君臨宴會廳

營業中

休息中

好食心機菜魚有食味夠鮮, 食魚必去酒家地方寬敞餐廳環境優雅舒適菜式品種繁多, 種類齊全主打新鮮時令海鮮, 口感鮮美可口同時亦有精緻的粵式風味菜品餐廳設計時尚, 寬敞明亮適合家庭聚會或商務宴請餐廳備有專業侍應, 服務周到親切品酒選擇豐富, 能配合各式菜餚不論大小聚會都能安排妥當為食客提供舒適愜意的用餐體驗是區內一家值得一試的優質酒家好食，心機菜，魚有食味夠鮮，食魚必去酒家。地方寬敞。

11點15分入坐，黑色短頭髮肥肥地嘅經理早餐都未過時間，就比午餐點心紙我地，我發覺隔離臺寫緊早餐紙，就同工作人員要求要早餐紙，工作人員就話邊個開單就同邊個拿，咁叫返個經理拿早餐紙，仲不情願話覺得我地唔夠時間叫，要12點埋單，到11點28分隔離台都係岩岩寫早餐紙。12點前去買單，有2個點心佢仲未落單，咁我就話落左我買單先，同一個經理佢就即刻話全部要計原價，如果唔係要即刻離座。最後俾佢計左全部原價，就係因為啲嘢未來齊，我地無法12點離座。隔離吉之島名苑早餐11點半前叫，12點半前買單，買完仲可以俾你係度坐一陣，君臨尼個經理要求我即刻離座，如果出面排長隊我可以理解，問題間酒樓大把位置。係我食過最激氣的一餐，之前係尼度個辣椒醬有曱甴都未俾過差評，今次尼個經理態度實在太差，從此唔會再光顧

蝦餃幾好食，價錢vs質素都唔錯，唔算太貴不過食材餡料新鮮度蝦餃皮厚薄度都ok。特價小菜$40一碟忍唔住叫咗個生菠蘿生炒骨試吓，抵食過點心。煎釀茄子大大件釀魚肉夠厚身，只係油多咗少少。鮮蝦粉果嘅蝦都新鮮彈牙，係塊粉果皮厚咗少少。燒賣又係幾唔錯幾有彈性幾新鮮。雞包仔就皮太厚餡太少，仲有唔夠薑絲。煎腸粉好食，煎得夠乾身外皮微脆加少少燶邊好掂。

午餐時段公司開個年揀咗呢間酒樓飲茶，叫咗幾個點心，質素麻麻，不過服務又幾好，ok收貨啦。山竹牛肉叫做幾樣點心之中最好味嘅。雞包仔還可以，係餡少咗少少。燒賣一夾就散開，有啲奇怪，味道就正常嘅。蝦餃啲蝦還可以，不過可以再新鮮啲，但係衰就衰在塊皮痴住晒，夾到爛晒。煎腸粉就求其煎兩吓，煎得唔夠乾身，蝦米又唔勻巡，一條好多蝦米另一條又無乜。

今日同幾個朋友去咗荔枝角～君臨宴會廳飲茶！我哋叫咗多款點心，包括燒賣、蝦餃、上湯菜肉餃、粉果、雞包仔等等，食物全部都好美味，而且所有點心即叫即蒸！最令我驚喜的是有傳統的蛋散，很久很久沒有吃過有椰絲、碎花生的蛋散，勾起了不少童年的味道！整體味道十分不錯，下次會再跟朋友來飲茶

呢間酒樓點心都ok，樣樣都合格，除咗雞腳唔夠腍，食得有啲唔爽之外，其他點心都算好食！不過星期日食價錢有啲貴呀，唔知係咪因為出消費券第一日，感覺特別貴。咁多樣嘢加埋一三百頭，稍貴！

離家不遠，時不時會經過泓景匯君臨，但１次都沒來吃過！今天下午又經過君臨，終於吃１次午餐。點了以下的：#普洱茶：濃而不澀，解油膩，很不錯！#燒味雙拼飯：燒味單拼飯可以點１碗，雙拼和三拼只可以點１碟，份量很足，夠２人share吃。點了叉燒拼豉油雞，叉燒筋比較多，扣分！豉油雞肉質算滑，不錯！米飯軟硬適中，配的薑葱油不會過鹹，好！#鮑汁鮮竹卷：先說醬汁，鮑汁比一般的蠔皇，更好味！(多了鮮味)；再說肉餡，豬肉比較瘦，減低油膩感，加了甘筍絲和筍絲，我喜歡！會再來吃午餐，但不會再點叉燒。

無諗過飲茶真係淨飲茶啲嘢食勁耐先上餓到個人開始唔覺餓真心諗住食中餐無諗過係法國菜嘅速度癲事情同想像中岀入太大到呢刻我仲係等緊一個鐘前落嘅單望住遲過我哋入嚟食嘅人都走晒唔會再嚟食

怒目呼喝客人，仲話唔驚寫食評，坐得近，只係問一張係佢手邊的點心紙，係咁鬧人，經理同高層都扮睇唔到聽唔到。我話係常客，登大着眼話“多得你喔”。荔枝角咁好多茶樓，唔會再來食。

以前係荔枝角返工有三間酒樓飲茶☕️富臨、盈暉、君臨，🍲🍜🥟富臨路程最近公司，🚶🏻🚶🏻‍♀️但食物最差、員工態度更差、嗌嘢食好多甩漏，😖對住班年紀大嘅食客就好聲好氣，對住後生仔（我地）舉手問野會無視、追單會hea你，🙂又係一間用餐體驗差比錢買難受嘅酒樓，🤯盈暉就好少少中中等等普普通通，😐最遠嘅君臨反而成班同事都好樂意行15分鐘去食，酒樓嚟講食物質素係三間之中最好，😋😋呢個價錢中等合理，👍🏻坐幾耐都唔會有人催你交檯，環境夠大檯與檯之間空間足夠唔壓迫，🙌🏻樓面姐姐同經理服務態度都好好，🥰每個禮拜去慣去熟成日講我地食甜品/糖水，😚可能因為成班同事次次都食成千蚊落樓，💸但人情味係宜家香港呢個社會係餐廳嚟講真係買少見少，🥹希望君臨老闆會加員工人工獎勵下佢地咁用心工作！😆

父親節到la所以我哋一家大細嚟茶樓飲個早茶請老豆飲個靚茶，慶祝父親節好早就過嚟book位不過原來都唔算多人我哋一到就自己搵位坐好耐無飲茶啦即刻拎張孖寶紙點嘢食個鳳爪排骨飯係大家必叫之選個鳳爪排骨飯真係好足料我哋叫咗兩個成家一齊食好回味而且仲叫咗叉燒腸粉雖然啲腸粉唔係三條放埋一齊不過品質唔錯都係好味茶方面都好好飲唔會愈沖愈淡睇得出茶樓好重視茶既品質服務態度都唔錯啲點心好快送到，大家唔會等好耐下次會再嚟！

同事們想撇開膠層來個團年飯，當然係去飲茶啦。講野不用細細聲，夠嘈，豪邁點也行。聽同事説此酒樓是傳統中式酒樓，食物美味，就趁今次一試。一行四人，十二時不用等位即可入坐。要試間酒樓行不行，一定要試腸粉。點了叉燒腸，粉皮夠滑嫩，叉燒肥瘦適中，口感不俗。另外點了點心拼盤，瑤柱蛋白炒飯，蘿蔔糕，燒煵仔，金錢肚，叉燒包，魚肉釀青椒矮瓜。。。我發覺，除了全部也好好食，份量都好大！四個人食，好難先清得晒！埋單每人一舊水😁另外要提的是鐵官音，粗茶來講算唔錯。過左一個愉快gossip又好味的lunch time!😝

在西九四小龍商場內, 跟同事來過一次午餐, 但臨走時見到佢其實有做下午茶, 好似幾平下咁添, 擇日再來試下, 星期六都有做下午茶所以同太座來品嚐一下, 茗茶$8/位, $12.8(優),  $15.8(小), $20.8 (中), $23.8 (大), $27.8 (特) $43.8 (頂) 燒味湯米粉,瀨粉, 米線 $19.80- $22.80特價炒飯, 炒河,炒麵$55, 大部份點心都好食除咗屬於限時小點嘅紅油抄手, 勝價比高的有薑蔥牛柏葉(大), 南乳炆豬手(中), 觧豬潤肉丸粥(大) 香煎三色糕(小), 蝦餃都只係中點, 地方空間感夠大, 即使服務只係一般, 但點心品種多樣化, 所以這店有下次,

出去做野晏左食飯, 同事帶我去公司附近飲埋下午茶, 依間酒樓第一次嚟食, 唔係同事帶我都唔識點行過唻, 下午茶唻講都幾多款式, 食果幾個點心都幾好味, 除左個腸粉之外, 我地特登揀左紅色字果啲點心嚟叫, 唔知係咪代表新推出呢? 依度食野又唔算貴, 有下次!

今日下午去咗君臨食完飯，同行一共六人，叫了一個四至六人套餐，看起來好似好抵食，但實際就唔係咁多嘢食 。有六款點心，每款有兩件；一個例湯、 一碟炒粉麵、一個乳豬拼盤及 一碟油菜，雖然好多野，但好似都唔係咁多嘢食。 隻乳豬唔夠脆， 反而將我們地的胃口打翻， 油菜 實在太少了 ，點心上算 ，最好味的應該是那碟鴛鴦炒飯 ，最後就是最好味的番薯糖水, 總括嚟講$ 298蚊一個套餐都還可以，但是份量實在太少了！