名館 (已結業)

📍#名館📍Ming Bistro 🇭🇰香港銅鑼灣軒尼詩道500號希慎廣場14樓1401號舖🇭🇰Shop 1401, 14/F, Hysan Place, 500 Hennessy Road, Causeway Bay, HK🌐銅鑼灣 🌐中環 🌐紅磡人均消費: HKD180味道: 👅👅👅👅賣相: 👀👀👀👀價格: 💰💰💰💰環境: 🌹🌹🌹🌹服務: 👨🏻性價比: ⭐️⭐️⭐️⭐️回頭率: 🔆🔆🔆本來想去中環分店試試十三么甜品，因時間關係去不了，就去了銅鑼灣分店，誰知沒有十三么甜品😂😂餐廳在希慎14樓，尚算方便！環境十分開陽，坐窗邊可以俯瞰銅鑼灣下午時段有點心放題，$168/位，不過看過點餐只好決定還是散點好了😅⭐️紅燒嫩滑妙齡鴿🐥$58乳鴿賣相和平時食的差不多，燒得紅噹噹很靚肉質的確十分嫩滑，而且乳鴿味道香濃惹味，食得舔舔脷🆗芝麻醬雞絲粉皮🍝$58芝麻醬雞絲粉皮的醬汁我覺得是OK中規中矩的問題在於粉皮跟平時吃的有點不一樣，粉皮比較厚身，比河粉更厚，口感不太好花生碎很多，但青瓜太少了⭐️鎮江水晶餚肉🐷$48水晶餚肉都不錯，裏面的餚肉肉味重，十分香口，啫喱位置如果味道可以更香濃就較為理想啫喱位置看到好像百福豆

2:30下午茶時段優惠，我們2人選擇了高椅的窗口位，邊看風景邊品嘗美食$58兩款點心加一杯豆漿（冷熱均可）我們點了雙色叉燒包鵪鶉蛋燒賣，另單點蝦乾豬肉蒸竹筒飯及玉兔蒸餃（豆沙餡料）點心即叫即蒸，夠熱夠新鮮，點心選擇多，但每枱相隔較近，所以環境有點嘈。

每逢星期日，就會想同屋企人飲茶，一盅兩件。呢次試吓位於希慎嘅「名館」。餐廳有點心放題嘅選擇，不過我同屋企人都唔食得多，所以揀返散叫。餐廳供應蕎麥茶，對於老人家來講唔習慣。午餐除咗點心，仲有小菜、燉湯、水煮系列等。「名館」環境開揚，枱與枱之間有距離，座位幾闊落舒適。=========================【名館筍尖蝦餃皇】$48蝦餃賣相精緻，皮略厚，鮮蝦彈牙，加入筍尖作餡料，口感爽脆。【鑊仔生煎蓮藕餅】$48混合芫荽幾香口，爽脆唔油膩，食到蓮藕粒粒，夠厚有口感【鴛鴦流汁叉燒包】$42呢個幾特別，外皮煎得香口，似生煎包嘅質感餡料係叉燒包嘅醬汁【太極馬拉糕】$58太極圖案嘅造型有心思，一半金黃色嘅原味，一半黑芝麻味；表面氣孔偏大，食落質地偏結實，欠缺香味，黑芝麻味淡。=========================名館 (銅鑼灣)📍銅鑼灣軒尼詩道500號希慎廣場14樓1401號舖

$128/位任食，其實真係算平。因為之前嗰2個星期去飲茶，除返都要$120-150/位。所以任食嚟講呢個價算係平。當然咁平就少咗啲選擇啦⋯⋯而且都變咗好多點心都係飽肚嘢。蝦餃鵪鶉蛋燒賣流心包之類啦⋯⋯突出就唔算架啦，普普通通囉。當去咗集團式酒樓嗰啲水準。賣相都係普普通通，所以影咗幾張就算奉勸一句：蒸嘢出得特別耐，入去記住點啲蒸嘢先飲品全部要額外比錢，我見有燈膽豆漿諗住試，點知嚟到係普通杯，我覺得要另外比錢你都仲要名不副實呢吓真係失望。

雖然冇之前介紹過既點心放題咁有海景，不過都坐得好舒服 拍拖都可以飲茶架！點心種類特別 而且全部都高質！好推薦！✅ 傳統點心蝦餃 燒賣正常 叉燒包係雙色而且係煎既好特別 而且熱辣辣！ 天鵝酥好適合打卡！ 小籠包 鮮奶卷 蝦春卷 黑毛豬糉 全部都唔錯！✅ 川/京系列佢既川/京小食好有驚喜 味道有層次 辣得過癮！例如餃子 黑雞腳 泡椒魚皮絲 (極推！）水晶餚肉 同 雞絲粉皮都好推薦！➡️ 麵/飯類叫左個雞粒炒飯同擔搶麵。正正常常➡️ 甜品綠茶奶凍超解辣！ 棋子酥就普普通通🦁 名館銅鑼灣軒尼詩道500號希慎廣場14樓1401號舖中環擺花街1-7號1號廣場1樓紅磡黃埔天地美食坊(第8期)1樓113號舖🦁 人均消費：$200｜推介：❣️❣️❣️❣️

其實我本身都幾討厭食放題，原因主要是：1. 食肆會選擇性扣起我落的order,又或者拖慢來出，以減低營運成本2. 其實讓你在指定時間任點任食，其實食物的質素真的有限，除非你真的是一個大胃王，否則我寧願選擇散點。時間又有限制，又要勞心勞力去催促店員沒送來的食物，那又何苦呢？省到錢又不是多今次真的與食物質素無關，是因為地點是位於銅鑼灣中心地帶，客人眾多，店員又少。第一次去這間店食放題，我們是滿意，因為無被克扣order，食物方面又保持到，可是今次就強差人意，幾乎九成以上的蒸點都被走單，而店員都完全沒有時間理會其他客人。我會建議往其他分店，以避免這個不愉快的情況再發生

兩條友星期日好想飲茶知道佢有搞放題 錦就啱我呢啲大胃王啦種類都算還可以食物質素唔錯員工數目唔多 好多時都要舉多兩三次手先有人應另外 炸物特別好食 例如咸水角同生煎义燒包咸水角好飽滿 用料好實在 皮到煙煙韌韌 叫多左幾粒試試义燒包做左兩隻色 黑色似竹炭味但其實無味白色似生煎包 脆脆地 入面有幾粒义燒 汁唔會太濃稠 比較液態 唔會過重甜味 值得一試棋子餅 其實係綠豆餅 但係綠豆味唔出 無甜味 唔洗試大良脆奶 其實入面奶好味 不過出面既面包炸得好油膩感好重 天鵝紫薯酥 好酥 但紫薯味唔出蝦餃 晶凝通透 飽滿實在 原隻大蝦 值得一試流沙包 熱辣辣有油分係入面 邪惡非常西米糕入面有奶皇味 口感煙韌唔會太甜 可以一試鵪鶉蛋燒賣 原粒鵪鶉蛋同燒賣既豬肉其實係兩樣野 似分開左兩樣食物 鵪鶉蛋無味 下面豬肉都起碼有彈性似食緊豬肉丸錦藍莓🫐包話流心但唔流 似藍莓蛋糕多過包 一般春卷有隻大蝦 脆薄適中 粗幼適中 味道帶咸 尚算可以雞肉冬菇粒炒飯入邊有晒雞肉粒 粟米粒 炒飯粒粒分明 幾有鑊氣 魚皮爽口 但係有x仔米線既麻辣味 幾惹味腸粉好滑溜 麻醬甜醬好香濃 夠曬熱總結：-90分鐘放題但係冇吹我哋走 坐得幾舒

朋友介紹我黎試下任食點心，如果你係食得多既，任食點心百幾蚊一位真係可能比較划算。一般茶樓食個點心都要二三十蚊，百幾蚊食唔倒好多野，而且食物質素參差，未必樣樣有保證，環境仲未必好。今日試過超過十款點心，任食紙上大部分“打得又睇得” ，上檯美觀令人食指大動之餘，味道亦很好，叉燒包堅脆皮而且好大舊叉燒。天鵝酥好靚，不過認為味道係咁多樣最差既，炸得太油及豆沙餡太甜。另仲可試冷盤小食同熱食

12:15到, $128+茶錢加一, 去之前打左電話問仲有做放題, 到門口時見到原來有午餐$68+起但都試下放題-90分鐘, 員工好小但總算OK唔係之前所講既黑面口。特別推薦, 黑毛豬糉黑鳳爪同魚皮-SPICY  (3樣都忘記影相)一張點心紙,叫兩ROUND都KO個胃同90分鐘, 建議唔好叫麵食

下午茶星期一至五優惠（100分）A set +b set各選一款免加一，免茶芥，超抵食希慎廣場位置銅鑼灣黃金地段，食野一向唔平，樓下tea set 都70,80蚊。但呢間位於頂層的茶樓，做緊下午茶時段優惠，set a我選蝦蛟，b set我選藍莓流心包，58蚊，連一杯豆漿，免加一，免茶芥，但佢仍然會沖壺茶俾你，有得住窗口位，大梳化，對面望到宏利大廈，利園，個境一流，慢慢坐。估唔到份量冇少到，一籠蝦蛟俾足4粒，流心包俾足3個，超驚喜，蝦蛟用料十足，1隻蛟有幾隻蝦，至於藍莓流心包更好好味，似蛋糕入面有藍莓醬，好難得酒樓有藍莓包。

我們二人於28/12（星期一）中午12時到達餐廳，雖然我們於較早前已經訂位，但職員只是隨便帶我們到坐位上，感覺混亂。門面職員只有1個，又負責接待，又負責沖茶，感覺上人手不足。我們tick完點心後，要等了約3分鐘才看見有職員。之後，另一職員跟我們說要換位，感覺不太良好。我們只叫了2輪放題點心，2人份量來說足夠，但有些會漏單e.g. 鮮奶卷，餃子等，但我們亦沒有追究，因為看到樓面人手安排上確實不夠。以下為我們吃了的點心放題: 小籠包，蓮藕餅，黑金流沙包，紫薯天鵝酥，咖喱羊肉餅，藍莓流沙包，叉燒包，芋絲軟夾，貓耳朵，麻醬粉皮，桂花淮山，香菇雞粒炒飯，擔擔麵，玫瑰奶黃糕，抹茶啫喱，金薯棋子餅，水晶餚肉。推薦點心：藍莓流沙包，紫薯天鵝酥，抹茶啫喱，金薯棋子餅，水晶餚肉，香菇雞粒炒飯。星期一至五：$128/1，茶芥$8/1，再加一，平均一人$150

25號唻食點心放題每位$168，再$8茶芥加一，食九十分鐘點心選擇還好，有啲同平時酒樓不同的特色點心例如麻香無骨黑雞腳等，然後就沒有然後整體質素不錯，蒸點水準幾好，皮同料都幾好但係可以話叫咩無咩落左兩輪點心唻左既有小籠包大良鮮奶卷蝦餃皇蒸粉果雞絲粉皮雞腳水晶餚肉催左成半個鐘至九個字先唻蓮藕餅蘿蔔糕羊肉餅叉燒包無唻過但又唔出聲既有流沙包燒賣餃子流心包鹹水角最準時最快既有催你比錢趕你走啲侍應態度仲要好惡劣我唔明點解會有人推介唻呢間真心唔推薦大家唻食

🍚點心質素中，任點任食，賣相精緻，適合打卡，即叫即蒸，環境寬敞。👍🏻推薦必叫

自從上次食過一次名館既點心放題，成日心思思想再食。呢日咁啱同胖侶同時放annual leave， 決定再去食。🥢鎮江水晶肴肉-爽口彈牙，必叫。🥢銀湖天鵝酥-造型夠特別，香酥脆口。🥢咖哩蒙古羊肉餅-咖哩甜度恰到好處，薄餅煎得香脆可口。🥢桂花鐵棍淮山-桂花既清香配上爽脆既淮山， 配搭一流。🥢名館蝦餃皇-必點既蝦餃， 蝦肉彈牙，餃皮都夠薄。🥢鮮肉一品小籠包-一般，不過不失。🏠 名館🛤️ 銅鑼灣軒尼詩道500號希慎廣場14樓1401號舖

呢日我地去左銅鑼灣行街, 行到2點幾覺得肚餓, 就去左希慎廣場搵食, 今次就去名館食點心放題。一打開餐牌, 見到食物款式種類多, 花多眼亂, 樣樣都想試。黑金流沙包-         包包食落鬆軟, 流沙餡爆哂出黎, 奶黃餡香甜又滑。橋底混醬豬腸粉-          腸粉滑溜, 配上混醬一齊食好好味。鮮蝦春卷-         春卷熱辣辣, 又夠香脆可口。香煎臘味蘿蔔糕-         糕面煎得香脆, 臘味咸度適中, 味道不錯。大良鮮奶脆網卷-         奶味濃郁滑溜, 但可惜略嫌太油。名館銅鑼灣軒尼詩道500號希慎廣場14樓1401號舖