味吉拉麵館 (已結業)

晚市后段先去食，有折扣優惠 (但詳細唔係好記係咩時段，同埋幾折)好鍾意佢ge卡式座位設計，私隱度夠高，而且座位又寬敞最深刻印象係佢個手掌咁大ge壽司，味道重好唔錯，正！其他食物水準都唔錯，魚生都算新鮮，串燒又好入味。

這間食店環境看似不錯，假日不須要排隊，走入去試試。叫了一碗豚肉拉麵，再加吉列豬扒；拉麵15鐘左右到了，吃了兩口已覺得不對勁，豚肉沒有味，麵好像沒有熟，隔了5分鐘，吉列豬扒還沒到，我問女店長準備好了沒有，她説整理當中，很快便弄妥；隔了10分鐘左右吉列豬扒還沒到，我又問女店長弄妥沒有，她才走去廚房問了問，這時候我看看吃了兩口的麵，有差不多半吋厚的油；女店長由廚房出來之後便對我説：對不起，沒有上單，你還要不要？

今天去了味咭晚餐，其實已經是第二次到那裏吃拉麵，源自一個可笑的原因，我很喜歡那兒的燈飾，其實有點像吊在樹上透明的果實。今次點的是<特選激辛赤吉豚王>HKD85。我選小辣，一向我也很喜歡小小辛辣味的湯頭配拉麵。吃下有種醒神感覺，夏天最緊要醒一醒刺激一下味蕾。一大碗麵上來，漏斗狀的麵碗材料豐富，面頭灑有細切蔥花，爆香的半肥永瘦肉碎，數段冬䇞，旁邊有巴掌大紫菜一片，三片圓形叉燒（1/3肥，略韌），半邊生熟蛋（蛋白有醬油味，蛋黃流心，很正），再配以中幼身之拉麵。中幼身而且煙韌的拉麵掛滿湯汁，大口大囗的吃非常過癮。不消10分鐘已經解決了整碗麵，美中不足是略韌的叉燒。題外話是晚麵店中約有7台客，不算冷門，但如果可加入炸豬排或炸雞拉麵會更加吸引。甜品種類頗多(如下圖)下次會試下店中的紅豆綠茶甜品!

看完戲到附近找吃，味吉很多年前試過，記得不錯，今日再來吃。墨汁叉燒拉麵 - 焯焯說平平一碗三片叉燒拉麵，不差但又不是很好味，我喝了一口湯，太鹹了，叉燒和其他日式店的出品一樣。 吉列豬扒醬油烏冬 - 只是醬油清湯烏冬另跟吉列豬扒一件，湯味真很清，連葱都無粒，相片上的豬扒吃了2件才影相，好彩豬扒唔錯，原來單烏冬都要$5x，加件吉列豬扒再加一後要是$9x，太貴了，數年前來吃過平均消費是$5x，雖然物價貴人工貴，但不值加近一倍。如果價錢不是那麼貴，我會給笑，中午時段只有3枱客一共6人就知何解。

老老十十，食左呢到啲拉面1，2次，正正常常不過不失咁啦！不如佢啲甜品出奇地好食。一坐低，先來個紅豆豆腐花 - 28蚊，坐得又舒服，又抵食，豆花超滑，涼浸浸咁，加埋紅豆食口感超正! 為食既我又點會咁易滿足?我既朋友仔就食黑糖雪糕布丁，我見佢地話正又想試!22蚊，出奇地正，黑糖雪糕個人第一次食，超驚喜! 布丁都唔錯，白雪雪， 質感小小實實地。Sorry唔記得影相Overall只可以講，坐得舒服唔迫，又好食又抵，咁就enjoy左一個下午

星期日同朋友行開將軍澳,諗住食番之前食過既味吉拉面，果陣時仲係新開，記憶中D食物都唔差，我地大約6:30左右到。入座後待應放底左2杯水，但我記得之前係凍茶黎，咪問待應轉番兩杯茶，待應同我地講茶而家要8蚊杯!!但之前係免費既真可惜，所以最後都冇要。我地Order咗個炸蝦雜菜熱烏冬．3件叉燒豬骨湯拉面．串燒拼盤，同埋做緊優惠既炒雜菜。但落單後聽到廚房傳出一段粗囗，雖然聽唔清楚，但係係我地落單之後傳出．．．感覺好似鬧人地黎食野…其實你開門做生意都預咗有人黎食野，點解會有員工講粗囗鬧人，我真係唔明??果陣時係冇乜客好靜先聽到，我同朋友聽到即刻連、食既心情都冇．．最先黎既竟然係炸蝦雜菜熱烏冬，但侍應同我地講要等15-20分鐘，望落個炸蝦雜菜度好燶好多油，連碟上面果張紙全部都係油!!跟住黎既炒雜菜又黃又多油!!!咪叫侍應換過碟，換過出黎都係油，只係比之前少油小小。叉燒豬骨湯拉面係keep到好既冇乜點變，而最後黎既串燒拼盤，出到黎又係油淋淋!!平時出面食既串燒都有油但人地係乾身同脆口!但碟串燒食落口成口油感!!我都唔明點解而家D食物差甘遠!!我從來都冇係D到出過文!!但今次真係忍唔住開個A/C發洩下

以為最近百佳集團儲印仔活動包括味吉拉麵，見咁耐冇食過，咪過嚟食，順手儲多幾個印囉！點知嚟到問店經理先知原來今年味吉冇參與，橫豎嚟到，時候又唔早，唯有喺度食埋先算啦！對上嗰次嚟都唔記得幾耐了，總之好一段時間啦！店既裝修冇變，店員都算熟口熟面，但餐牌內容卻有轉變。以前主要以叉燒﹑角煮豚肉及豬軟骨做配料，現在多了吉列豬扒同炸蝦。極上醬油同赤地獄湯底依舊，但原來既味噌唔見了，變左什麼明太子味噌，正想試試這新口味之際，發現原來還有一款全新湯底，墨汁豬骨湯吧！所以索性點了吉列豬扒墨汁拉麵。老公則點醬油叉燒拉麵，另外再點近期愛吃既豚肉串燒。豚肉串燒先來，一客2串，每串3小件，中間夾著京葱，調味不錯，本身豚肉味少少濃，又夠咬口，好味。跟住醬油叉燒拉麵來了，這湯底的拉麵會跟紫菜同吃，如點大拉麵(即3片叉燒)會送上完整一片大紫菜。由於這個湯底味道偏淡，所以味道一般。這個時候新菜色吉列豬扒墨汁湯拉麵也來了。湯麵賣相黑漆漆的讓好墨汁的我興奮不已，試一口湯，豬骨湯底味依然濃，甚至蓋過墨汁湯味！(我當左墨魚汁意粉咁食，所以味覺/對味道既認知有出入)至於吉列豬扒，跟圖片又不相副了，好細塊，唔係好似圖片般厚切，重點係

星期六拉咗陳生陪我去睇將軍澳中心嘅海棉寶寶，由青衣搭地鐵去綠色線的盡頭再轉紫色線到將軍澳，好遠，環顧將軍澳嘅餐廳都係連鎖集團式食肆，為求穩穩陣陣，「味吉」係不二之選。平時常幫襯旺角家樂「味吉」，對POKKA旗下嘅「味吉」有信心保証。*叉燒沾麵試咗最近「味吉」新推出嘅沾麵，沾麵即係拉麵同配料分開上，食用時將拉麵放入濃湯，其實我覺得就係平時食嘅湯拉麵拆件上，反而湯拉麵比較方便，食用時不用夾嚟夾去，而且湯底亦比較香濃。*沾麵配料流心蛋係食拉麵不可或缺嘅至愛 蛋白軟綿綿，蛋黃帶點流心及creamy口感，每次食流心蛋都有種幸福嘅感覺。至於叉燒有點失色，只有瘦肉沒有肥肉，不夠Juicy也沒有肉香，失望。厚切筍竹及黑木耳爽口，伴上拉麵，感覺豐富。*珍寶雞翼點了沾麵可用半價點特選小食，陳生點咗珍寶雞翼，用咗一個幾有趣嘅擺放方法，好睇又好食，雞翼嘅表皮沾上黑芝麻，燒得香香脆脆，咬落肉汁溢出，非常可口! 唔須醬汁已經好惹味。 *牛肉沙律牛肉略嫌太熟，食唔出牛肉本身嘅鮮味，旺角「味吉」嘅牛肉沙律比較好食。

進去味吉拉麵館是單純因為方便, 隨便吃一碗麵, 事後才去追查味吉的背景.本來味吉是 Pakka Cafe集團旗下的連鎖式拉麵店. 其概念是把日本各地的特式拉麵, 集中於一家店供應, 其中包括東京(醬油湯麵), 札幌(鹽味湯麵), 九州(豬骨湯麵), 北海道(牛油拉麵), 別府(地獄湯麵)香港人最佩服的是日本人對工藝的專注追求, 以至能將中國人發明的拉麵發揮至極致, 日本麵店往往都是獨沽一味, 集天下兵器於一身又是否可行?這是他們自稱的極濃豬骨湯拉麵, 一片叉燒的話$56, 三片叉燒則$78  豬骨湯很甜, 沒味精, 以$56的價錢沒味精已經算不錯, 不過越對稱不上, 湯的油份脂肪也不高, 沒有濃厚的口感; 叉燒不腍, 味淡, 無法接受; 麵是直身1mm麵, 彈性麥白等等都是普通, 沒梘水味倒算是不錯, 不過煮麵手藝有問題, 部份麵條黏成一個結了這次是明太子極濃味噌拉麵, 特意點了他們自家製的厚切叉燒 ; 明太子拌勻之後, 略增香味; 味噌湯也是平穩, 說不上極濃二字; 至於厚切叉燒, 其實不是不好吃, 只是怎麼啖真味道, 也就是一塊台灣鹵肉嘛! 用甜甜的醬油鹵水得軟綿, 脂肪也入口溶

味吉拉麵館逢星期一至星期五的下午茶餐由3pm至6pm供應，所以想較便宜地吃拉麵，又不介意提早吃晚餐，可以在近六時光顧，便能以下午茶當晚餐喇！今次我吃了單件叉燒赤吉豚王湯拉麵($58)，價錢好像又貴了。拉麵依舊份量足夠，有彈性，湯底有淡淡的辣味，不算濃烈，叉燒又軟又腍。下午茶配小食，我選了豚肉餃子(三隻)，相片中有六隻，是因為我和朋友都選了這款，餃子皮薄，煎得很香。飲品方面，冷熱同價，我喝了凍檸樂，透心涼。

朋友聚會選在味吉拉麵館，對我來說沒任何特別，事關已經光顧了很多次。我吃了$78的本格美國牛肋肉稻庭冷烏冬。賣相不錯，份量十足。先讚讚那碟牛肋肉，每一片都切得很平均，肉質嫩滑，不會過肥，味道有少許鹹。墊底的蔬菜吸收了肉汁和醬汁，味道都不錯。至於稻庭冷烏冬很爽，夠彈牙，紫菜絲也很新鮮。另外朋友吃了串燒、拉麵，質素保持一貫水平。

五時多，全店零顧客，十分冷清。我吃了下午茶餐，$42要加一，包一碗拉麵、兩顆餃子和一杯飲品。我和朋友都點了地獄辛辣湯拉麵，點菜時已要求小辣，結果一碗較淺色，真的是小辣，另一碗卻依舊很辣，幸好我們都能接受。拉麵份量足夠，亦有彈性，加上濃如辛辣麵的湯底，很開胃。可惜配料甚少，只有一塊半肥瘦叉燒，少得可憐，味道尚可。至於餃子，質素中規中矩。雖則食物味道尚可，但以四十多元的下午茶來說，實在不划算。

午餐時間有限，所以不能吃火鍋，唯有吃拉麵。七十元吃一碗麵，實在昂貴，散叫絕對不化算。幸好午市有套餐，$56(未計加一)有一款小食、一碗拉麵和一杯飲品。三個人點了三個餐。我點了地獄辛辣湯拉麵，內有叉燒和厚切豚肉。拉麵～碗真的很大，對比麵好像很少，但把拉麵夾出來看看，其實份量算正常。拉麵很爽，亦很有味，感覺不錯。湯底～辛辣程度有三級，我選了不太辣的一級，對比平日在家中煮的辛辣麵來說實在不算辣。配料～叉燒、厚切豚肉都很軟，易入口，不用花力氣咬。個人喜歡吃肥膩的東西，所以非常接受那些肥膏。叉燒有三、四片，豚肉只有一塊，不算豐富。之前在九龍灣的另一間分店吃過拉麵，當時的紫菜很大片，並用另一個器皿盛載，當看到今次的紫菜又小又已浸淋了，不禁有些失望。此外有粟米、蔥等，不吃筍的記得要事先提出「走筍」。除了地獄辛辣湯底，套餐還有極濃豬骨湯、極濃麵豉湯和東京醬油湯可以選擇。朋友選了極濃豬骨湯，但並不算極濃，沒有甚麼特別。小食方面，大家分別點了炸雞、照燒雞翼、豚肉餃子，全部都是兩件。總結而言，想普普通通、安安靜靜地吃一頓午餐，可以到味吉拉麵館。

尋晚行過吉之島味吉見到咁多人等位所以走咗，上次去味吉已經係個幾月前嘅事，每次去到幾乎都係叫博多極濃豬骨拉麵，覺得佢哋嘅麵質同湯底都做得吾錯，值得一讚，不過就建議麵嘅份量可以多少少就好，男仔就吾係太夠飽。除了食物的味道，服務亦很重要，呢度嘅店長好落力地招呼客人，而且笑容可鞠，值得一讚。有讚都有彈，上次被安排坐到水吧檯，所以就睇到佢哋嘅工作情況，見到有位身形健碩的束髻女工，除了工作態度懶散外，還跟男員工公然在打情罵俏，嘻嘻哈哈，直頭當公司係遊樂場，亦都騷擾到食客！！我自己都係管理層，對於d咁無心工作嘅員工亦都好睇唔過眼，希望有關方面可以留意一下。

因為我是某卡的會員，到這兒吃會有優惠，所以到這兒嘗試，如果是好的，就會有下次。但是......說真的，味道不是好差。但是......份量真的好少，對於加一之後，成六十多元一碗，豬軟骨只有兩件，我覺得真是好少呀! 我的湯底是地獄湯底，喝了之後，不是好地獄，最大問題是: 我好口渴!這價錢但是只有這效果。吸引不到我再來。