度同埋食物都欠奉，但因為地方比較方便同唔係中餐，唔需要同人迫，所以除夕夜都選擇咗呢間。一去到餐廳，第一個衝擊就係竟然要將六人迫埋一個細細嘅卡位，其中一個人仲要係坐喺窗台嘅邊挨住埲磚牆，就算三位女士，都真係僅僅坐得落（圖一）跟住就叫餐嘅時間，另一個「驚喜」，就係本來想叫個「海鮮」香蔥餅，但嚟到之後，真係以為嚟咗個素香蔥餅，一丁點嘅海鮮都唔見，我諗都唔需要多講，有圖有真相，簡直係違反商品說明條例(圖二及圖三）找職員來查詢，職員話因為啲海鮮剁碎晒，所以唔見，但真心，就算整開個蔥餅，除非佢將佢搞到變哦蓉，但係實在一丁點切碎咗嘅海鮮痕跡都係見唔到嘅。總結，服務差之餘，如果唔係因為地點，真係唔會選擇嚟呢度。
繼續閱讀
最近睇得多Netflix嘅韓綜, 成日都想食韓國菜, 今晚就約埋朋友仔試下呢間位於太古城嘅名家韓國餐廳, 餐廳環境幾大, 無咩油煙, 整體幾乾淨, 而且店員服務都好好✨️濟洲島黑豬肉好開心有店員幫忙燒, 唔係就浪費左咁靚嘅黑豬肉, 燒好嘅豬肉油香滿溢, 口感軟嫩, 配搭生菜、蒜片、醬汁同食, 口感豐富又惹味✨️香蔥生菜沙律第一次食E舒沙律, 口感爽脆開胃✨️牛肉大醬湯熱辣辣嘅大醬湯, 味道濃郁, 入面仲有好多配料, 暖胃又好飲✨️醬油蟹醬油蟹超多膏, 醃得相當入味, 加埋米飯、紫菜、蛋黃同醬油同食, 超滿足✨️醬油蝦醬油蝦咬落去已食到微甜惹味嘅醬油香, 肉質結實富彈性, 鮮味十足✨️海藻蠔肉年糕湯呢個1月份期間限定嘅韓國賀年美食一海藻蠔肉年糕湯, 車車都係第一次飲, 湯汁味道鮮甜, 年糕口感煙韌配搭海藻同蠔肉, 估唔到幾夾
繼續閱讀