君臨宴會廳

營業中

休息中

大年初一到這裡晚飯, 全場爆滿。 供應菜式都係一些賀年菜, 除了套餐, 也可以散叫, 比起其他只供應套餐的酒樓較多選擇。來幫襯的多是住在附近的街坊。其中乳豬, 炒西蘭花帶子貴妃蚌及蒸魚十分出色, 其他菜式也不過不失。以當晚全場滿坐來講, 算十分不錯了。菜式份量也十足, 價錢合理。

最近搬到附近，電話預訂時說只有4:30-6:30檔，預訂五人桌。到場三人，立刻把我們轉小桌。實際上這個時間檔根本沒有其他客人，所有桌都空著，一直到六點多才有客人，我們都已經吃完了，幾搞笑。我們點了1788元六人套餐，小桌根本放不下，也沒有服務員給我們調整，看著我們把菜放邊上桌，一盤盤拿著吃。當時請朋友，加上過節不便發聲。另外，我們說普通話，不知道是不是被這樣對待的原因，實際上我們已經居住在香港八年了，不是遊客。今天打電話投訴，但不知道會不會反應到管理層。

佢包漏咗個鮑汁雞腳比我，我打電話比佢個陣佢同我講叫我自己黎拎，態度10分惡劣之後仲要同我講「你自己唔睇清楚姐麻」，姐係你地包漏嘢就怪個客唔睇清楚？咁唔洗你地做啦我入去自己包啦 ，以後唔會再去，態度惡劣

睇左幾個網上評語，都話差。親人又係不斷話又貴又唔好食，但酒樓可以捱過疫情，點都要幫襯吓！三個人，平日午市時段，等位約15-20分鐘。入座後，服務快手、坐位恰當、洗手間正常、食物好味！ 午市每位$100，滿意呀！

唔講其他嘢差。食肆嘅食物差就其他嘢幾好都無用。呢度只係勝在地點方便，俾啲行動不便嘅居民同親人光顧。反正係平民地方。個㕑房一日唔改善，必定無番身之日。食評只會一路係負評。

與家人吃團拜晚飯，為了方便，又係應節，點了一個$3688 的 12人餐，其實都不是什麼好吃。上菜次序混亂，上菜速度慢，不足夠侍應服務，早知散叫可能仲好。🙃🙃🙃

沙田愉翠苑分店用膳，離開時前往收銀處付款。一名女收銀員（人如其名「木口」木面） 整個收銀過程都與另一名女收銀員及其他顧客傾計，而沒有理會面前等候付款的我。我重覆了兩三次八達通付款，她才回過神來。接著，我再要求給我收據，結果我問了兩三次也沒有應我。友人問我是否已取收據？我回友人「佢同緊人傾計，無理我。」當我地步向門口走時。該名女收銀員竟突然大聲喊道「咩傾緊計丫！我做緊野丫！」然後就不停大聲地話「你係咪要睇單！嗱！」然後掉落櫃檯。但最後女經理一句話「佢係替工」替工就大曬，可以任罵客。甘做替工都幾好喎！呢間公司的文化真係好特別。#食物質素方面，可參考相片，無乜特別。

今次星期六去食午市平時多數飲早茶所以試下因為佢地服務好好👍🏻侍應姐姐好有禮貌仲有個靚仔經理佢服務都好好一般酒樓午市都有燒味但係佢有燒鵝味道唔錯👍🏻😋😋見到有人叫半隻原來有午市套餐只係$42真係估你唔到另外有特價點心

飲早茶選擇有醒晨孖寶點心$38特價點心算多選擇又有點心拼盤都係計中點一個人飲早茶份量都ok有六件點心有包，有甜點，餃類都抵食味道唔錯算ok 早市時間算長時間午市都有點心優惠

點菜叫燒賣，等了25分鐘仍未來，於是埋單。阿姐問我還要不要燒賣，我說要走了，等得太耐。於是阿姐叫我下次唔好叫燒賣又唔好叫牛肉，因為點心最少要等30分鐘，送到來最少要35至40分鐘。她叫我下次叫飯。我從來沒想過來酒樓不吃點心。計錯茶錢，收了我三個人茶錢，其實只是要收兩個大人的茶錢，一個小朋友原是不計的。阿姐話已經入咗機所以唔會退錢！？我諗我以後都唔會再來飲茶。所有職員的態度都有問題。

兩個成年人，叫了一隻蒜蓉碎蒸西澳龍蝦、一碟蝦球伊麵、一隻黑椒豬手。龍蝦新鮮 (選蒜蓉蒸的龍蝦通常都會較為新鮮，如果用上湯焗或薑蔥炒就不敢說)，可惜調味太淡 (我本身已經吃得很淡)蝦球伊麵居然有成八隻巨型爽脆蝦球。黑椒豬手的黑椒很夠味，很大隻很多肉，皮很厚彈、滿滿的骨膠原。雖然我其實對豬手不太有興趣，但以豬手來說，這道菜算很不錯，至少不比西餐廳的豬手差。送紅豆沙，不錯環境: 這家酒樓比起區內的其他大眾化酒樓，座位較為寬敞、枱與枱之間沒有那麼迫、樓底也較高。埋單大約 $570

之前來喝過兩次下午茶，這次換成喝早茶。精裝點心拼盤：共有六款點心，包括馬拉糕、叉燒包、燒賣、潮州粉果和兩隻以蝦為餡料的餃子，每款點心的味道都不錯，$25.8可說超值，超值！香煎蘿蔔糕：這蘿蔔糕內有蘿蔔絲，也有臘腸粒，比起現在很多食店的蘿蔔糕只有糕沒有蘿蔔絲和只有很少臘腸粒，實屬真材實料，有驚喜，若煎得熱一點更好。順德鯪魚球：大得驚人，味道也不錯。菜乾豬骨粥：味道不錯。雞絲蒸粉卷：餡料足，味道好，但粉皮太軟。總括來說，這店的點心雖然仍有可改善之處，整體來說已算不錯。想一提的是，這早茶供應至上午11時，我們九時多到來，食物供應充足，但鄰桌的顧客在十時許到來，絕大部份早茶的食物已售罄，所以有興趣來喝早茶的，建議早一點到。

踏入深秋，又係進補嘅好時候。見倒呢間酒樓推出枝竹羊腩煲，於是同家人嚟食。羊腩煲連生菜一碟，$268。份量好大、羊腩(當然唔係全部羊腩喇！)煮得好冧、好入味，但又唔會太咸。我哋一致認為扺食。另外再叫了孖寶餐－豉油雞同蝦仁炒蛋。雖然孖寶餐只賣$168，但係隻雞一啲都唔細，估計大概斤半重。雞煮到啱啱熟、雞肉好嫩、豉油又甜甜哋，好啱送飯。蝦仁炒蛋一啲都唔失色，只係調味差少少。蝦仁好大隻，有六七隻；蛋炒到八九成熟，仲有少少有滑蛋feel。呢隻整體唔錯，3個人食淨半隻雞拎走。假期前的晚餐，滿足！

黎到愉翠商場，上1層第2間鋪位已經係呢間酒樓，好容易就見到！當日大約12點左右去到，人數不算多，仲有早茶飲添佢有張紙係孖寶，雙數咁叫會抵好多，記住留意😋小籠包：浸皮唔會太厚，肉質中上，可以一試！炸芋角： Below average，係凍架！暖都稱唔上，好失望啊😢有食過呢款點心都知凍同熱係差好遠架.... 粉果： 入邊有條好長的白蘿蔔，花生同肉碎略嫌不足。服務水平：上菜速度可以接受溫度：唔會太凍總結：係一般屋邨商場的水平，性價比合理，人均40蚊左右（2籠點心）

疫情第三波，原應該留家抗疫，但早前訂了 酒店Staycation，不能退款，就入住吧。在附近覓食，到愉翠商場，看到君臨酒樓裏面人客不多，所以就飲茶吧。鹹菜豬肚：份量不少，而且豬肚炆得夠稔，夠入味。枝竹也炸得夠老，炆得夠入味。不太鹹，不錯！不錯！鮮蝦菜肉餃：這個很好，三粒菜肉餃非常大粒。除了蝦肉夠爽，菜的份量也不少，非常爽口！山竹牛肉：正常叉燒腸粉：不錯！腸粉幾滑，而且叉燒份量不少，很飽肚。沙田雞粥：也不錯！用鹹雞去煲，粥不太鹹，又下火。但是，桂花杞子糕就麻麻地。桂花味不夠濃，而且魚膠粉太多，桂花糕過硬。整體而言，很多款點心了，只二百元。而且，各款點心都好味，幾好！幾好！