影片
營業時間
今日營業
10:00 - 22:00
星期一至日
10:00 - 22:00
以上資料只供參考, 請與餐廳確認詳情
相關文章
自從公司樓下多咗架免費shuttle bus去「Airside」，#啟德 一帶已經變成 #小秘書 嘅 #飯堂。聽講 #啟德零售館 樓上開咗間中菜「名苑酒家」最近做緊 #優惠，當然要搵機會嚟試吓佢哋師傅嘅手勢啦！餐廳樓底非常之高，再配合門前綠化嘅裝飾，一邊望住 #啟德體育園 一邊食飯，感覺都幾寫意。呢日我哋叫咗啲小菜同甜品，價錢優惠之餘，味道都唔錯喎！✨優惠震撼蛋#紅燒脆皮乳鴿 - #紅燒乳鴿 皮脆肉嫩，兩隻都只係$68🤩真心益食家❤️#蠔皇扣鮑魚玉掌 - 大大隻 #鮑魚 配埋隻炆到又淋又滑嘅 #鵝掌，$128居然係二人份🤩 充滿骨膠原嘅材料，啱晒我🤭✨精美小菜#黃椒醬海參粒煮豆腐 - 醬汁辣辣地，豆腐同啲海參、海鮮一齊煮，健康得嚟又惹味😚#豆豉鯪魚油麥菜 - #豆豉鯪魚 嘅油香正好配合 #油麥菜 嘅爽脆質感，味道唔會太齋，啱晒鍾意食濃味嘅朋友仔😉✨滋潤甜品#桃膠蛋白杏仁茶 - 手工製嘅杏仁茶好有口感，配埋 #桃膠 一齊食，夠晒滋補呀😚#法式焦糖燉蛋 - 脆脆嘅焦糖皮，跟滑滑嘅蛋漿一齊入口，口感大滿足❤️餐廳整體服務同食材都好有水準，而且價錢平民化，附近商場林立，啱晒一班朋友做聚腳地呀！
繼續閱讀
🏟️啟德體育園開咗之後多咗好多餐廳，身為啟德人嘅我當然都要去發掘吓有啲咩好食！有一間酒樓喺啟德園零售館2，見佢價錢抵食，裝修環境又非常唔錯，就試吓呢間先😆其實佢係名苑酒家，之前喺唔同區都有見過佢，不過就一直都未試過。♡紅燒脆皮乳鴿（買一送一） $68❥依家做緊特價優惠有乳鴿買一送一！$68有兩隻！幾乎見到每一檯都有Order😆 佢哋嘅乳鴿燒得超好，皮脆肉嫩，而且有一個甜甜地嘅醬汁同埋椒鹽提供，當我以後想食乳鴿嘅時候一定會諗起呢間酒樓🥰♡即燒脆皮燒腩 $88❥個皮燒得真係非常香脆，肥瘦分布平均，價錢好抵食，值得一試！♡香茅胡椒焗海中蝦 $128❥每一隻蝦都好大隻，而且好彈牙，胡椒嘅香味非常惹味，我個人喜好如果佢加埋粉絲底就仲正😆 一份有八隻蝦份量非常足！♡蒜蓉蒸勝瓜 $68❥唔係度度都有蒜蓉蒸勝瓜，但係每次見到我一定會Order！勝瓜好腍蒜蓉好香，好好味！✰兩個人食咗四個餸，叫埋白飯啱啱好，成餐都係三百幾蚊好抵食！仲平過我哋啟德屋村商場嘅酒樓呀😂 以後一定成日過嚟食啦😌
繼續閱讀
餐廳裝修高貴優雅，非常適合家庭聚會，並且有落地大玻璃窗，正好對著啟德體育園的紫色主場館大師傳統片皮鴨（半隻）🦆我們的人數不多，幸好可以點半隻片皮鴨，只需$88。鴨皮烤得金黃酥脆，肉質鮮嫩多汁，唯一的缺點是片得略厚，搭配甜醬和薄餅，實在是非常抵食～蠔皇扣鮑魚玉掌🍄這道菜有買一送一的優惠，實在超值！鮑魚質感極佳，玉掌的炆製也頗為出色。貴價菜色的優惠確實吸引，難怪每桌都點這一味～招牌酸菜滑魚片🐟酸菜魚片滑嫩，不帶魚腥味，搭配酸菜的爽口，湯頭淋上花椒和辣椒，十分惹味。響螺海皇燉冬瓜盅🍲冬瓜盅優惠價$168，限量推出，後來我看到其他桌都想點，卻已經賣完了～湯品非常清甜，冬瓜吸收了海鮮的精華，口感綿密，令人回味無窮。份量足夠4-6人分享~總的來說，這次的晚餐令我們全家都非常滿意，菜品不錯，還有很多優惠選擇，服務也十分周到。
繼續閱讀
✨ 原來喺啟德體育園都食到粵菜酒樓！✨ 依家乳鴿仲做緊買一送一！超抵食！🌟 紅燒脆皮乳鴿先講下燒乳鴿，$68有兩隻勁抵食上枱熱辣辣，皮脆肉嫩，啖啖肉😋🌟 波士頓龍蝦拼南瓜麵揀咗上湯牛油汁，唔會蓋過龍蝦嘅鮮味龍蝦肉結實爽彈，食得出好新鮮🦞廚師細心扑開咗對龍蝦鉗，食得好方便南瓜麵偏幼身，質地有啲似天使麵😙🌟 手工千葉豆腐豆腐片得好薄，睇得出師傅啲刀工👍🏻中間放咗肉粒、蔬菜粒，同豆腐幾夾健康之選，賣相又靚~🌟 原隻祝壽桃包壽桃包嘅餡料真係好足啊🤤綿滑嘅蓮蓉配上鹹蛋黃，飯後甜品就啱灑~
繼續閱讀
今日做野好忙，放Break時間要去到3點幾，還掂OT走唔甩, 一於同D同事落樓飲個靚茶.通常就嘆西式下午茶，食個炸脾飲杯奶茶，但其實既然今日都有排忙，咁不如食豪少少, 就決定去飲唐茶啦。中式酒樓黎講，呢間真係好開揚又企理，採光度十足之餘，落地玻璃仲望到成個啟德體育館個場景，真係好舒服！而家下午茶仲有全單8折優惠，早茶都有7折，呢個價錢真係好抵食！原隻鮮蝦燒賣皇 ($45)蝦肉爽彈，燒賣皮薄餡足，鮮味突出， 雖然得三粒，但係比起一般嘅燒賣大隻好多，值得一試！ 蟲草花濃湯鮮竹卷 ($35)個湯汁香濃，蟲草花加左d口感，鮮竹卷吸滿湯汁之後味道豐富。 鮮蝦蟹肉菜苗餃 ($40)皮薄透亮，蝦蟹肉鮮甜，菜苗清爽。 千島脆蝦角 ($40)外皮酥脆，內餡蝦肉扎實，點埋千島醬更開胃。順德煎鮮肉蓮藕餅 ($40)煎得好香口，蓮藕粒增添爽脆感，肉餅調味唔錯，好有家常風味。 海皇煎鹹薄罉 ($40)外脆內軟，鹹香惹味又大份，推薦中意香口小食嘅人。 瑤柱蔘菇炆伊麵 ($88)伊麵吸盡瑤柱同菇香，醬汁濃郁但唔膩，份量十足， 一班人share啱曬。
繼續閱讀