味千拉麵 (愉景新城) (已結業)

拉麵湯底太重味…豬軟骨都用左好重醬油煮嘅樣……食完成個口都有散唔到的味精感覺 餃子餡都好鹹 食唔到咩菜肉味……仲有杯紅菜頭百香果凍飲……都甜過頭…總之一切唔啱清淡口味嘅人士

【 親子商場內的拉麵店 】早幾日帶仔仔去左愉景新城玩，場內都幾多餐廳，但一到中午時段就勁多人，每間餐廳門口都要等位，我地見味千拉麵仲有位就入咗去食，職員安排左角落位俾我，方便我可以餵弟弟食粥仔。我地叫左一碗豬軟骨叉燒拉麵，一碗全盛拉麵，一碟味千芝士餃子，一杯凍特飲。豬軟骨叉燒拉麵份量幾多，配料有菜，木耳和半熟蛋，豬軟骨好林好入味，叉燒夠大塊好薄身，好好味。味千芝士餃子一口一個，芝士味濃，小朋友都鍾意食。

今天和朋友在愉景迎城閒逛，看到味千拉麵新出惡魔雞煲拉麵，非常特別，決定一試~~冬季限定惡魔雞煲拉麵 $88元包拉麵、小食和飲品，辣度分別為「唔太辣」、「都幾辣」、「地獄辣」，由於我都怕會太辣，所以揀左唔太辣~ ~湯底麻辣香濃，辣度適中，加上秘製地獄辣椒粉，非常惹味，雞肉肉質嫩滑，還配有洋蔥、三色椒、芫茜，在這種涼浸浸天氣食正好...也是份量十足，有日式豬軟骨和叉燒、開邊溏心蛋、木耳絲同青蔥～吃起來啖啖肉，麵條用上日本麵粉夠彈牙，溏心蛋流心度高，我是超級愛吃溏心蛋~ ~🧡二款小食✔️金菇肥牛肥牛嫩滑，金菇沾著汁入口香濃~~✔️海陸拼盤魷魚和雞翼脆卜卜，吃起來熱辣辣，配合沙律醬也很好吃，口感一流...飲品可以揀特飲，選了巨峰特飲，甜甜酸酸我都幾最鍾意，吃完惡魔雞煲拉麵再飲令人很滿足...❤️💛🧡

大家有冇試過卡莉醬神惡魔雞煲醬？！依隻醬非常之出名，好多雞煲控都推介，誇張到每月賣出10萬包。上個月味千拉麵仲同卡莉醬神聯乘推出以自家秘製豚骨湯底與卡莉醬神惡魔雞煲醬混合的期間限定「惡魔雞煲拉麵」，有三種不同辣度選擇，大家可以根據喜好試下，過下雞煲口癮，我都即刻去左試下！😆-3級辣度分別為「唔太辣」、「都幾辣」、「地獄辣」，平時唔係好食得辣又想試吓嘅瘦編就揀咗「唔太辣」。一食落口個陣麻辣香濃味，即刻為你帶來全新味覺沖擊，真係好辣，辣得黎好香香料味 外賣套裝有埋平時即食火鍋嘅發熱包，保證有火辣辣嘅享受！🌶-$88 套餐有埋味千滋味餃子5隻同果味濃郁巨峰特飲，超飽肚！鍾意食辣嘅朋友即刻去挑戰下啦！💪🏻-味道評分▶️🌕🌕🌕🌕🌑 (4)抵食評分▶️🌕🌕🌕🌕🌑 (4)回購評分▶️🌕🌕🌕🌕🌑 (4)-➡️ 味千拉麵 (愉景新城) (荃灣)📍 荃灣青山公路荃灣段398號愉景新城1樓1016-1018號舖

今日天氣涼涼地好岩食喱款冬季限定既🔥惡魔雞煲拉麵🔥，佢有三款辣度選舉，我唔太食得辣選擇左唔太辣❣️我飲咗一啖湯已經覺得似中辣😂好彩個麵冇吸到好多辣味都食到，雞有5-6舊都幾滑👍🏻配菜有洋蔥+三色椒+芫茜！食得辣嘅朋友不妨試吓地獄辣挑戰一下😆

味千拉麵。我估冇人夠我食得多外國分店。我食過三藩市分店。食過溫哥華分店，食過上海分店。每次去都係去食佢地的豬軟骨拉麵。味道都非常統一。我覺得冇一間拉麵做得好食過佢。而且亦冇幾間有豬軟骨拉麵豬軟骨有筋囉。起碼唔係同一回事。所以我覺得佢地比起世界各地的日本拉麵都唔同。我唔知道點解好多人唱衰佢地。講真我覺得佢地好食過什麼一蘭拉麵。比較適合我口味。但除左佢地幾樣招牌拉麵之外，我覺得就冇乜其他野特別。價錢亦不算特別平。

難得今日早放，去左D park，去睇陣誠品之後就揾野食，好似好耐無食拉麵，就去左食味千味千之霸 我睇圖佢好似好好味，所以點左，味道唔錯，不過最好的係佢特別多肉，最適合食肉獸的我，而且分量都算多，無得輸。同事叫左個set 惡魔雞煲拉麵惡魔雞煲拉麵 + 餃子 + 特飲同事話有少少似出去食的雞煲湯底，但雞味再出d，而且份量都算適中，唔會太少餃子我偷食左件熱辣辣咁，味道唔錯😋，就算唔點醬汁都可以，不過有個別個底有少少燒焦左😭金菇牛肉卷味道不俗，我個人覺得還可以，但又唔可以話好有特式，但如果唔夠飽可以一試整體感覺不錯，我好耐無食，正好可以回味一下味千的味道🙂

阿囡就考試喇…溫書溫到頭痛，襯lunch time去鬆下，食飽之後再重拾戰鬥力 ! 經過荃灣愉景新城，去左🌟味千拉麵🌟試下新款麵......👿 邪惡 #惡魔雞煲拉麵 😈 將自家秘製豚骨湯底與卡莉醬神惡魔雞煲醬結合，辣味麻辣香濃，加埋秘製地獄辣椒粉，一試辣上癮！ 🌶️ .仲有幾塊大大嘅雞扒，紅綠甜椒中和辣味，麵條煙靭，大滿足呀～.我地叫左升級版$88，配埋味千滋味餃子5隻同埋果味濃郁嘅巨峰梳打特飲🍇！.另外叫左🔸️味千之霸拉麵濃厚豬骨湯底選用大量筒骨、扇骨和三叉骨等特別熬製而成，麵條採用日本麵粉。入口軟腍嘅日本叉燒，豬軟骨，糖心蛋，正宗日本風味。.拉麵加$6蚊就有杯飲品.大胃王阿囡又話想食個新登場嘅香口小食🔸️海陸拼盤 (炸魷魚, 雞翼), 炸得好香脆又唔會好油膩，脆粉厚度適中，味道剛好，唔會覺得好鹹，點埋個沙律醬，夠曬惹味。好快比囡囡KO曬成碟 🤪..食飽飽再去溫書喇.........

好耐都冇食過味千咁岩經過就買左外賣返屋企食返到屋企見到包裝完全俾到surprise 我我第一時間同老公講：「而家味千d包裝咁勁，有暖包😂😂」我跟住佢方法將碗麵加熱，我一心都expect佢只係微暖，點知一加水，就出煙，5分鐘之後，竟然係同一碗剛剛煮好嘅拉麵冇分別。我今日食左一個味千之霸+炸魷魚拼雞翼同白桃梳打。個麵好好食，好足料，有成5塊小叉燒同一舊大豬軟骨同成隻蛋。魷魚同雞翼炸得岩岩好，唔駛點醬都已經好夠味。白桃梳打甜度剛剛好，我好怕出面d白桃梳打有時陣味會好假，得糖漿味，但呢杯完全唔會好好飲。

話說我好耐好耐冇食過味千拉麵好似比#惡魔雞煲拉麵 吸引咗自家秘製豚骨湯底同卡莉醬神惡魔雞煲醬有3個辣度唔太辣/都幾辣/地獄辣仲加埋秘製地獄辣椒粉 好辣呀冬季限定$ 68惡魔雞煲拉麵套餐連汽水升級版$ 88仲有餃子5隻同巨峰特飲

由細到大一直都好鍾意食味千拉麵，細個覺得係慶祝或者考得好先可以食。到而家大個，可以自己幾時食都得，不過都好耐冇食過啦，一於今日去食下先。唔講唔知，原來味千拉麵已經50年啦。細個嗰陣仲以為係新開嘅添，今日嚟到荃灣呢間，原來都仲有好多客喎。我就叫咗個豚肉拉麵，印象中味千拉麵係細細碗咁嘅，估唔到而家大碗左咁多，同其他拉麵店差唔多。一飲個湯底就有好懷念嘅感覺啦，估唔到咁多年來佢嘅湯底都冇乜變，濃得來有佢特別嘅味道，令我忍唔住飲多幾啖呀。不過我覺得最抵讚嘅係呢個炸雞，以前食拉麵好少食炸雞，本身都冇咩期望，估佢唔到咁好食。佢個雞炸外脆內嫩，熱辣辣一咬落去竟然仲有肉汁，好似仲好食過出面專食炸雞嘅舖頭啊。今日先知原來味千拉麵唔單止仲保留住以前嘅味道，而且仲進步咗好多，好似多咗好多唔同款嘅嘢食咁，以後都要多啲嚟先得喇。

我諗我真係好耐冇食過味千拉麵了，想當年香港拉麵店唔多， 我都會成日食，後來食悶了，喜歡尋找新野，但朋友講依家味千野食款式多左，耐唔知都有野出可以食返次喎。係朋友帶領下來到荃灣愉景新城分店，地方位置都OK ， 我選擇左味千•赤沾汁麵，用上粗麵條去掛汁，輕微的辣不錯， 溏心蛋有驚喜，叉燒偏肥，但配沾麵又好夾喎。朋友就選擇灸燒豚肉拉麵，豚肉三大片旁邊位焦香，用濃湯去配拉麵好味道。小食我地選擇金菇肥牛和炒什菜，金菇肥牛有燒汁幾濃郁如送飯食一流，而炒什菜咩菜都有d幾好，最正係上面有炸過的蒜片。食得咁濃味野，我地緊係叫返杯特飲爽一爽，我杯巨峰乳酸蘇打，甜甜酸酸我最喜愛，朋友的白桃乳酸蘇打好香甜。

呢期日日都外賣晚餐～通常都係食小菜，今日想食下拉麵～近近地係味千Order個外賣～～黑忍者 拉麵個名好得意～外賣盒好大，湯包同面分開裝～返屋企打開發現原來個外賣盒內有乾坤，入面有個加熱包，打開包裝、倒少少熱水落去，再將成已加湯既拉麵連個蓋擺番原位，下面個加熱包就開始熱同滾出煙，啦啦聲蓋番個面蓋，感覺好似煲緊麵咁～幾得意五分鐘後，好似係餐廳即食咁，可以食到熱辣辣既拉麵～拉麵有叉燒、木耳、溫泉蛋、肉碎等配料，湯夠濃～金菇牛肉卷呢個卷加埋醬汁好好味，仲有新鮮蔬菜絲加配～

大半年冇試過味千拉麵啊，因為食下午茶食到好厭，但係見到佢換咗新Menu，咁就即管再試下啦，閒日下午茶時間都有好多人排隊，我同我老婆大約排咗30分鐘左右，入去楚，見到個Menu真係有新野，就係加入左兩個飯，咁我老婆就叫咗個豚肉拉麵，我就叫咗個滑蛋雞肉飯，兩杯橙汁，好快就黎到，因為原先冇諗住寫食評，所以影相影遲咗，碗麵跟以往差不多，都是麵嘅質地比較偏硬，湯底較濃郁，今次第一次試佢碗飯，味道都唔錯，但又不算是好驚喜，我哋再加多個餃子，兩個人埋單$76 ，食到好飽，性價比好高，諗唔到食乜可以黎試吓

好耐無食過味千拉麵喇😍最近發現味千拉麵超級有誠意🤩早排咪好興啲即食麻辣火鍋嘅味千外賣就喺整到佢哋咁👀麵同餸一兜 依然擺盤擺到好靚🥚🥩🥬🍝另外跟咗包獨立包裝嘅湯包 唔怕倒瀉加埋加熱包同特制嘅碗🍜返嚟加啲水就有煙睇💭睇完有熱辣辣嘅拉麵食屋企都有堂食嘅高級享受😎唔洗再局限時地人 為疫情加點暖意【醬油叉燒拉麵】醬油湯底 夠濃又唔會口渴薄切嘅日式叉燒 小小肥啱口味😋【海陸拼盤】炸魷魚鬚拼炸單骨雞翼🐥炸皮係麥當當脆香雞翼果種🍗拎到返屋企都唔會淋 仲好脆👍🏻👍🏻👍🏻👍🏻【巨峰乳酸梳打】呢類野飲唔伏當贏😆甜甜地帶微酸 正正常常都唔錯😋杯面張貼紙仲好貼心 唔怕瀉唔怕菌🦠#可能喺我食過最遠嘅外賣