君苑海南雞專門店泰式串燒

營業中

休息中

打風唔知食咩好，見呢間茶記冇試過同屋企人試試，叫左5個餸通菜鮮魷、海南雞半隻、乳鴿、紅薯牛仔粒、椒鹽一字骨通菜鮮魷味道唔錯，幾惹味幾開胃幾好食，味道適中，唔會太鹹，送飯一流紅薯牛仔粒黑椒味唔錯，夠鑊氣味道充足。椒鹽一字骨，椒鹽味尚算足夠，但係啲肉好韌，好難咬斷。海南雞味道一般，雖然啲肉算滑，但係啲醬汁好唔掂，應該要參考吓其他泰式舖頭嘅醬汁。乳鴿雖然舖頭話即時整，熱係熱，但係成隻乳鴿味道不足，完全唔入味。

街市中嘅小店，一睇就知做街坊生意不過價錢就唔係街坊價😜但如果話計返出面小菜嘅價錢，又差唔多嘅！1. 蝦醬通菜炒鮮魷 $98推薦指數：⭐️⭐️⭐️⭐️都算惹味，可以送下飯！唔會太咸！👍🏻 份量都OK～2. 紅薯牛柳粒 $108推薦指數：⭐️⭐️⭐️⭐️⭐️好好吃呢～牛柳夠冧身，紅薯炸左又甜又脆又好食！！！3. 椒鹽一字骨 推薦指數：⭐️其實椒鹽味都OK🥹 但個一字骨真係太硬了，硬過我條命，咬到牙都崩咁濟4. 海南雞半隻 $98推薦指數：⭐️⭐️不過不失，雞係幾嫩，不過佢附送嘅醬就一啲都唔惹味，完全無泰式嘅感覺！加上啲雞部分都會有血水🫣5. 乳鴿 $68推薦指數：⭐️鮮炸乳鴿！可惜完全冇個種油香，食落都冇乜味～總括而言，呢間小店嘅味道同質素都係一般，但相信佢都係做街坊生意，如果懶得行想落樓下簡簡單單食下小菜都係好選擇～只係要慎選😜整體指數：⭐️⭐️⭐️

如題，首次幫襯，外賣左個冬陰公湯，泰式豬頸肉，小炒王，四季豆，諗住係最正路既野，都好難衰得去邊。個冬陰公難飲到嘔，究竟廚房有無試過味？一種極怪既味道，可以成碗倒哂佢，真係唔知邊個鄉下既味道，連我好無要求既呀媽都飲唔落！豬頸肉又鞋又un淡而無味，另外2樣叫比較好，食到落口，滿分100可以比40分。完全無下次，完全唔明點解仲能夠繼續經營落去！我諗呢世人都未試過品嚐咁既食物！

枱面企理 地版見到好乾淨 態度非常好 會盡量配合客人需求. 而且地理位置非常方便！價錢親民. 雞飯平靚正 下午茶好抵食 35蚊有個飯 有野飲 晚餐57蚊 都係又好食又有野飲. 極力推介平平哋想食餐飯嘅可以去.

豈有此理， 離曬大嫂 ，等個外賣早餐等咗我25分鐘，如果佢一早整好我食埋都得啦！本身諗住星期日食個普通的茶餐廳早餐外賣，嗌咗個嗲牛肉麵餐同麥皮餐，等咗15分鐘問女侍應爭咩，佢話差個麥皮，又無幫我地追廚房，其實堂食唔係爆滿唔算多人，班樓面一路係度呻忙，5分鐘後到我地問麥皮煮好未，另一個人先問廚房煮好未，發現廚房原來無煮過，跟住係坑渠位拎煲唔知放咗幾耐又冇冚蓋的麥皮上黎加水煮，等佢煮好個麥皮啦，你以為走得？錯啦，岩岩個女侍應要包外賣先望下張單，又話爭個蛋治，痴線！佢跟本無幫我跟過張單，我又要等多5分鐘等佢整個蛋治，我想講呢間鋪完全無服務態度，衛生環境極度差，我以後唔會再幫襯佢食個早餐都咁受氣，一個5分鐘就可以整好的外賣早餐等咗我25分鐘，等到我個沙嗲牛肉麵d麵條漲過浮屍！！BTW，我食隔離【金豐米線】個早餐都無咁嬲，一樣價錢，一樣食物。

叫左海南雞炒烏冬 d面完全5熟 係硬既 換泥換去都係咁。真係對佢地失晒望 前2次食係好好食既 到第3次食就失晒望 可能頭2次食因為無乜人既關係啦 就無乜事。今次去就比較多人 就亂咁泥？ 反正我5會再幫襯呢間鋪 服務態度不太良好

今日同媽媽去開頌安買餸 順便食lunch 佢講左一堆餐廳選擇俾我聽 而君苑聽落比較似小店 立場唔係對立 所以揀左呢間😌 點餐前 禁入openrice睇食評 見評語好壞參半 有少少擔心🤭我揀左👉🏼 必食海南雞飯 (午市特價: $35)油飯無咩味 伴蔥油/青瓜一齊食會好d亦明顯無拌好 有明顯既白飯粒 海南雞幾嫩滑👍🏽 份量都算多!媽媽揀左👉🏼 香茅雞翼拼西多士 + 熱飲 (下午茶: $36)好邪惡😈 香茅雞翼香茅味唔係好出 但係炸得幾香口!西多士係用普通薄麵包炸 略嫌口感欠奉! 整體黎講💁🏽‍♀️我個人認為$35既海南雞飯係食得過 如果唔介意油飯唔正宗 係幾抵食架!

自從君苑近裝修之後沒有再吃過想念海南雞飯的味道😍😍😍所以這次回來沒有看餐牌上新的菜式直接點了海南雞飯😊😊😊 點了晚市套餐一份 $58配菜和湯價錢正常 不會很貴👍🏻👍🏻👍🏻味道和以前一樣好吃😋😋😋很喜歡吃酸酸爽脆的青瓜🥒🥒🥒再吃沾上醬油的雞 沒有骨而且超滑👍🏻👍🏻👍🏻我很喜歡連雞皮一起吃 再配上黃油飯分量很大 吃飽飯都喝不下湯了🙈🙈🙈最後只喝了半碗合掌瓜老火湯 很飽～～～

買左半隻海南雞加料，一大開 哇！！從未試過買半隻海南雞可以咁大份，好好味！師傅劈雞時候仲林左2次湯/汁，攞番屋企still暖 ga！好抵阿先88蚊！下次想try🐔爪❤️

尋日同老公諗住近近地食個海南雞飯,點知好難食,雞皮係爛爛地,唔齊整,杯檸茶又苦喼味,食左兩啖就無食了,老公就叫左個豬頸肉烏冬,豬頸肉得4片薄到入口即溶,一個男人唔夠既份量,埋單唔使一百,但唔好食

前幾日同老公放假諗住近近地落樓下食個雞飯算,因為唔係成日食定唔好彩,d雞好似叔叔地有味,雞皮又一岩一忽,好似俾人食過咁,我老公話可以斬得差,我覺得唔係囉,似俾老鼠咬多d,可能我地一早去變左食人地夜晚賣剩既野,青瓜又變唒色,明顯唔係新鲜,杯凍檸茶仲誇張,睇就似坑渠水,檸檬就3片薄到無味,杯茶又苦又瀝,最終食左兩啖飯一啖雞,茶飲左一口,仲有d飯都一定係隔夜,即刻拉埋老公去新港飲茶,下次要食好少少都係唔好懶行遠d

難食到非筆墨能形容首先係個飯 淋到無牙婆婆都食到 完全無飯應有ge口感同埋基本飯香油飯無香味 油到食兩啖已經好膩d油痴住係個喉嚨度卡住久久不能下嚥然後係個雞 無雞味都算 齋靠淋豉油算係有d鹹味 加埋d同燒臘檔一模一樣ge薑蓉我直頭覺得自己食緊一碟好難食ge油雞飯最後係個鳳爪 口感比正常無骨鳳爪偏硬個味得個甜字 辣得黎一d都唔香好似就咁撈泰式辣醬酸味欠奉 仲有少少腥味可能咁先係正宗ge味道但我真係唔識欣賞諗起都想嘔還我粥鋪 寧願食油炸鬼送白粥

差勁！慎入！我今日食佐酸菜魚 個魚叫大魚 成陣臭泥味都算 沙彊豬肚無咩味 我成家人都話好明顯係溝佐水 得個炒四季豆係食得 同埋米粉好啦⋯⋯淨潔度係幾乎零 張枱油到呢 d快筷一攞上手又係癡立立既 好老實講得個雞飯係好食我上次食佐個芋圓芋頭西米露 成碗野油到呢 我叫熱 點知碗野係凍既 同埋我叫佐豬排黃咖哩飯 成個汁得四塊手指咁長既豬排 其他都係蔥呀彊呀個d 我番到屋企問係咁問自己食佐d咩呀究竟 難食到呢 間鋪又污糟 好多烏蠅飛黎飛去證明你間野真係污糟 差勁到爆

星期六湊完阿女打波，回家途中在頌安街市食午餐，我一向鍾意支持小店，呢間君苑之前只佔一個鋪位，sell泰式嘢，近來裝修擴大食埋隔離間鋪，改名「君苑廚房」，感覺食物選擇地道左(可能因為多左D常餐)，今日就一家人黎幫襯試試看。我地叫左個必食海南雞飯($33), 豬扒金邊粉$(28)同一個常餐。叫得自己「必食」，所以對呢個海南雞飯有少少期望，但不及我預期，雞件太多骨，唔知係咪咁啱我地呢碗係咁，不過佢個汁係幾好味既，黃薑雞飯偏硬唔夠雞味。常餐就穩陣之選啦，火腿奄列煎得幾大塊，不過D火腿都只係聚埋中間。沙嗲牛肉米粉得幾舊仔牛肉，稍嫌少左，味道一般。濃雞湯豬扒金邊粉$28都係覺得份量偏少，完全FEEL唔到咩濃雞湯囉，好一般。可讚的是上菜速度都OK快，而且店員服務都幾好，見到佢會主動幫阿婆PACK好食唔哂的飯。

平時都是新港城，新港城，新港城揾食。sorry 現在叫Most Town. 今次屋邨街市遊樂團，去耀安街市食。明顯算新裝修的街市但人唔多。有中式包點蒸飯外賣，麵包店，茶記，竟然有泰菜。唔使諗，即試。有冷氣唔會食到滴汗，新街市使怕地濕，有味或暗沉。先黎個，濃湯雞扎湯濛，多菜，雞扎都算多，有5，6片。濃湯餃湯米線，湯底小小 。餃子有6粒，又是好多菜。位於街市，當然不要期待環境優美。但論食物質素，同大商場比較，絕不輸洩。$25一大碗，好平下，無包飲品。呢個價大商場無可能揾到。'