名館 (黃埔天地) (已結業)

如果大家都係在家中無飯嘅朋友，這裡就係一個唔錯嘅飯堂選擇，在這裡當然有好多選擇，但係味道價錢絕對係大家可負擔之如，食物質素一啲都唔差，賣相又精緻，座位都算闊落，落單後，等了一陣間就上菜，速度夠晒快點了餐前小食鮮蝦野菜春卷、五仁口水雞，而主菜就點了蜂蜜柚子蝦球，同埋個水蜜桃咕嚕肉，兩個小食加多兩個菜，份量絕對足夠二人吃飽，鮮蝦野菜春卷有六件，外皮香脆可口包住了彈牙嘅蝦肉，又脆又彈夠晒口感，而個五仁口水雞就真係五仁十足，鋪滿了雞上，雞肉嫩滑軟熟，入口帶辣之餘，雞肉重好夠味道，而配埋啲五仁入口更有口感！而主菜個蜂蜜柚子蝦球，大大隻炸蝦，上面淋滿了柚子蜜，入口香脆彈牙之餘亦充滿濃郁嘅柚子味，入口清新開胃醒神！而個水蜜桃咕嚕肉，亦十分好味，帶點酸甜，入口啖啖肉嘅咕嚕肉，真係愛吃肉嘅其中一個選擇！另外加埋佢嘅茶夠晒消滯醒神，整體覺得這裡絕對係一個可以享受一餐家常便飯嘅好地方！

自從開通左黃埔站之後，我同女朋友來黃埔的次數亦都多左，仲發現呢度除左多野行次外，食的質素都相當高！今日行完街，朋友同我講黃埔美食坊係呢度的人的飯堂，見到呢間中菜餐館，就入左來～餐廳主要都是用中式的設計風格，但倒水的水壺以金色鏡面設計，十分特別，與平常酒樓的略有不同。菜式都算多元化，除了平常我喜歡的晚市小菜之外，仲有燉湯、小籠包等等！一口小籠包每每都是我的最愛，將包子頂部咬去，再慢慢地從些方的洞吸飲包中的湯，超級滿足！我以前細個好鐘意食蔥油餅，每次我媽買比我食都超開心，呢度的手工蔥油餅令我食到以前的味道，外層的餅皮包著蔥油所造成餡料，真是百般滋味在心頭呀！不得不提的就是這裡的燉湯，我點了姬松茸燉花膠，好足料，飲得出師傅的心機，不但可以美顏，最岩點比女朋友飲～

今晚同屋企人黎到食這間名館，環境好好、舒服、光亮，而且比起一般酒樓清潔乾淨。等了15分鐘，好彩等到梳化位就座。鮮肉一口小籠包🥟整體不錯👍🏼小籠包的皮剛剛好，薄厚適中，餡料的豬肉碎幼滑而且多汁。識的時候，可以考慮配合餐館的黑醋汁。金銀蒜蒸勝瓜🥒勝瓜及金菇的味道濃郁。蒜蓉味道豐富，如果不喜歡蒜頭的朋友，未必接受。但是自己頗喜歡。黑金流沙包好醒目的黑色麵包，配上金色橫文，設計值得加分，麵包結實飽滿。奶黃好香、好滑，而且有好重蛋味，咬落去要小心熱辣辣的流沙流出來🔥好有水準金黃球泡飯🍲這個賣相非常可愛、特別！中間圓圓的是香脆飯焦，內面有軟軟白飯。湯汁中有唔同的材料可以混合飯焦一起吃，有豬肉，紅蘿蔔，粟米，香蔥粒。混合後成為，美味健康的湯飯🍲，而且入面的飯焦，令到湯飯口感多元化！水蜜桃黑豚肉餐廳選擇使用肉，肉質鬆軟好吃，去除腥味亦做得好好。水蜜桃配合醬汁，所以比較甜，咕嚕肉外表炸得香脆美味。

難得老公中秋節可以放早, 我地約左收工係黃埔站等, 睇場戲再撐枱腳食返餐慶祝中秋。老公訂左呢間係黃埔新天地美食坊嘅名館, 名館我同姊妹之前係中環分店食過, 食物有特式, 環境又靚, 所以我對今晚呢餐都非常期待。我地睇完戲先係6點, 不過都已經肚餓, 所以就早d去餐廳, 因為時間太早, 客人仲未多。餐廳環境光潔明亮, 座位寬敞舒適, 廚房採用開放式設計之餘, 安裝左玻璃隔開油煙, 可以一邊睇師傅備餐, 又唔駛怕油煙味, 讚。除左普通點餐紙之外, 黃埔呢間名館晚市仲提供多款優惠套餐, 價錢都幾實惠, 我地點左一客燉湯同幾款食物share, 兩個人食6樣野, 應該好夠食。糖心黑蒜燉響螺 $58響螺湯係我最愛嘅湯款, 呢款糖心黑蒜燉響螺湯頭超鮮甜,  響螺好大件, 加上黑蒜, 雞肉同豬肉, 兩個人分都好滿足。陳醋珊瑚紅海蜇頭 $58紅海蜇頭配上青瓜絲, 口感爽脆, 醬汁微辣, 味道清爽自然。黑金流沙包 $48老公好鍾意食流沙包, 呢個黑金流沙包賣相好吸引, 奶黃餡料非常流心, 味道香甜外軟內滑, 老公大讚。 水蜜桃咕嚕肉 $78平時我地食咕嚕肉最怕係菠蘿太酸, 名館呢款咕嚕肉配以香甜嘅水蜜桃,

依家連黃埔都可以歎到名館，行完Aeon就去晚餐。有好多卡位、大枱，適合一家人食飯。茗茶($8/位)，麥味香，喝了很舒服。價位比其他分店稍為低一點，cp值又高一點了。和麻醬雞絲粉皮($58)，雞肉很嫩，伴青瓜、花生、芝麻，味道麻麻辣辣的，麻醬不會太多，口感清爽，粉皮很Q彈，注意到不是白色的，像薯粉，很特別。黑金流沙包($48)黑色的包十分鬆軟，流沙的蛋黄餡更是無懈可擊，超級美味！蜂蜜柚子蝦球($78)，炸得很脆，而且炸粉很薄，大隻的蝦柚子味香甜，帶淡淡蜂蜜味，令人回味。砂鍋焗小黃花魚($68)，魚味好香，黄色的薑蓉味道很特別，似食油鷄加的薑葱味，用砂鍋上除左香d，仲可保温，減少腥味。金銀蒜蒸娃娃菜($58)，菜很新鮮，蒜味很特別，像在吃蒜蓉扇貝粉絲的味道。

名館是新派中菜，晚飯有頗多選擇。朋友還未到齊，先叫個涼菜，邊吃邊等。和麻醬雞絲粉皮 - 和麻醬好香，雞絲肉質鮮嫩，粉皮煙靱煙靱，青瓜爽口，撈埋一齊食，少少辣好惹味到 私房金黃球泡飯 - 用個鍋上台，鍋入面有個金黃色的波波，食果時將個黃金球搗碎同d湯拌勻球。湯味道清甜，有蕃茄雜菇等蔬菜，配埋香脆有咬口的泡飯，味道唔錯。蜂蜜柚子蝦球 - 蝦球炸到半晶瑩剔透，咬落爽口彈牙，食落酸酸甜甜，夠曬開胃。金銀蒜蒸娃娃菜- 娃娃菜夠新鮮，蒸到剛剛好，清甜脆口，蒜蓉炒得好香。

老婆近排好鍾意食中菜, 尤其係環境, 裝修同食物賣相都比較講究嘅新派中菜店, 當中我地去得最多嘅就係名館, 因為名館3間分店嘅食物都好精緻, 裝修有特色, 環境又舒適, 最重要係價錢貼地, 我地每次食每位都唔駛$200, 同一般酒樓價錢差唔多。😙今晚係北角接老婆放工之後就直接搭船去黃埔呢間名館開餐, 我地去到嘅時候雖然仲未到7點, 不過已經有唔少食客, 去到19:30左右就開始多人。餐廳裝修以木色為主, 半開放式廚房, 配以雲石餐枱, 非常有格調。😍我地因為太肚餓, 又有好多野想食, 結果叫到成枱都係, 好彩我地係坐4人方枱所以先放得落。😆姬松茸燉花膠 $58老婆好鍾意食花膠, 呢款姬松茸燉花膠味道鮮甜, 花膠大大件材料又多, 兩個人share都好夠飲。👍和麻醬雞絲粉皮 $58估唔到和麻醬帶有少少辣味, 同我地平時食嘅日式麻醬有d唔同, 味道更有層次, 非常配合滑溜嘅雞絲粉皮。 😋鮮蝦野菜春卷 $38春卷超大件, 外層香脆, 餡料有野菜同爽口嘅鮮蝦肉, 口感非常好。蜂蜜柚子蝦球 $78呢款$78嘅蝦球份量非常多, 外層薄脆, 醬汁帶有濃濃柚子味, 味道清新自然。👍私房金黃球泡飯 $68

兩個人想食啲小菜就嚟咗呢度，貪佢多款式，叫咗5個餸樣樣有啲以為差唔多，點知飽到反艇依家啲天氣成日都想飲啖湯，私房金黃球泡飯（HKD68）就啱晒，有少少飯焦口感唔錯。最正係湯清甜又多蔬菜。小菜就揀咗蜂蜜柚子蝦球（HKD78），蝦肉爽口又唔會有肥膏。特別嘅係柚子醬有青檸味中和返，冇咁甜添。和麻醬雞絲粉皮（HKD58）個醬有啲辣都唔錯，最鍾意佢有大大把花生碎，好足料。粉皮有啲似薯粉，幾掛汁添。蔬菜係必需食嘅，金銀蒜蒸勝瓜金菇（HKD58）有蒸扇貝咁嘅大堆蒜蓉提味，重口味得嚟又清清哋。黑金流沙包（HKD48）作為甜品嚟講好飽肚，但佢嘅流沙真係好出色，就算擺耐咗都一樣流得到㗎！唔怪得呢個係招牌甜品呀！埋單覺得貴咗少少，因為叫多咗，呢度夠3個人食囉。

自從黃埔有左地鐵，交通方便好多，我有幾位朋友都搬左去黃埔住，今日又有一位新居入伙，請我過去聚一聚，放工約左去佢屋企参觀一下，之後佢帶我去美食坊名館食晚餐，朋友知我喜歡食廣東菜，佢話呢間食過吾錯，特意帶我來食晚餐。餐廳用健康的麥茶招待客人，麥茶清香有益，健康飲品。冷盤點了陳醋珊瑚紅海蜇頭，好爽口，味酸酸甜甜的。朋友特別介紹這款私房金黃球泡飯，同火熱住上枱，保持温度，圓圓的球狀物是飯團，炸至金黃色，放入熱辣辣的上湯內，將球弄散，吸收上湯的精華，飯與上湯一起食好鮮味，黃金球邊還有飯蕉的口感，很美味。蜂蜜抽子蝦球，蝦球加入薄薄的粉漿，炸到外層酥脆，蝦肉爽口，加入韓國的蜂蜜抽子做調味，味道酸甜，又有抽子的香味。超正！金銀蒜蒸娃娃菜，娃娃不太林有口感，大量金銀蒜去蒸，蒜香味濃。甜品是夠薑千層糕，甜度適中，口感軟糯有薑香味。

晚飯時間，黃埔的確有太多選擇，但我卻偏偏喜愛呢間餐廳-名館，一間fusion 中菜館，飲茶，點心，食小菜，都十分有特色，所以常常来到要等位排隊，太多一家大細來呢度食飯，真系好受歡迎！選擇超級多，花多眼亂，應該日日來食都不會悶。價錢晤貴,可以試多幾款。最先上來既系雞絲粉皮，粉皮系用左薯粉，比平時食開的粉皮，更煙韌，雞絲一d都唔鞋，好滑。加上麻醬同花生碎，整體味道又提升了，非常好。呢道送就系傳說中特色的私房黃金球泡飯，估唔到真系一個球狀的飯球，一大球飯被飯焦包裹住，造型勁得意，浸在湯入面浮在湯面，有一大堆蕃茄令到個湯十分鮮甜。飯焦脆，將飯球敲碎，同湯一齊食，感覺好特別，絕對不是原本想象中的泡飯咁簡單。真系必order 食物之一，咪講笑，真系好掂。蜂蜜柚子蝦球，炸粉好薄，蝦球質感好彈口，食材質感好高，加上柚子蜂蜜的甜，整道菜食到好得好滿足。另外有道甜點也是必點，就系銀湖天鵝酥。呢個冇得輸的造型，未食已經贏晒，之後就系相機先食，玩左好耐未捨得食。鳥巢一樣的碗裝住三隻天鵝，勁得意，兩隻天鵝可以拼成個❤️，大人細路都鐘意。千層酥包住紫薯蓉餡，不會太甜，好吸引！好酥，紫薯蓉好綿密，超好味。蒜蓉娃娃菜，

黃埔其實真係幾多野食 而又好食架前星期黎左呢度食下午茶，試左個五彩麵 幾特別又健康～ 今晚黎試dinner黑松露小籠包查實本人係小籠包愛好者，會試盡任何一間有小籠包子的餐廳😂😂 呢籠小籠包 我食完先醒起係點左黑松露的，但食唔到有0.1%黑松露味既？？ 口水雞上面加左好多果仁，非常之香，雞嫩肉滑忍唔住食晒啲花生同果仁柚子蝦球這個超好吃, 蝦球炸完之後有柚子汁淋上去，好似披左件龍袍上去咁，即刻升華左！ 好 fresh 好想食再夾再食養肝參鷓鴣湯好足料，除左有養肝參之外，仲有豬肉、雞、同鷓鴣，精華燉晒出晒，好正私房金黃球泡飯好似一個鼎咁裝上，型！ 個湯又係超甜好飲個泡飯就係嗰個波波～仲有蕃茄粒，健康之選

上星期同媽媽係黃埔睇完戲又差唔多係食飯嘅時候 所以就決定飛起老豆 同媽咪撐枱腳 行咗黃埔一個圈之後 媽媽最想食返中餐 於是就上網睇一睇有咩中餐好食 我被一樣野吸引左就揀左呢間啦 呢個茶唔係平時飲既普洱香片 而係蕎麥茶清清地咁去下膩既感覺 同埋又唔驚夜既飲茶訓唔著〰️黑金流沙包〰️$48我就係為咗呢個包而揀呢間架啦 佢既外形係黑色已經好特別再好隨意咁掃左啲金色落去真係好鬼死型 一口咬落去啲金黃色既奶黃流沙出嚟真係好正 好睇又好食〰️蜂蜜柚子蝦球〰️$78雖然呢個係炸蝦球 不過蝦肉都仲算彈牙 而配埋甜甜酸酸既柚子汁令到成件事冇咁熱氣 〰️金銀蒜蒸娃娃菜〰️$58一大片既蒜蓉鋪上面 令到呢個冇咁清淡〰️和麻醬雞絲粉皮〰️$58通常呢個菜返去剩係得雞絲同粉皮 但係呢度就加埋青瓜條同蔥絲 粉皮既煙韌加上爽口既青瓜 口感豐富〰️私房黃金泡飯〰️$68呢個飯個賣相最多有氣勢係我一個類似頂嘅你阻住 呢個泡飯有少少飯焦係面既 但係呢因為我掛住食之前個幾樣 而令d飯焦浸淋左少少 所以如果大家食嘅話就要趁早食 呢個飯幾抵食 我地兩個每人都食左兩碗半

今日去咗黃埔花園，幫阿姨執番個窗檯滲水位，佢話10號風球嗰日好恐怖，好多水湧入。完工後，阿姨同我去新天地美食坊食飯，佢話呢間店啲嘢食唔錯，又抵食，好多街坊，甚至街外人都會嚟食。 又真係幾多人幫襯喎，等咗一陣先有位，都仲唔係卡位，要坐四方檯。不過無所謂啦，好食就坐咩位都一樣㗎啫。 食咩由阿姨話事，一切聽從佢吩咐。不過，佢都知我大食，所以點咗唔少嘢，差啲一檯擺唔晒。佢點咗和麻醬雞絲粉皮、黑金流沙包、蜂蜜榴子蝦球、金銀蒜蒸娃娃菜、私房金黄球泡飯。 啲茶啲味道都幾特別，又幾好飲，阿姨話呢啲係蕎麥茶，出面唔多餐廳飲得到。 上嘢都好快，一陣間上齊。 【和麻醬雞絲粉皮】 初初以為涼菜唔會好大碟，但呢個又幾大碟喎，雞絲又多，咁足料，唔怪之得阿姨話呢間抵食啦。 青瓜絲好爽脆，粉皮帶點煙韌，唔會係一挾就斷嗰種。至於個和麻醬係有少少麻辣味的，食落都幾過癮下。 【黑金流沙包】 熱熱辣，皮薄餡靚好好食。 裡面啲流沙蛋黃汁，一咬就必晒出嚟，正呀!【金銀蒜蒸娃娃菜】 材料雖然好簡單，但賣相和味道一啲都唔失禮。娃娃菜開半用碟蒸，上面放咗超多蒜蓉一齊蒸，蒸熟後攢豉油熟油，食落娃娃菜香甜又有重香蒜味，我和阿姨都好喜歡咁樣

可值得嘗試的一間餐廳，食品不錯，有特色，份量應中，三五好友相聚吃飯不錯喔！黑金流沙包很出色，必吃👍🏻適合不同年齡對象，去到紅磡不妨嘗試下，地點方便，一出地鐵站過對面馬路就是。

與朋友相約喺紅磡食晚飯， 要搵一間坐得舒服又可以傾得耐嘅餐廳， 黃埔入面的美食坊 都係一個唔錯嘅選擇， 名館價格唔算好貴,  晚餐小菜連飯都係七八十蚊就有交易， 裝修算舒服企理，不過有一點我唔太喜歡的係卡位的背靠太矮, 我好怕撞到後面的客人。今日叫左幾道菜: 私房黃金球泡飯黃金球泡飯原來係一個炸過嘅波波球飯, 白飯搓成一個波形輕輕地走過油, 外層飯焦非常香脆， 而湯底非常濃郁， 入面嘅材料亦都非常多， 有毛豆蕃茄肉碎冬菇 同埋粟米， 口感豐富。 唯一美中不足係如果飯嘅份量唔係好夠大伙兒食, 如果份量再多一點就會更好。蜂蜜柚子蝦球大蝦球肉質非常爽身彈牙， 蝦球輕輕裹上粉再用油去炸， 炸粉不算太厚， 配埋柚子果醬， 入口酸酸甜甜， 開胃又爽口。黑金流沙包黑金流沙包即叫即蒸 ， 話明黑金其實係指包身係黑色， 包身有少少煙韌， 而蛋黃夠曬流心夠曬滋味，味道鹹鹹香香， 食嗰陣真係要睇住個嘴仔，小心辣親。五仁口水雞口水雞雞肉嫩滑， 配埋獨有嘅紅油， 淨係睇賣相 ，口水就一直不停流流流。 最特別係餐廳加咗啲五仁落去， 有花生芝麻杏仁南瓜子等等， 口感豐富一流， 配埋雞肉嘅嫩，一軟一脆，口感非常獨特。