味千拉麵

營業中

休息中

好耐冇食味千拉麵 成日印象係普通 啲拉麵唔特別好食今日有機會再試吓佢 menu好似少咗好多選擇 依家得返拉麵同丼飯 冇咗炒飯嗰啲 亦冇乜小食原本想試沾麵 不過見好似麻麻哋穩陣啲都係食丼飯 加上啲飯好平以手機QR code落單 好方便▶️壽喜牛肉溫泉蛋丼 ($53)賣相好唔錯喎 出乎意料 似模似樣面有大大隻溫泉蛋 牛肉份量超多 炒埋洋蔥絲好香上面落咗芝麻粒添飯份量都大 一定夠食洋蔥食落脆口 焦糖化咗 好好食🧅牛肉出奇地腍 同埋有牛味 幾新鮮咁 而且少肥膏 多數肉😍靚材料🍚飯質感都好好 軟硬適中 少少珍珠米口感原先已經有啲牛肉汁起底 所以啲飯好入味 又唔乾 同時溫泉蛋超流心一整就爆槳🥚蛋黃好黏好香蛋味撈飯超正👍🏻成個飯都好好食 真係冇諗過佢水準咁好▶️椰菜 (+$8)原先係俾人落入麵到 所以好清淡健康啲咁😂都新鮮 咬落脆口-味道比預期中好食 呢個丼飯好高質👍🏻拉麵我就唔太清楚 因為賣相好一般 亦冇飯咁吸引環境同服務都係正常CP值高 勁抵食❗️$53一個飯 足料 靚肉 份量多 好食 冇加一絕對值得去食 只可惜佢越嚟越少分店 得返4間分店咋

这家店的弥敦道上，离油麻地地铁站近，店面不算很大，桌椅之间距离很小，两个桌之间设置了挡板，也就是说人多时需要拼桌。上菜速度比较慢，让我比较意外的是先上的炸猪排后上的拉面，味道不错，但没到让我惊艳的程度，橙汁味道挺纯正的，价格算是正常，不贵但也不算便宜。

豬味好怪豬又肥，全是脂肪👎🏻👎🏻👎🏻泡菜唔好食飯都麻麻，無咩汁👎🏻👎🏻湯還可以凍檸茶可以走冰呢樣👍🏻👍🏻要用手機掃qr code 落單飲品都快上

經過呢頭見到星期一至日都有供應嘅下午茶...見價錢都唔太貴，於是就走入去試下...餐牌都有幾多種選擇，我點咗C火炙牛肉拉麵，可追加小食$12日式手做餃子(有3隻)。留意呢間要用QR Code落單嫁，**如果打工仔又趕時間就要諗下先好入去食呀!同埋d份量好少，尤其係A叉燒拉麵(店員話祇有1片叉燒)...仲係超級薄嘅1片炸!!!其實又唔算太過抵食吖…湯底真係好濃味!(太過咸)而個麵都算夠彈牙!(1人份量)手造餃子皮夠薄味道都算唔錯!柸熱奶茶…比想像出好味!(不防一試)

其實味千我一向都去開，岩岩去食真係令我好難忘，睇得出味千應該就黎執。我叫左呢個新果個88套餐，再加個海陸併盤，等左一陣我同朋友個麵黎左，我張我另外叫既筍加落個麵，但睇真個麵同餐牌果個，好似好大分別，小左好多配料，我就問d人，佢地話咁換番比我，我就話吾緊要加番無左果d配料就ok。(心諗無心之失無人想)之後餃子同併盤都好耐先到，一食d併盤硬到好分吾出係肉定骨，。(我覺得都吾緊要可能炸耐左小小，加上間中去呢間可能疫情影響所以失手姐)突然我朋友食食下餃子話好硬，我以為佢講笑當左d失準拚盤係餃子，點知佢含住一舊野問我係咩，我見到一舊好似雞脾關節既物體包住餃子皮，之後我問服務員咩黎點解餃子會有舊雞骨，佢就話佢都試過，豬肉餃應該係豬骨就快速收走碟野。我朋友話成隻餃子得皮包住舊骨，今次好明顯有心，而且一聲吾好意思都無，我真係再忍吾到，成舊骨隨時傷到人地d牙或者濁親，一走兜頭鬧個服務員，咩我都忍，你地連餃子有包住成大舊骨連一句吾好意思都無，佢就話會係話同公司反影，吾怪得味千越黎越小間。吾執已經神奇。對呢d垃圾飲食下次真係影低call食環。大家食前都係要留意下。

有半年無食過味千，夜晚8:30 想搵地方食晚飯，好多食店都滿曬，見到味千只有三檯客左右有位，就入去食拉麵可能真係好耐無食，之前都係睇Menu, 店員落單，而家變左掃QR code 自助落單，電子app 中發現沾麵，就改變主意試下一上到檯，發覺佢俾既蔥花算幾多，沾汁湯比較細碗，同埋肉片只有兩塊，荀片量我ok 蛋比較乾沾汁湯真係比較細碗，同埋通常沾汁湯入邊多數有涵料厚肉等，但味千的只有沾汁，味道就真係一般食完都係吾多飽，沾汁剩半碗，咁就用qrcode 再加麵底加個麵底，我認為量都吾算多，打算用埋多半碗沾汁就算

🍜味千之霸 $72因為太多年冇食過我冇乜期望但係竟然有驚喜， 比想像中好食太多，拉麵超足料有流心蛋、豬軟骨、豬腩肉、蔥和木耳，豬腩肉都幾淋身，豬軟骨幾入味又淋，同超多肉多到太飽要俾老公食，面嘅質地剛剛好，湯底唔錯幾香又唔太油膩，整體成碗麵幾好食！估唔到😂🍜味千惡魔雞煲拉麵set $88(拉麵+餃子+巨峰特飲）好明顯又係好辣的老公食，一樣餸菜好豐富有雞肉芫荽辣椒三色椒花椒，雞肉量連老公都話好多，又淋身入味佢都話比想像中好食，麻同辣balance幾好，一共有三個辣度選擇，他已經叫最勁的地獄辣，個辣度話似譚仔的中辣，所以放心不太食得辣有興趣都可以試下😋🥟餃子入面豬肉都幾juicy,如果煎得香口脆d jo會仲開心哈哈，味道點上醬汁鹹甜度剛好，都幾好食海陸拼盤 $42其實係炸魷魚和雞翼，魷魚都算厚肉，不過有點厚粉，味道點沙律醬食都ok巨峰/白桃乳酸梳打 $28兩杯乳酸味都幾出，jo喜歡巨峰多一點無咁甜😂兩杯也不錯的整體來講呢個價錢超有驚喜，我真係無咩期望😂點知碗麵又足料份量又大味道比想像中好太多，食完飽到夜晚都唔太食到野，jo覺得係價錢親民，如果又想食拉麵又唔想太貴都係一個不錯的選擇👍🏻

原來味千拉麵外賣咁貼心！5個步驟，就可以reheat個拉麵！非常簡單！🦹🏼‍♀️惡魔雞煲拉麵🦹🏼‍♀️有3種辣度，我揀左唔太辣～好惹味！雞煲醬香濃爽辣！濃郁惹味！雞件都吾少，大部分都冇骨，肉質冧軟，吾會因外賣關係，令肉質素下降🤣😊👍🏻麵條幼細，筋道爽滑✨海陸拼盤有海底嘅魷魚、陸地嘅雞，雙劍合璧💕除左炸皮有少少厚，香口小食又誰人能抗呢😛😛😛白桃乳酸蘇打啖啖白桃味！解辣救星！最緊要夠大杯！飲得痛快🤪🤪🤪

今日要同男友去油麻地拎前排係台灣訂左既一大箱野，男友話好耐無食拉麵，經過味千見到出左惡魔雞煲拉麵咁特別所以決定試下～男友叫左個最小辣既惡魔雞煲拉麵配餃子+ 巨峰梳打套餐（食拉麵唔可以唔配餃子🤣）我叫左個味千之霸拉麵(少麵)，炒雜菜同熱生薑蜂蜜～惡魔雞煲呢個醬本身已經好出名👍食落香口惹味，雞肉嫰滑，拉麵口感非常好，軟硬適中👏餃子香脆唔油膩，皮唔會太厚，裡面既餡亦唔會太肥👍味千之霸有齊好有來頭既豬軟骨同叉燒，岩晒我呢個貪心既人🤣 豬軟骨嘅肉真係好嫩滑而且滿滿膠質😋 入味但唔會過鹹，唔怪得聽到我左邊同右邊嘅女士都嗌豬軟骨拉麵😂😂炒雜菜種類同口感非常豐富，有鐵板既鑊氣，配埋個日式醬汁好味道😋我杯生薑蜂蜜超足料，雖然好多薑但係飲落都唔會太辣😚食飽男友就可以有氣有力去做孤喱嚕👏👏

味千拉麵×惡魔雞煲醬味千拉麵最新口味係同惡魔雞煲醬合作😋平時都有買過呢款雞煲醬返屋企整雞煲，覺得好好食，仲有推介比d朋友。估唔到味千竟然推出呢款拉麵😍 呢排夜晚禁堂食，其實都驚買到返去唔熱，味千呢個外賣盒可以完勝了。因為佢提供埋自然發熱包😛連高質膠碗， 返到屋企只要跟指示，幾分鐘就出晒煙啦，熱騰騰嘅拉麵就可以享用。成個拉麵餐88元，有埋飲品同小食，小食都係用左個高食本微波爐盒盛載，方便返到屋企叮。講完包裝，講下食物先，拉麵湯底當然得輸，客人可以選3種辣度，我就試最少辣。雞肉足料夠多同滑du du，仲有d青椒紅椒配料,變成左fusion 版拉麵，幾特別，大大碗實夠飽.  小食金菇牛肉卷係勁大條，而且金菇足料，仲有芥辣醬送埋。跟餐揀返d 日式特飲先：白桃乳酸特飲，酸酸地甜甜地好開胃怡神。

鍾意食辣既可以挑戰一下! 今次, 味千拉麵搵嚟大熱雞煲醬卡莉醬神, 推出全新*惡魔雞煲拉麵🍜秘製豚骨湯底配上卡莉醬神惡魔雞煲醬, 配上嫩嫩既雞肉、紅椒、黃椒、芫荽, 有三級辣度可以自己揀: 唔太辣🌶、都幾辣🌶🌶、地獄辣🌶🌶🌶, 帶來全新味蕾衝擊❗️拉麵湯係獨立包裝的, 食時自行加熱♨️, 唔洗擔心中途會倒瀉湯汁, 或凍咗變得唔好食~🍜拉麵盒印上煮食方法, 包裝附上發熱包, 加開水即發熱, 唔洗開火, 只需約5分鐘就可以享用熱辣辣既拉麵!

自從上次帶囡囡到味千吃拉麵後，她常常問我何時再去，終於今個星期再光顧了！旺角這間店裝修很新，光猛時尚，牆上列出味千的重要歷史時刻！囡囡十分好奇。我們點了味千之霸、冬季限定味千惡魔雞煲拉麵、金菇牛肉卷、趣炸shake shake薯條、巨峰梳打。天氣凍，吃過期間限定的cross over拉麵暖笠笠！自四家秘製豚骨湯加上卡莉醬神惡魔雞煲醬，可選唔太辣/都幾辣/地獄辣3種，我選唔太辣就適合我，配上無骨雞件很好味。囡囡點了味千之霸，濃厚豬骨湯，配上糖心蛋、木耳絲、豬軟骨、日式叉燒，叉燒淋，豬軟骨十分入味，整體十分不錯，囡囡大讚好味。小食我們點了金菇牛肉卷，香濃美味。而shake shake薯條是囡囡最愛，我們選了紫菜味，薯條香脆少油，讚！

天氣轉冷最適合食熱辣辣的拉麵，經過味千發現新推出的惡魔雞煲拉麵非常特別就決定一試。疫情關係嘗試了外賣，餐廳的外賣package非常用心，湯底用密實袋封口防止外溢，更配備加熱包用以加熱拉麵，跟足外賣包裝上的指示做，就算回到家中仍能享受暖笠笠的拉麵。雞煲拉麵的湯底可以選擇不同辣度，而不太吃得辣的我就點了少辣，一樣非常有雞煲的風味。叫作雞煲拉麵當然不少得雞，雞球非常嫩滑而且香辣惹味。因為拉麵和湯底分開裝的原故，拉麵麵身仍能保持彈牙，軟硬度適中。我點的套餐除了拉麵外，還配有餃子和特飲。餃子煎得香脆，亦不會太乾身，肉餡仍保持肉汁。巨峰提子特飲，果味濃郁，解辣一流。。。味千拉麵。。

**⚠️此試食不是自費**今次到味千拉麵試食，諗起真係好耐冇食過味千，淨係記得細個個陣味千係拉麵店中好出名😂不過越出越多拉麵鋪就冇再食過味千😊今次再食發現其實都幾實惠😂明白到咩叫一份錢一份貨☺️味千之霸 $72角落評分：🌕🌕🌕🌕🌑味千之霸可以話係大雜燴，有齊叉燒同豬軟骨，如果諗唔到食邊款都可以叫呢個試吓講番😂叉燒同豬軟骨其實都唔錯，叉燒係偏凍，但層脂肪會變咗啫喱，陪埋熱湯都還可以接受☺️而豬軟骨煮到好淋同入味👍🏻湯底同麵底就普普通通，唔係太突出😊味千 · 沾汁麵 $65角落評分：🌕🌕🌕🌗🌑沾麵汁比較油膩，不過醬汁就好夠濃味🥰而且麵底係用比湯麵更粗嘅麵條，所以配沾麵食係幾適合👍🏻不過食得多其實都幾濟，因為啲汁太重麻油了😢同埋叉燒都係偏凍，冇熱湯加乘就真係一般般😊味千餃子&北海道薯餅 $30&$38角落評分：🌕🌕🌕🌕🌗反而兩款小食就比較出色👍🏻餃子煎得好脆皮，而且個餡都好juicy，值得一試🥰而薯餅都唔錯，會有兩款俾你，一款係蔬菜，一款係牛肉味☺️小編就鍾意牛肉薯餅多啲，因為有啲肉感，食落口感豐富👍🏻

鄭叻呢輪少左堂食，主要都係外賣翻屋企🥡🥢前幾日，屋企人就買左味千拉麵嘅 懶人拉麵🍜🍜 只要跟足盒上的指示，就可以食到新鮮熱辣嘅拉麵🥰。主菜：豬軟骨拉麵🍜小食：日式餃子🥟飲品：可口可樂 🥤。首先，將上層的裝麵隔拎出嚟，再將湯包慢慢倒入去。(湯同麵係分開上，可以避免將麵浸軟，影響口感，設計相當窩心體貼❤️)。第二，撕開底層入面的加熱包包裝，再擺回原處 。第三，倒大約半杯滾水到注水線。。第四，將已加入骨湯的拉麵隔放回原處，之後即刻關上盒蓋。大約等候五分鐘，就可以開動喇🙆🏻‍♀️(要小心蒸氣，小心燙手🔥🔥🔥)。整體感覺真係熱辣辣，有堂食嘅感覺呢輪天氣咁凍，食一碗熱辣辣嘅拉麵，個胃即刻暖笠笠😙拉麵條軟硬適中，彈牙得黎又唔會過硬😛。豬軟骨煮得夠香滑軟腍，而且雞蛋嘅蛋黃仲係流心架☺️仲會有昆布、椰菜等配料。。餃子煎得香脆，雖然翻到屋企時已經略為凍左少許，但係入面嘅肉餡口感仍然濕潤。。順便一提，大骨湯嘅湯包袋，同埋裝麵嘅盒都係相當實淨，唔洗擔心外賣會倒瀉 或者 整爛。